ئەڤرۆ
رەمەزان زەكەریا
ل سنوورێ دەڤەرداریا ئاكرێ ئەڤ سالە رێژا پێدڤی یا بارانێ باریە و جۆتیار ب ڤێ چەندێ دلخۆشن و رێژەكا باش ئەردێ دێم ل دەڤەرێ ب گەنمی چاندیە و پێشبینی دكەت ئەڤ سالە بەرهەمێ وان یێ باش بیت و رێژا بەرهەمی ژی زێدە ببیت و باش بیت.
شیراز محەمەد، جوتیارەكێ دەڤەرا ئاكرێیە بۆ ئەڤرۆ گۆت : ئەڤ سالە بارانێن باش بارینە، ئەگەر جوتیار پتر ل سالێن بووری گرنگیێ ب كەرتێ چاندنێ بدەت تایبەت چاندنا گەنمی، ئەڤ سالە هەتا نوكە چو ئاریشە تووشی بەرهەمێ گەنمی نەبووینە و ئەگەر چو نەخۆشی نەبن دێ بەرهەمێ گەنمی گەلەك یێ باش بیت.
ئەندازیار فازل مستەفا رێڤەبەرێ چاندنا ئاكرێ بۆ ئەڤرۆ گۆت: مەترسیا هشكەسالیێ نەمایە، ئەگەر چو نەخۆشی تووش نەبن و 90% مەترسی نەمایە و پێشبینی دكەین بەرهەم باشتر ببیت، ئەڤسالە هەتا 130 هزار دۆنەم ئەردێ دێم ل ئاكرێ ب گەنمی هاتیە چاندن و جوتیار ب ڤێ رەوشا كەش و هەوایی دلخۆشن، ئەوا پێدڤی بیت و دشیان دابیت بۆ هاریكاریا جوتیارا دێ دابینكەین.
ردوان ئەنوەر، بەرپرسێ بنگەهێ كەشناسیا ئاكرێ بۆ ئەڤرۆ گۆت: سێ قوناغ مەترسینە بۆ هشكەسالیێ و دو قوناغ تێپەرینە، چاندن ژی هاتیە كرن، ئەگەر چو نەخۆشی تووش نەبن دێ بەرهەمێ باش بیت، پار سال سەنتەرێ ئاكرێ 355 ملم باران و 28 سم بەفر بارینە و ئەڤ سالە 368 ملم باران بارینە و ناوچەداریا گردەسین پار سال 250 ملم باران و 9 سم بەفر بارینە و ئەڤسالە 213 ملم باران بارییە ، ناوچەداریا بجیل پار سال 488 ملم باران و 26 سم بەفر بارینە ئەڤسالە 488 ملم باران باریە، ناوچەداریا دینارتە پار سال 552 ملم باران و 54 سم بەفر بارینە و ئەڤسالە 577 ملم باران و 9 سم بەفر بارینە، وەك پێدڤی رێژا بارانێ زێدەتر نەبوویە، بەلێ بۆ چاندنێ باشترە.
نيشاندان