دیدار، سالار محەمەد دۆسكی:

5 – 5

بوومە هەر هەشت مرۆڤان ئاخفت گۆت هوون دێ‌ چنە ئیراقێ‌ و كومەكا پێشمەرگەی ل گەل هەوە نە و هوون چەكدارن و گۆت ئیران ب رێكێ‌ ڤە دێ‌ ئەلغاما بۆ هەوە دچینت و یێن دی ژی هەوە ناهێلیت یا دووێ‌ تورك و ئیراق ژی هەر وسا و pkk ژی ل دەڤەرێ‌ هەیە و ئەگەر تێگەهشتن دناڤبەرا هەوە دا نەبیت رەنگە هوون توشبن، و گۆت حەز ناكەم هوون بچن ل گەل توركا و پشتەڤانیا هەوە بكەت و هوون ل pkk بدەن، حەزناكەم بچنە وێرێ‌ ل گەل pkk هەڤكاریێ‌ بكەن و ب هاڤێژنە حوكمەتا توركیا، چونكە هوون دێ‌ چنە وێرێ‌ و هەر دو ئالی دهێنە دەف هەوە و هەر دو خەلەتن و ئەڤێ‌ بوومە نەكەن و هەرنە وێرێ‌ هەبوونا خوە وەە پێشمەرگە ل دەڤەرێ‌ ب سەلمینن بوومە چ چالاكیێن لەشكری نەكەن و چ رەبیا نە راكەن، بتنێ‌ هەبوونا هەوە ل سنوری هبیت دا دیاربیت كو شۆڕەشا مە ژ ناڤ نەچوویە، ئەم سیاسی شكەستین بەلێ‌ لەشكری ئەم ل دەڤەرێ‌ ینە و دناڤا خەلكێ‌ خوە داینە، ئەڤ داخوازە ژ مەكر و ئەوا وی گۆتی هەر هەمی هوسا دەركەفت ئەم گەهشتینە بنەجهێ‌ و جهێ‌ بوومە هاتیە دیاركرن ئەفسەرێن تورك هاتنە دەف مە و ل گەل د.(كەمال كەركووكی) ئاخفتن و گۆت pkk ل دەڤەرێ‌ هەیە و هشیاری خوە بن، مە گۆتێ‌ مە چ ژ كەسەكێ‌ نەڤیت و ئەم نەهاتینە دەڤەرێ‌ شەرێ‌ هێزەكێ‌ بكەین ئەم پێشمەرگێن سەر ب ئیراقێ‌ ڤەینە و مە تشتەك هەبیت دێ‌ ل ئیراقێ‌ كەین و مە شولەش هەوە نینە و پشتی ئەو چووین pkk هاتن گۆت چ كێمە ژ هەوە چ لازمە مە گۆتێ‌ چ كێم نینە و بتنێ‌ مە ئاگەه ژ ئێك دو هەبیت ل سنوران ئەم هەر دو كوردین ئەم هەر دو ژ بەر دوزەكێ‌ هاتینە و دا مللەتێ‌ مە بزانیت و رێكخستنێن خوە هشیار بكەین و پێشمەرگە ل سنوران هەنە و ئەو ژی چوون و ئەم ماینە ل دەڤەرێ‌ مە دو بریندار دان ئەلغام توركا ڤە دابوون و هەر دو حزبێن (شوعی و پارتی گەل) ل دەڤەرێ‌ هەبوون و هاتنە ل گەل مە وی دەمی (بەرەی كوردستانی) بوو و دو بریندار مە دان وەك پێشتر مە ئاماژە پێكری(ئدریس بێسكی) ل گەل من بوو و پێ وی ژێ‌ ڤە بوو و ئێكێ‌ (پارتی گەل) بوو دگۆتنێ‌(دلبرین) دەرمان و چ تشت ل گەل مە نەبوون و د.(كەمال كەركوكی) گۆت ئەگەر هندەك هەبن ئەڤان ببنە ئیرانێ‌ چونكە ئەڤە دێ‌ ژێ‌ بێ‌ دەرمانی شەهیدبن، (لبرین) چاڤێن وی پەقی بوون و (ئدریس) پێ‌ وی هاڤێت بوو و مە پێ‌ وی ب رێكا هاریكارەكێ‌ نوشداری ل گەل مە بوو پێ‌ وی بری بوو، من گۆتێ‌ (ئدریس) پێشمەرگێ‌ منە و مرۆڤێ‌ منە و ژ بەر من هاتیە و ئەز دێ‌ ل گەل چمە ئیرانێ‌ ( دلبرین) ژی هەڤالێن خوە هەبوون و (زێرەڤان نێروەیی) ئەندامەكێ‌ سەركردایەتی یا وان بوو ئەو ژی ل گەل هاتن و ئەم بووینە چار و ئەو ژی شەش بوون و هەر دو بریندار مە بەرەف ئیرانێ‌ چووین و (ئدریس) گەلەك خوین چوویە و (دلبرین) ژی گەلەكێ‌ تەنگاڤ بوو و پشتی زڤرینا دو رۆژان (ئدریس بێسكی) شەهید بوو و (دلبرین) تورك هاتن ژ مە وەرگرت و گۆت دێ‌ چارەسەریا وی كەین و ئەو بر و (ئدریس ) ژی مە ل سەر سنوری ڤەشارت و ئەم دویر چووین ئەم چووینە ئیرانێ‌ وەرزێ‌ زڤستانێ‌ دەسپێكر و هەتا بوویە بوهار سالا 1991 ئەم هاتینە رەوانەكرن بۆ كوردستانێ‌ و ئەز بو میحوەرێ‌ (سێمێلێ‌) هاتمە دەستنیشانكرن.
