رێژین نهێلى
د ناڤ په‌رێن دیرۆكا كه‌ڤن و یا نوز دا دیار دبیت هنده‌ك سه‌ركرده‌ كێم جاران دوباره‌دبن و مه‌لا مسته‌فایێ بارزانى، ژى ئێك ژ وان سه‌ركرده‌یێن نه‌دوباره‌ بوویه‌ د مێژوویا نه‌ته‌وا كورد دا و بوویه‌ هێمایێ كوردایه‌تیێ و قوتابخه‌نایا وه‌لاتپارێزیێ.
(مسته‌فا شێخ محه‌مه‌د) بارزانى یێ ناسیار ب (مه‌لا مسته‌فا بارزانى) ل رێكه‌فتى 14/3 سالا 1903 یێ ل گوندێ بارزان ژ بنه‌ماله‌كا ئاشتیخواز ژ دایكبوویه‌. و ئێك ژ سیاسه‌تڤان و قه‌هره‌مانێن ملله‌تێ كورده‌ كو ب ته‌مامیا ژیانا خوه‌ د خه‌بات و خزمه‌تا ملله‌تێ كوردان ته‌رخان كربوو، هه‌رده‌م دوژمنێ كورد ترسه‌كا مه‌زن د دلى دابوو ژ ئه‌گه‌رێ هه‌بوونا (مه‌لا مسته‌فاى) ئه‌و به‌رهه‌م و ده‌ستكه‌فتێن ئه‌ڤرۆ ملله‌تێ كورد بده‌ستڤه‌ئیناین ژ به‌رهه‌مێ خه‌باتا (مه‌لامسته‌فا )یه‌، چونكو بارزانیێ نه‌مر بنیاتێن دروستبوونا ده‌وله‌تا كوردى دانابوون كو ئه‌م كورد هه‌موو چاڤه‌رێى وێ دروستبوونێ ینه‌ (شێخ عه‌بدولالسلام بارزانى) باپیرێ (مه‌لا مسته‌فا بارزانى)ل 1872 چوویه‌ به‌ردلۆڤانیا خودێ و كورێ وى شێخ محه‌مه‌د بوویه‌ سه‌رۆك هۆزا بارزان، مه‌لا مسته‌فایێ بارزانى كورێ (پێنجێ) و دووماهیێ بۆ ژ كوڕێن (شێخ محه‌مه‌د) ل سالا1906 ل ته‌مه‌نێ سێ سالیێ دا (مه‌لا مسته‌فا و دایكا خوه‌) دزیندانا؛ مووسل دا دهێنه‌ زیندانكرن و ل سالا 1917 تا 1919 شێخ ئه‌حمه‌دێ بارزانى برایێ وى یێ مه‌زن ل گه‌ل شێخ عه‌بدولره‌حمان شه‌رنه‌خى دا بۆ كاروبارێن شۆره‌شێ دهنێریته‌ كوردستانا توركیا ل وێرێ چاڤێ وى ب شێخ عه‌بدولقه‌هارێ نه‌هرى و شێخ سه‌عیدێ پیران؛ دكه‌ڤیت ل سالا1919 ب مه‌رمانا شێخ ئه‌حمه‌دى بارزانى ب سه‌رۆكاتیا هێزه‌كێ دچیته‌ هه‌وارا شێخ مه‌حموودێ نه‌مر و شۆره‌شێ ل دژى ئنگلیزان دكه‌ن و هه‌روه‌سا ل سالا 1920 تا 1921 دچیته‌ هه‌وار (ئه‌نداریك پارشایێ ئه‌رمه‌نا) ل توركیا و هه‌روه‌سا ل رێكه‌فتى 12/9 سالا 1931 ل راپه‌رینا ئێكێ ل بارزان ب سه‌ركردایه‌تیا بارزانیى َنه‌مر د شه‌رێ به‌رقى به‌گ دا ب تنێ 80 بارزانى شیان سۆپایێ دوژمنى بشكێنن و زیانا 1026 كوشتیێن دوژمنى به‌رامبه‌ر پێنچ شه‌هیدێن سۆپایێ بارزانى. ل رێكه‌فتى 22/6 سالا 1933 حوكمه‌تا توركیا شێخ ئه‌حمه‌دێ بارزانى دگریت و رادستى حوكمه‌تا عیراقێ دكه‌ت و بارزانیێ نه‌مر و ل گه‌ل خێزانێن بارزانى ب هاریكاریا برا كوردێن توركیا خوه‌ ده‌ربازدكه‌ت و ڤه‌دگه‌ریته‌ ناڤچه‌یا بارزان و حوكمه‌تا عیراقێ نه‌چاردبیت ل ئابا سالا 1933 شێخ ئه‌حمه‌دێ بارزانى ئازاد دكه‌ت و ڤه‌دگوهێزنه‌ ناڤچه‌یا بارزان ل ناڤه‌راستا سالا 1936 بۆ دانوستاندنێ دچیته‌ مووسل لێ مخابن ل وێرێ دهێته‌گرتن ژلایێ مه‌ته‌سه‌رفێن مووسل و ده‌رمانى دده‌نێ و وه‌كى موعجیزه‌یه‌ك ژمرنێ رزگاردبیت. پشتى دو هه‌فتیان د نه‌هشیاریێ دا هه‌ر د دووماهیا وێ سالێ شێخ ئه‌حمه‌د و ل گه‌ل چه‌ندین خێزانێن بارزانیان هاتنه‌ ڤه‌گوهاستن بۆ باژێرێ به‌غدا و چه‌ندین باژێرێن دیتر و ل رێكه‌فتى 12/7/1943 بارزانیێ نه‌مر پشتى چه‌ندین سال ژ ده‌ربه‌ده‌رى و ده‌ست ب سه‌ردا گرتن ب هاریكاریا حیزبا هیوا و چه‌ند كه‌سه‌كێن نیشتیمانپه‌روه‌ر ل سلێمانیێ ده‌رباز دبیت و دگه‌هیته‌ ناڤچه‌یا(شنۆ) ل كوردستانا ئیرانێ هه‌ردو حوكمه‌تێن ئیراق و ئیرانێ ب برێ 50000 هزار دیناران خه‌لات ددان ب وى كه‌سێ بارزانى دكوژیت، به‌لێ بارزانى ل رێكه‌فتى 28/ 7 سالا 1943 ڤه‌دگه‌ریته‌ بارزان. د ده‌مێ دو هه‌یڤان دا پترى دو هزار پێشمه‌رگه‌یان لێ خرڤه‌دبن و ل سالا 1943 تا 1945 شۆره‌شا بارزان ده‌سپێدكه‌ت و د وێ شۆره‌شێ دا چه‌ندین داستانێن قه‌هره‌مانانه‌ تۆماردكه‌ن و ژ گرنگترین شه‌ران (شه‌رێ ب ناڤوده‌نگێ شانه‌ده‌ر) ل 2/10 سالا 1943 و شه‌رێ (خێرو زوك) ل 12/ 10 سالا1943 و شه‌رى َ(گوره‌تۆ) ل 6/ 11 سالا 1943 و شه‌رێ (مه‌زنه‌) ل 10/ 11 سالا 1943 ل رێكه‌فتى 29/ 11 سالا 1943 دانوستاندن ل گه‌ل حوكمه‌تێ ده‌سپێكرن 15/ 1 1945 (لیژنا ئازادى) پێكئینا و ل رێكه‌فتى 28/ 5 سالا 1945 شه‌ر ده‌سپێدكه‌ته‌ڤه‌. ل رێكه‌فتى 5/9 سالا 1945 شه‌رێ (میدان موریك) ده‌سپێدكه‌ت و د ڤى شه‌رى دا به‌رامبه‌ر پێنچ شه‌هیدێن سۆپایێ بارزانى 80 ئێخسیر و 480 كوشتى یێن سۆپایێ حوكمه‌تێ ل 10/ 11 سالا 1945 خوه‌ ڤه‌كێشا. بارزانیى َنه‌مر ل گه‌ل چه‌ند پێشمه‌رگه‌یه‌كا چوون پال (كۆمارا مهاباد) بارزانى رۆله‌كێ گرنگ وكاریگه‌ر دبینیت دپێشڤه‌چوونا كۆمارێ دا و پێشه‌وا قازى ب پلا (جه‌نه‌رالێ كۆمارێ) پله‌دار دكه‌ت، به‌لێ مخابن ڤێ كۆمارێ ژیه‌كێ كورت بر هه‌ر د وى َسالێ دا (پارتى دیمۆكراتى كوردستان) دامه‌زراند و د نه‌ه كۆنگره‌یان دا (بارزانیێ نه‌مر) سه‌رۆكاتیا پارتى دیمۆكراتى كوردستان دكه‌ت. 29/ 4 سالا 1946 شه‌رێ (قاراوا) ل ناڤچه‌یا (سه‌قز) بۆ به‌رڤانیكرنا ژ كۆمارا مهاباد ده‌سپێكر، د وى شه‌رى دا (هه‌شتێ سه‌رباز و ئه‌فسه‌رێن