زاخۆ، دلۆڤان هالۆ:
ئەندازیار جگەرخوین تاهر، ڕێڤەبەرێ گشتی یێ وەبەرهێنانێ ل ئیدارا سەربخوە یا زاخۆ بۆ ڕۆژناما ئەڤرۆ دیاركر كو ل سەر ڕووبەرێ 20 هزار مەترێن دوجا و ب گوژمێ سێ ملیۆن و 500 هزار دۆلاران پڕۆژەیێ وەبەرهێنانێ یێ دەلال سپۆرت ل تاخێ تلكەبەرێ ل ئیدارا سەربخوە یا زاخۆ دهێتە دروستكرن.
ڕێڤەبەرێ گشتی یێ وەبەرهێنانێ ل ئیدارا سەربخوە یا زاخۆ، ئاماژە ب وێ چەندێ ژی كر كو پڕۆژە ب ڕێژەیا 65% هاتیە بجهئینان و ل دەمەكێ نێزیك پڕۆژە دێ ب دوماهی هێت و كەڤیتە د خزمەتا وەلاتیان دا.
ئامێدیێ، مەحمود نهێلی:
وەك پێنگاڤەكا دی یا گەهاندنا خزمەتگوزارییان بۆ دەڤەرا نێروە و رێكان و دۆسكی ژوورییان و ڤەژاندنا دەڤەرێ و دەستپێكرنا ژیانەكا نوو بۆ وان دەڤەران، حكومەتا هەرێما كوردستانێ دەست ب پڕۆژەیێ گەهاندنا كارەبێ ل شێلادزێ هەتا دگەهیتە ئاڤا مارك و پرا سیدان كریە.
ئەندازیار ئارام جلال، رێڤەبەرێ بەلاڤكرنا كارەبا دەڤەردارییا ئامێدیێ بۆ رۆژناما ئەڤرۆ دیار كر، پڕۆژەیێ گەهاندنا هێلا كارەبێ بۆ ئاڤا مارك و پرا سیدان ل سنوورێ ناوچەدارییا شێلادزێ كەفتیە د قووناغا بجهئینانێ دا و گۆت: «ژ بۆ ئەنجامدانا ڤی پڕۆژەی گوژمێ ملیارەك و 500 ملیۆن دیناران ل سەر بودجا تایبەتا پارێزگەهان ژ لایێ حكومەتا هەرێما كوردستانێ ڤە بۆ هاتیە تەرخانكرن».
ناڤهاتی ئاشكرا ژی كر، ب درێژاهیا 17 كیلۆمەتران هێلا كارەبێ دێ هێتە راكێشان و گۆت: «پشتی تمامبوونا هەژمارەكا قووناغان یا جادەیا ڤێ دەڤەرێ هەر ئێكسەر دەست ب پڕۆژەیێ گەهاندنا هێلا كارەبێ هاتیە كرن و هەموو ئامرازێن پێدڤی ل گەل كەلوپەلان د بەرهەڤن بۆ ڤێ مەرەمێ و دێ كەڤیتە د خزمەتا خەلكێ دەڤەرێ دا».
چاڤدێرێن سیاسی دیار دکەن، بەری روودانێن ل سوەیدا ئەمریکا و گەلەک ژ وەلاتێن رۆژئاڤایی پشتەڤانی ل سووریایەک ئێکگرتی دکرن کو تێدا کورد و دورزی بگەهنە مافێن خوە لێ پشتی کوشتارێن ل سوەیدا هەلوەستێ ئەمریکا و هەموو وەلاتێن جیهانێ هاتە گوهۆڕین.
