هه‌رهین محەمەد:

شوكری محه‌مه‌د، ده‌رهێنه‌رێ دراما ده‌رگه‌هـ یا كو ل مه‌ها ره‌مه‌زانا پیرۆز ل دهۆك تیڤی دهاته‌ په‌خشكرن دیداره‌كێ دا بۆ و به‌رپه‌رێ هونه‌ری یێ رۆژنامه‌یا ئه‌ڤرۆ گۆت: هزرا دراما ده‌رگه‌هـ یا نڤیسه‌ر لێهات سه‌لاح و من وێ بریاردا ئه‌ڤی تشتی ئاڤاكه‌ین و ب راستی ژی ل باژێرێ دهۆكێ مه‌ سینارست كێم یێن هه‌ین و ئه‌ڤه‌ كارێ وی یێ ئێكی بوو وه‌كو نڤیسینا درامایێ و دێ بۆ وی ژی گه‌له‌ك یا بزه‌حمه‌ت بیت، به‌لێ مه‌ هه‌ماهه‌نگیه‌كا باش ل گه‌ل هه‌بوو وه‌كو رێزكرنا چیروكێ و لێكدانا مه‌شهه‌دان و ئه‌ڤه‌ كارێ من وی وه‌كو دراما یێ ئێكێ بووگۆت: دراما ده‌رگه‌ه بیست خه‌له‌كه‌ بوو و ب خوەشحالیڤه‌ بینه‌ره‌كێ مه‌زن هه‌بوو خه‌لكی گه‌له‌ك حه‌زدكر دراما هێشتا درێژب با و دگۆتن ئه‌م یێن فێری درامایێ بووین و هه‌كه‌ سیزنه‌كێ دی هه‌با بۆ خه‌لكی، چونكۆ خه‌لكی گه‌له‌ك یا حه‌زژێكری و ره‌خنه‌یێ، خه‌لكی ئه‌و بوون بیست خه‌له‌كه‌ كێمن و دڤیا بیست خه‌له‌كه‌، یان سیه خه‌له‌كه‌بان و براستی هنده‌ك گرێیا سه‌ره‌كی یا درامایێ یا هه‌ی و مه‌ گه‌له‌ك گرێین لاوه‌كی یێن هه‌ین و گه‌له‌ك تشتان نابێژم دمینه‌ هه‌لاویستی و گه‌له‌ك چاره‌ دبه‌رزه‌نه‌ و پتریا تشتان ژی دگه‌هنه‌ وێ ئارمانجێ یا مه‌ بۆ نڤیسای و هه‌كه‌ تشته‌كێ وه‌سا درامایێ دا هه‌بیت ئه‌ڤه‌ مه‌ دووجاران ئابدێت كر ژ به‌ر تیڤیێ و بگشتی دراما پازده‌ خه‌له‌كه‌ بوو ده‌مێ مه‌ پێشكێشكری و ده‌مێ ل گه‌ل رێڤه‌بله‌رێ دهۆك تیڤی روینشتین ئه‌وی بریاردا پێنچ خه‌له‌كێن دیژی زێده‌كه‌ین و پشتی مه‌ زێده‌كرین راكێشانه‌ك ددرامایێ دا هاته‌كرن و نێزیكی چار پێنچ جاران مه‌ سیناریویا دراما ده‌رگه‌ه ئابدێت كریه‌ و بێگومان دراما خومالی خه‌لك گه‌له‌ك حه‌زژێدكه‌ن و نه‌كو سالێ ئێك دراما بیت و مه‌ دنیایه‌كا ده‌زگه‌ه و تیڤیان هه‌نه‌ و ئه‌گه‌ر به‌رده‌وام دراما بهێنه‌ چێكرن دراما بیانی كه‌س ناسه‌حكه‌تێ، چونكو ئه‌ڤه‌ كه‌لتۆر و ژیوارێ وی یه‌ و هه‌رتشته‌كێ ژیانا مرۆڤی یا رۆژانه‌یه‌ و وێ پارچا ئه‌م ل سه‌ر دژین و ئه‌و خوه‌ تێدا دبینن و دبیت ئه‌م سه‌حكه‌ینه‌ درامایه‌كا تركی و مه‌كسیكی و ئه‌م خوه‌ تێدا نه‌بینن به‌س ئه‌م سه‌حدكه‌ینه‌ چیرۆكا وێ و درامایێ دا مه‌ ئاشتی هه‌بوو دبیت گه‌له‌ك مالان دا ئێكێ وه‌كو ئاشتی هه‌بیت كو گه‌له‌ك یێ بزاڤه‌ و دبی تمه‌ دخێزانێ دا هه‌بیت دو براڤێك نه‌كه‌ن و بمینه‌ ب ده‌رولێڤێن ئێك و دوو ڤه‌ و ئه‌ڤه‌ ژی ژیوارێ وایه‌ و بشێوه‌كی به‌لگه‌كێ هونه‌ری یێ جوان پێشكێشكه‌ن.

