ئەڤرۆ نیوز:
سەرۆکێ فرەنسا راگەهاند کو نابیت وەلاتێن ئێکەتیا ئورۆپا ل هەمبەر بزاڤێن تورکیا ل رۆژهەلاتێ دەریا ناڤەراست بێدەنگ بن، چونکو ئەو یەک دێ مەترسیا خوە بۆ هەموو ئورۆپا هەبیت و دڤێت ژ بەر دەستێوەردانێن تورکیا ل لیبیا و سووریێ وەلاتێن ئێکەتیا ئورۆپا ب توندی تورکیا سزا بدەن.
بەری نها ژی چەندین جاران سەرۆکێ فرەنسا داخوازا سزادانا تورکیا کریە.
ئەڤرۆ نیوز:
ل گۆر نڤیسەکا فەرمی یا کو مالپەرێ پەرلەمانێ کوردستانێ بەلاڤکریە و ئیمزا هێمن هەورامی جێگرێ سەرۆکا پەرلەمانێ کوردستانێ ل سەرە داخواز ژ هەموو ئەندامێن پەرلەمانێ کوردستانێ هاتیە کرن کو بۆ کۆمبوونا شەشێ یا سالا ٢٠٢٠ ل رۆژا ئێکشەمبیێ ئانکۆ رۆژا ٢٦/٧/٢٠٢٠ ل هۆلا کۆمبوونان یا پەرلەمانی بەرهەڤ بن.
د نڤیسا فەرمی دا داخواز ژ هەموو ئەندامێن پەرلەمانێ کوردستانێ هاتیە کرن کو ل دەمژمێر ١١ بەری نیڤرۆ ل پەرلەمانی ئامادە بن.
ئه‌ڤرۆ نیوز:
جێگرێ فه‌رمانده‌یێ گشتی یێن هێزێن نێڤ ده‌وله‌تی راگه‌هاند مانا هێزین خوه ل عیراقێ دوپات دكه‌ت، به‌لێ هێزێن خو دێ كێم كه‌ین د چارچوڤه‌یێ رێكه‌تنا ستراتیژیا دناڤبه‌را به‌غدا و واشنتونێ دا هێنه رێكخستن.
ژه‌نه‌رال كینێت ئیكمان جێگرێ فه‌رمانده‌یێ گشتی یێ هێزێن هه‌ڤپه‌یمانێن نێڤ ده‌وله‌تی ل عیراقێ و سوریا راگه‌هاند عیراقێ هێشتا پێدڤی ب بهه‌ڤكاریا هه‌ڤپه‌یمانان هه‌یه ژ بۆ به‌رهنگاربوونا داعشێ تایبه‌تی ژ روویێ پلاندانان و زانیاریێن هه‌والگری و چاڤدێدیكرنا ڤه‌لڤینێن تیرۆریستان ل ئاسمانی، هه‌ر دوی چارچوڤه‌یی دا پێدڤیه كارێ هه‌ڤبه‌ش ل گه‌ل عیراقێ به‌رده‌وام بن.
فه‌رمانده‌یێ ناڤبری ئه‌و چه‌نده ژی راگه‌هاند ژماره‌یا سه‌ربازێن هڤپه‌یمانان ب تایبه‌تی ئه‌مریكا دهێنه كێمكرن لگۆری دانوستاندنێن رێكه‌تنا ستراتیژی دناڤبه‌را ئه‌مریكا و عیراقێ، هه‌ر دوی چارچوڤه‌ی دا بریاره رۆژا شه‌مبیا بهێت ئه‌مریكا بنگه‌هێ سه‌ربازی به‌سما راده‌ستی حوكمه‌تا عیراقێ بكه‌ت.
ئه‌ڤرۆ نیوز:
پشتی سێ رۆژان ژ هنارتنا كه‌شتیا ئه‌مه‌ل یا عه‌ره‌ب بۆ مه‌ریخێ، چینێ ژی دڤێت بچیته مه‌ریخێ و چاره‌كا دی شیانێن خوه دبیاڤێ بۆشاهیا ئاسمانی و ووزه‌یا ته‌كنولوجی دا نیشاندا.