حەسەن جەمال نڤیسەر و ڤەکۆلەرێ ناڤدار یێ تورکیا دیار کر، ئەمریکا و وەلاتێن رۆژئاڤایی سەبارەت ب سووریێ سیاسەتا ڤان نها هاتیە گوهۆڕین، پشتی ژناڤچوونا رژێما بەشاری ئەمریکا، فرەنسا و گەلەک ژ وەلاتێن دی یێن رۆژئاڤایی وەسا ددیتن پشتی ژناڤچوونا بەشاری دێ هەموو پێکهاتەیێن ل سووریێ شێن پێکڤە بژین و ژ بەر ڤێ یەکێ ژی بەحسێ فیدرالیێ و مافێن کوردان، دورزیان و پێکهاتەیێن دی یێن ل سووریێ نەدکرن، لێ روودانێن ل سوەیدایێ چارەنڤیسێ سووریێ ب گشتی گوهۆڕی، چونکی رەفتارێن ل سوەیدایێ ل هەمبەر دورزیان هاتنە کرن وەکو داعشێ بوون و ب تایبەتی ژی ئسرائیل گەلەک توورە بوو و ئێرشێ شامێ کر، ئەمریکا و وەلاتێن دی یێن رۆژئاڤایی ژی هەست ب ڤێ یەکێ کرن یێن نها ل شامێ ل سەر دەستهەلاتێ نە وەکو داعشێ نە، ئانکو ب کورتی روودانێن ل سوەیدا چارەنڤیسێ سووریێ ب گشتی گوهوڕی و نها پێگەهێ کوردان ل سووریێ بهێز بوویە.
فەهیم تاشتەکین ژی کو ب سالانە ل سەر سووریێ و پرسا کوردی کار دکەت ئاماژە ب ڤێ یەکێ دکەت کو نها داخوازیێن کوردان ژی ل سووریێ هاتینە گوهۆڕین، بەری نها کوردان دیار دکر ئەو بەرهەڤن ل گەل شامێ پێکڤە د سووریایەک دیموکراتی دا بژین، لێ نها کورد دبێژن دڤێت سیستەمێ نوو یێ سووریێ سیستەمەک نە ناڤەندی بیت، ئانکو کوردان دڤێت دەڤەرێن خوە برێڤە ببەن و دبیت پشتی دەمەکێ کورد داخوازا جودابوونێ ژی بکەن، هەکە ل سووریێ هەرێمەک بۆ دورزیان بهێتە ئاڤاکرن دێ هەلوەستێ ئەمریکا ژی هێتە گوهۆڕین، چونکی نها ئسرائیل ب هەموو رەنگەکێ کار دکەت دا دورزیان هەرێمەکا خوە هەبیت، ئەو یەک دێ بیتە ئەگەر دەستێ ئسرائیلێ ل سووریێ بهێز کەڤیت و بێگومان ئەو یەک د بەرژەوەندیا تورکیا دا نینە، لێ ئەمریکا پشتەڤانیێ ل سیاسەتا ئسرائیلێ یا ل سووریێ دکەت.
بسپۆرێن ئەمریکی و ئۆرۆپی ژی وەسا دبینن، دڤێت ئەمریکا و وەلاتێن رۆژئاڤایی پشتەڤانیێ ل دەستهەلاتا ئەحمەد شەرعی نەکەن، چونکی ئەحمەد شەرع کەسەک توندرەوە و لەشکرێ سووریێ ژی ژ کۆمەکا چەکدارێن توندرەو پێکهاتیە و هەکە رێگری ل وان نەهێتە کرن دێ ل سووریێ کۆمکوژیێن مەزن ئەنجام دەن، ژ بەر ڤێ یەکێ ژی گرنگە سیستەمێ نوو یێ سووریێ سیستەمەک نە ناڤەندی بیت دا کورد، دورزی و عەلەوی ل سووریێ بهێنە پاراستن، چونکی مەترسیێن مەزن ل سەر عەلەویان و دورزیان ل سووریێ هەنە.
