چاڤەڕێ‌ دهێتە كرن ئەڤرۆ و سوبەهی حەفت یاریێن دی ژ هەڤڕكیێن گەڕا 24ێ‌ یا خولا ستێرێن ئیراقێ‌ یا فوتبۆلێ‌ بهێنە ئەنجامدان، یارییا یانەیا دهۆك دگەل دیالا بۆ دەمەكێ‌ دی هاتە پاشئێخستن ژبەر پشكدارییا دهۆكێ‌ د كۆپا كەنداڤی دا.
زاخۆ ناهێلین سەرێ‌ لیستێ‌ ژ دەست بدەن
چاڤەڕێ‌ دهێتە كرن ئەڤرۆ ل دەمژمێر 9:15 شەڤ تیما یانەیا زاخۆ دناڤ ئەرد و جەماوەرێ‌ خوە دا مێڤاندارییا یانەیا نەفت یا بەغدایی بكەت كو دهێتە هژمارتن ئێك ژ یاریێن دی یێن بهێز بۆ كوڕێن خابووری ئەوێن د نوكە دا ل سەرێ‌ لیستێ‌ دهێت و مفا ژ پاشئێخستنا چەند یاریێن یانەیێن دی وەرگرتییە ب كۆمكرنا 46 خالان ژ 13 سەركەفتن، حەفت وەكهەڤیان، تیما نەفتێ‌ 30 خال هەنە ل رێزا 12ێ‌ دهێت، ئەڤ یارییە بۆ زاخۆییان ب دو ئارمانجایە، سەركەفتن ژبۆ پاراستنا سەرێ‌ لیستێ‌ و تۆلڤەكرن پشتی د قۆناغا ئێكێ‌ یا بەری سێ‌ مەهان دا دگەل نەفتێ‌ ل بەغدا تووشی خوسارەتیێ‌ بووی ب دو گۆلێت پاقژ.
تەلال ئەلبۆلشی هوشداریێ‌ ددەتە یاریزانێن خوە
د پرێس كۆنفرانس دا ڕاهێنەرێ‌ تیما یانەیا زاخۆ یێ‌ قەتەری تەلال ئەلبلۆشی گۆت: دڤێت بۆ هەر یارییەكا دهێتە كرن ب هیچ ڕەنگەكە نەهێلین چو خالان ژ دەست بدەین پێخەمەت پاراستنا خوە ل سەرێ‌ لیستێ‌ و رێزبەندییا پێشیێ‌، بەرهەڤی و پلانێن مە و ئارمانجا مە ب تنێ‌ سەركەفتن بۆ هەر یارییەكێ‌، هەڤڕكی بۆ ناسناڤێ‌ خولێ‌ هەتا گەرێن دووماهیێ‌ دێ‌ بەردەوام بیت ژبەركو خالێن پرانییا یانەیان نێزیكی ئێكە، لێ‌ بۆ مە گرنگ ئێدی هیچ یارییەكێ‌ خوسارەت نەبین بەلكو شەڕێ‌ بەردەوام یێ‌ دەستڤە ئینانا سێ‌ خالان بۆ هەر یارییەكێ‌ بیت و نە ڕاوەستیێن.
ژ یاریێن دی یێن ئەڤرۆ، یانەیا شورتە دێ‌ بیتە مێڤانا نەفت میسان، یاریگەها زەورا ل بەغدا دێ‌ مێڤاندارییا یانەیێن كارەبا و كەربەلا كەت، ل باژێرێ‌ نەجەف تیما ئەلقاسم دێ‌ مێڤاندارییا حدود كەت، یاریێن سوبەهی ئەینی، یانەیا نەورۆز دێ‌ ل بەغدا بیتە مێڤانا تەلەبە، یاریگەها شەعب دێ‌ مێڤاندارییا جەوییە و كەرخ كەت، ل باژێرێ‌ ئەنبارێ‌ یانەیا نەفت ئەلبەسرا بیتە مێڤانا یانەیا ئەلگەرمە.
هەلوەستێ‌ گشتی بەری ب دووماهی هاتنا گەڕا 24ێ‌ بڤی شێوەیە.
1- زاخۆ 46 خال.
2- زەورا 46 خال.
3- شورتە 44 خال ژ 21 یارییان.
4- جەوییە 41 خال.
5- تەلەبە 37 خال ژ 22 یارییان.
6- دهۆك 34 خال ژ 19 یارییان.
7- ئەلگەرمە 33 خال.
8- نەفت میسان 32 خال ژ 22 یارییان.
9- ئەلقاسم 32 خال ژ 22 یارییان.
10- هەولێر 32 خال ژ 22 یارییان.
11- نەورۆز 30 خال.
12- نەفت 30 خال ژ 22 یارییان.
13- كەرخ 29 خال.
14- نەجەف 29 خال.
15- كارەبا 27 خال.
16- مینا 24 خال.
17- نەفت بەسرا 22 خال ژ 22 یارییان.
18- كەربەلا 16 خال.
19- دیالا 14 خال.
20- حدود 13 خال.
گۆستاڤۆ و موهەنەد هەڤڕكێن گۆلكەرێ‌ خولێ‌ نە
هەر ئێك ژ گۆستاڤۆ هێنریك ژ یانەیا زاخۆ و موهەنەد عەلی ژ یانەیا شورتە هەڤپشكی ل سەرێ‌ لیستا گۆلكەرێن خولێ‌ دهێن ب 16 گۆلان، مەروان حسێن ژ نەورۆز ب 13 گۆلان رێزا دویێ‌، ئەمجەد عتۆان ژ زاخۆ ب11 گۆلان، یوسف بن سودا ژ هەولێرێ‌ ب 10 گۆلان، عەلا عەباس ژ جەوییە ب10 گۆلان، ئەلحارس حاتم ژ ئەلقاسم نەهـ گۆل، سەیف رەشید ژ ئەلقاسم نەهـ گۆل، شێركۆ كەریم ژ هەولێرێ‌ حەفت گۆل و محەمەد ئەلقاسم ژ نەجەف حەفت گۆل رێزێن سێیێ‌ هەتا نەهێ‌ ل دووڤ ئێك دهێن.