دهێته چاڤه‌رێكرن پشتی چه‌ند ده‌مژمێره‌كێن دی ده‌سه‌لاتدارێن چینێ دوماهی زانیاریان ل سه‌ر چوونا ئه‌وێ كه‌شتیێ رابگه‌هینن.
چینێ ئاماژه ب وێ چه‌ندێ دایه كۆ ئه‌ركێ ئێكێ یی ئه‌وێ كه‌شتیا ئاسمانی بۆ هه‌ساره‌یا مه‌ریخێ شیكاركرنا جورێن ئه‌وێ ئاخێ دبیت كۆ ل سه‌ر مه‌ریخێ هه‌یه.
20 ته‌مووزا ئیسال و سێ رۆژان به‌ری چینێ حوكمه‌تا دوبه‌ی ل بنگه‌هێ ئاسمانیێ تانیگاشیمایا ژاپون كه‌شتیا ئه‌مه‌ل هنارته سه‌ر مه‌ریخێ.
چوونا كه‌شتیا ئه‌مه‌ل یا ئیماراتێ بۆ وه‌لاتێ ئێكێ یێ عه‌ره‌بی كه‌شتیه‌كێ ره‌وانه‌یی مه‌ریخێ بكه‌ت، ئه‌ڤه ژی پشتی سالا بوری هه‌شت ئاسمان ناسێن ئیماراتێ بۆ ده‌مێ 8 رۆژان ل ئیسگه‌هێ ئاسمانیێ نێڤ ده‌وله‌تی ماین و د پێخه‌مه‌تا بریار دان بۆ هنارتنا كه‌شتیا ئیماراتێ بۆ ناڤ بازنه‌یێ زڤرینا مه‌ریخێ.
ئه‌ركێ كه‌شتیا ئیماراتێ ڤه‌كۆلینكرنه ل سه‌قایێ مه‌ریخێ ب درێژاهیا رۆژ و شه‌ڤان، بڤێ كه‌شتیێ دبیته ئێكه‌م كه‌شناسیا تایبه‌ت ب هه‌ساره‌یا مه‌ریخێ.
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانی پێشوازی ل راوێژكارێ تایبه‌ت و سه‌رۆكێ تیما ڤه‌كۆلینێن نێڤ ده‌وله‌تی یێن تاوانێن داعشێ كر.
ئه‌ڤرۆ مه‌سرور بارزانی سه‌رۆكێ حوكمه‌تا هه‌رێما كوردستانێ پێشوازی ل كه‌ریم ئه‌حمه‌د خان راوێژكارێ تایبه‌ت و سه‌رۆكێ تێما ڤه‌كۆلینێن نێڤ ده‌وله‌تی ل تاوانێن داعشێ كر، د دیداره‌كی دا دانوستاندن ل سه‌ر به‌رهه‌ڤكاریێن دادگه‌هكرن و سزادانا تاوانبارێن رێكخراوا تیرۆریستیا داعشێ كرن.
راوێژكارێ تایبه‌ت و سه‌رۆكێ تیما ڤه‌كۆلینێن نێڤ ده‌وله‌تی ل تاوانێ داعشێ راگه‌هاند رێكارێن یاسایی و ته‌كنیكی یێن دادگه‌هیكرنا تاوانبارێن داعشێ ل سه‌ر ئه‌و تاوانێن هه‌مبه‌ر مرۆڤاتیێ ئه‌نجامداینه، ب تایبه‌تی پرۆسه‌یا كۆمڤه‌كرنا گرۆڤ و ب دیجیتالكرنا ئه‌رشیڤێ تاوانێن داعشێ و سوپاسیا هه‌ماهه‌نگی و پشته‌ڤانیا حوكمه‌تا هه‌رێمێ كر بۆ ئه‌ڤێ چه‌ندێ.
سه‌رۆكێ حوكمه‌تا هه‌رێما كوردستانێ ته‌ئكید ل سه‌ر گرنگیا بله‌زكرنا رێكارێن دادگه‌هكرنا تاوانبارێن داعشێ كر، چونكو ئه‌ڤ دادگه‌هكرنه پێنگاڤه‌كا گرنگه بۆ بده‌سته ئینانا دادپه‌روه‌ریێ و رێگرتنه ژ دووباره بوونا وێ پاشه‌رۆژێ دا.