بەرپرسەکێ وەزارەتا دەرڤە یا ئیرانێ بۆ ئاژانسا سپۆتینگ یا رۆسیا دیار کریە، هەم د دەمێ شەڕێ ئیرانێ و ئسرائیلێ دا و هەم ژی نها کو وەلاتێن ئۆرۆپی داخوازا سزادانا ئیرانێ دکەن، رۆسیا هەلوەستەک گەلەک لاواز نیشا دایە و رۆسیا د بیاڤێ سیاسی دا ژی وەکو پێدڤی پشتەڤانیێ ل ئیرانێ ناکەت، ئەو یەک د دەمەکێ دایە کو ئیران د شەڕێ ئۆکرانیایێ دا هەتا نها گەلەک هاریکاریا رۆسیا کریە.
هەمان بەرپرسی ئەو یەک ژی دیار کریە، هەلوەستێ هەر سێ وەلاتێن بریتانیا، فرەنسا و ئەلمانیا ل دۆر سزادانا ئیرانێ بریارەک گەلەک توندە و دێ کاریگەریا خوە یا گەلەک خراب ل سەر رەوشا ئابووری یا ئیرانێ هەبیت، لێ ل هەمبەر بریارا وان هەر سێ وەلاتان هەتا نها رۆسیا هەلوەستەک جدی نەبوویە و ئەو یەک ژی بوویە جهێ دلگرانیا ئیرانێ.
رەها روهاڤی ئۆغلۆ بەرپرسێ ناڤەندا خەباتێن کوردی ل تورکیا دیار دکەت، وان ڤەکۆلینەکا بەرفرەه ل هەموو باژێرێن کوردی ل باکورێ کوردستانێ ئەنجام داینە و د ئەنجاما ڤەکۆلینێ دا دیار بوویە کو پتر ژ ٨٠٪ ژ وەلاتیێن کورد ل تورکیا پشتەڤانیێ ل قووناغا ئاشتیێ دکەن و دخوازن چەک ب تەمامی نەمینن و ل هەمبەر دا دەستهەلاتا ئاکپارتیێ ژی هەبوونا گەلێ کورد ل تورکیا قەبوول بکەت و هەموو ئاستەنگێن ل هەمبەر پەروەردەیا ب زمانێ کوردی بهێنە راکرن و د پێنگاڤا ئێکێ دا ژی هەموو گرتیێن سیاسی یێن کورد ل تورکیا بهێنە ئازاد کرن.
هەمان ناڤەندێ ئەو یەک ژی دیار کریە، وەلاتیێن کورد وەسا دبینن، هێشتا ژی دەولەتا تورکیا یا پێدڤی نەکریە، چونکی پشتی سۆتنا چەکان ژ ئالیێ گرۆپەک ژ چەکدارێن پەکەکێ ڤە پێدڤی بوو دەولەتا تورکیا ب سەدان گرتیێن کورد ئازاد بکەت، لێ هەتا نها ئەو یەک نەهاتیە کرن و نها کورد ژ سیاسەتا دەولەتێ دلگرانن و داخوازا پێنگاڤێن بلەز ژ دەولەتێ دکەن.
ههولێر، قائید میرۆ:
بهرپرسهكێ وهزارهتا ئهوقاف و كارۆبارێن ئایینی د دیدارەکێ دا بۆ ڕوژنامەیا ئەڤرۆ دیار کر کو مهترسیێن ماددێن هوشبهر سال بۆ سالێ زێده دبن و گۆت؛ ئەڤە كێمتر نینه ژ مهترسیێن تیرۆرێ بۆ سهر خهلكێ كوردستانێ.
دكتۆر بهشیر حهداد، سهرۆكێ بۆردا گوتارێن ئایینی ل وهزارهتا ئهوقاف و كارۆبارێن ئاینی دیار كر، مامۆستایێن ئایینی هاتینه راسپاردن هندهك گوتارێن خۆ یێن رۆژا ئهینی تایبهت بكهن ب مهترسیێن ماددێن هوشبهر و جار جار بیرا خهلكی بینن، چونكه مامۆستایێن ئایینی رۆلهكێ مهزن و كاریگهر دناڤا جڤاكێ دا ههیه و خهلكهكێ زۆر رۆژێن ئهیینی پشكداریێ د گوتارێن رۆژێن ئهینیێ دا دكهت.