ئیرانێ هاتنه‌ كوشتن و هنده‌ك ژى هاتنه‌ ئێخسیركرن، بێى كو چ زیان ب پێشمه‌رگه‌یى َبارزانى بكه‌ڤن و ل 16/ 8 سالا 1946 (شه‌رێ مل قه‌رێن یان مامه‌ شایێ) ده‌سپێكر. ل هه‌فتیا ئێكێ یا هه‌یڤا سێ سالا 1937 شه‌رێ (نه‌لۆس) ده‌سپێكر ل 13/3 سالا1947 شه‌رێ (شنۆ و ره‌خه‌ده‌) ده‌سپێكر و ل 24/3 سالا 1947 شه‌رێ (قارنه‌) ده‌سپێكر و ل 25/3 سالا 1947 شه‌رێ (هه‌ڤرس) ده‌سپێكر و ل 3/4 سالا 1947 شه‌رێ (نێرگێ )روو دا، كو د ڤى شه‌رى دا بارزانى ب برینه‌كا سڤك برینداربوو ل 19/4 سالا 1947. هه‌ر د وێ سالێ دا بارزانى ڤه‌دگه‌ریته‌ ئاخا ئیراقێ. ل 27/5 سالا 1947جاره‌كا دى دچیته‌ گوندێ (جێرمێ) ل كوردستان ئیرانێ ل 11/6/ 1947 شه‌رێ چیایێ (زۆزك) و ده‌شتا (ماكو) ده‌سپێدكه‌ت و ئه‌ڤ شه‌ره‌ سێ رۆژ و سێ شه‌ڤان ڤه‌دكێشیت بێ راوه‌ستیان و د ڤى شه‌ری دا ئیرانێ تۆپ و تانك و فرۆكه‌ بكاردئینان كو به‌رى هینگێ ئیرانێ خوه‌ بۆ ڤى شه‌رى به‌رهه‌ڤكربوو لێ د به‌رژه‌وه‌ندیا وان دا نه‌بوو بارزانى د وى شه‌رى دا سه‌ركه‌فت ژبلى سه‌ده‌ها كوشتیا و ئێخسیرا ل 18/6/ 1947 بارزانى و 271 پێشمه‌رگه‌ ب رێیا رووبارێ ئاراس چوونه‌ ناڤ خاكا ئێكه‌تیا سوفیه‌ت و ل 19/1 سالا 1948 د كۆنفرانسه‌كێ گشتى دا هه‌موو كۆچبه‌ر و ئاواره‌یێن كوردستانا ئیراقێ و ئیرانێ تێدا به‌رهه‌ڤ ببوون و ب سه‌ركردایه‌تیا سیاسى یا هه‌ڤپشك بۆ ته‌ڤگه‌را كوردینیى َهاته‌ هه‌لبژارتن و بارزانى ب وێ سه‌ركردایه‌تیێ هات هه‌لبژارتن. ل 29/ 8/1948 ئه‌و ل گه‌ل هه‌ڤالێن خوه‌ ل باكۆیى َدهێنه‌ ڤه‌گوهاستن بۆ باژێرێ (تاشقه‌ند) یێ پایته‌ختێ ئۆزپاكستان ل 13/3/ سالا 1949 بارزانى ژ هه‌ڤالێن خوه‌ ڤه‌دبیت، ب تنى َل گه‌ل دو هه‌ڤالان دبه‌نه‌ (چه‌مباى) ل سه‌ر ده‌ریاچا ئۆرال، ل وێرێ دهێنه‌ گرتن ل هه‌یڤا ئه‌یارێ ل سالا 1953 (ستالین ) دمریت و (خرۆشۆڤ) دهێته‌ سه‌ر ده‌ستهه‌لاتێ و بارزانى ڤه‌دگه‌ریت بۆ مۆسكۆ، چه‌ند جاره‌كا چاڤى َوى ب خرۆشۆڤى دكه‌ڤیت، پشتى شۆره‌شا 1958، پشتى دوازده‌ سال ژ ده‌ربه‌رده‌ریێ ڤه‌دگه‌ریته‌ به‌غدا و ل سالا 1960 ب ئێكجارى ڤه‌دگه‌ریته‌ كوردستانا باشوور، ل ناڤچه‌یا بارزان جێهگیر دبیت و ل سالا 1961 شۆره‌شا ئه‌یلۆلێ ده‌سپێدكه‌ت و هه‌ر ل وى َسالێ دا (ئوتونومیێ بۆ كوردستانا ئیراقێ بده‌ستڤه‌دئینن و ل 29/9 سالا 1971 دوژمنا پیلانه‌كا ره‌ش دانابوو بۆ بارزانى، لێ خودێ پاراست. ژ وێ پیلانێ رزگاركر. ل سالا 1974 ده‌ست هاڤێت شه‌رێ به‌ره‌ڤانیێ و ل ئادارا 1975 ژ ئه‌گه‌رێ رێكه‌فتنامه‌یا جه‌زائیر و ئه‌و پیلانێن نیڤده‌وله‌تى بۆ تێكبرنا شۆره‌شا ئیلۆنێ، ئه‌و ل گه‌ل سه‌د هزار كه‌س ژ كوردێن ئیراقێ به‌ر ب ئیرانێ ئاواره‌بوون. ل 1/3 سالا 1979 ل ئه‌مریكا ب نه‌خوه‌شیا شێرپه‌نجه‌یێ چوویه‌ به‌ردلۆڤانیا خودێ. ل 5/3 سالا 1979 ل سه‌ر وه‌سیه‌تا وى ل باژێرێ شنۆ، ل كوردستانا ئیرانێ هاته‌ ڤه‌شارتن پشتى راپه‌رین و سه‌رهه‌لدانا كورد. سالا1993 د رێوره‌سمه‌كى َتایبه‌ت د و شكۆردار دا ل ئاخا باب و باپیران ل گه‌ل كورێ وى شه‌هیدێ نه‌مر (ئدریس بارزانى ) ل بارزان هاته‌ ڤه‌شارتن و تێدا چه‌ندین كه‌س بێى جیاوازى د وێ رێوره‌سمێ دا ئاماده‌بوون.

رێژین نهێلى
وه‌كى یا دیار كو ل گه‌ل ده‌ربازبوونا وان هه‌شت كابینه‌یێن حوكمه‌تا هه‌رێما كوردستانێ تێدا ده‌ربازبووى، چه‌ندین گرفتێن سیاسى و دارایى دروست بوون، ئه‌ڤجا چ ب وان فشاران بیت یێن حوكمه‌تا به‌غدا د ئێخستنه‌ سه‌ر حوكمه‌تا هه‌رێما كوردستانێ یان ژى وه‌لاتێن ده‌وروبه‌ربن، لێ كه‌سایه‌تى و شاره‌زایا ره‌فتاركرن دگه‌ل بارودۆخان دا و دپلۆماسیه‌تا نێچیرڤان بارزانى، سه‌رۆكێ حوكمه‌تا هه‌رێما كوردستانێ وه‌ دكر كو هه‌ر پێنگاڤه‌ك و بریاره‌كا لایه‌نێن تێكده‌ر سنۆر بۆ هه‌بن و به‌رده‌وام ب سیاسه‌ت و دانوستاندنێن خوه‌ یێن دپلۆماسیانه‌ ره‌وش ئارام كریه‌ و به‌ر ب باشیێ گوهارتیه‌، سه‌ره‌راى هندێ ژى كو حزبان, پارتى یه‌كه‌مه‌، دشیا ل گه‌ل هنده‌ك حزبێن بچووك حوكمه‌ت پێكئینابایه‌، لێ ژبه‌ر به‌رچاڤ وه‌رگرتن و گرنگیا بابه‌تێن نیشتیمانى و نه‌ته‌وه‌ى و نه‌دابه‌شبوونا هه‌رێمێ، پارتى یا داكۆكیێ ل سه‌ر حوكمه‌ته‌كا ئێكگرتى دكه‌ت كو ب دابمه‌زرینیت و ئه‌و حوكمه‌ته‌ ل گۆره‌یى خواست جڤاك و ئاستێ قووناغا سه‌رده‌م دابیت و بشێت هه‌ڤركیا پیلان و نه‌خشه‌یێن نه‌حه‌زێن ملله‌تێ كورد بكه‌ت. ژ لایه‌كێ ژى راسته‌ كو ئه‌ڤه‌ قووناغه‌كا هه‌ستیاره‌ به‌رده‌م پێكئینانا كابینه‌یا نه‌هێ یا حوكمه‌تا هه‌رێما كوردستانى، لێ دیسا ژى زۆر ژ رێیا ب زه‌حمه‌تى هاتیه‌ ده‌ربازكرن، له‌ورا ژى پێتڤیه‌ دبه‌رده‌وامیا كابینه‌یێن حوكمه‌تێ داهزر د وان گه‌ف و ئالۆزى و دژایه‌تیا وان بهێته‌كرن یێن به‌رى نوكه‌ كه‌فتینه‌ د رێیا حوكمه‌تێ دا، و هه‌موو لایه‌نێن پشكدار د پێكئینانا كابینه‌یا نوو دا ب به‌رپرسیارانه‌ و نیشتیمانپه‌روه‌رانه‌ بریارێ بۆ حوكمه‌ته‌كا بهێز بده‌ن.
