ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: 7 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێ دا بوون، پشتی هەموو پشکنین بۆ ئەوان هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوەدا.
هەروەسا گۆتیە: ب ڤێ چەندێ هژمارا چارەسەربوویان گەهشتنە 300 کەسان و ب تنێ 68 نەخۆش د نەخۆشخانێدا ماینە.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند کو ئەڤرۆ 23/7/2020، حەفت نەخۆشێن دی یێن ڤایرۆسێ کۆرۆنایێ covid-19 ل دهۆکێ کو د نەخۆشخانێ دا بوون، پشتی هەموو پشکنین هاتینە کرن، دیاربوو کو ب تەمامی چارەسەربوون و ب سلامەتی ل نەخۆشخانێ هاتن دەرخستن.
رێڤەبەریا گشتی یا ساخلەمیا پارێزگەها دهۆکێ هەروەسا دیار دکەت کو ب ڤێ چەندێ هژمارا گشتی یا نەخۆشێن چارەسەر بووین گەهشتنە 300 کەسان و نوکە 68 نەخۆش ماینە د نەخۆشخانێ دا.
ئەڤرۆ نیوز:
ژ بەر ناکۆکیێن ناڤخوەیی ل عەفرینێ گرۆپێن چەکدار هێرشی هەڤدو کرن و د ئەنجام دا شەر د ناڤبەرا وان دا روو دا و چەندین چەکدار هاتنە کوشتن.
هەروەسا هاتە زانین ژ بەر تەقەکرنا چەکداران ژنەک ژی ل بەر دەرگەهێ مالا خوە هاتیە کوشتن.
بەری نها ژی گەلەک جاران ل عەفرینێ شەر د ناڤبەرا گرۆپێن چەکدارێن سەر ب تورکیا دا روو دایە و گەلەک چەکدار هاتینە کوشتن.
ئەڤرۆ نیوز:
وەزارەتا کارەبێ یا حوکمەتا هەرێما کوردستانێ راگەهاند کو سپێدێ دێ ١٠٠ مێگاواتێن دی یێن کارەبێ ل سەر کارەبا گشتی هێتە زێدەتر کرن و دێ دەمژمێرێن دانا کارەبا گشتی بۆ وەلاتیان زێدەتر لێ هێن.
وەزارەتا کارەبێ دیار ژی دکەت کو ئەو ل گەل وەزارەتا سامانێن سروشتی بەردەوام کار دکەن دا رەوشا کارەبا گشتی باشتر لێ بکەن دا دەمژمێرێن کارەبێ زێدەتر لێ بهێن.
ئەڤرۆ نیوز:
رێکخراوا مافێن مرۆڤی یا رۆژهەلاتێ کوردستانێ راگەهاند کو د ماوەیێ حەفتیەکێ دا ئیرانێ شەش وەلاتیێن کورد ل ئورمیێ، نەقەدە و کرمانشانێ ل سێدارە داینە و مەترسیا سێدارەدانا چەندین گرتیێن دی ژی هەیە.
رێکخراوا مافێن مرۆڤی یا رۆژهەلاتێ کوردستانێ ئاماژە ب هندێ ژی کریە کو شەش کەسێن هاتینە سێدارەدان ب تاوانێن کوشتنێ سزایێ سێدارەدانێ ل سەر وان هاتبوو سەپاندن.
ئەڤرۆ نیوز:
جێگرێ بەرپرسێ گشتی یێ هێزێن هەڤپەیمانیان ل سووریێ راگەهاند کو تورکیا ژ بۆ بەرژەوەندیێن خوە هندەک دەڤەرێن رۆژئاڤایێ کوردستانێ داگیر کرینە و هێزێن مە نها دەست ب بزاڤەکا نوو کرینە دا نەهێلن تورکیا و هەسەدە شەرێ هەڤدو بکەن.
جەنەرال کێنت ئیکمان ئەو یەک ژی دیار کر کو مەترسیا داعشێ ل سوووریێ یا هەی و دڤێت هەموو ئالی شەرێ تیرۆرێ بکەن و گۆت: (ئەم ژ نێزیکڤە دووڤچوونا لڤینێن هێزێن تورکیا دکەین و مە پێ باش نینە تورکیا هێرشی چو دەڤەرێن باکورێ سووریێ بکەت).
ئه‌ڤرۆ نیوز:
نڤیساره‌كا فه‌رمی ل مالپه‌رێ په‌رله‌مانێ كوردستانێ دا هاتیه به‌لاڤكرن، ئیمزایا هێمن هه‌ورامی جێگری سه‌رۆكا په‌رله‌مانێ كوردستانێ ل سه‌ره، هه‌موو ئه‌ندامێن په‌رله‌مانی بۆ كۆمبوونا رۆژا ئێك شه‌مبی ل هه‌فتیا بهێت هاتینه داخازكرن.
د نڤیسارا په‌رله‌مانی دا، جێگرێ سه‌رۆكا په‌رله‌مانێ كوردستانێ، داخازنامه بۆ هه‌موو ئه‌ندامێن په‌رله‌مانی هنارتیه بۆ به‌رهه‌ڤبوونێ ل رینشتنا ژماره 6 یا سالا 2020 بۆ درێژكرنا وه‌رزێ بهاره ل ده‌مژمێر 11 سپێده‌هیا رۆژا ئێكشه‌مبێ 26/7/2020 هێته سازكرن.
د پشكه‌كا دی یا داخازنامه‌یا په‌رله‌مانی دا هاتیه، ئاماژه ب نڤیسارا په‌رله‌مانێ كوردستانێ ب ئیمزایا هێمن هه‌ورامی جێگرێ سه‌رۆكا په‌رله‌مانێ كوردستانێ ژماره 1200 ل 16/7/2020 كۆ ئاراسته‌ی سه‌رۆكاتیا جڤاتا وه‌زیران كریه، كۆ تێدا ئاماژه ب ئه‌نجامدانا رینشتنا په‌رله‌مانی ل 26/7/2020 رینشتنا په‌رله‌مانی كریه ل 26-27-28/7/2020، بریار هاتیه دان داخازنامه‌یێ ئاراسته‌ی هه‌موو ئه‌ندامێن په‌رله‌مانی بكه‌ین بۆ رینشتما ژماره 6 یا ئاسایی یا خۆلا بهاره‌یا سالا دوێ ژ خۆلا هه‌لبژارتنێن پێنجێ یا په‌رله‌مانێ كوردستانێ، ل ده‌مژمێر 11 سپێده‌هیا رۆژا ئێك شه‌مبا بهێت كۆ 26/7/2020 و داخازی ژ هه‌موو ئه‌ندامان دكه‌ین ل ده‌مێ دیاریكری به‌رهه‌ڤ بن.
نيشاندان