ئەڤرۆ نیوز:
عەبدوللا ئەحمەد جێگرێ رێڤەبەرێ گشتی یێ ساخلەمیا سلێمانیێ راگەهاند کو بەری دەمەکێ دو تووشبوویێن دی یێن کۆرۆنایێ ل سلێمانیێ جانێ خوە ژ دەست دان و گۆت: (ب گشتی ئەڤرۆ سپێدێ هەتا نها هەشت تووشبوویێن کۆرۆنایێ ل پارێزگەها سلێمانیێ جانێ خوە ژ دەست داینە).
ناڤهاتی دیار ژی کر کو دڤێت وەلاتی پتر گرنگیێ ب خوە پارێزیێ بدەن، چونکو مخابن نها رەوش ل سلێمانیێ گەلەک مەترسیدارە.
ئەڤرۆ نیوز،عەلی حاجی :
ئەندامێ لژنا دیفچوونا بازاری ل زاخۆ بۆ ئەڤرۆ نیوز دیار کر بەردەوام چاڤدێریا بازاری دکەن بۆ جێبەجێکرنا رێنمایێن ساخلەمیێ و هەر کەسەکێ پێگیر ژی نەبیت دێ توشی سزایان بیت .
زێدەتە وەلات هەجەر گۆت : د بەردەوامیا دیفچوونا مە ل سەر بازاری ل رۆژا ئەینیێ دناڤ سەنتەرێ باژێرێ ب هاریکاریا پۆلیس و ئاسایش و لژنا چاڤدێریا بازرگانی ل زاخۆ سەرەدانا ٤١٥ جهان کر بوو و هەر دیسان ١١ جهـ بۆ ماوەیێ چەند رۆژەکان هاتنە دائێخستن کو پرانیا وان دوکانێن موبایلان بوون و هەر دیسان ٢٢ جهـ ژی ب کوژمەیێن پارەی هاتنە سزادان ژ ئەگەرێ نەپێگریا وان جهان ب رێنمایێن خوە پاراستنێ ژ ڤایروسێ کورونایێ و دێ بەردەوام ژی بین ل سەر چاڤدێریکرنا بازارێ زاخۆ ژبەر کو ئەو رێنمایان جێبەجێ دکەین پێخەمەتی پاراستنا وەلاتیانە و هیڤی خازین ژی هەمی جهـ پێگیر بن ب رێنمایان.
ئه‌ڤرۆ نیوز:
لگۆری نڤیسارا ژماره 9 یا وه‌زاره‌تا دارایی كۆ ل 22/6/2020 ده‌ركه‌ڤتی یه و تێدا هاتیه كۆ به‌ری نوكه ل ده‌مێ نووكرنا مۆله‌تا خودانكرنا كێم ئه‌ندامان، پێدڤی بوو فه‌رمانبه‌ر راپۆرتا نوژداری بۆ فه‌رمانگه‌هێ ببه‌ت، به‌لێ ئه‌و مه‌رجه هاته لادان و فه‌رمانبه‌رێن مۆله‌تا چاڤدێریا خودانكرنێ هه‌یه و مۆله‌تێن وان ته‌مام بووینه، ئه‌ڤه مۆله‌تێن وان بۆ شه‌ش هه‌یڤێن دی دهێنه درێژكرن بیێ كۆ راپۆرتێن نوژداری نوو بكه‌ن.
وه‌زاره‌تا دارایی و ئابووری یا حكومه‌تا هه‌رێما كوردستانێ ئه‌و چه‌نده ته‌ئكید كر كۆ داخاز نه‌كرنا راپۆرتا نوژداری لبه‌رچاڤگرتنا رێنمایێن خۆپارێزیی ژ كورونایی و كێمكرنا به‌ر ئیك كه‌تنێ.
ل سالێن بوری دا وه‌زاره‌تا دارایی و ئابووری رێنمایی ده‌رخست بوون، و مۆله‌ت دابوو ئه‌وان فه‌رمانبه‌رێن كێم ئه‌ندام ل مال هه‌ین و خو ته‌رخانكرنینه بۆ چاڤدێریكرنا وان ل گه‌ل وه‌رگرتنا مۆله‌تی موچه‌یێ ته‌مام بۆ ئه‌وان دهاته مه‌زاختن، به‌لێ ئه‌ڤ ساله بتنێ موچه یێ ته‌مام بو هێته مه‌زاختن بی ده‌رماله.