حه‌تا نوكه‌ كابینا نه‌هێ یا حوكمه‌تا هه‌رێما كوردستانێ نه‌هاتیه‌ پێكئینان، وه‌كى دیار كو چه‌ندین كۆمبوون ژى هاتینه‌كرن، به‌لێ هێشتا هنده‌ك حزبان خوه‌ ئێكلا نه‌كریه‌ بۆ بریاردان كا ئه‌رێ دێ ب چ شێواز و میكانیزم و سه‌نگ پشكدارى پێكئینانا كابینه‌یا نه‌هێ كه‌ن، ئه‌ڤجا دامه‌زراندنا حوكمه‌ته‌كا نیشتیمانى یا ب هێز كو شیان و به‌رپرسیاره‌تیا رووبرووبوونا هه‌ر گه‌فه‌كا ناڤخوه‌یى و ده‌ره‌كى هه‌بیت ئه‌ڤه‌ یا گرنگه‌ بۆ ملله‌تى و چاره‌نڤسێ خه‌لكى، چونكو بۆ ڤێ كابینه‌یێ ژى چاڤێ خه‌لكى زۆر ل سه‌ره‌، و ب ئۆمێده‌كا مه‌زن ل هیڤیا كابینه‌یا نه‌هێ نه‌، وه‌كى ئه‌م دزانین هه‌رێما كوردستانێ زۆر قووناغێن سه‌خت و دژوار ده‌رباز كرینه‌، بۆ هندێ كو بگه‌هنه‌ ئۆمێدێن خوه‌ د ناڤ كوردستانێ دا، چونكو ل ده‌مێ هه‌لبژارتنا خه‌لكێ مه‌ زۆر ب باوه‌رى ڤه‌ ده‌نگى دده‌نه‌ هنده‌ك كه‌سان كو دبنه‌ نوونه‌رێن وان د بریاردان ل سه‌ر باشتربوونا ره‌وشا هه‌رێما كوردستانێ و خه‌لكێ وى، ژ به‌ر هندێ ژى زۆر گیرۆبوونا نه‌ پێكئینانا حوكمه‌تێ، ژبلى كارتێكرن ل سه‌ر حزبان دێ كارتێكرنێ ل سه‌ر هیڤى و باوه‌ریا خه‌لكى ژى كه‌تن، هه‌ر چه‌نده‌ پێكئینانا حوكمه‌تێ یا گرێداییه‌ ب گه‌له‌ك بابه‌ت و پرسێن دى، د ناڤبه‌را لایه‌نان دا ب تایبه‌ت پرسا كه‌ركووكى، ژبه‌ر هندێ ژى دانوستاندنێن به‌رفره‌هـ پێدڤێن، ژ به‌ر هندێ ژى دانوستاندن و فشاركرن ل سه‌ر ئێكودو د ڤى ده‌مى دا تشته‌كێ ئاسای یه‌، چونكو هه‌ر لایه‌نه‌ك ب ده‌رفه‌ت دزانیت باشترین پشك د ڤێ كابینێ دا وه‌ربگریت، لێ نابیت ئه‌ڤه‌ ژى ل سه‌ر حسێبا پارتى بۆ ئێكرێزى و ته‌باییێ بهێته‌كرن، ئه‌ڤجا لازمه‌ پتر بارودۆخێ سیاسى و جڤاكى به‌رچاڤ بهێته‌ وه‌رگرتن بۆ هندێ حوكمه‌ته‌كا بهێز بهێته‌ پێكئینان، چونكو هه‌بوونا هه‌ر ناسنامه‌یه‌كا نه‌ته‌وه‌یى و نیشتیمانى یا گرێدایه‌ ب حوكمه‌ته‌كا بهێز ڤه‌ د چارچووڤێ بنه‌مایێن قانوونى دا، كو تێدا یاسا سه‌روه‌ر و به‌رقراربیت ل سه‌ر هه‌موو لایه‌كێ و تاكه‌كێ جڤاكى ب بێى جوداهى.

رێژین نهێلى
د وه‌رگرتنا ده‌ستهه‌لاتداریه‌كا مه‌زن دا هێز و باوه‌ریه‌كا مه‌زن دڤێت، ل هه‌رێما كوردستانێ ژى زۆر نه‌حه‌ز هه‌نه‌ حه‌تا نوكه‌ ژبه‌ر خیانه‌ت و نه‌زانینا برێڤه‌برنا سیاسه‌ته‌كا دروست و دوور ژ كار و سودمه‌ندیێن كه‌سۆكى و ژده‌ستنه‌دانا كورسیكێ ئه‌وا ژبۆى مه‌ره‌مێن خوه‌یێن كه‌سۆكى بكاردئینن نه‌شێن كوردستانێ برێڤه‌ببه‌ن و ببنه‌ باوه‌ریا زۆربه‌یا خه‌لكى كو بشێن نوونه‌راتیا وان ل سه‌ر ئاستێ ناڤخوه‌یى و ده‌ره‌كى بكه‌ن، دێ رابن ب پرۆپاگنده‌یان هندێ مژوولبن كو ده‌ستهه‌لات د ده‌ستێ بنه‌مالا بارزان دایه‌ ئه‌و بنه‌مالا كو ب درێژاهیا مێژوویێ خودان قوربانیێن زوور و خه‌بات و شۆرشه‌كا راست و دروست و دوور ژ خیانه‌تێ بووینه‌ ل گه‌ل ملله‌تێ خوه‌ و ئازادیخواز بووینه‌، دێ بێژن ده‌ستهه‌لات بۆ وان مایه‌. ل ڤێرێ د ده‌مێ ده‌ستهه‌لات د ده‌ستێ بنه‌مالا شۆره‌شگێران دا بیت و نوونه‌ر و جهێ باوه‌را خه‌لكى دابن بێگومان دێ خه‌لك ئارام ژین و دچاڤنه‌ترس بن د هه‌ر روودانه‌كا نه‌چاڤه‌رێكرى دا، هه‌روه‌ك ده‌ستهه‌لات د ده‌ستێ مه‌ هه‌موو تاكه‌كى دا. ژ به‌ر ڤێ چه‌ندێ ژى وه‌كى د دووماهى كۆمبوونا ئاسایى دا یا ئه‌نجوومه‌نێ سه‌ركردایه‌تیا پارتی دا بریار دا كو هه‌ر ئێك ژ خزمه‌تكارێن گه‌لێ مه‌ جهێ رێز و باوه‌ریا ناڤخوه‌یا هه‌رێمێ و ده‌رڤه‌ دوپلۆماتكار و سیاسه‌تڤان (نێچیرڤان بارزانى) ژبۆى پۆستێ سه‌رۆكاتیا هه‌رێما كوردستانێ و هێمایێ ئارامیا كوردستانێ (مه‌سرۆر بارزانى) ژبۆى سه‌رۆكێ حوكمه‌تا هه‌رێما كوردستانێ بهه‌لبژێرن، ل ڤێرێ و ل ڤى ده‌مى ئه‌ڤه‌ بریاره‌كا د ده‌م و جهى َخوه‌ دا بوویه‌ ژبۆى رێخستنا هه‌موو وارێن ئیدارى و نه‌هێلانا گه‌نده‌لیى َو دوباره‌نه‌بوون و رێكنه‌دان ب خیانه‌تكارێن پیلانێن 16 ئكتوبه‌رێ ئه‌وێن كو به‌رده‌وام هزرێن وان ل سه‌ر فرۆشتن و ژده‌ستدانا كوردستانێ…
چونكو هه‌بوونا كه‌سێن قه‌بوولكرى ل سه‌ر ئاستێ ناڤخوه‌یى و ده‌ره‌كى پۆستێ سه‌رۆكاتیا هه‌رێمێ و حوكمه‌تێ دێ بیته‌ ئه‌گه‌رێ دروستكرنا (كوردستانه‌كا ب هێز) كو درووشمێ پارتى یه‌. دیسا هه‌ماهه‌نگى و هه‌ڤالینیا؛ نێچیرڤان بارزانى؛ ل گه‌ل سه‌ركرده‌ و سه‌رۆكێن وه‌لاتێن زلهێزێن جیهانێ، دێ بیته‌ ئه‌گه‌رێ پاراستن و بهێزكرنا كوردستانێ ل هه‌به‌ر هه‌ر گه‌فه‌كێ، چونكو مه‌ هه‌موویان ب چاڤێن خوه‌ دیت د نه‌خوه‌شترین و ئالۆزترین ده‌م دا كێ كوردستان پاراست و كێ خیانه‌ت لێكر و پشتاخوه‌دایێ، ئه‌ڤجا هیڤى بۆ مه‌ دروست بووینه‌ كو بێگومان دێ چار سالێن نوو یێن هه‌ماهه‌نگى و هه‌ڤكاریا؛ نێچیرڤان بارزانى و مه‌سرۆر بارزانى؛ د هه‌ردو پۆستێن گرنگ هه‌روه‌كو پێشتر چاوا هاریكار و هه‌ماهه‌نگ بوون ل گه‌ل هه‌ڤ ژبۆى پاراستن و ئێمناهیا ره‌وشا خه‌لك و هه‌رێما كوردستانێ، له‌وا ب پشتراستى باوه‌رین ئه‌ڤ هه‌ردو جۆت پسمامه‌ دێ ره‌وشا خه‌لكى و كوردستانێ گه‌هیننه‌ ئاسته‌كێ بلند و ب هێزتر، ژلایه‌كێ دیڤه‌ ژى به‌رده‌وام سومبل و مه‌رجه‌عێ كوردستانێ سه‌رۆك بارزانى؛ دێ نوونه‌راتیا خه‌لكێ هه‌رێمێ ل سه‌ر ئاستى َسیاسى ناڤده‌وله‌تى كه‌ت و نوونه‌راتیا هه‌رێما كوردستانێ كه‌ت د هه‌ماهه‌نگى و چاره‌كرنا ئاریشه‌یان ل گه‌ل به‌غدا و وه‌لاتێن بیانى ژ به‌ر ڤێ ئێكێ ژى دێ به‌رپرساتیا نێچیرڤان بارزانى مه‌زنتر و گرانتر لێهێت ژ به‌ر كاراكرنا پۆستێ سه‌رۆكاتیا هه‌رێمێ د ڤى ده‌مى دا كو دێ ژ لایێ وى ڤه‌ هێته‌وه‌رگرتن، ئه‌ڤه‌ دێ قووناغه‌كا نوو ژبۆى هه‌رێما كوردستانێ ئینیته‌ پێش و ده‌سپێكه‌ت ژبۆى رزگاربوونا هه‌موو قه‌یران و ره‌نج و ماندووبوونا گه‌لێ كوردستانێ یێن چار سالێن ده‌ربازبووى ب دووماهى هێت.