دکتوری گۆت؛ ئهم وهكی وهزارهتا ئهوقاف و كارۆبارێن ئایینی بزاڤان دكهین خهلك بهێته هشیار كرن ژ مهترسی و زیانێن ماددێن هوشبهر، ژبهركو یا خۆیایه د دهمێ نوكهدا ماددێن هوشبهر بووینه مهترسیهكا مهزن لسهر وهلاتیێن ههرێما كوردستانێ و ل گورهی ئامارێن لایهنێن پهیوهندیدار سال بۆ سالێ بكارئینان و بازرگانی كرن ب ماددێن هوشبهر د زێدهبوونێ دایە.
سهرۆكێ بۆردا گوتارێن ئایینی دیار کر کو ئهركێ ههموو تاكهكیه بهرهنگاری ئهڤێ مهترسیێ ببیت، مامۆستایێن ئایینی ژی وهكی سهركێشێن ئهڤی مللهتی د ههموو كاودانهكێ دا رۆلهكێ باش د هشاركرنا وهلاتیاندا ههبوویه و گۆت؛ نوكه ژی بهردهوام ههم گوتارێن خۆ یێن رۆژا ئهیینی، ههم ب رێیا پشكداریێ د سیمینار و چالاكیێن رۆژانهدا بهردهوام شیرهتا ددهنە خهلكی.
د. بەشیر گۆتژی؛ پێدڤیە هەموو تاکێن جڤاکی د هشیار بن بتایبهتی تهخا گهنجان نهكهڤنه داڤا هندهك مافیا و بازرگانان و تووشی ماددێن هوشبهر نهبن، چونكه بكارئینان و بازرگانی كرن ب ماددێن هوشبهر پاشهرۆژا مرۆڤی ژناڤ دبهن و چهندین وهلاتیێن ههرێما كوردستانێ بووینه قوربانی.
سهرۆكێ بۆردا گوتارێن ئایینی د بەردەوامیا ئاخفتنێن خۆدا گۆت؛ مخابن ماددێن هوشبهر بووینه بهلایهك بۆ خهلكی، نه رهوشت هێلا نه ئهخلاق و دین نه ژیان و مرۆڤایهتی، پێدڤیه خهلك ئهڤێ راستیێ بزانیت زیانێن ماددێن هوشبهر كێمتر نینن ژ زیانێن تیرۆرێ ئهگهر پتر نهبیت، ئەڤجا هیڤیدارم ژ ڤێجا ژ گهنج و لاوان د هشیاربن و نهبنه قوربانی.
دكتۆر بهشیر حهداد ئاماژه بڤێ چەندێ ژی كر، بهرهنگاربوونا ماددێن هوشبهر نهک بتنێ ئهركێ مامۆستایێن ئایینیه، بهرۆڤاژی ئهركێ ههموو كهسان و هەر دهزگهههكیه و گۆت؛ دڤێت ئهم ههموو خۆ بهرپرسیار بزانین، بتایبهتی هندهك لایهن ههنه دڤێت رۆلێ وان یێ دیار بیت مینا وهزارهتێن پهروهرده و خواندنا بلند و وهزارهتا ناڤخۆ، پێدڤیە ژ ههموو رهخاڤه كار بهێته كرن بۆ هشیاركرنا جڤاكی و رێكارێن قانوونی یێن دژوار ئهنجام بدهن و رێكێ نهدهن مهترسیا ماددێن هوشبهر زێدهتر بهر بهلاڤ ببیت.