پێشمەرگەیێ‌ شۆڕەشا گولانا پێشكەفتنخواز (شاكر زێوەی) بەحسێ‌ شەڕێ‌ گرێ‌ گەرماڤاكر و گۆت: ل سالا 1987ێ‌ دەمێ‌ چووین رەبیا گرێ‌ گەرماڤا ئەم (12) پێشمەرگە بریندار بووین و ئەم (10) پێشمەرگە یێ‌ دهێرشێ‌ بووین و فەهیم عەبدوللا حەموی چاڤێ‌ خو ژدەست دا و و پدیا من هەمی ڕاكر و سێ‌ ددانێن من شكاندن و ئەلغام بوو بن پێ‌ من تەقی و پێ‌ من شكاند و نارنجووك ژی دهاڤێتنە مە و گەلەك بێ‌ سەروبەربووم و ئەگەر (فەهیم عەبدوللا حەمو و وەحید باكوزی) نەبان دا كەڤمە دەستێ‌ دوژمنی ئەوان هەر دوكان ل گرێ‌ گەرماڤا كرمە پشتا خوە و راكرم، چونكە هەڤالێن مە خوە ڤەكێشا بوو خوارتر و من ئەزمان ژی نەبوو چونكە پدی و ددان من نەمابوون و پێ‌ من شكەست بوو، ئەنفال ب سەر مە داهاتن و من ب گوپالی هاتن و چوون كر.
ل زاخوە ژی مەقر سریەكێ‌ چەتا ل پەرەخێ‌ مە راكر، فەوجا شەرانش مە گرت و سەرێ‌ گرێ‌ گەرماڤا ل گەل بووم من مێژوو نە نڤێسیان و هەر چالاكیەكا مە ئەنجام دابا دا ئێزگێ‌ كوردستانێ‌ بێژیت، جارەكێ‌ ئەم چووینە سەر جادێ‌ ل سێمێلێ‌ راستا (سێمێلێ‌) بن چیایی وی دەمی خودێ‌ ژێ‌ رازی (محو گەودا) ژی ل گەل مە بوو مە رێك گرت و مە هاڤێتە ترۆمبێلا وێ‌ چالاكیا مە گەلەك دەنگ ڤە دا وی دەمی ل گەل رێكخراوا (رزگاری) بوو ل زاخو و هەر چالاكیەكا مە ئەنجام دابا بچیك بان یان مەزن ئێزگێ‌ دەنگێ‌ كوردستانێ‌ دگۆت و گەلەك كەیفا مە دهات
پێشمەرگەیێ‌ شۆڕەشا گولانێ‌ شاكر زێوەی گۆت: شەرێ‌ داعش ژی هەر ل دەسپێكێ‌ هەتا دووماهیێ‌ ل گەل دا بووم، ل دووماهیێ‌ ناڤبری گۆت: داخازا من ژ هەر كەسەكی یە بۆ سازیێن راگەهاندنێ‌ باخڤیت ئەوان تشتا بینتە بیرا خوە یێن راست گۆی و دروست بووین ل دەڤەرێ‌ بۆ مللەتێ‌ كورد باش نە ئەوێن ببنە كێشە بۆ خەلكەكی و هەڤال و برادەرێن مە و تشتێ‌ مفادار و مە كری وێ‌ بێژین بۆ خەلكی دیار بكەین.