رێژین نهێلى
توندوتیژى ئێك ژ وان دیاردێن به‌رچاڤه‌ د ناڤ هه‌ر ملله‌ته‌كێ دا و ل هه‌موو جیهانێ، ئه‌ڤجا چ ب ڤه‌شارتى یان ب ئاشكه‌رایى توندوتیژى دهێته‌كرن تایبه‌ت ژى ل دژى ئافره‌تێ، به‌لگه‌ و ئامارێن رێڤه‌به‌ریێن توندوتیژیێ پتر وێ چه‌ندێ دسه‌لمینن. هه‌روه‌كى د ئامارا نه‌ه مه‌هێن ده‌ربازبووی دا یێن هه‌رێما كوردستانێ دا هاتیه‌ 54 پێنجى و چار ژنان خوه‌كوشتیه‌ و 37 سیه و حه‌فت ژى هاتینه‌ كوشتن. هه‌روه‌سا 90 نه‌ت ژنان خوه‌ سوتینه‌ و 113 سه‌د و سێزده‌ ژى سۆتینه‌. ئه‌ڤه‌ ژى ئه‌گه‌رێن جودا جودانه‌ نه‌ك ب تنێ هه‌ژار یان نه‌خوێنده‌وار ى و بێ كارى …به‌لكو هه‌موو كه‌س و ژهه‌ردو ره‌گه‌زان ژى تووشى توندو تیژیێ دبن ئه‌ڤجا چ توندوتیژیا ده‌روونى بیت یان یا جه‌سته‌یى یان جڤاكى… ئه‌ڤه‌ ژى هند جار ژبۆى وان تایبه‌تمه‌ندیێن كلتۆرى و جڤاكى و سیاسى دزڤریت. د توندوتیژیێ دا پتریا جاران ژى ژنێ دگریت ئه‌ڤجا ژ ژلایێ هه‌ڤژین یان باب و برا و یان كه‌سێن دیتر بیت و ب شێوزاێن جوداجودا نموونه‌ یا جه‌سته‌یى بیت وه‌كه‌ (لێدان و برین و كوشتن سۆتن كو ئه‌ڤان حاله‌تان شوونوارێن وان دیارن. لێ هندجار ژ ترس و شه‌رما ئافره‌تامه‌ مایه‌ د بێده‌نگیێ و ئه‌و ب تنێ بوویه‌ قوربانى، ئه‌ڤجا ژپێخه‌ت نه‌هێلان یان كێمكرنا ڤێ توندوتیژیێ پێدڤى یه‌ ل سه‌ر هه‌موو تاكه‌كێ ژخوه‌ و مالاخوه‌ جڤاكێ خوه‌ و وه‌لاتێ خوه‌ ده‌ست پێبكه‌ت و ژ ڤێ توندوتیژیى قورتالببیت هه‌ردیسا سه‌باره‌ت جڤاكێ كوردستانێ ژى و سه‌ره‌راى هه‌موو وان گوهۆرینێن سیاسى و ئابوورى و جڤاكى و پێنگاڤێن حوكمه‌تا هه‌رێمێ و رێیێن قانوونى و كارێن رێكخراوێن جڤاكێ مه‌ده‌نى و رژدى ل سه‌ر پرسا ئافره‌تێ و هه‌ولێن به‌لاڤكرنا هوشیاریێ و وان گوهۆرینێن د كه‌سایه‌تیا ئافره‌تێ دا دروست دبن به‌ر ب پێشه‌، لێ دیسا ژى توندوتیژى هه‌ر یا به‌رده‌وامه‌ و ب شێوازین َجۆراو جۆر… ئه‌ڤجا ئه‌ڤ هه‌وه‌ ژى وه‌كه‌ هوشیاركرنه‌كا دیه‌ بۆ هه‌موو لایه‌كێ كو ڤى َتوندوتیژیێ بنبر بكه‌ن و یا كێمتر بكه‌ن و وه‌كى دیار د ئه‌ڤ ساله‌ ژى دا كو ئه‌وا 16 شازده‌ رۆژى ژبۆ ئه‌و هه‌وا نیشتیمانى یا به‌هه‌نگاربوونا توندوتیژیا دژى ژنان كو ل 25ى ڤێ مه‌هێ ل هه‌ولێرا پایته‌خت ب ئاماده‌بوونا سه‌رۆك وه‌زیر، نێچیرڤان بارزانى ده‌سپێكریه‌ كو دگۆتنێن خوه‌ دا ئاماژه‌ ب كێشه‌یێن، كلتوورى ب رێیا په‌روه‌رده‌یا خواندنگه‌هان كریه‌ كو ب جۆره‌كى َپرۆگرامان ب وه‌كهه‌ڤى و دیسا رۆلێ كاراتر یى َراگه‌هاندنى َد ڤى وارى دا و ئاماژه‌ ب رۆلێ ئافره‌تێ دایه‌ كو هه‌ر ژ كه‌ڤن د ناڤ زیندانێن به‌عسیان و ئه‌نفال ب چاڤێن خوه‌ دیته‌ و دووماهى سته‌ما به‌رامبه‌ر كچێن ئێزیدى هاتیه‌كرن. لێ دیسا ئاماژه‌ وێ رێخوه‌شكرنێ ژى كریه‌ ئه‌وا كو ب رێیا ته‌كنولۆجیا گه‌هشتیه‌ هه‌موو مالان و ئاگه‌هداربوونا ئافره‌تێ ل سه‌ر هه‌موو بابه‌تان و كاركرنا ئافره‌تێ ل مال و ده‌رڤه‌ مل ب ملێ زه‌لامى ڤه‌. ئه‌ڤجا دڤێت ئافره‌ت ژى بێژیت به‌سه‌ و ئه‌ز ژیانم و دێ به‌رده‌وام بم ل سه‌ر به‌لاڤكرنا ژیانه‌كا بێ سته‌م.