قەیس وەیس:

بۆ جارا دویێ‌ یە فیدراسیۆنا فوتبۆلا ئاسیا ب فەرمی دادڤانێ‌ كورد یێ‌ هەرێما كوردستانێ‌ و یێ‌ نێڤدەولەتی هاوكار سالار وەكو دادڤانێ‌ سەرەكی بۆ قارەمانیێن ئاسیا یا یارییا فوتسالێ‌ پەسەند كر، پشتی شیایی ب پلا گەلەك باش د تاقیكرنێن چەستەیی و زانستییا یاریێ‌ وەربگریت.
سەرۆكێ‌ لژنەیا فوتسالێ‌ یا فیدراسیۆنا فوتبۆلا ئیراقێ‌ دیار كر كۆمەكا دادڤانێن پلا نایاب ل سەر ئاستێ‌ ئاسیا هاتبوونە دەستنیشانكرن بۆ بڕێڤەبرنا یاریێن قارەمانی و كۆپا ئاسیا ل سەر ئاستێ‌ هەلبژارتییان و یانەیان بۆ وەرزێ‌ 2025ێ‌، ژ ئیراقێ‌ دو دادڤانێن شارەزا و نێڤدەولەتی دناڤ دا بوون ئەو ژی هاوكار سالار و حەسەن محەمەد.
عەلی عەبدولحسێن ئەوچەندە ژی گۆت: هەردو دادڤانان سەرجەمێ‌42 دادڤانێن ئاسیا ب فەرمی دێ‌ بۆ وەرزێ‌ نوو یێ‌ قارەمانی و كۆپا ئاسیا ل سەر ئاستێ‌ هەلبژارتییان و یانەیان هاتینە پەسەندكرن ژبۆ بڕێڤەبرنا هەر یاریەكێ‌ هەروەسان بۆ هەر قارەمانیەكا نێڤدەولەتی چو فەرمی یان یا ڤەكری بیت وەكو ماف دێ‌ هێنە دەستنیشانكرن، ئەڤچەندە ژی ب سانەهی نینە سەرباری دادڤانێن مە هەردو نێڤدەولەتی نە سەربۆرەكا باش یا د قارەمانیێن ئاسیا و نێڤدەولەتی هەنە و شیاینە ببنە جهێ‌ باوەریێ‌، هەروەسان شیاینە كۆمەكا باش یا دادڤانێن یارییا فوتسالێ‌ ب ڕێیا رێكخستنا خولان پێشبێخن.

