د داخویانیەكێ‌ دا عەقیل مفتن سەرۆكێ‌ لژنەیا ئۆلمپیا ئیراقێ‌ پەسنا تیما ڤۆلی بۆلا یانەیا سەنحاریب كر پشتی پشكدارییا وان یا سەركەڤتی د قارەمانییا رۆژئاڤا ئاسیا دا و دەستڤە ئینانا ناسناڤێ‌ خولا ئیراقێ‌ یا وەرزێ‌ بۆری و ئێك ژ ئەگەرێن ڤەگەڕاندنا هێزا ڤۆلی بۆلا ئیراقێ‌ دا دیار كرن.
زێدەتر ناڤهاتی گۆت: ژبەر ئاستێ‌ تیما وان و پلانێن ڕێكخستی مە پێشوازییا سەرۆك و ئەندامێن یانەیا سەنحاریب كر، ئەوا د قووناغا بۆری دا هاتییە كرن ژلایێ كارگێرییا یانەیێ ژبۆ ئێخستنا پرانییا وەرزشان تایبەت ڤۆلی بۆلێ‌ ل سەر ئاستێ‌ كچان نیشانا هەبوونا ڕژدیێ ل سەر كاروانەكێ‌ سەركەڤتی یە، ئەڤە ژی جهێ‌ دلخوەشیێ یە و ڕٍامانا هەبوونا وەرزشا كچان ل پارێزگەها دهۆكێ‌، پلانێن وان دیاربوو د سەركەڤتی نە، وەرزێ‌ بۆری شیابوون ناسناڤێ‌ ئیراقێ‌ ب دەستڤە بینن، دووڤدا ب نوونەراتییا ئیراقێ‌ ل قارەمانییا رۆژئاڤا ئاسیا بكەن و شیان پشكدارییەكا سەركەڤتی بكەن، د نوكە ژی دا هەڤڕكێن ب هێز بۆ دەستڤە ئینانا ناسناڤی و پاراستنا وێ‌، ئەڤە ژی هەموو بەلگەنە كو كارەكێ‌ ڕێكخستی و سەركەڤتی دهێتە كرن.
ژلایەكێ‌ دی یێ دیدارا خوە دا ناڤهاتی گۆت: سەرۆكێ‌ یانەیا سەنحاریب بەرنامەیێ خوە بۆ مە دیار كر و ئەو ئاستەنگێ‌ دكەڤنە د ڕێیا واندا، مە ب تەسەلی بەحسكر، مە بۆ وان دوباتكر یا دشیان دا بیت ئەم بەردەوامین ل سەر پشتەڤانییا یانەیا سەنحاریب ژبۆ پێشئێخستنا ئاستێ‌ وەرزشێ‌ و یارییا ڤۆلی بۆلێ‌، یانەیا سەنحاریب ئێك ژ ئەگەرێن ڤەگەڕاندنا هێزا ڤۆلی بۆلا ئیراقێ‌ یە ل دەڤەرێ‌، گەشبینن بۆ داهاتی ئاست و دەستكەڤتێن باشتر بینن.

