عایشە عەجیب:
ناز نادر، ژنەكا دەستڕەنگینا خەلكا باژێرێ دهۆكێ یە، د دیدارەكێ دا بۆ ڕۆژنامەیا ئەڤرۆ دبێژیت: د ژیەكێ بچووك دا من حەزژ كارێن دەستی دكر، پشتی دەلیڤە هاتی نوكە ئەز ل مال چێدكەم و ب رێكا ئونلاین دفرۆشم، ئەڤە شەش سالن من دەستپێكری، ئەز گەلەك ب كارێ خوە یا كەیف خۆشم.
هەروەسا گۆت: من هەتا نوكە من پێنج خۆلێن فێركرنێ بۆ كچ و ژنان ڤەكری نە و سێ كچێن من ژی فێری ڤی كاری بووینە و ل گەل من كار دكەن و گەلەك خانمێن دی ژی ل بەر دەستێ من فێری كارێ دەستی بووینە، ئەز شەمالك، سێنیكێن كریستالی، سیرامیك، سابینێن سروشتی، و هندەك كارێن گرێدایی شەهیان و ئاهەنگان ڤە ئەم چێدكەین، هەتا نوكە من پشكداری د هژمارەكا فێستیڤال و چالاكییێن جوودا دا كریە، یا من دڤێت بێژم د نوكە دا ژن ژی وەكی زەلامی شیانێن كاركرنێ هەیە و شیرەتا من بۆ خانمێن بێكار د مال دا ئەوە ئەوە هەكە حەز ل سەر كاركرنێ هەبیت دەستپێبكە و ژ سفرێ نەترسە، چونكو دێ ڕۆژەكێ خۆ ل گۆپیتكێ بینی، سۆپاس بۆ خودێ داهاتەك ژی بۆ من ژێ دهێت.
نيشاندان