چاڤەڕێ‌ دهێتە كرن ئەڤرۆ چار یاریێن دی ژ هەڤڕكیێن گەڕا 17 یا قۆناغا ئێكێ‌ ژ خولا ستێرێن ئیراقێ‌ یا فوتبۆلێ‌ بهێنە ئەنجامدان، هەردو یانەیێن كوردستانی دهۆك و نەورۆز دێ‌ مێڤاندارییا یانەیێن پارێزگەهێن دی یێن ئیراقێ‌ كەن.
جەماوەرێ‌ وەرزشی یێ‌ یانەیا دهۆك ب ژڤانن ل دەمژمێر 7:30 شەڤ دناڤ ئەردێ‌ خوە دا بۆ پشتەڤانییا تیما خوە بەرانبەر یانەیا ئەلگەرمە ئێك ژ تیمێن پارێزگەها ئەنبار كو یارییەكا ب سانەهی نابیت بۆ ئەلهۆیێن چیا ئەوێن هەتا نوكە ئاستەكێ‌ باش و ئەنجامێن ژ هەژی تۆماركرینە و شیاینە ژ رێزێن دووماهیێ‌ بهێتە ڕێزا پێنجێ‌ ب كۆمكرنا 28 خالان ژ هەشت سەركەفتن، چار وەكهەڤی و چار خوسارەتی هەنە، د بەرانبەر دا یانەیا ئەلگەرمە خودانا 20 خالان رێزا 12 دهێت، هەرچەندە ئامارێن
ل دۆر ڤێ‌ یاریێ‌ هارۆن ئەحمەد كاپتنێ‌ تیما یانەیا دهۆك پشت گەرمی ب جەماوەرێ‌ خوە و مۆرالا بلند یا یاریزانان كەن و گۆت: هەر یاریەكا ئەم دكەین ب گیانێ‌ كۆم و هەڤڕكی دكەین و هەتا فیركا دادڤانی دێ‌ بەردەوامین ل سەر ئاستێ‌ خوە هەتا بگەهینە ئارمانجا خوە یا سەركەفتنان، ل دووڤ شیانان و كاودانێن یاریێ دێ‌ هەموو بزاڤان كەین بەردەوامیێ‌ بدەینە سەركەفتنا و جهێ‌ خوە ل رێزێن پێشیێ‌ پارێزین، یاری ب سانەهی نابیت بەرانبەر تیمەكێ‌ خودان یاریزانێن باشن و سەربۆر هەنە، لێ‌ مە ژی تیمەكا خودان شیان و جەماوەرێ‌ مەزن و دلسۆز هەیە، ب هیڤیینە ب گەهینە ئارمانجا خوە.
تیما دهۆكێ‌ خوانا نەهـ یاریزانێن پشكداری د تۆماركرنا 21 گۆلان دا هەیە بڤی ڕەنگی، پاشەنگ عەبدوللا شەش گۆل، پیتەر گۆرگیس پێنج گۆل، هەر ئێك ژ كەریم دەرویش و شەرقی ئەلبەحری دو گۆل هەنە، هەروەسان هەر ئێك ژ بەیار ئەبۆ بەكر، یانیك زاكێری، كێلبرت كۆمسۆن، مارلۆن دۆسانتۆس و ئیبراهیم غازی گۆلەك تۆماركرینە، گۆلەك بۆ یاریزانەكێ‌ یانەیەكا دی هاتییە هژمارتن، پشتی ب شاشی ڤە گۆل ل سەر تیما خوە كر.
نەورۆز بەرانبەر ئاستەنگا ئەلقاسم
ل دەمژمێر دو یێ‌ پشتی نیڤرۆ تیما یانەیا نەورۆز دێ‌ ل یاریگەها خوە مێڤاندارییا یانەیا ئەلقاسم كەت نوونەرا پارێزگەها نەجەف د یارییەكا ب هەڤڕكی دا، تیما كوردستانی 19 خال ژ پێنج سەركەفتن، چار وەكهەڤییا كۆمڤەكرینە و رێزا 14ێ‌ دهێت د بەرانبەر دا ئەلقاسم خودانا رێزا 10ێ‌ ب 24 خالان.