سهرۆكێ بۆردا گوتارێن ئایینی دیار کر ژی، یا گرنگه سهنتهرێن چارهسهركرنێ بهێنه ڤهكرن و بهردهوام ب رێكێن جودا رینمایی بهێنه بهلاڤكرن، ژبەرکو بکارئینانا ماددێن هوشبەر زیانێن مەزن لسەر جڤاکی هەنە و گۆت؛ بدههان خێزان جودابووینه و گهنجێن جان و بێ تاوان كهفتینه زیندانێ یانژی گیانێ خۆ ژدهستدایه، ئهمژی وهكی وهزارهتا ئهوقافێ ب ههموو شیانان دێ كار كهین بۆ هشیاركرنا جڤاکی.
هەرهین محەمەد:
بۆ تەمامكرنا خواندنێ پزیشكیا گشتی، 50 قوتابیان ل سەر ئاستێ هەرێما كوردستانێ قەستا وەلاتێ ئەرمینیا كریە و ب رازیبوون و مورێن وەزارەتێ هاتن و چوون و كریە و ل سەر كیستێ خوە خواندیە و پشتی خواندن ب دووماهی ئینای، ب خۆ بەخشی ژی ل نەخۆشخانەیێن ئەهلی ناهێنە وەرگرتن.
عەلی تەمەر، گەنجەكێ باژێرێ ئیدارەیا سەربەخۆ یا زاخۆیە و ل سالا 2017 ل گەل چەند هەڤالان قەستا وەلاتێ ئەرمینیا دكەت ژ بۆ تەمامكرنا خواندنێ ل پشكا پزیشكی گشتی ل كولیژا حكومی ناڤهاتی بۆ ئەڤرۆ گۆت: بۆ دەمێ سالەكێ من زمانێ ئینگلیزی خواند و شەش سالان ژی پزیشكیا گشتی ل ئەرمینیا، پشتی من خواندن ب دووماهی ئینای هاتمە زاخۆ هندەك رێكار هەبوون وەكو وەزارەت دبێژیت و مە تاقیكرنەك كر وەكو ب ناڤێ راستڤەكرنا باوەرنامێ و مە ئەو تاقیكرنە ب سەركەڤتیانە ئەنجامدا.
زێدەتر گۆت: د بنیات دا وەسایە دڤێت دەرچوویێن پزیشكی گشتی ب هەمیشەیی بهێنە دامەزراندن و ب رێیا مورێن وەزارەتی چووینە دەرڤەی وەلاتی مە خواندیە و ئەم هاتینە و هەموو تشت ب قانونی مە ئەنجامداینە و مە داخوازا ئەوێ چەندێ كریە ئەگەر جارەكێ دامەزراندن هەبیت ناڤێ مە ژی ل گەل یێ وان بیت و بێ بەهرنەبین.
خویاژی كر، وەزارەت رابوو جوداهی ئێخستە دناڤبەرا وان قوتابیان ئەوێن ل هەرێمێ و ژ دەرڤەی وەلاتی دخوینن و گۆت جوداهیا هەوە دگەل قوتابێن ناڤخۆ گەلەكە و نەشێین هەوە وەكو وان بهژمێرین، ئانكو هەكە دامەزراندنەك بهێت بۆ هەوە نابیت ب تنێ دێ بۆ وان بیت و ئەو وەسا هزردكەن مە ئەڤ خواندنە بۆ خوە یا خواندی و ل دەستپێكێ ئەوان ئەڤ تشتە نەگۆتیە و هەتا ل هندەك تاقیكرنێن خوە ئەم چووینە فریا كەوتنان مە كاركریە و هەموو تشت بەروڤاژی دەركەفتینە و مە گەلەك بزاڤ كرینە ل هەموو جهان و كەسێ خوە ل مە نەكریە خودان و هەر جهەكێ سوحبەنا خوە دبێژینێ دبێژن هەوە بۆ دلێ خوە ژ دەرڤەی وەلاتی خواندیە و نە بۆ خزمەتێ یە و ل سەرانسەری هەرێما كوردستانێ نێزیكی پێنجی قوتابیانین و بەردەوام مە هەماهەنگی ل گەلێك هەیە و هەر بزاڤەكا ئەم دكەین و نوكە ل زاخۆ ئەز ب تنێ مە و من گەلەك بزاڤكریە ل خەستەخانەكا ئەهلی ژی دەوامێ بكەم رێگری ل من هاتیە كرن و هەتا كو ب خوبەخشی ژی كەسێ رێ نەدایە مەكاری و ب تنێ مەرەما من ئەو بوو كارێ خوە ژبیرنەكەم.