رێژین نهێلى
ئاشكه‌رایه‌ كو كابینا نوو یا حوكمه‌تا هه‌رێما كوردستانێ دێ دژایه‌تى هه‌بیت ژلایێ هند لایه‌نانڤه‌ و ئامۆژگاریكرنا به‌غدا ژى ل سه‌ر بنپێكرنا هند مافێن خه‌لكێ كوردستانێ كاره‌كێ ب زه‌حمه‌ت نابیت بۆ تێكده‌رێن ره‌وشا حوكمه‌تێ، چونكو هه‌موو دژایه‌تى پێنگاڤ پێنگاڤ دیاربوون ئه‌وێن كو ژپێخه‌مه‌ت ژناڤچوون یان ژبۆى بێهێزكرنا حوكمه‌تا هه‌رێمێ دهاتنه‌ هاڤێتن. لێ دیسا ژى حوكمه‌تا هه‌رێما كوردستانێ ئه‌وا نێچیرڤان بارزانى، سه‌رۆكاتیا وێ دكه‌ت سه‌ركه‌فتن ئینا و بهێزتر ل سه‌ر پیێن خوه‌ راوه‌ستیا و دیتنێن خوه‌ به‌ر ب ئاینده‌كى َگه‌شتربرن. نوكه‌ ژى یا ئاشكه‌رایه‌ كا حوكمه‌ت چیه‌ و دڤێت چ بكه‌ت و خه‌لكى چ ژێ دڤێت. یا خۆیایه‌ ل ده‌سپێكێ، ژبه‌ركو حوكمه‌ت ب رازه‌مه‌ندیا خه‌لكى دهێته‌ دانان ئه‌ڤجا یا پێدڤى یه‌ ل سه‌ر هه‌موو پرسێن گرێدایى ژین و ژیارا خه‌لكى حوكمه‌ت بێته‌ ده‌نگ ژبۆى ئارامى و هه‌بوونا ده‌لیڤێن كارى و ئازادیا خه‌لكى َخوه‌. حوكمه‌تا هه‌رێما كوردستانێ هه‌ر ژ كابینا ئێكێ و حه‌تا نوكه‌ ل دووڤ واقعێ سیاسى و جڤاكى پێكۆل كرنه‌ هه‌رده‌م به‌رسڤێن وه‌لاتیێن خوه‌ بده‌ت و ل نێزیك سه‌حا داخوازیێن وان بكه‌ت. ئه‌ڤه‌ و سه‌ره‌راى خوه‌نه‌ڤه‌شارتن ژ كێموكاسیان، لێ ژبیرنه‌كه‌ین كو ئه‌و كێموكاسى ژى ژ ڤالاهیه‌كى نه‌هاتنه‌ و حوكمه‌تا هه‌رێمێ كه‌فته‌ به‌ر زوور ئالۆزیان بگره‌ ژ ململانێیا سلبى یا ناڤخوه‌یى و گه‌نده‌لى و روودانێن 16 ئوكتوبه‌رێ و برین و كێمكرنا مووچه‌ و بۆدجێ هه‌رێمێ، لێ دیسا ژى سه‌رۆكێ حوكمه‌تێ گاڤێن بهێزتر دهاڤێتن ژبۆى كونترۆلكرن و باشتركرنا ره‌وشا داهاتێ كوردستانێ تایبه‌ت ل سه‌ر ئاستێ په‌یوه‌ندیێن ل گه‌ل عیراقێ و نه‌هێلا ئاریشه‌ و ناكۆكیێن د ناڤبه‌را هه‌ردو ئالیان دا، تایبه‌ت ژ روویێ ئابوورى و پرسێن نه‌فت و گازێ و دوباره‌ فرۆشتنا نه‌فتا كه‌ركووكێ د رێیا بۆریێن هه‌رێما كوردستانێ و توركیا و به‌رده‌وامیا دابه‌شكرنا موچێ فه‌رمانبه‌ران و ده‌ستپێكرنا خزمه‌تگوزاریێن جودا جودا .. ئه‌ڤه‌ژى به‌رهه‌مێ وێ زانین و شاره‌زاییا سیاسى و ره‌فتاركرنا دروست یا دگه‌ل هه‌موو لایه‌نێن سیاسى و لێهاتوویا سه‌روكێ حكومه‌تاهه‌رێما كوردستانێ، نێچیرڤان بارزانى یه‌. ژ به‌ر ڤێ چه‌ندێ ژى د كابینا نوو یا حوكمه‌تا هه‌رێمێ دا و دبارودۆخێ ئه‌ڤرۆ یا هه‌رێمێ دا ب زه‌حمه‌ت كه‌سه‌ك هه‌بیت بشێت رۆلێ جه‌نابێ نێچیرڤان بارزانى، بگێریت تایبه‌ت ده‌ما كو دكه‌ڤیته‌ د ناڤبه‌را ئالۆزیێن ناڤخوه‌یى و ده‌ره‌كى دا ئه‌ڤجا ژبۆى گه‌شه‌كرنا ئابووره‌كێ بهێزتر و پاراستنا ده‌ستكه‌فتێن نه‌ته‌وه‌یى و نیشتیمانى پاراستنا دیمۆكراسى و مافێ خه‌لكێ كوردستانێ. بۆ راگرتنا ره‌وشا هه‌رێمێ سه‌رۆكێ نوكه‌ یێ حوكمه‌تێ دوباره‌ بمینیت دێ پتر د خزمه‌تا خه‌لكى دابیت و ب كابینه‌یا نوو و بهێزتر و كاراتر بكه‌ڤیته‌ خزمه‌تا وه‌لاتى دا. چونكو لایه‌نێن ئوپوزسیۆن هه‌رده‌مێ ته‌نگاڤى دروست ببایه‌ ئه‌وان خوه‌ دایه‌ لایه‌كى و ل ده‌مێ سه‌رگرتنا پروژه‌ و چاكسازیه‌كێ ئه‌وان خوه‌ هه‌ڤپشك داینه‌ دیاركرن به‌رامبه‌رى خه‌لكى. لێ لایه‌نێ پارتى دیمۆكراتى كوردستان، تاكه‌ لایه‌نه‌ تا نوكه‌ د سه‌ركه‌فتن و داكه‌فتنان دا دانپێدانكریه‌ و خوه‌ نه‌دایه‌پاش ژ كێموكاسیێن خه‌لكێ خوه‌ و گازنده‌یێن وان. ئه‌ڤه‌یه‌ یاكو به‌رده‌وامیێ دده‌ته‌ سه‌ركردایه‌تیه‌كا دوباره‌ و پرباوه‌رتر وبهێزتر.

ئه‌ڤرۆ ، رێژین نهێلى
هه‌ر وه‌لاته‌كێ كو گرێدان و باوه‌ریه‌كا موكوم د ناڤبه‌را خه‌لك و ده‌ستهه‌لاتا وێ دا هه‌بیت بێى شك دێ وه‌لاته‌كێ ئاڤه‌دان ژێ دروست بیت .
هه‌رێما كوردستانێ ژى د درێژیا مێژوویا خوه‌ دا كار ل سه‌ر بنه‌مایێن پاراستنا خه‌لك و ناسناما ڤێ ملله‌تى كاركریه‌ و قوربانى بو دایه‌ و هیچ جاره‌كێ ژى پشت نه‌دایه‌ گه‌لێ ب هه‌موو ئول و نه‌ته‌وه‌ و وان گله‌ و گازنده‌یێن د ناڤ خه‌لكى َ وێ دا دروست دبن و هه‌ین پارتى هه‌رده‌م ده‌سپێشخه‌ر بوویه‌ دچاره‌كرنا هه‌موو ئاریشه‌یێن كوردستانى َدا, سه‌ره‌راى هه‌موو وان ئازار و به‌ربه‌ستێن دكه‌ڤنه‌ د رێكی پارتى دا لێ هیچ جاره‌كێ خوه‌ ژ به‌رپرساتیا ڤێ وه‌لاتى دوور نه‌كریه‌ ژبو به‌رژه‌ندێن خوه‌یێن تایبه‌ت . ئه‌گه‌ر ئه‌م به‌رێخوه‌دانه‌كێ ژبۆى رابردوویێ هه‌رێمێ بكه‌ین دێ بینین كو پارتى گه‌له‌ك قوربانى داینه‌و ده‌ستكه‌فت بۆ ملله‌تى بده‌ستڤه‌ئیناینه‌ و پاراستینه‌ و هه‌رده‌م وه‌كه‌ قه‌لغانه‌كێ ل هه‌مبه‌رى دوژمنان راوه‌ستایه‌ ژبۆ تێكدان و ژناڤبرنا پیلانێن دژى ڤى ملله‌تى و مافێ وان دهێنه‌ دانان و وهه‌موو هه‌ول و بزاڤكرنه‌ ژبۆى پاراستنا ناسناما نه‌ته‌وه‌یى یا كورد و ئاخا پیرۆزا كوردستانێ و هه‌مووژى دزانینن كا چه‌ند جار هه‌ول و پێنگاڤێن دژاتیێ بۆ ژناڤبرن یان لاوازكرنا پارتى هاتینه‌ هاڤێتن، لێ هه‌رده‌م پارتى بهێزتر لێهاتیه‌ و چونكو خودان پێگه‌هه‌كێ بهێز و موكمه‌ و ب ئیراده‌ ؛ پارتى ؛ هاتیه‌ مه‌یدانێ نه‌ك ب زوور ى خیانه‌تێ هاتیه‌ دانان . لوما پارتى بویه‌ خودا پێگه‌هه‌كێ ب هێز د ناڤ جه‌ماوه‌رى َكوردستانێ دا و هه‌تا ل سه‌ر ئاستێ ده‌ره‌كى ژى پارتى رێز و كه‌رامه‌تاخوه‌ پاراستیه‌ و راده‌ستى به‌رژه‌وه‌ندیێن كه‌سى نه‌بوویه‌. به‌لكو هه‌ر ژ كه‌ڤن و تانوكه‌ هه‌رده‌م خوه‌ ب نوونه‌را گه‌لى َكوردستانێ دیتیه‌ وكار كریه‌ و قوربانى داینه‌, له‌وما ئه‌ڤرۆ ژى پارتى بوویه‌ خودانا تۆماركرنا سه‌روه‌ریێن زوور ل دژى تیرورزما نیڤ ده‌وله‌تى و پیلانگرێن ئێك ل دووڤ ئێك یێن ناڤخوه‌یى و ده‌ره‌كى.
