ئەڤرۆ نیوز:

فەرماندارێ ئۆپەراسیۆنێن سەلاحەدین دیار کر: سێ چەکدارێن داعشێ ل سنورێ وێ پارێزگەهێ هاتنە کوشتن.

 
عەبدولمحسن حاتم فەرماندارێ ئۆپەراسیۆنین سەلاحەدین راگەهاند: هێزێن فەرمانداریا ئۆپەراسیۆنێن هەڤبەش و هێزێن پۆلیسێن سەلاحەدین ئۆپەراسیۆنەک ل دژی چەکدارێن داعشێ ل باکورێ دۆلا سەرسار ئەنجام دایە و د وێ ئۆپەراسیۆنێ دا سێ چەکدارێن داعشێ هاتنە کوشتن.

ناڤهاتی گۆت ژی: هەر د وێ ئۆپەراسیۆنێ دا شەش تونێل و چار جهێن ڤەشارتی یێن داعشێ ل وێ پارێزگەهێ هاتنە ژناڤبرن.

 
ئەڤرۆ نیوز:

 
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، دو ھزار و ١٨٤ حالەتێن نوو یێن کۆرۆنایێ و هەروەسا دو ھزار و ١٣٠ حالەتێن باشبوونێ و ٦٥ حالەتێن وەغەرکرنێ ھاتینە تۆمار کرن.
لدووڤ دووماهی ئاماران ھەتا نوکە ١٥٠ ھزار و ١١٥ کەس ل عیراقێ تووشی ڤایرۆسێ کۆرۆنایێ بووینە، ھەتا ڤی دەمی پێنج ھزار و ٣٩٢ کەسان ب ڤێ پەتایێ وەغەرکریە، هەروەسا ١٠٧ ھزار و ٧٧٥ کەس ژ وێ نەخوشیێ چێبووینە.

 
ئەڤرۆ نیوز:
ب رەنگەکێ بەردەوام بزاڤ یێن دهێنە کرن، کو هەرێمەک بۆ سوننی یێن عیراقێ بهێتە دروستکرن و ئەمریکا ژی پشتەڤانیێ لێ دکەت.
شێخ خالد مەلا، سەرۆكێ‌ كۆمەلا زانایێن ئایینی ل عیراقێ‌ دیار کر: ب رەنکەگێ بەردەوام كۆمبوونێن نهێنی دهێنەكرن ژ پێخەمەت دروستكرنا هەرێمەكا سوننی ل عیراقێ‌.
ناڤهاتی گوت ژی: سوننی درژدن ل سەر دامەزراندنا هەرێمەكێ‌ و ئەمریكا ژی پشتەڤانیا وان دكەت، كۆمبوونێن وان ژی ب رەنگەكێ‌ نهێنی دهێنە ئەنجامدان دان، داکو دەستێوەردان تێدا نەهێنە كرن، لێ وی چ زانیاری دەربارەی‌ سنور و رووبەرێ‌ هەرێما سوننی و شێوازێ‌ بڕێڤەبرنا وێ‌ ئاشكرا نەكرینە.

ئەڤرۆ نیوز:

وەزارەتا ساخلەمی و ژینگەها عێراقێ راگەھاند: د ٢٤ دەمژمێرێن بوری دا، دو ھزار و ٩١٢ حالەتێن نوو یێن کۆرۆنایێ، دو ھزار و ١٤٨ حالەتێن چێبوونێ و ٦٢ حالەتێن وەغەرکرنی ھاتینە تۆمار کرن.
ھەتا نوکە ١٤٧ ھزار و ٣٨٩ کەس ل عیراقێ تووشی ڤایرۆسێ کۆرۆنایێ بووینە، هەتا ڤی دەمی پێنج ھزار و ٣١٠ کەسان وەغەرکریە، دیسان ١٠٥ ھزار و ٥٠٤ کەس ژی باشبووینە.