د دیدارەکێ دا محەمەد جبرائیل ڕاهێنەرێ تیما تایکواندۆیا یانەیا یانەیا پیرس دیارکر ئەڤە ئێک ژ مەزنترین قارەمانیا بۆ سەر ئاستی هەموی ئیراقێ بۆ کچ و کۆرا، چونکۆ ٩٠ تیمان و نێزیکی شەش سەد یاریزانان پشکداری کربوون، هەڤرکی گەلەکا ب هێز بۆ دناڤبەرا یاریزانان. د دیدارەکێ دا محەمەد جبرائیل ڕاهێنەرێ تیما تایکواندۆیا یانەیا یانەیا پیرس دیارکر ئەڤە ئێک ژ مەزنترین قارەمانیا بۆ سەر ئاستی هەموی ئیراقێ بۆ کچ و کۆرا، چونکۆ ٩٠ تیمان و نێزیکی شەش سەد یاریزانان پشکداری کربوون، هەڤرکی گەلەکا ب هێز بۆ دناڤبەرا یاریزانان. زێدەتر ناڤهاتی گۆت ژی: ئەم شیاین ٩ مەدالیایێن ڕەنگاوڕەنگ دەستڤەبینن، تاکە یاریزانێ بادینان ژ تیمامە سیداد کوڤان شیا مەدالیا زێڕی دەستخوەبینیت، سەرەرایی هێز و هەڤرکیا قارەمانیێ، ژلایەکێ ڤە دادڤان ژی نە ئاستێ پێدڤی بوون، گەلەک ستەم یاریزانێن مەیێن دی هاتنە کرن، بەلێ شیانیێن مە مەزنترن بوون ئەم دەست خالی نە ڤەگەریایینە دهۆکێ، سۆپاسیەکا مەزن بۆ هەرژەنگ بابەکر زێباری بۆ پالپشتیا بەردەوام بۆ تیمیێ و هەروەسان د. بەهزاد سالحی سەرۆکێ یانەیا پیرس. بۆ زانین تیما تایکواندۆیا یانەیا پیرس شیان رێزیێن پێشیێ بهێین سەر ئاستێ قارەمانیێ یاریزانان سیداد کۆڤان مەدالیا زێری و هەرئێک ژ لانا سەردار، ستێرین جوتیار، عەبدوللا جوتیار مەدالیایێن زیڤی دەستڤەئینان و هەروەسا بەروار فاخر، وارڤین عەبدولکەریم، ماڤین دلێر، سومەیا سەگڤان و شرین فوئاد شیان مەدالیایێن بڕۆنزی دەستڤەبینن.

د داخویانیەکێ دا تارق سەعید ڕاهێنەرێ تیما یانەیا دهۆک بۆ یارییا پایسکلان دیار کر ژبەر کاودانێن دەڤەرێ ئەوێن دناڤبەرا وەلاتێ ئەمریکتا و ئیرانێ هەتا نوکە ژڤانێ قارمانیا ئیراقێ پاشئێخستە، سەرباری دڤیابا هەتا نوکە ژ سەرجەمێ چار قووناغا دو ژ وان هاتبا نەکرن.
زێدەتر ناڤهاتی گۆت: پێنەڤێت نەبوونا قارەمانیێ کارتیکرنا خوە یا نەرێنێ ل سەر ئاست و مۆرالا یاریزان دکەت، ژبەرکو ڕاهێنانان بەردەوام دکەن و چاڤەرێ ژڤانەکێ قارەمانیێ نە، بڕیاربوو هەتا نوکە ژ سەرجەمێ چار قووناغا وەکو پێشبینی دو قووناغ هاتبا نە کرن، لێ ئەڤان کاودانێن ل دەڤەرێ پەیدابووین ناکۆکی و شەڕێ ئەمریکا و ئیرانێ وەکرییە قارەمانی بهێتە پاشئێخستن، ئەڤە ژی ڕەشبینیەک پەیداکرییە، بۆ زانینا دووماهی پێشهاتە ئەم بەردەوام ل گەل فێدارسونێ د پەیوەندیان داینە ژبۆ زانینا هەر بڕیارەکێ.
تارق سەعید ئەوچەندە ژی گۆت: سەرباری نەبوونا قارەمانییا ئەم نە ڕاوەستیاینە ل دووڤ نەخشەک و بەرنامەیەکێ تایبەت ڕاهێنانان دکەین، مە دو تیم هەنە ل سەر ئاستێ لاوان و تازەپێگەهشتاین دێ پشکداربین، چار یاریزانێن مە بۆ هەلبژارتیێ ئیراقێ یاریی دکەن، هەرئێک ژ یاریزانان ئاڤەند و عیسام و یوسف و عەبدولڕەحمان، سێ ژوان بۆ تیما لاوان و ئێک تازەپێگەهشتیان، ل گەل دا چەند یاریزان هەنە دێ هێزەکا دی دەنە تیمێ، هەموو ئەڤ یاریزانە شیانێن باش هەنە و گەشبینن دێ گەهنە ناسناڤان و ڕێزێن پێشییێ دەستڤە ئینن.