ئه‌ڤجا ئه‌ڤ خوه‌راگریى و پارستنا ناڤێ پارتى د كوردستانێ و ده‌رڤه‌یى كوردستانێ دا هه‌موو ژبوو سیاسه‌تا حه‌كیمانه‌یا سه‌رۆك و سه‌ركردێ كوردستانێ جه‌نابێ؛ سه‌رۆك مه‌سعود بارزانى دزڤیریت. هه‌ردیسا ژبۆ هه‌بوونا حوكمه‌ته‌كا بهێز د ناڤ كوردستانى َدا و په‌یوه‌ندى و دانوستاندنێن وێ یێن ئاشتیانه‌ ژبۆ گه‌هشتن ب رێكێن چاره‌ و نه‌هێلانا پیلانێن دژى هه‌رێمى َدهێنه‌ دانان و دیسان دگه‌ل به‌رده‌وامیا هه‌موو ئه‌و رێگرى و فشار و پیلانێن تایبه‌ت د ڤان چار سالێن ده‌ربازبوویى دا كو سه‌رۆك وه‌زیر نێچیرڤان بارزانى؛رۆله‌كى َئێكجار مه‌زن و ب به‌رپرساتى وه‌رگرت و ل سه‌ر زالبوو، ئه‌ڤجا ژ هاتنا وێ پێلا زوور یا كو نێزیكه‌ 2000000 دو ملیۆن ئاوه‌ره‌ و په‌نابه‌ران و برینا بۆدجه‌ و مووچێ خه‌لكێ هه‌رێما كوردستانێ و هاتنا رێخراوا تیرۆستیا داعش و .. د ناڤ ڤان هه‌موو به‌رته‌نگیان دا, ئه‌گه‌ر دپلۆماسیه‌تا نێچیرڤان بارزانى؛ ل سه‌ر ئاستى َده‌رڤه‌ ونافخوه‌یى نه‌با و دیسا د چاره‌كرنا ئاره‌یشه‌یێن 16 ى ئوكتوبه‌رێ دا ئه‌گه‌ر ب هوشیاریانه‌ سه‌ره‌ده‌رى دگه‌ل ره‌وشى َنه‌هاتبا كرن نوكه‌ ره‌وشا هه‌رێمێ به‌ر ب ئاقاره‌كێ دژوار و ئالۆزتر چووبایه‌. لێ سوپاس بۆ خودێ ل سه‌ر ته‌حه‌مولا خه‌لكێ هه‌رێما كوردستانێ ل سه‌ر به‌رته‌نگیێن ئابوورى یێن كه‌ڤتینه‌ تێدا هاریكاربووینه‌ و د ره‌وشا حوكمه‌تێ ژى گه‌هشتینه‌، چنكو ل ده‌مى َبه‌رفره‌هى و نه‌بوونا قه‌یرانان حوكمه‌تى َته‌خسیر نه‌دكر د هه‌موو كار و خزمه‌تگوزاریاندا. له‌ورا ئه‌ڤرۆ ژى شیان ئه‌ڤرۆ جاره‌كا دى چاڤێن خوه‌ ژبۆى دیتنا كوردستانه‌كا بهێزڤه‌كه‌ن و به‌ر ب ئاشتى و ئاڤه‌دانیه‌كا باشتر و هوشیارتر بچن.

رێژین نهێلى
پارتى دیمۆكراتى كوردستان هه‌ر ژ ده‌سپێكا دامه‌زراندنا خوه‌دا پێنگاڤ ژبۆى بنیاته‌كێ موكم و ب هێز دانایه‌ و رێبازه‌ك گرتیه‌ كو تا نوكه‌ ئێكجار ژى ده‌ستبه‌ردارى وێ رێبازێ نه‌بوویه‌، ئه‌و ژى رێبازا؛ بارزانیێ نه‌مر: بوویه‌. ئه‌و رێبازا ب درێژاهیا سالێن ژیێ خوه‌ د خه‌بات و قوربانیدانێ دا خوه‌ راگرتیه‌ و پاراستن ل سه‌ر هه‌موو ماف و ده‌ستكه‌فتێن ڤى ملله‌تى كریه‌، په‌روه‌رده‌یێن وێ ژى هه‌رده‌م پێنگاڤ پێنگاڤ به‌ر ب خزمه‌ت و پێشخستنا ملله‌تى چووینه‌ و هیچ جاره‌كێ ژى ئه‌و لایه‌نگرێن ب ئیراده‌ بووینه‌ پارتى, پارتى شه‌رمزارنه‌كریه‌ و خیانه‌ت ل وێ و هیچ لایه‌نه‌كێ كوردى نه‌كریه‌. ژ به‌رهندێ ژى خه‌لكى باوه‌ریه‌كا ته‌مام ب ڤێ رێبازا پارتى و بارزانى هه‌یه‌ و چونكو رێبازه‌كه‌ ده‌ستبه‌ردارى مافێن گه‌لێ كوردستانێ نابیت. هه‌روه‌كى دیار ژى كو د هه‌ر خوله‌كا هه‌لبژارتنان ژى دا تانوكه‌ پارتى ئێكه‌م بوویه‌ هه‌روه‌ك سه‌رۆكێ حوكمه‌تا هه‌رێما كوردستانێ نێچیرڤان بارزانى گۆتى: پارتى یه‌كه‌مه‌ و دێ هه‌رده‌م یه‌كه‌م بیت، ئه‌ڤرۆ ژى وێ گۆتنێ جهێ خوه‌ گرته‌ڤه‌ كو پارتى بوو یا ئێكێ. كو ل 30 سیهى ئیلۆنا ئه‌ڤ ساله‌ هه‌لبژارتنێن په‌رله‌مانێ كوردستانێ هاتنه‌كرن و دووماهى ئه‌نجام ژى هه‌ر پارتى بوویه‌ سه‌ركه‌فتیا ئێكێ و شیا ب باوه‌ریا خه‌لكێ خوه‌ 45 چل و پێنج كورسیێن په‌رله‌مانێ كوردستانێ بده‌ستخوه‌ڤه‌بینیت سه‌ره‌راى سۆتنا رێژه‌كا زوور یا ده‌نگێن وێ كو بنه‌ زێده‌تر ژ 35 سیه و پێنج هزار ده‌نگ ژبه‌ركو جارا ئێكێ بوویه‌ پشكا شیرى د سۆتنا ده‌نگان دا به‌ر ب وێ كه‌فت لێ ژبۆ سه‌رخستنا پرۆسێ پارتى ئه‌و چه‌نده‌ قه‌بوولكر. لێ دیسا ژى شیان و ماندیبوون و باوه‌ریا خه‌لكى ژ هه‌موو پیلان و بنپێكاریان مه‌زنتره‌، له‌وما شیا پارتیا خوه‌ بهێلنه‌ سه‌ربلند. دیسا یا گرنگ كو ل بیرا مه‌ بیت ئه‌و دوورپێچ و سزایێن ژلایێ حوكمه‌تا به‌غدا كه‌فتیه‌ سه‌ر حوكمه‌تا هه‌رێما كوردستانێ ئه‌گه‌ر ب سیاسه‌ته‌كا دروست و حه‌كیمانه‌ یا سه‌رۆكى َوه‌زیرێن كوردستانێ، نێچیرڤان بارزانى نه‌بایه‌. ئه‌ڤرۆ خه‌لكه‌كێ باوه‌ریه‌كا وه‌سا یا مه‌زن ب پارتى ژى نه‌دبوو هه‌روه‌سا دا كاریگه‌ریه‌كا زوور یا خراب د هه‌لبژارتنێن ڤێ خولا په‌رله‌مانى دا دیاربن و هه‌رده‌ما پارتا سه‌ره‌كى كو پارتى دیمۆكراتى كوردستانه‌ هێزا خوه‌ ژده‌ست دابا دا كوردستان هه‌موو د مه‌ترسیه‌كا مه‌زندابیت, لێ ماندیبوون د دانوستاندنێن ئاشتیانه‌ یێن سه‌رۆكێ حكومه‌تێ و به‌رنامه‌ و پلانێن وێ یێن سه‌ركه‌فتى ئه‌ڤ جاره‌ ژى كوردستان رزگاركر ژ پیلانێن به‌شێن ناڤخوه‌یى و ده‌ره‌كى و بێ به‌رنامه‌یى هه‌ڤركى و بێ سه‌روبه‌ریا سیاسه‌تا حزبێن دیتر د ئه‌نجامێن هه‌لبژاتنان دا دیاربوو كو سه‌ره‌راى هه‌ڤركى دژایه‌تیه‌كا زوور دگه‌ل پارتى لێ كو حزبێن دیتر سیاسه‌ته‌كا عه‌قلانى یا پێدڤى ل ده‌ف نه‌بوویه‌ نه‌شیان پێگه‌هه‌كێ بهێز ب خوه‌ دروست بكه‌ن. لێ پارتى بێى دژایه‌تى، به‌لكو بتنێ وه‌ك نه‌ته‌وه‌یى ره‌فتار و سیاسه‌ت كریه‌، له‌وما هه‌رده‌م جهێ باوه‌رو شانازیا كوردستانیان و هه‌تا ل سه‌ر ئاستێن ده‌رڤه‌ژى بوویه‌.

