ئەڤرۆ نیوز:
ھەر سێ سەرۆکاتیێن عیراقێ ل گەل سەرکردێن فڕاکسیۆنێن سیاسی یێن عیراقێ کۆمبوون، ل گۆڕ ڕاگەھاندنەکا جڤاتا وەزیران بڕیار ھاتیە دان کێشێن ل گەل ھەرێما کوردستانێ ب پشتبەستنا ل سەر دستوری بھێنە چارەسەرکرن و دەمێ دانوستاندنان بھێتە درێژکرن.
پشتی ھەرسێ سەرۆکاتیێن عیراقێ کۆمبووین ڕگەھاندن، کێشێن ھەلاویسی ل گەل ھەرێما کوردستانێ ھاتنە بەحسکرن ب تایبەتی بابەتێ بودجا گشتی، زێدەباری وی دڤێت چارەسکرنەکا دادپەروەرانە ل گۆڕ دستووری بھێتە کرن.
ھەر ل گۆڕ وێ ڕاگەھاندنێ دڤێت چارەسەریەکا گەنجایی بۆ قەریانا دارایی ل عیراقێ بھێتە دیتن.
دڤێ کۆمبوونێ دا، سەرکردێن سیاسی پشتەڤانیا خۆ بۆ چارەسەرکرنا کێشێن ھەلاویستی دناڤبەرا حوکمەتا عیراقێ و ھەرێما کوردستانێ دا دیار کرن.
ل دووماھیێ سەرۆک وەزیرێن عیراقێ مستەفا کازمی دەستپێخەریەک بۆ دانوستاندنێن نشتیمانی بۆ رەوشەکا ئارام یا سیاسی و جڤاکی و ئەمنی بۆ ھەلبژارتنێن بەروەخت بھێتە پەیداکرن.

 
ئەڤرۆ نیوز:
سەرۆک کۆمارێ عیراقێ د داخویانیەکێ دا ل دۆر خونیشاندانێن ل سلێمانیێ دلگرانیا خۆ دەربری و گۆت: رێکارێن بکارئینانا توندوتیژیێ نابنە چارەسەری بۆ ب دەستڤەئینانا داخوازی و نەھێلانا ئاریشان.

بەرهەم سالحی گۆت: ئەڤە چەند رۆژە ئەم ب دلگرانی ڤە ل روودانێن سلێمانیێ دنێرین کو کارێن توندوتیژی تێدا پەیدابووینە، بووینە سەدەما کوشتن بریندار بوونا ھژمارەکا وەلاتیان و ھێزێن ئێمناھیێ ژی و چەندین بارەگایێن حزبی و حوکمی ژی ھاتینە سۆتن.
بەرھەم سالح دبێژیت، خۆنیشادانێن ئاشتیانە مافەکێ دستووری یە و دڤێت رێز لێ بھێتە گرتن، و مافێ وەلاتیانە خۆنیشادانان بکەن و داخوازا مافێ خۆ ب ئاشتیانە بکەن. بتایبەت ھەکە یا گرێدایێ ب ژیان و ژیارێ ڤەبیت، وەک مووچی و خوشکرنا ژیانێ و خزمەتگۆزاریان.
سەرۆک کۆمارێ ئیراقێ دوپاتکر، جارەکا دیتر ئەم دبێژین ئەڤ کریارێن توندوتیژی چارەسەری نینە، بۆ ب دەستڤەئینانا داخوازیێن شەرعی.

 
ئەڤرۆ نیوز:

جڤاتا عەرەبێن کەرکووکێ پارێزگارێ نەشەرعی یێ سەپاندی ڕاکان جبوری کریە نوونەرێ خۆ ل کەرکووکێ ل گەل شاندەکێ مەلبەندێ ئێکەتیێ ل کەرکووکێ و سەرەدانا بەغدایێ کرینە و ل گەل سەرۆک کۆمارێ عیراقێ بەرھەم سالح کۆمبوون.
کۆمبوونا ل گەل سەرۆک کۆمارێ عیراقێ ل سەر ئازادکرنا پشکەکا دی یا تیرۆرستێن عەرەب ل زیندانێن سلێمانیێ ھاتیە کرن.
ل گۆڕ ڕاگەھاندنەکا جڤاتا عەرەبی ل کەرکووکێ، شاندێ جڤاتا عەرەبی سەرەدانا سەرۆک کوماری و چەندین داخوازی ل سەر وێ رێککەفتێ ھاتنە کرن.
ھەر لدووڤ وێ ڕاگەھاندنێ بڕیا ھاتیە دان بادەکا عەرەبێن دەستەسەرکری ل ھەرێما کوردستانێ بھێتە ئازراندن و چارەنڤیسێ وەان تیرۆرستان بھێتە ئاشکراکرن، د دەمەکی دا بەری نوکە ژی چەندین تیرۆرستێن داعشێ یێن زیندانکری ل سلێمانیێ رادەستی ڕاکان جبوری و عەرەبێن شوفینی یێن کەرکووکێ کربوون، و چەندین خالێن دیتر.
بۆ زاین ھەرپشتی چەند دەمژمێران ژ ڕاگەھاندنا وێ رێککەفتنێ، ھێزێن حەشدا شەعبی و لەشکرێ عیراقێ خەلکێ گوندێ پەلەکان یێ کوردان ل سنوورێ كه‌ركووكێ ئاگەھدارکرن، کو 24 دەژمێران دڤێت گوندێ ناڤبری چوول بکەن.