شاهۆ فەرید:

د داخویانیەكێ دا یاریزانێ لەشجوانیێ حەجی رێكانی بۆ رۆژنامەیا ئەڤرۆ دیاركر ئەو یێ‌ بەرهەڤییا بۆ قارەمانییا نێڤدەولەتی یا مەزن دكەت ئەوا بڕیارە هەڤڕكیێن وێ‌ دناڤبەرا هەردو مەهێن خزیران و تەمووزێ دا بهێتە ئەنجامدان و پشكدارییا وی ئێكلا نەبوویە ژبەركو هێشتا ڤیزەیا پشكداریێ‌ نە وەرگرتییە.
هەروەسان ناڤهاتی گۆت: هەرچەندە من دەست ژ ڕاهێنانان بەرنەدایە و ڕژدم و گەشبیم دێ‌ پشكداربم لێ‌ هێشتا دیار نینە ئەو قارەمانیێن دناڤبەرا هەردو مەهێن خزیرانێ‌ و تەمووزێ‌ دێ‌ ل كیش وەلاتی بیت و دێ‌ ڤیزا كیش وەلاتی دەستخوەڤەئینم، چۆنكۆ دەستڤەئینانا ڤیزیێ گەلەكا یاب زەحمەتە بۆ مە وەكو دو دلییەكێ پەیداكریە، ئەڤ قارەمانیە تنێ هەلگرێن پلێتا پێشەكاریێ دشێن پشكداربن و دێ بیتە ڤاڤارتنێن قارەمانیا ماستەر ئۆلمپی، ئەگەر شیام پلا ئێكێ‌ ب دەستڤەبینم دێ گەهمە ئێك ژ مەزنترین دەپێن نمایشا لەشجوانیێ ئەو ژی ماستەر ئۆلمپیە دووماهیك ئاستێ ئەڤێ یاریێ یە، ئانەهییا خودێ ئەڤ چەندە خەونا منە بشێم ناسناڤەكێ هەر بخوە و بۆ ناڤێ كوردستانێ و ئیراقێ دەستڤەبینم، مێژوویەكا باش بۆ خوە توماربكەم و بگەهمە وێ خەونا ژمێژە ل هیڤیێ، یا لسەر مللێن مە ئەرك دێ ئەنجامدەین یادی ژیی دێ دووڤ رەوشێ مینیت.
حەجی گۆت ژی: ئەم دو تا سیێ كەسان ل پارێزگەها دهۆكێ هەلگریێن كارتا پێشەكاریێ نە لێ یاریزانێن دی ژبەر ژیێ وانا یێ مەزن مەرجێن قارەمانیێ ژێ ناگرن و خوە ڤەكێشاینە، ئەگەریێ ڤەگەریانا وان ژیێ كێمە، بادی بالدینگێ یاریێ هەتا نوكە تاكە یاریزانم پشكداریێ بكەم، ئەڤ یاریا دێ‌ پشكداربم دبێژنێ تۆ وان تۆ بالدینك و لسەر ئاستێ كێشا خوە تاكە یاریزانم سەرانسەری ئیراقێ، ئەم دێ شیانێن خوە هەموویان مەزێخین دا ئەنجام و ئاستا دەستڤەبنین، قارەمانەك هەتا بشێت ئاست قارەمانیێن ناڤخوەیی و دەرڤە بینیت و جیهانی و ترس و نە دەستڤەئینانا ڤیزێ رێگریەكێ خەونێن من كەت.