رێژین نهێلى
گومان تێدا نینه‌ كو ئه‌ڤرۆ پرانیا ئه‌و لایه‌نێن خوه‌ ب خزمه‌تكار و ده‌لیڤه‌زان دبینن بۆ گه‌لێ كوردستانێ د دوورن ژ راستیێ، ژبه‌ر كو ئه‌و لایه‌نه‌ ئه‌ون یێن د تارى و ده‌مێن پێدڤى دا ب قوربانیدانێ بۆ ملله‌تى و ئالۆزیێن ئیدارى، چاڤێ وانژى ل قورتالكرنێ بوویه‌ نه‌ك پێكۆلكرن بۆ هندێ خه‌لكى َخوه‌ قورتالبكه‌ن. ئه‌ڤرۆ ژى وه‌كى ئه‌م دبینین كو نێزیكى پرۆسا ده‌نگدانێ بووینه‌ بۆ په‌رله‌مانێ كوردستانێ و حه‌تا راده‌یه‌كێ ئارامى و ئاڤه‌دانى وه‌لات گرته‌ڤه‌، جاره‌كا دى هاتن و رویێ خوه‌یێ قاچاغ و ترسنۆك ب هنده‌ك پرۆپاگندێن بێ بنه‌ما ل به‌ر خه‌لكى تازه‌بكه‌ن، لێ سوپاس بۆ خودێ كو مێژوویا كوردینیا دروست و رێبازا پارتى و بارزانى، ئه‌م فێركرینه‌ كانێ كیژ روو یێ دروسته‌ و كیژ یێ خاپاندنێ یه‌، و مێژوو خه‌باتا پارتایه‌تیێ ئه‌م فێركرین مفاى ژ ئه‌زمۆنێن به‌رى نوكه‌ وه‌ربگرین و نه‌هێلین چ لایه‌ن یاریا ب ده‌ستكه‌فت و خه‌باتا دروستاهى یا كوردستانێ و پێشمه‌رگێ قاره‌مان بكه‌ن. ئه‌ڤجا وه‌كى خولێن ده‌ربازبووى یێن هه‌لبژارتنان ڤێ جارێ ژى خودانێن ریفراندۆمێ، ب ئیراده‌یه‌كا ب هێز به‌رهه‌ڤن لیستا، زه‌ر، ل سه‌ر هه‌موو لیستان و ب رێژه‌یه‌كا به‌رز سه‌ربێخن، بۆ ڤێ چه‌ندێ ژى هه‌ر وه‌ك د راپرسیه‌كا مه‌كته‌با لێكۆلینێن پارتیا دیمۆكراتى كوردستانێ دا ل دوور ڤان هه‌لبژارتنان هاتیه‌كرن دیاربوویه‌ كو 68% دى َپشكدارى هه‌لبژارتنان بن و ل دووڤ وێ لێكۆلینا هه‌رژوار پارێزگه‌هێن هه‌رێمێ هاتیه‌كرن ئده‌رئه‌نجام وه‌سا هاتینه‌ دیاركرن كو دێ پارتى 41% یاده‌نگان بده‌ست خوه‌ڤه‌ئینیت ، لێ دیسان ژى دڤێت ئه‌م هه‌ولبده‌ین زێده‌تر ژى بده‌ستڤه‌بینین. هه‌روه‌كى د وێ په‌یاما بانگه‌شه‌یا هه‌لبژارتنان یا ل هه‌ولێرا پایته‌خت هاتیه‌ گۆتن ژلایێ؛ جێگرێ سه‌رۆكێ پارتى دیمۆكراتى كوردستان نێچیرڤان بارزانى؛ دا گۆتیه‌: دڤێت ل رۆژا ده‌نگدانێ نه‌به‌س ده‌نگى بده‌ینه‌ لیستا 183 یا پارتى، به‌لكو ئه‌م هه‌ول بده‌ین ده‌نگێن زێده‌تر كۆم بكه‌ین داكو مه‌ هێزه‌كا زوورتر هه‌بیت بۆ داهاتیێ كوردان، چونكو رابردوویى سه‌لماندیه‌ كا پارتى دیمۆكراتى كوردستان چه‌ندا باوه‌رپێكرى و ئه‌مین و خودان رابردروویه‌كێ پاك بۆیه‌ و شیایه‌ ببیته‌ جهێ ره‌زامه‌ندیا زۆرینه‌یا گه‌لێ كوردستانێ و جێگرێ سه‌رۆكى َپارتى گۆتژى: هێزا پارتى ژ غه‌یبێ نه‌هاتیه‌، به‌لكو ژ جه‌ماوه‌رێ وێ هاتیه‌ و د هه‌لبژاتنێن عیراقێ دا خه‌لكه‌كێ فاتیحه‌ ل سه‌ر پارتى خواندبوو، لێ پارتى شیا دیسا ببیته‌ هێزا ئێكێ ل سه‌ر ئاستێ عیراقێ و كوردستانێ. ژ به‌ر ڤێ چه‌ندێ ژى پارتى ئێكه‌م هێزبوویه‌ ل سه‌ر ئاستێ رۆژهه‌لاتا ناڤین و چو جاران دره‌و ل خه‌لكێ خوه‌ نه‌كریه‌ و هه‌رده‌م نه‌یارێن خوه‌ ئێخستینه‌ سه‌رچۆكان، ئه‌ڤه‌ ژى نیشانا هێز و ئیراده‌یا پارتى یه‌ بۆ ئاخ و وه‌لاتى. راسته‌ مه‌ زۆر گازنده‌ و ئاریشه‌ و كێماسى هه‌نه‌ د وه‌لاتى َخوه‌ دا، لێ واتا وێ ئه‌و نینه‌ كو سه‌رۆك وه‌زیر ئاگه‌ه ژێ نینه‌، به‌لكو د گۆتنێن خوه‌دا ئاماژه‌ ب هندێ كریه‌ ده‌ما نێچیرڤان بارزانى دبێژیت: ژ گازندێن خه‌لكى تۆره‌ نابین، چونكو هه‌بوونا نه‌رازیبوونێ نیشانا زیندیبوونا جڤاكى یه‌. ژبه‌ر ڤێ چه‌ندى َپێدڤى ب ئیراده‌ و باوه‌ریه‌كا موكمتر ل رۆژا 30/9 به‌ر ب سندۆقێن ده‌نگدانێ بچین و ده‌نگى بده‌ینه‌ لیستا پارتى دیمۆكراتى كوردستان، ئه‌و لیستا هێزێ دده‌ته‌ گه‌ل و وه‌لاتى و بێ هیڤیبوونێ دئێخیته‌ هێزین به‌رامبه‌ر دا.

رێژین نهێلى
گومان تێدانیه‌ كو هه‌ر حزبه‌كا سیاسى باوه‌رى ب دیمۆكراسیه‌تێ هه‌بیت دڤێت بێى مه‌رج باوه‌رى ب هه‌لبژارتنان هه‌بیت، به‌لێ هه‌لبژارتن ژى نه‌ ته‌نها درووشمه‌ك بن، به‌لكو دڤێت هه‌موو پیڤه‌رێن هه‌لبژارتنێن دروست و پاك بهێنه‌ ئه‌نجامدان و ل گه‌ل هندێ ژى دڤێت ئه‌و حزبا سیاسیا پشكداریێ د هه‌لبژارتنان دا دكه‌ت باوه‌رى ب ئه‌نجامێن هه‌لبژارتنان هه‌بیت و باوه‌رى ب سه‌ركه‌فتن و خوه‌ساره‌تیێ هه‌بیت، حه‌تاكو رویێ دروست یێ دیمۆكراسیێ په‌یره‌و بیت ل كوردستانێ.