ژ یاریێن دی یێن ئەڤرۆ :
كەربەلا دێ‌ یانەیا تەلەبە مێڤان كەت، ژلایێ‌ خوەڤە یانەیا دیالا دێ‌ ل یاریگەها فەیحا بیتە مێڤانا یانەیا نەفت ئەلبەسرا، بۆ زانین سوبەهی پێنج شەمبی یانەیا زاخۆ د یارییەگا گرنگ دا مێڤاندارییا یانەیا نەجەف كەت، دیسان هەر سوبەهی جەوییە و شورتە د كۆپینكا یاریێن ڤێ‌ حەفتیێ‌ دا هێتە كرن.
هەلوەستێ‌ گشتی یێ‌ بەری ب دووماهی هاتنا یاریێن گەڕا 16ێ‌ یا خولێ‌
1- زەورا 32 خال.
2- شورتە 31 خال.
3- تەلەبە 30 خال.
4- زاخۆ 29 خال.
5- دهۆك 28 خال.
6- جەوییە 28 خال.
7- هەولێر 25 خال.
8- نەجەف 24 خال.
9- نەفت 24 خال.
10- ئەلقاسم 24 خال.
11- نەفت میسان 23 خال.
12- ئەلگەرمە 20 خال.
13- مینا 20 خال.
14- نەورۆز 19 خال.
15- كارەبا 18 خال.
16- كەرخ 15 خال.
17- كەربەلا 15 خال.
18- نەفت ئەلبەسرا 14 خال.
19- حدود نەهـ خال.
20- دیالا شەش خال.

عەلی حاجی:

د داخویانیەکێ دا سکرتێرێ فدراسیونا باسکتبولا کوردستانێ بۆ رۆژنامەیا ئەڤرۆ دیار کر بریار ل سەر یاریا دووماهیا خولا کوردستانێ هاتیە دان وچاڤه‌ڕێ یه‌ ل ئه‌ینییا بهێت هه‌ولێرا پایته‌خت مێڤانداریێ بكه‌ت.
زێدەتر هشیار دوبانکی گۆت: فدراسیونا کوردستانێ یا باسکتبولێ پەیوەندی ب هەردو یانەیێن زاخۆ ئاسۆ کریە ل دور یاریا دووماهیێ ژ خولا نایابا کوردستانێ یا باسکتبولێ بو هەردو یانە هەڤرا بوون ل سەر وی ژڤانێ هاتیە دەستنیشان کرن ژلایێ فدراسیونا کوردستانێ ڤە، بریار هاتیە دان ل رۆژا ئەینیێ دەمژمێر ٤:٠٠ـێ ئێڤاری ل هەولێرا پایتەخت هولا گرتییا یانه‌یا ئەکاد بهێتە ئەنجامدان، هەموو بەرهەڤی ژلایێ فدراسیونا باسکێت بولا کوردستانێ ڤە هاتینە ئەنجامدان دا کو ئەو یاری ب شێوەیەکێ سەرکەڤتی ب دووماهی بهێت، ئەڤ سالە ب شێوەیەکێ جوداتر هەڤرکیەکا باش دناڤبەرا یانەیێن پشکدار دا دهاتە کرن و ل باوەرێ مە ل یاریا دووماهیێ دا دێ یارییەکا خوەش هێتە ئەنجامدان.
ناڤبری گۆت ژی: ئەنجامدانا خولا ئەڤ سالە یا باسکێت بۆلێ ل کوردستانێ ئەڤ یارییە ژ نەمانێ پاراست و پشت راستین بۆ سالێن بهێت ژی دێ شێن ب شێوەیەکێ باشتر خولێ ڤەکەین و ئاستێ هەڤرکیێ ژی بلندتر ببیت.