ئەڤرۆ نیوز:

ئۆرهان پاموک نڤیسەرێ ناڤدارێ تورکیا نەرازیبوونا خوە ل هەمبەر بریارا دادگەها تورکیا ل دۆر گوهۆرینا موزەخانا ئایاسۆفیا بۆ مزگەفت دیار کر و راگەهاند کو گوهۆرینا ناسناما وی جهێ دیرۆکی نیشا ددەت کو دەستهەلاتا نها یا تورکیا سیستەمەک جودا ئاڤا کریە.

ناڤهاتی دیار کر کو تورکیا نها ب تەمامی ژ جیهانا رۆژئاڤا دوور کەفتیە و سیستەمێ تورکیا ژ سیستەمەکێ سیکولار بوویە ئیسلامی و ئەو یەک ژی دێ ئەنجامێن خوە یێن خراب بۆ پاشەرۆژا تورکیا هەبن.

ئەڤرۆ نیوز:

نوونەرێ تایبەت یێ نەتەوێن ئێکگرتی بۆ کاروبارێن لیبیا دیار دکەت کو پێدڤیە دەستێوەردانێن دەرەکی ل لیبیا بهێنە راگرتن و هەموو هێزێن بیانی ژی ژ لیبیا دەرکەڤن، چونکو دەستێوەردانێن دەرەکی رەوشا لیبیا ئالۆزتر لێ دکەن.

ستیڤان ولیامز نوونەرێ تایبەت یێ نەتەوێن ئێکگرتی بۆ کاروبارێن لیبیا ئەو یەک ژی دیار کر کو دڤێت د زووترین دەم دا ئاگربەست ل لیبیا بهێتە راگەهاندن دا هەموو هێزێن ل لیبیا بشێن پرسێن هەی ب رێیێن سیاسی چارەسەر بکەن.

ئەڤرۆ نیوز:

بەرپرسەکێ وەزارەتا دەرڤە یا ئەمریکا بۆ رۆژناما واشنتۆن پۆست دیار کریە کو ئەمریکا ب رەنگەکێ ئاشکرا داخواز ژ روسیا کریە کو چارەسەریەکا گونجای بۆ رەوشا سووریێ پەیدا بکەت، هەکە نە ئالۆزیێن نها ل سووریێ دێ پشتی چەندین سالان روسیا ژی تووشی قەیرانەکا مەزن کەت.

هەمان بەرپرسێ ئەمریکا دیار کریە کو وان شەش مەرجێن خوە ل دۆر سووریێ رادەستی روسیا کرینە و دڤێت سیستەمەکێ نوو ل سووریێ بهێتە ئاڤاکرن و سووریێ نەبیتە مەترسی ل سەر هەڤالبەندێن ئەمریکا و هەتا نها ژی روسیا بەرسڤا داخوازیێن ئەمریکا ل دۆر سووریێ نەدایە.