نوكه‌ ژى هه‌لبه‌ت ئه‌م یێ ل قووناغه‌كا زوور هه‌ستیار را دبۆرین وه‌كو هه‌رێما كوردستانێ و گوهۆرینێن زوور ب له‌ز ل ده‌ڤه‌رێ دروست دبن و هه‌ر گوهۆرینه‌كا ئه‌م خوه‌ بۆ به‌رهه‌ڤ نه‌كه‌ین دێ ئه‌نجامێن وێ ل سه‌ر كێشا كوردى خراب بن، له‌ورا ل ڤێ قووناغێ پێدڤیه‌ پێداچوونا هه‌موو چومكێن سیاسى و حوكمرانیێ بهێنه‌كرن ل كوردستانێ و پێدڤیه‌ حوكمه‌ته‌ك بهێته‌ پێكئینان یا ب هێزبیت و خودان به‌رنامه‌بیت تاكو وه‌كو چاڤدێره‌ك ل سه‌ر پرۆسا حوكمرانیێ هه‌بیت ژبۆ به‌رژه‌وه‌ندیا گشتى تایبه‌ت به‌رژه‌وه‌ندیا خه‌لكێ كوردستانێ، به‌لێ گه‌له‌ك ب مخابنى ڤه‌ پتریا حزبێن سیاسى كه‌فتینه‌ ل بن باندۆرا ئه‌نجامێن پێشده‌م یێن هه‌لبژارتنان، ئانكو ژبه‌ر ترسا وان یا ل ئه‌نجامێن هه‌لبژارتنان هه‌ى وێ رێ ناده‌ته‌وان كو ب شێوه‌یه‌كێ باش هزربكه‌ن و به‌ره‌ ب هه‌لبژارتنان ڤه‌ بچن و حه‌تا نوكه‌ ژى تاكه‌ حزبا هه‌لویستێ وێ ئاشكه‌را، پارتى دیمۆكراتى كوردستان، بوویه‌ و ئه‌ڤ چه‌نده‌ ڤه‌دگه‌ریت ژبۆ هند هۆكاران ژ وان ژى سه‌ره‌راى كێموكاسى و هه‌بوونا گه‌نده‌لیێ ره‌وشا كوردستانێ ب هه‌موو پیڤه‌ره‌كێ باشتر لێدهێت و دیسا هه‌لویستێن پارتى یێن نه‌ته‌وه‌ى خاله‌كا دى یا ب هێزه‌ كو پارتى مه‌ترسى ژ ئه‌نجامێن هه‌لبژارتنان نه‌بیت و زێده‌بارى پێگه‌هێ پارتى د گوهۆرینێن عیراق و ده‌ڤه‌رێ دا باشترین رێك ژبۆ قووناغا داهاتى هه‌لبژارتنن و پێدڤى یه‌ پارتى مفاى ژ ڤان هه‌لبژارتنانى وه‌ربگریت ژبۆ پێكئینانا حوكمه‌ته‌كا ب هێز كو ل پاشه‌رۆژى خزمه‌تا خه‌لكى بهێته‌كرن ب ره‌نگه‌كى كو شایسته‌یى قورباندانێن خه‌لكێ كوردستانێ بیت و ئێكه‌م كارێ حوكمه‌تا داهاتى بكه‌ت شه‌رێ دژى گه‌نده‌لیێ و نه‌دادپه‌روه‌ریێ بیت و ب دیتنا من؛ پارتى و هه‌لبژارتن، دو چه‌مكێن زوور ئاشنانه‌ ل گه‌ل ئێك و پارتى دشێت هه‌لبژارتنان ژبۆى پتر بهێزكرنا پێگه‌هێ خوه‌ بكاربینیت.

رێژین نهێلى
گومان تێدا نیه‌ كو ئه‌ڤرۆ گه‌نده‌لى وه‌كو بابه‌ت كه‌فتیه‌ د ناڤ هه‌موو كه‌رت و بیاڤێن ژیانا مرۆڤى دا چ ئه‌ڤ بیاڤه‌ سیاسى یان ئابوورى یان جڤاكى بن و ل سه‌ر هه‌موو ئاستان ژى به‌ربه‌لاڤه‌, لێ بابه‌تێ گه‌نده‌لیا سیاسى، كو زوور ژ حزبێن سیاسى یێن نوو دهێنه‌ چێكرن یان دقووناغێن مێژووى دا هه‌نه‌ چه‌ق و بال لێ دهێنه‌ ژێڤه‌كرن, یانژى هنده‌ك ب كراسێن نوو و درووشمێن ته‌یسۆك دهێنه‌ دروستكرن ب ئێك ئارمانج، ئه‌وژى لێدان یان شكاندنا پارته‌كا سیاسى و ل ڤێرێ دا گه‌نده‌لیا سیاسى ده‌سپێدكه‌ت, چونكو هه‌ر پارته‌كا سیاسى وه‌زیفه‌كا خوه‌ یا راسته‌قینه‌ كو درستكرنا سه‌قامگیریا سیاسى یه‌ دروست نه‌كه‌ت یان كار بۆ ئه‌وێ سه‌قامگیریێ بكه‌ت ده‌كه‌ڤیته‌ لبن چارچووڤێ گه‌نده‌لیا سیاسى دا و ل ڤێرێ رۆلێ حوكمه‌تێ و داواكارێ گشتى یێ لاوازه‌, ئه‌گه‌ر رێكێ ناده‌ت هه‌ر حزبه‌ك یان قه‌واره‌یه‌ك ژ بازنێ یاسا حزبێن سیاسى ده‌ربكه‌ڤیت و ئه‌ڤرۆ ب زوور رێكا ئه‌ڤ سه‌قامگیریه‌ دهێته‌ خرابكرن و ژناڤبرن, ژ وان: ب رێكا راگه‌هاندنێ و به‌لاڤكرنا بابه‌تێن دوور ژ راستیى َو گه‌له‌ك ژ وان بابه‌تان د ئاراسته‌كرینه‌ بۆ سۆزا خه‌لكى و تێكدانا ره‌وشا هه‌یى و ئه‌ڤ بابه‌ته‌ ب ناڤێن جودا جودا دهێنه‌ به‌حسكرن و گه‌له‌ك جار راستیا بابه‌تان ژى دهێته‌ به‌رزه‌كرن, وه‌كو به‌حس ل گه‌نده‌لیێ بكه‌ین ل زوور ئاستا گه‌نده‌لى هه‌یه‌، به‌لێ چونكو حزبێن سیاسى بۆ شكاندنا حزبێن دى ئه‌ڤى بابه‌تى دچارچووڤێ وى یێ راستاقینا ده‌ردئێخن, گه‌نده‌لى بخوه‌ دهێته‌ پشتگوه هاڤێتن و كار ل سه‌ر گۆتارا سیاسى یان ڤان حزبان دهێته‌كرن, ب رێیا مالپه‌رێن جڤاكى دونیایه‌كا په‌یج و مالپه‌ران هاتینه‌ دروستكرن راستیا ژیانا سیاسى ل كوردستانێ ل به‌رامبه‌رى خه‌لكێ كوردستانێ لاوازكریه‌ و به‌رزه‌كرینه‌, كادر و به‌رپرسێن ڤان حزبێن سیاسى ژ ئه‌نجامێ فه‌شه‌لا وان یا سیاسى په‌نایێ دبه‌نه‌ به‌ر شێواندنا ره‌وشا سیاسى یا كوردستانێ وه‌كو به‌هانه‌یه‌ك بۆ شكه‌ستنێن خوه‌ یێن به‌رده‌وام. له‌ورا ل ڤێرێ رۆلێ حوكمه‌تا هه‌رێمێ و تایبه‌ت داواكارێ گشتى لاواز دیاردكه‌ت، ئه‌وژى چه‌ند فاكته‌ر و هۆكار هه‌نه‌ سه‌ره‌راى هندێ كو حوكمه‌تا هه‌رێما كوردستانێ هه‌موو ده‌مه‌كێ هه‌ولدان كرینه‌ و تایبه‌ت خودى جه‌نابێ سه‌رۆك وه‌زیران كو بۆ دروستكرنا سه‌قامگیریا سیاسى پتر ل به‌رژه‌وه‌ندیا خوه‌ ل به‌رژه‌وه‌ندیا خه‌لكێ كوردستانێ دگه‌ریت. ژبه‌رڤێ چه‌ندى َپێدڤى یه‌ قانوونا حزبێن سیاسى ئه‌كتیف بیت و حزب وه‌كو كۆمه‌كا ئایدولۆژى و خودان په‌یره‌و و پرۆگرام كارێ خوه‌ بكه‌ت نه‌ك ببیته‌ ئالاڤَێ تێكدانێ و هۆسا دێ شێین گه‌نده‌لیا سیاسى ژناڤبه‌ین.