دهۆك، بێوار شكری:
تایبهتمهندهكا ژنان و زارۆكبوونێ راگههاند، كو ژنهكا 22 سالی یا ناحییا خانكێ چار زارۆك بووینه.
د. رێژین سلێمان تایبهتمهندا ژنان و زارۆكبوونێ دیاركر، ل رۆژا 17ی ئهڤێ ههیڤێ ژنهكا 22 سالی ژ ناحییا خانكێ گههشته دهڤ وان و یا ب دوگیان بوو د ههیڤا حهفتێدا بوو و هێشتا دو ههیڤ بۆ ژڤانێ وێ یێ زارۆكبوونێ مابوون، و پشتی پشكنین بۆ هاتینه كرن، دیاربوو كو ب چار زارۆكان یا ب دوگیانه و پێدڤی ب نشتهرگهرییێ ههبوو، ههر چار زارۆكێن وێ كور بوون و كێشا وان دناڤبهرا كیلۆیهك بو كیلۆ و نیڤاندابوو.
زێدهتر د. رێژین سلێمان ئاشكراكر، نهخۆشا وان بهری نوكه بۆ دهمێ چار سالان زارۆك نهببوون، و سهرهدانا نوشدارهكێ كربوو و چارهسهری وهرگرتبوو، و ژ دهرئهنجامێ ئهوێ چارهسهرییێ ب جێمكهكێ چار زارۆكی ب دوگیان كهڤت، و نوكه رهوشا ئهوێ ژنێ و زارۆكێن وێ ژی یا باشه.
نيشاندان