هەرهین محەمەد:
د داخویانیەكێ دا شڤان لەزگین، دادڤانێ نێڤدەولەتی یێ یاریا تایكۆاندۆیێ بۆ ئەڤرۆ دیاركر دپلانا دایە ئەڤ سالە پتر پشكداری قارەمانیێن نێڤدەولەتی ل سەر ئاستێ جیهانی بیت وەكو دادڤان، لێ د هەمان دەم دا هەموو دەمان مرۆڤ پێدڤی پشتەڤانیێ یە ژلایێ مادی و مەعنەوی ڤە دا كو كارێن خوە دا نویاتیان بكەت.
زێدەتر ناڤهاتی گۆت: وەكو دادڤانێ نێڤدەولەتی یێ یاریا تایكۆاندۆیێ ل وەلاتێ پاكستان،كوریا باشۆر، ئیرانێ، لبنان و توركیا من پشكداری كریە و پلانا من یا ئەڤ سالە ژی ئێكەم قارەمانیا من ل عومانە كو پایتەختێ وەلاتێ ئوردنە و دڤێ قارەمانیێ دا بتنێ ئەز وەكو دادڤانەكێ كورد دێ پشكداریێ كەم و دیسان مە قارەمان ژی هەنە ب یاریا تایكۆاندۆیێ دێ پشكداربن و بۆ ڤان جورە قارەمانیان ل دەستپێكێ ئەو وەلاتێ قارەمانیان ئەنجامبدەت سەحدكەنە سیڤیێ دادڤانێ و ل دووڤ هەلسەنگاندنا سیڤیی دێ هەلبژێرن و داخازنامێ بۆ فرێكەن.
ل دووماهیێ شڤان لەزگین گۆت: هەر دادڤانەكێ ب ڤێت پلا خوە بلند بكەت دڤێت پشكداری د قارەمانیا واندا زێدەكەت و پشكداری خولێن نێڤدەولەتی بیت ئەوێن ئێكەتیا جیهانی ئەنجامدەت و داكو ببنە پۆینت و پلا دادڤانیێ پێ بلند بیت و نوكە پلا من كلاس سێ یە و چار دانێن كوكون كوری من هەنە.
دادڤانەكێ دهۆكێ دێ یاریێن قارەمانیا نێڤدەولەتی بڕێڤە بەت
نيشاندان