ئه‌ڤرۆ نيوز:
ئه‌ميندارێ گشتى يێ وه‌زاره‌تا پێشمه‌رگه‌ى راگه‌هاند، هه‌يڤانه حوكمه‌تا عيراقێ بودجه‌كێ تايبه‌ت كو 68 مليار دينارن بۆ مووچێ وه‌زاره‌تا پێشمه‌رگه‌ى ته‌رخان كريه، به‌لێ ئه‌و كۆژمێ پاره‌ى به‌هرا مووچێ نيڤا هێزێن پێشمه‌رگه‌ى ناكه‌ت هه‌كه ب گۆره‌ى سيسته‌مێ مووچه‌ى يێ په‌يره‌وكرى بده‌نه هێزێن پێشمه‌رگه‌ى.
جه‌بار ياوه‌ر، ئه‌ميندارێ گشتى يێ وه‌زاره‌تا پێشمه‌رگه‌ى بۆ ده‌نگێ ئه‌مريكا راگه‌هاند كو ماوێ نێزيكى دوسالايه ئه‌مريكا هه‌يڤانه 20 مليار ديناران دده‌ته وه‌زاره‌تا پێشمه‌رگه‌ى بۆ مووچێ هێزێن پێشمه‌رگه‌ى، حوكمه‌تا عيراقێ ژى ژبلى پشكا بوودجا هه‌رێمێ، هه‌يڤانه بودجه‌كا تايبه‌ت ب 68 مليار ديناران بۆ مووچێ وه‌زاره‌تا پێشمه‌رگه‌ى ته‌رخان كريه، به‌لێ ئه‌و كۆژمێ پاره‌ى به‌هرا نيڤا مووچێ هێزێن پێشمه‌رگه‌ى ناكه‌ت هه‌كه ب گۆره‌ى سيسته‌مێ مووچه‌ى يێ په‌يره‌وكرى بده‌نه هێزێن پێشمه‌رگه‌ى.
ئاماژه ب وێ چه‌ندێ ژى كر كو دڤێت هه‌يڤانه كۆژمێ نێزيكى 140 مليار ديناران بودجه هه‌بيت، “به‌لێ هه‌كه مه بڤێت ب گۆره‌ى سيسته‌مێ به‌ره‌ڤانيا عيراقێ مووچه‌ى بده‌ينه هێزێن پێشمه‌رگه‌ى دڤێت هه‌يڤانه نێزيكى 280 مليار ديناران مه بودجه بۆ هێزێن پێشمه‌رگه‌ى ل به‌ر ده‌ست هه‌بيت”.
جه‌بار ياوه‌ر دا زانين ژى كو د دو قانوونێن بودجا ئه‌مريكا دا كۆژمه‌كێ پاره‌ى هاتيه ته‌رخانكرن بۆ هاريكاريكرنا پشكه‌كێ ژ هێزێن پێشمه‌رگه‌ى كو شه‌رێ دژى داعش كريه ئه‌ڤه ژى نێزيكى 26 هزار پێشمه‌رگايه كو مووچێ وان ژ وى كۆژمێ پاره‌ى دهێته دان كو هه‌يڤانه 20 مليار ديناره.
ئەڤرۆ نیوز:
رێکخراوا مافێ مرۆڤی یا ھەنگاو راگەھاند کو کۆلبەرەکێ خەلکێ ئورمیێ ل سنورێن سەردەشت ژ ئەگەرێ سەرمایێ گیانێ خوە ژ دەست دا.
رێکخراوێ د راپۆرتەکێ دا کو دوھی ئێڤاری بەلاڤکریە ئاماژە ب وێ چەندێ کریە کو کۆلبەرەکێ خەلکێ دزە یا مەرگەوەری یا ئورمیێ ب ناڤێ شاکر میاوەقی، ل دەمێ کۆلبەریێ ل سنورێ سەردەشت گیانێ خوە ژ دەست دایە.
ئاماژە ب وێ چەندێ ژی کریە کو ئەو کۆلبەر ل سنورێ گۆندێن بێتوش و دەرماناوێ ژ ئەگەرێ سەرمایێ رەق بوویە.
ب گۆرەی ئامارێن رێکخراوا مافێ مرۆڤی یا ھەنگاو ژ دەستپێکا ئەڤ سالە ب کێمی 10 کۆلبەرێن کورد ژ ئەگەرێ سەرمایێ مرینە.
ئه‌ڤرۆ نيوز:
راگە هاندنا دلشاد محمد طاهر،راگه‌هاند ژبەر پێلا بارانێ ئەوا ئەڤرۆ پارێزگەھا دھوکێ ڤەگرتی و قە زا سێمێل ب تایبەتی داخاز ژ شوفێران دکەت
کو ژبه‌ر كو سێمێل ـ جادا پرا سێمێل مه‌رینا پر بوویە ژ ئاڤا بارانان ئەفجا داخازێ ژ هەمی شوفێرا دکەین کو پێگیریێ ب رێنماین هاتن و چوونی بکەن و لەزاتیا ترومبێلێن خو کیم بکەن دا توشی چ گرفتین هاتن و چوونێ نە بن و سەر و مال سامانێ ھەوە یێ پاراستی بیت,
ئه‌ڤرۆ نيوز:
وه‌زاره‌تا په‌ره‌وه‌ردێ ل هه‌رێما كوردستانێ سه‌رپه‌رشتیاره‌كا بسپۆرێ وه‌كو هاریكارا رێڤه‌به‌رێ گشتی یێ په‌روه‌ردێ دياركر.