ئه‌ڤرۆ نیوز:
وه‌زیرێ ده‌رڤه‌یێ فینله‌ندا دێ سه‌ره‌دانا هه‌ولێرا پایته‌ختی هه‌رێما كوردستانێ كه‌ت.
وه‌زاره‌تا ده‌رڤه‌یا عیراقێ راگه‌هاند ئه‌ڤرۆ پیكا هاڤیستو وه‌زیرێ ده‌رڤه‌یێ فینله‌ندا سه‌ره‌دانا عیراقێ كر.
فوئاد حسێن وه‌زیرێ ده‌رڤه‌یێ عیراقێ د پڕێس كۆنفرانسه‌كی دا ل گه‌ل پیكا هاڤیستو پێشوازی ل ڤه‌كرنا بالیوزخانه‌یا فینله‌ندا ل به‌غداكر و راگه‌هاند د كۆمبوونێن خوه دا دانوستاندن ل سه‌ر په‌نابه‌رێن عیراقی یێن ل فینله‌ندا كرن.
لگۆری زانیاریان پشتی ته‌مامكرنا سه‌ره‌دانا خوه بۆ به‌غدا دێ وه‌زیرێ ده‌رڤه‌یێ فینله‌ندا سه‌ره‌دانا هه‌ولێری ژی كه‌ت و ل گه‌ل به‌رپرسێن بلندێن هه‌رێمێ كۆم بیت.
ئه‌ڤرۆ نیوز:
ئیحسان عه‌بدلجه‌بار وه‌زیرێ پترۆلا عیراقێ راگه‌هاند بۆ ده‌مێ دو هه‌یڤان ل سه‌ر ئێك پترۆلا عیراقێ ب بهایێ بڕێنت و گرانتر ژی هاتیه فروتن.
ئیحسان عه‌بدلجه‌بار وه‌زیرێ پترۆلا عیراقێ راگه‌هاند شیاینه بۆ ده‌مێ دو هه‌یڤان ل سه‌ر ئێك پترۆلێ ب بهایێ برێنت و گرانتر ژی بفروشن، ئه‌ڤه جارا ئێكێ یه ل دیرۆكا عیراقێ روو دده‌ت.
ب ئه‌گه‌رێ بلاڤ بوونا ڤایرۆسێ كورونایێ و داكه‌تنا خواستێ و بهایێ پترۆلێ ب ئاوایه‌كێ به‌رچاڤ داكه‌ت و ئه‌ڤه ژی عیراق ریب ری قه‌یرانه‌كا ئابووری كر، چونكو 95% یا بودجا سالانه پشت به‌ستنێ ل سه‌ر هنارتنا پترۆلێ دكه‌ت.
ئه‌ڤرۆ نیوز:
كۆمپانیا سومو تایبه‌ت ب بازاركرن و فرۆتنا پترۆلا عیراقێ نوچه‌یه‌كێ رویته‌رز ره‌ت دكه‌ت، كۆ عیراق و هه‌رێما كوردستانێ پێگیر نینن ب رێكه‌تنا ئوپێك پلاس بۆ كێمكرنا هنارتنا پترۆلێ، كۆمپانیا سومو ته‌ئكید ل سه‌ر پێگیر بوونا عیراقێ ب رێكه‌تنێ دكه‌ت.
كۆمپانیا سومو د به‌یاننامه‌یه‌كێ دا راگه‌هاند راپۆرت ته‌ئكید دكه‌ت كۆ عیراق رۆژانه دو ملیۆن و 700 هزار به‌رمیلێن پترۆلێ به‌رهه‌م دئینیت، بێ ئاگه‌هن ژ ئه‌وێ چه‌ندێ كۆ ده‌ردكه‌ڤیت رۆژانه 100 هزار به‌رمیلان كێمتر ره‌وانه‌ی بازارێ پترۆلێ دكه‌ن.