ئه‌ڤرۆ نیوز:
جێگرێ رێڤه‌به‌ری گشتی یێ ساخله‌میا سلێمانیێ راگه‌هاند پێنج توشبوویێن دی یێن ڤایرۆسێ كورونایێ گیانێ خوه ژ ده‌ست دان.
ئه‌ڤرۆ 27/6/2020 عه‌بدولا ئه‌حمه‌د جێگرێ رێڤه‌به‌رێ ساخله‌میا سلێمانێ راگه‌هاند ل سلێمانێ پینج توشبوویێن دی ب ڤایرۆسێ كورونایێ گیانێ خوه ژ ده‌ست دان هه‌موو ژی زه‌لام بوون.
لگۆری دوماهی ئامارا وه‌زاره‌تا ساخه‌لمیا حكومه‌تا هه‌رێما كوردستانێ، تانوكه سێ هزار و 758 كه‌سان ژ سلیمانێ توشی ڤایرۆسێ كورونایێ بوون، ل گه‌ل ئه‌ڤان پینج كه‌سان ل سلێمانیی ئه‌ڤه 143 كه‌سان گیانی خوه ژ ده‌ست دان.
ئه‌ڤرۆ نیوز:
ئه‌ڤرۆ بهایێ به‌رمیلا پترۆلێ داكه‌ت، ب ئاوایه‌كی بهایێ پترۆلا برێنت ب 40.73 دۆلاران كرین و فرۆتن پێڤه هاتیه‌كرن، هه‌ڤده‌م بهایێ به‌رمیلا پترۆلا ئه‌مریكی ب 38.20 دۆلاران كرین و فروتن پێڤه هاتیه‌كرن.
دادكه‌تن و بلند بوونا بهایێ پترۆلێ ل سه‌ر ئاستێ جیهانێ دده‌مه‌كی دایه، ژماره‌یه‌كا وه‌لاتان ژبه‌ر به‌رهنگاربوونا ڤایرۆسێ كورونایێ ته‌ڤایا كه‌رتێن پیشه‌سازیی و بازرگانیی راوه‌ستاند بوون، به‌لی نوكه ب ئه‌گه‌رێ كێمبوونا مه‌ترسیێن كورونایێ، پشكه‌ك ژ چالاكیێن ئابووری ده‌ستپێكرن، ئه‌ڤه‌ژی بوویه ئه‌گه‌رێ بلند بوونا بهایی پترۆلێ.
ئه‌ڤرۆ نیوز:
لگۆری دوماهی ئامار، توشبوویێن ڤایرۆسێ كورونایێ ل سه‌ر ئاستێ جیهانێ گه‌هشته 9 ملیۆن و 910 هزار و 135 كه‌سان.
لگۆری ئه‌وان ئامارێن هاتینه راگه‌هاندن، هژماره‌یا توشبوویێن كورونایێ ل جیهانێ گه‌هشته 9 ملیۆن و 910 هزار و 135 كه‌سان، ژ ئه‌ڤێ ژماره‌یێ ژی چار سه‌د و 97 هزار و ئێك كه‌سان گیانێ خوه ژ ده‌ست دایه.
ل سه‌ر ئاستێ وه‌لاتێن جیهانی، ئه‌مریكا زۆرترین رێژه‌یا توشبوویێن ڤایرۆسێ كورونایێ تێدا هاتیه توماركرن، گه‌هشتیه دو ملیۆن و 552 هزار و 956 كه‌سان ژ ئه‌ڤێ ژماره‌یێ ژی سه‌د و 27 هزار و 640 كه‌سان گیانێ خوه ژ ده‌ست دایه.
ڤایرۆسێ كورونایێ نه‌خوشیه‌كا كوژه‌كه ل هه‌یڤا 12 یا سالابوری ل باژیرێ ئوهان یی چینێ سه‌رهلدا و زیده‌تری 210 وه‌لاتان به‌لاڤ بوویه.
ئه‌ڤرۆ نیوز:
لگۆری میدیایێن عیراقێ، مسته‌فا كازمی سه‌رۆك وه‌زیرێ عیراقێ ژماره‌یه‌كا به‌رپرسێن بلند ژ سه‌ر كاری دوور خستن و كه‌سێن دی ل شوونا وان دانان.
دیارترین ئه‌و كه‌سێن ژ پوستا وی هاتینه دور خستن، فالح فه‌یاز كۆ ل پوستێ راوێژكاریا ئاسایشا نیشتمانی بوو ل شوونا وی خالد عوبه‌ید دانا، وه‌زیرێ به‌رێ یێ به‌ره‌ڤانیا عیراقێ بوو.