زاخۆ، دلۆڤان هالۆ:

هونەرمەندێ گەنج یێ باژێڕێ زاخۆ ئۆسمان زاخۆیی د دیدارەکێ دا بۆ ڕۆژناما ئەڤرۆ دیار کر کو ل سالا 2000ێ من دەست ب هونەرێ ستران گۆتنێ کرییە، و باشترین هاریکار و پشتەڤان هەڤال و کەسوکارێن من بوون، لێ مامۆستایێ هۆزانڤان مەسعوود زەینەلی ژی گەلەك هاریکارییا من کرییە.
ناڤهاتی ئاماژە ب وێ چەندێ ژی کر کو هەتا نوکە من نێزیکی 16 کلیپان و 12 سترانێن بەلاڤکری هەنە، و ئەز ب سترانا بێ سۆز بەرنیاس بووم کو ژ پەیڤ و ئاوازێن مەسعوود زەینەلی بوون، و بەهرا پتر یا سترانێن من ژی هەر ژ پەیڤ و ئاوازێن مەسعوودی نە، لێ عەبدولعەزیز سلێمانی و یوسف ڕەمەزانی ژی هندەك پەیڤ و ئاواز داینە من.
گۆت ژی:»خێزانا من ئێکە ژ حەژێکەرا دەنگێ من و گەلەك پشتەڤانا منە، هەر سترانەکا ئەز ئامادە بکەم ژبەری تۆمارکرنێ ئەز بۆ وێ دبێژم و پشتی هینگێ ژ نوو ئەز تۆمار دکەم، و ئەز حەز ژ دەنگێ هەمی هونەرمەندێن کورد یێن نەمر دکەم، لێ یێن کو من بۆ خوە سەربۆر ژێ وەرگرتین و حەز ژ دەنگێ وان کری ئەڕدەوان زاخۆیی و ئەیاز یوسڤ و تەحسین تەهایە».
زێدەتر ژی گۆت:»هونەر ناسناما گەلانە و هەر مللەتەك ب هونەر و فۆلکلۆرێ خوە بەرنیاسە، سترانا فۆلکۆری سەرچەپەرێ سترانا هەڤچەرخە، لەوما ئەز گەلەك ب فۆلکلۆری ڤە هاتیمە گرێدان، گەلەك بەرهەمێن فۆلکلۆری من تۆماکرینە، و ئەز نوکە مژوولی کارەکێ هونەری مە کو سترانەکە بناڤێ وارێ بەهدینا ژ پەیڤ و ئاوازێن عەبدولعەزیز سلێمانی یە و ل دەمەکێ نێزیك دێ هێتە بەلاڤکرن».

ئه‌ڤرۆ، هه‌رهین:

سترانبێژێ گه‌نج هشیار كوچه‌ر، د دیداره‌كێ دا بۆ و به‌رپه‌رێ هونه‌ری یێ رۆژنامه‌یا ئه‌ڤرۆ گۆت: ژ به‌ر ئه‌نجامدانا نشته‌گه‌ریه‌كێ بۆ ده‌مێ حه‌فت سالان ژ ستران گۆتنێ دووركه‌تم، به‌لێ نوكه‌ دبه‌رنامێ من دایه‌ كلیپه‌كا نوی چێكه‌م، به‌لێ دنوكه‌ دا به‌رده‌وام دچمه‌ ده‌واتان دستران گۆتنێ دا گه‌له‌ك حه‌زژ سترانێن فلكلۆری دكه‌م و دده‌مه‌كی دا دچوومه‌ ده‌واتێن برایێن ئێزدی و هوینگێ ده‌وات دو سێ رۆژبوون و هوینگێ هه‌ر سێ رۆژان من ستران بێ راوستیان دگۆتن و دده‌واتان دا
زێده‌باری سترانێن من ئاماده‌كری بۆ ده‌واتێ شاباشه‌و داخازی دهێنه‌كرن ب تایبه‌تی سترانا من دێ هه‌ره‌ و ریحانێ دهێته‌كرن و پشتی گه‌له‌ك داخازی ژ من هاتیه‌كرن لبه‌ره‌ سترانا ریحانێ نوی بكه‌م و نوكه‌ خودانێ نه‌ه كلیپامه‌ ژبلی یێن نه‌ته‌وه‌یی زێده‌تر گۆت: من گه‌له‌ك كارێن هونه‌ری كرینه‌ و بۆ گه‌له‌ك كارێن خوه‌ یێ په‌شێمانم و سترانا ناڤ باغێ ئه‌ڤیناته‌ بۆ وێنێ وێ گه‌له‌ك په‌شێمان بووم و سترانا ریحانێ بۆ مۆزیكا وێ په‌شێمانبووم و من دوجاران چێكرن.
هشیاری گۆت: دده‌مه‌كی یدا كچێ رۆله‌كێ مه‌زن هه‌بوو دكلیپێ دا و هه‌تا بابێ من هێلای سترانا بێژم ب سه‌د كوته‌كا و هوینگێ ئه‌ز زه‌لام ژی بووم وده‌می کلیپێن من لگه‌ل كچان ده‌ردكه‌تن من خوه‌ نیشا بابێ خوه‌ نه‌دا و د ئه‌وی ده‌می دا هه‌كه‌ مرۆڤی كچه‌ك دكلیپه‌كێ دادیت با تشته‌كێ مه‌زن بوو ڤێچا مه‌ تشتێ وه‌سا نه‌دیتبوو گه‌له‌ك یا كێم بوو كچ بهێته‌ سترانێ دا ڤێجا هوینگێ ده‌نگ و سترانا وی نه‌یا خۆش با ژی ب رێیا كچێ سترانا وی دهاته‌ پێش ڤێجا چ خۆش، یان نه‌خۆش، به‌لێ نوكه‌ یا بوویه‌ تشته‌كێ نورمال و نوكه‌ كچی یێن دوكان و جوانكاریا ڤه‌دكه‌ن و ل ماركێتان كاردكه‌ن، ئانكۆ یا بوویه‌ نورمال و لدووڤ تشتێ خوه‌ش دگه‌رن.