سندس سالح سلێڤانەیی:
رێڤەبەرێ ئاڤێ ل پارێزگەها دهۆكێ دیاركر، سەرەڕای گوهۆڕینا كەش و هەوای د ئەڤ سالە، لێ هەتا نوكە چو مەترسی ل سەر ئاڤا پارێزگەها دهۆكێ نینن و ل دووڤ خشتەیەكێ رێك و پێك ئاڤ یا ل سەر تاخێن باژێری دهێتە بەلاڤكرن، لێ خواست خەلك پتر ل گەل وان د هاریكاربن و ئاڤێ ب هەدەر نە مەزێخن.
ئەندازیار (بشارحەجی زەینەل) رێڤەبەرێ رێڤەبەریا ئاڤێ ل پارێزگەها دهۆكێ گۆت: وەكو یا ئاشكرا ژێدەرێ سەرەكی یێ دابینكرنا ئاڤێ ل پارێزگەها دهۆكێ پرۆژێ (خراب دێمی) یە، كو ب رێژەیا 95% ژ ئاڤا دهۆكێ ل وە پرۆژەی دهێتە دابینكرن و ئەڤ ئاڤە بۆ هەشت تاخێن دهۆكێ و قەزا سێمێلێ و ناحیا تەناهی دهێتە پالدان، هەروەسا بۆ تاخێن مایی ژی ژ پرۆژێ (سكرێ دهۆكێ) و چەند بیرەكان دهێتە دابینكرن و سوپاس بۆ خودێ هەتا نوكە رەوشا ئاڤێ یا باشە و چو مەترسی ل سەر نینن و ل دووڤ نەخشەكێ رێڤەبەریا مە هەر رۆژەكێ نە ئێكێ ژسێ هەتا پێنج دەمژمێران ئاڤ بۆ مالان دهێتە رەوانەكرن و نوكە ئاستێ هشیاریا بكارئینانا ئاڤێ ل دەف خەلكەكی باشترە و باشتر دزانن كا دێ چاوا ئاڤێ بكارئینن و ئەڤە ژی جهێ دلخۆشیامە یە.
هەروەسا ئەندازیار (بشار حەجی زەینەل) گۆت: ئەز نابێژم زێدەگاڤی ل سەر ئاڤێ نینن، بەلێ ب رێژەیەكا كێمن و بۆ ڤێ مەرەمێ لژنەیەكا تایبەت یا نەهێلانا زێدەگاڤیان ل سەر تۆرێن ئاڤێ هەیە و بەردەوام دووڤچوونا هەر زێدەگاڤیەكێ دكەن و خودانێن وان دهێنە ئاگەهداركرن و ئەو زێدەگاڤی ژی دهێنە ڕاكرن، بۆ نموونە هەكە مالەكێ (تەوافێن تانكی) نە دانابن ل دووڤ یاسایێ ئەو مال یان ئەو جه ب گۆژمێ (50) هزار دیناران دهێتە سزادان هەر چەندە ئەم وەكو رێڤەبەریا ئاڤێ ل پارێزگەها دهۆكێ حەزژ سزادانا ب پارەی ناكەین و مە دڤێت ئەو هەست ل دەف خەلكی چێببیت كو هەكە وی تەوافا تانكی نە دانابیت زیانا وی گەلەكە و ئاڤ دێ ب هەروە چیت، لێ جارەكا دی دێ بێژم نوكە گەلەك ژ سالێن بۆری باشترە و ئەو دیاردە بەر ب كێمبوونێ یە، لێ ئەم حەزدكەین خەلكێ مە پتر ل گەل مە دهاریكاربن، چونكو ئاڤ سامانەكێ گشتی یێ مە هەموویان و پێدڤیە ئەم هەموو مفای ژێ بینین و ل هەر جهەكێ ئەم ببینین زێدەگاڤیا ل سەر ئاڤێ دهێتە كرن دێ پێڕابوونێن یاسایێ ل گەل هێنەكرن.