پەروین سەلاح

د دیدارەکێ ڕاهێنه‌رێ تیما باسكێت بۆلا یانه‌یا دهۆكێ بۆ رۆژنامه‌یا ئەڤرۆ دیاركر ئه‌وان پێنگاڤێن باش هاڤێتنه‌ د خولا پلا ئێكا ئیراقێ دا وگه‌له‌ك نێزیكی قۆناغا دووماهیێ بووینه‌، ئه‌وا ژ ٢٠ تیما پێكهاتییه‌ و یاریێن وان ب شێوه‌یێ خول دهێنه‌ كرن.
زێده‌تر میقداد ره‌عدی گۆت: مە پێنگاڤا ئێكێ ب سه‌ركه‌فتیانه‌ ده‌رباز كربوو، د نوکەدا ژسه‌رجه‌مێ ٢٠ تیما شەش ماینه‌، شێوەی خولا دێ بیته‌ ئێك قۆناغ هەر تیمەك دێ پینچ یاریا کەت، سێ تیم دێ سەرکەڤنه‌ پلا نایابا ئیراقێ لێ نوکە نە یا دیارە کا دێ ل کیڤە یاری هێنە کرن، دێ هه‌موو بزاڤان كه‌ین تیمه‌كا بهێز و ڕێكخستی هه‌بیت وهنده‌ك یاریزانێن دی داخوازكه‌ین، ئەگەر دروست نەبوو دێ ب پێكهاتیێ خوه‌ یێ پێشتر پشكداربین.
هه‌روه‌سان ناڤهاتی گۆت: بزاڤێن مه‌ ئه‌وه‌ ئێك ژ پلێتێن ده‌ربازبوونێ وه‌ربگرین بۆ نایابێ، هه‌رچه‌نده‌ د وه‌رزێ ئه‌ڤساله‌ دا چو ده‌لیڤه‌یا پێشچاڤ نه‌بوو، مە یاری د خولا پلا دو كر و ئێكسه‌ر چووینه‌ خولا پله‌ ئێك و به‌رده‌وامبووین بێ راوه‌ستیان، هەروەسا د ئەڤ سالەدا مە ئەو نیاز هەبوو د خولا پلە ئێك دا پشكداربین و سالا بهێت خوه‌ باشتر بەرهەڤبکەین بۆ پلا نایاب، لێ سپاس بۆ خودێ مە سەرکەفتن د یاریان دا تۆمارکرن و دەلیڤە دیت و گەهشتینە قۆناغا دووماهیێ، له‌وما ژی ئەم گەلەك یێن نێزیكی قۆناغا دووماهیێ بووین ئێك ژ سێ تیمان دەربکەڤین دێ ده‌ربازبینه‌ نایابا ئیراقێ، تا راده‌یه‌کێ باش ئەم یێن ماینە دناڤا وان شەش تیمان دا لسه‌ر پلانا خوه‌ بەردەوامین و ئارمانجامە هە ڤڕکییە و باوەرین دێ گه‌هینه‌ ئارمانجا خوه‌.

عەلی حاجی:

د داخویانیەکێ دا کاپتنێ تیما یانه‌یا زاخۆ ل خولا نایابا کوردستانێ یا فوتبۆلێ بۆ رۆژنامەیا ئەڤرۆ دیار کر ئەو هەتا نوکە ژ ئاستێ خوە د وەرزێ ئەڤ سالە دا یێ رازییە و تیما وان دشێت هەڤرکیێ ل سەر ناسناڤی بکەت.
زێدەتر عومەر بیبۆ گۆت : ل دووڤ پلانا دروست دچین و تیما مە د وەرزێ ئەڤ سالە دا شیایە ئاستەکێ باش پێشکێش بکەت و مە باوەرییەکا مەزن ب خوە هەیە کو دێ شێن بەردەوام بن ل سەر ڤی ئاست و ئەنجامی ده‌ین، وەرزێ ئەڤ سالە ژ وەرزێن ب زەحمەتە ژبەرکو سێ تیم یێ هەڤرکیێ ل سەر ناسناڤی دکەن و پێدڤیە بۆ هەر یارییەکێ ژی وەکو یاریا دووماهیێ ئەم سەرەدەریێ دگەل دا بکەین ژبەرکو قوناغا دویێ دا هەمی یاری ب زەحمەتن و هەمی تیمان سەرکەڤتن دڤێت نەخاسمە یاریێن ژ دەرڤەیی یاریگەها مە، ئەو ئاستێ من د ئەڤ سالە دا پێشکێشکری ئەز هەتا نوکە یێ رازی مە و چاڤێ من ل دەستکەڤتیێن تاکە کەسی نینن بەلکو من دڤێت زێدەتر خزمەتا یانەیا زاخۆ بکەم.
ناڤبری گۆت: ئەو یاریزانێن دناڤ تیما مە دا هەمی وەکو خێزانەکێ کار دکەن و شەری بۆلوگویێ یانەیێ دکەن و نهێنیێن سەرکەڤتنێن مە ژی د ڤێ ئێکگرتنا مە دایە و دڤێت ئەم ب هویربینی سەرەدەریێ دگەل ڤێ رەوشێ بکەن.