بۆ زانین تیما پایسکلڤانێن دهۆکێ ل سەر ئاستێ لاوان هەلگرا ناسناڤێ قارەمانیا وەرزێ بۆری بوو هەروەسان ل سەر ئاستێ تازەپێگەهشتیان ژی رێزێن پێشیێ ئینابوو دیسان کونترۆلەکا باش ل پێکهاتیێن هەلبژارتیێ ئیراقێ دکەن.

یێ‌ ئەنگلتەرایێ هاری ماگوایێر ستێرێ‌ یانەیا مانچستەر یۆنایتد نە یێ گەشبینە ب پێكهاتیێ تیما خوە بۆ وەرزێ‌ نوو یێ‌ خولا ئنگلتەرایێ و ژ كارگێریێ خواست لەزێ‌ د ئینانا یاریزانان دا بكەن هەكە بڤێت هەڤڕكیێ ل سەر ڕێزێن پێشیێ و چامپیۆنزێ‌ بكەن.
ماگوایێری گۆت: ل وەرزێ‌ بوری مە گەلەك نەخۆش و ئاستەنگ بوراندن و نەشیاین هیچ ناسناڤەكی ببەین، ئەڤ چەندە كارگێری ژی دزانیت، دڤێت ئەم ڕاستگۆ بین بەرانبەر پشتەڤانان، بڤێ پێكهاتیێ نوكە مە هەیی نەشێن هەڤڕكیێ ل هیچ ناسناڤەكی بكەین بەلكو ڕێزێن پێشیێ ژی، لەوما ژی دڤێت كارگێری لەزێ د ئینانا چەند یاریزانان ل جهێن دەستنیشانكری دا بكەن، ئەڤ پێدڤی ب یاریزانێ‌ خودان شیان و شارەزاینە بۆ پركرنا كێماسیان.

ستێرێ‌ ئەمریكی و یاریزانێ‌ یارییا باسكێت بۆلێ‌ باشترین یاریزانێ‌ جیهانێ‌ لیبرۆن جێمس نهێنی یا چوونا خوە ژ یانەیا لۆس ئەنجلۆس لیكەرز ب هەبوونا ناكۆكیێ و جوداهییا بۆچوونان ل سەر هندەك بابەتان.
لێبرۆنی گۆت: هەرچەندە د پیشەكاریێ دا سرۆشتییە یاریزان ژ یانەیەكێ‌ بۆ یانەیەكا دی بچیت و گرنگ ئەوە یاریزان ژلایێ دەرۆنی دگەل یانەیێ یێ‌ ئارام بیت و كەیفخوەش بیت، من كاروانەكێ‌ باش ل گەل یانەیا لیكەرز بۆراند و شیاین د دو وەرزێن بۆری دا ناسناڤان ب دەستڤە بینن، بەری دەستپێكرنا وەرزێ‌ نوو ل گەل كارگێریێ روونشتم، حەز هەبوو گرێبەستا خوە نوو بكەم، لێ‌ هندەك بۆچوون هەبوون نە گەهشتینە ئێك، ناكۆكی ل سەر خالەكا دی هەبوو نە گەهشتینە چو ڕێكەڤتنان.
هەروەسان گۆت: د نوكە دا ئەز یێ ل گەل یانەیا خوە یا نوو فلادلڤیا سڤێنتی سێكسەرز بۆچوون و ئارمانجا مە ئێكە، كۆمەكا یاریزانێن زیرەك هەنە دێ‌ شەڕی بۆ ناسناڤان كەین.
بۆ زانین لیبرۆن یێ‌ 41 سالی پێشتر یاری بۆ یانەیێن، میمامی هێت، كلیفلاند كافالێرز، لدووماهیێ بۆ هەشت وەرزان ل دووڤ ئێك دگەل لوس ئەنجلۆس لیكەرز بوو، دیسان ل گەل هەموو یانەیان ناسناڤ ب دەستڤە ئینایە