ل دووڤ برياره‌كا وه‌زاره‌تا په‌روه‌ردێ (ساهره محه‌مه‌د حه‌سه‌ن) وه‌كو هاریكارا رێڤه‌به‌رێ گشتی يێ په‌روه‌ردا پارێزگه‌ها دهۆكێ بۆ كاروبارێن كارگێری و دارایی ب وه‌كاله‌ت هاته دياركرن.
هه‌روه‌سا سه‌رپه‌رشتیارێ كارگێری (سامان مسته‌فا) وه‌كو هاریكارێ رێڤه‌به‌رێ گشتی يێ بۆ كاروبارێن ته‌كنیكی ب وه‌كاله‌ت هاته دانان.
ئه‌ڤرۆ نيوز:
په‌یڤدارێ حوكمه‌تا هه‌رێما كوردستانێ سه‌فین دزه‌یی سه‌باره‌ت هنارتنا سێ مووچێن فه‌رمانبه‌رێن هه‌رێمێ ژ ئالیێ به‌غدا ڤه، دیاركر هه‌تا نوكه به‌غدا ب تنێ مووچێ هه‌یڤا سێ یێ فه‌رمانبه‌ران یێ هنارتی، ژبلی 522 ملیاران، چو پارێ دی نه‌هنارتیه.
سه‌فین دزه‌یی دیاركر هه‌ر ده‌مێ به‌غدا كوژمه‌كێ دی یێ پاره‌ی هنارت، ئێكسه‌ر دێ ب سه‌ر مووچه‌خوران دا هێته به‌لاڤكرن.
ئه‌ڤرۆ نیوز ، عه‌لی حاجی :
ئه‌ڤرۆ رۆژا ئێكشه‌مبێ 17/3/2019 ژئه‌گه‌ره‌كێ نه‌دیار دووردانه‌كا ئاگربه‌ربوونێ دا ل زاخۆ ، ئاگر به‌ردبیته كوگه‌هه‌كا كه‌لوپه‌لێن مالێ دا و پشكه‌كا وان كه‌لوپه‌لان دهێنه سوتن و پشكه‌كا دی ژی دهێنه رزگار كرن ژلایێ بنگه‌هێ به‌ره‌ڤانیا باژێری ل زاخۆ .
بێوار عه‌بدولعه‌زیز ، به‌رپرسێ راگه‌هاندنا به‌ه‌رڤانیا باژێرێ دهوكێ بۆ ئه‌ڤرۆ نیوز گوت : پشتی ئه‌ڤرۆ به‌ره‌ڤانیا باژێری ل زاخۆ هاتیه ئاگه‌هدار كرن ل سه‌ر هه‌بوونا روودانه‌كا ئاگربوونێ ل كوگهههكێ كه‌لوپه‌لێن ناڤ مالێ ل تاخێ ركاڤا نوو ل زاخۆ ، پشتی ده‌مه‌كێ كێم تیمێن مه گه‌هشتنه جهێ روودانێ وشیان هه‌ر زوو كونترولا وی ئاگری بكه‌ن .
زێده‌تر گوت : دوێ روودانێ دا بتنێ زیانێن ماددی هه‌بوون ، ب خوه‌شحالی ڤه تیمێن مه شیان چه‌ندین كه‌لوپه‌لان ژناڤ وێ كوگه‌هێ دا بیینه ده‌ر و ب ڤێ چه‌ندێ ژی زیانێن ماددی ل خودانێ وێ كوگه‌هێ كێمتر بون .
ئەڤرۆ نیوز، عەلی حاجی :
پشتی بارینا بارانەکا زور ل سنورێ دەڤەرا زاخۆ ، ئەڤ چەندە بۆ ئەگەر رێژەیا ئاڤا خابیری ل زاخۆ بلند بیت و بو ئێکەم جارە د ماوەیێ ئەڤ سالە دا رێژەیا بلندبوونا ئاستێ ئاڤا خابیری پێنچ و مەترو نیڤان بلند بیت .
ل دور ڤێ چەندێ سەلمان محەمەد بەرپرسێ ھوبا ئاڤدانێ ل زاخۆ بۆ ئەڤرۆ نیوز گوت : پشتی بارینا بارانەکا زور د ماوێ ٢٤ دەمژمێرێن بوری دا رێژەیا بلند بوونا ئاستێ ئاڤا خابیری ل زاخۆ ٣ مەتران ژبەری نوکە بلندتر بوویە و ھەتا نوکە رێژەیا بلند بونا ئاستێ ئاڤێ گەھشتیە پێنچ مەترو نیڤان و بو ئێکەم جارە دئەڤ سالە دا رێژا ئاڤێ ب ڤی رەنگی بلند ببیت و کو پێشتر ھەر د ئەڤ سالە دا بلندترین رێژا ئاستێ ئاڤێ گەھشت بو پێنچ مەتر و ٢٠ سم .
ناڤبری زێدەتر گوت : بلندترین رێا بلندبوونا ئاستێ ئاڤێ ل سالا ٢٠١١ ھات بو تومار کرن دەما ئاستێ بلنداھیا ئاڤێ ب حەفت مەتر و نیڤان ھات بوو تومار کرن ، ئەگەرێ بارینا بارانێ بویە ئەگەرێ وێ چەندێ رێژەیەکا باش یا ئاڤێ بھێتە کومکرن .
ل گورەی ئامارەکا کەشناسیا زاخۆ بۆ ئەڤرۆ نیوز دیارکری د ماوێ ٢٤ دەمژمێرێن بوری دا ٢٩ ملیمێن بارانێ ل زاخۆ بارینە و ھەتا نوکە دئەڤ سالە دا ٨٥٤ ملیمێن بارانێ بارینە .
نيشاندان