كۆمپانیا ناڤبری ئه‌وێ چه‌ندێ ته‌ئكید دكه‌ت كۆ زێده‌باری ژماره‌یه‌كا زۆرا پترۆلێ ئێخستیه ری، به‌لێ ئه‌و داتایێن دوماهیی نینن و پێگیربوونا ته‌ڤایی نینه وه‌ك سوزا دایی كۆ ب ته‌مامی پێگیر بیت ب رێكه‌تنێ.
كۆمپانیا سومو ئه‌و چه‌نده ژی دیاركر هه‌كه رێژا به‌رهه‌مئینانا ئاژانسا رویته‌رز به‌لاڤكری ل گه‌ل رێژا هنارتنا هه‌رێمێ كۆم ڤه بكه‌ی رێژا بكار ئینانا ناڤخۆ لبه‌رچاڤ بگرین، ئه‌ڤه ده‌ردكه‌ڤیت عیراق 10% پێگیر بوویه ب رێكه‌تنا كێمكرنا به‌رهه‌مێن پترۆلێ.
ئه‌ڤرۆ نیوز:
ب رێكا دو بومبێن ڤه‌نایی ل پارێزگه‌ها زیقار یا باشوورێ عیراقێ، كاروانه‌كێ ترۆمبێلێن هێزێن ئه‌مریكیا كره ئارمانج.
ژێده‌رێن ئه‌منی یێن عیراقێ به‌لاڤكرن، كاروانه‌كێ بارهه‌لگر كۆ كه‌ل و په‌لێن لوجستی بۆ هێزێن ئه‌مریكا هه‌لگرت بوون، ب دو بومبێن ڤه‌نایی ل پارێزگه‌ها زیقار كرنه ئارمانج ، ئه‌ڤه بۆ جارا دووێ ل ده‌مێ كێمتر ژ هه‌فتیه‌كێ هێرش بهێته كرن بۆ سه‌ر كاروانێ بارهه‌لگرێن ئه‌مریكیان.
لگۆری ژێده‌رێن ئه‌منی، د ئه‌وێ هێرشێ دا دو بومبێن ڤه‌نایی دا چ زیانێن گیانی نه‌بووینه بتنێ زیان ب چه‌ند بارهه‌لگره‌كان كه‌فتیه.
به‌ریا نها سی بارهه‌لگران كه‌ل و په‌لێن لوجستی و ترۆمبێلێن سه‌ربازی یێن هێزێن ئه‌مریكا و هه‌ڤپه‌یمانان هه‌لگرتبوون، ل پارێزگه‌ها دیوانیه ل باشوورێ عیراقێ ب بوونه جهێ ئارمانجا بومبێن ڤه‌نایی و هاتنه سوتن، گرۆپه‌كا میلیشیا نێزیك ل ئیرانێ به‌رپرسیاریا خو ژ ئه‌ڤان هێرشان راگه‌هاندیه.
ئه‌ڤرۆ نیوز:
وه‌زاره‌تا ده‌رڤه‌یا چینێ راگه‌هاند گرژیێن دناڤبه‌را چین و ئه‌مریكا زێده بووین و به‌ریا نها ئه‌مریكا داخاز ژ چینێ كریه قونسلخانا خو ل باژێرێ هیوستنێ ئه‌مریكا بگریت، چین ژی هه‌مبه‌ر ئه‌ڤێ پێنگاڤا ئه‌مریكا دانوستاندنێ ل سه‌ر گرتنا قونسلخانه‌یا ئه‌مریكا ل باژێرێ ئوهان دكه‌ت.
وه‌زاره‌تا ده‌رڤه‌یا ئه‌مریكا راگه‌هاند ئه‌ڤ بریاره د پێخه‌مه‌تا پاراستنا مولكێ فكری یێ ئه‌مریكیایه و زانیاریێن تایبه‌تێن ئه‌مریكیا هاتیه دان.
په‌یڤدارێ وه‌زاره‌تا ده‌رڤه‌یا چینێ ژی راگه‌هاند گرتنا قونسلخانه‌یا چینێ ل هیوستن، دێ بیته ئه‌گه‌رێ زێده‌بوونا ئالوزیان ب ئاوایه‌كێ پێشبینی نه‌كری و نووترین به‌رهنگارینه ل دژی چینێ هاتینه بكار ئینان.
نيشاندان