دهۆك، لەزگین جوقی
بەرپرسێ رێكخراوا 88 یا ناساندنا تاوانێن ئەنفالان بۆ ئەڤرۆ راگەهاند، ئەڤە 37 ساڵن خەلكێ بەهدینان چاڤەرێ دیتنا رۆفاتێن قوربانیێن ئەنفالكریێن بەهدینان دكەن و هەتا نوكە حوكمەتا ئیراقێ وەكو پێدڤی كار ل سەر ئەنجام نەدایە.
خەلیل وەرمێلی، بەرپرسێ رێكخراوا 88 یا ناساندنا تاوانێن ئەنفالان گۆت، هەتا نوكە چارەنڤیسێ پتر ژ دوو هزار ئەنفالكریێن پارێزگەها دهۆكێ یێ دیار نینە و ئەڤە 37 ساڵن خەلكێ بەهدینان چاڤەرێ كەس و كارێن خۆ یێن ئەنفالبوویێ دكەن و هێشتا چارەنڤیسێ وان دیارنەبوویەدێ داخوازێ ژ حۆكمەتا ئیراقێ كەین كار بكەت بۆ دیتنا چارەنڤیسێ ئەنفالكریێن پارێزگەها دهۆكێ.
زێدەتر گۆت: داخواز دكەین كەس و كارێن قوربانییان بهێنە قەرەبووكرن ژلایێ حۆكمەتا ئیراقێ ڤە و پێدڤیە حۆكمەتا ئیراقێ كار ل سەر كەیسا ناساندنا تاوانێن ئەنفالان بكەت و گوندێن كوردستانێ بهێنە ئاڤەدانكرن و رۆفاتێن ئەنفالكریێن بەهدینان ل پارێزگەهێن ناڤەراست و ژێریا ئیراقێ بهێنە دیتن و رژێما دكتاتور یا رۆخاندیا ئیراقێ دناڤ گۆڕێن بكۆم دا خەلكێ بەهدینان ڤەشارتیە.
گهر مرۆڤ مهژیێ خۆ ژ هزرێن نهرێنی كونترول نهكهت دێ تووشی گهلهك نهخوشیێن لهشی و دهروونی بیت، جاران هزرێن مرۆڤی دبنه ئهگهرێ ژناڤبرنا مروڤی، لهوما پێدڤیه مرۆڤ مهژیێ خو كونترول بكهت.
* نهێنیێن كونترولكرنا مەژى:-
– چ تشت هندی هزرێن ته زیانێ ناگههیننه ته.
– خهما وان تشتا نهخو یێن د دهستههلاتا تهدا نهبن.
– د هزرێن خو بگههه.
– ئاگههداری ههستێن خو به.
– بهردهوام خو مژوول بكه.
– دهوروبهرێن خو رێكبێخه.
– دگهل خودا نهرم و دلوڤان به.
* هندهك رێك بۆ كێمكرنا هزركرنا زور:
– د نهادا بژی.
– وهرزشێ بكه.
– دویر بكهڤه ژ تشتێن نهرێنی.
– كاربكه.
– تێكهلی سروشتی ببه.
– خهوهكا باش بكه.
نيشاندان