لگۆری ئه‌وان گوهورینان، ژبلی راوێژكارێ ئاسایشا نیشتمانی، هه‌ر ئێك ژ رێڤه‌به‌رێ ده‌سته‌یا خانه‌نشینێ و سه‌رۆكێ دیوانا وه‌قفا شیعی و رێڤه‌به‌رێ راگه‌هاندن و په‌یوه‌ندیكرنێ، و رێڤه‌به‌رێ ده‌سه‌لاتا فرۆكه‌ڤانیا مه‌ده‌نیا و رێڤه‌به‌رێ به‌نكا ره‌شید هاتنه گوهارتن.
ئەڤرۆ نیوز، عەلی حاجی :
رێڤەبەرێ ناحیا دەرکارێ د داخویانیەکێ دا بۆ ئەڤرۆ نیوز دیار کر هێزێن تورکیا ل سنورێ ناحیا وان هندەک جهێن نوو گرتینە کو ئەڤە ژی پشتی وێ چەندێ هاتی کو بەردەوام ئەو دەڤەرە دهاتنە توپباران کرن.
زێدەتر زێرەڤان موسا گۆت : پشتی ئەڤرۆ ل روژا ئەینیێ ٢٦/٦/٢٠٢٠ دناڤبەرا دەمژمێر ٩ هەتا ١٠ی سپێدێ شەرەک گران دناڤبەرا هێزێن پەکەکێ و سوپایێ تورکیا دا ل چیایێ خامتیری دروست بووی و بەردەوام ئەو چیایە هاتیە بوردومان کرن ل وی چیایی.سوپایێ تورکیا شیا پشکەکا وی چیایی کونترول بکەت و ل دووف پێزانینان ژی هەر ئەڤرۆ سوپایێ وان کەفتیە دناڤ وی پشکەکا وی چیایی دا و سوپایێ وان ژی هاتیە دیتن ل وی چیایی و تورکیا هەمی هەولدان کو بشێت وی چیایی کونترول بکەت و روژانە ژی بوردومانەکا دژوار ل وی چیایی ئەنجام دا و ئەڤە د دەمەکێ دایە ل سنورێ ناحیا وان بەردەوام دهێتە توپباران کرن و بۆ ئێکەم جارە هێزێن تورکیا بشێت پشکەکا وی چیایی کونترول بکەن و هێزێن وان هەتا دەڤەرا گێرای ژ سنورێ وی چیایی هاتینە.
ناڤبری گۆت ژی : چیایی خامتیری ژ چیایێن مەزنە و کونترول کرنا وێ گەلەکا زەحمەتە ژبەر کو روژانە شەر ل وی چیایی دهێتە کرن.
ئەڤرۆ نیوز:
وەزارەتا ساخلەمیا هەرێما کوردستانێ ئاماری 24 دەمژمێڕێن بوری یێن تایبەت ب ڤایرۆسێ کۆرۆنایێ بەلاڤکرن و راگەیاند: 311 کەسێن دی تووشی ڤایرۆسێ کۆرۆنایێ بوون و 13 تووشیبوویان ژی گیانێ خوە ژ دەستداینە.
هەروەسا گۆتیە: ١٦٧٩ پشکنینێن نوو هاتینە کرن، ژ وان ژی (٧١١ ل هەولێرێ)، (٣٦٢ ل سلێمانیێ)، (٤٠١ ل دهۆكێ)، (١٤٥ ل گەرمیان)، (٦٠ ل ئیدارا راپەرین) و ٣١١ تووشبووی نوو یێن کۆرۆنایێ هاتینە تۆمار کرن، ژ وان ژی (٥٠ ل هەولێرێ)، (١٩٨ ل سلێمانیێ، ١٠ ل راپەڕین، ٤٧ ل گەرمیان) و (٦ ل پارێزگەها دهۆكێ).
ئەو ژی گۆتیە: ٥٧ کەس ل هەرێمێ باشبووینە، ژ وان ژی (٤٥ ل هەولێرێ)، (٩ ل راپەڕین، ٢ ل گەرمیان)
(١ ل هەلەبجە)، دیسان ١٣ کەسان ژی گیانێ خوە ژ دەستدایە، ژ وان ژی (١ ل هەولێرێ) و (١٢ ل سلێمانیێ).
نيشاندان