ئهڤرۆ نيوز:
یا ل سەر دایکێ پێدڤیە ل دەمێ شیری ددەتە زارۆکێ خوە دکاودانەکێ ئارام دا بیت، رێیا دروست یا شیردانا سروشتی ئەوە کو بەرێ زارۆی ل مەمکێ دایکێ بیت دەمێ کو دەست د ھاڤێژیتە مەمکی روویێ زارۆی ب خوە دھێتە گۆھورین و دەڤێ خوە ڤەدکەت، پێدڤیە پشت راست بی کو سەرکێ مەمکی دناڤ دەڤێ زارۆی دایە، ھەر جارەکا تو شیری ددەیە زارۆیێ خوە ژ ھەردو مەمکا بدەیێ، مەمکێ خوە ب سابوونێ نەشوو، چونکو ئەو دبیتە ئەگەرێ ھشبوون و شەخبوونا سەرکێن مەمکا، بھێلە چپکا دووماھیێ ژ شیرێ تە ب مەمکێ تەڤە ھشک ببیت داکو شەخ شەخ نەبن، گرنگترین مفایێن شیردانا سروشتی دا ئەڤەنە:
1- کاردکەت بۆ تێکبرنێن مالبچووکی، ئەو ژی دبیتە ئەگەر خوین کێم بچیت و خوینبەربوون ب راوەستیت و مالبچووک ڤەگهریتە قەوارێ خوە سروشتی یێ بەری دوگیانیێ.
2- ھاریکاریێ ل گەل دایکێ دکەت بزڤریتە سەنگێ خوە یێ بەری دوگیانیێ.
3- رێژا تووشبوونێ ب پەنجەشێرا مەمکی و ھێدانکێ بەری ژیێ بێھیڤیبوونێ کێم دکەت.
4- خەموکیا پشتی دوگیانیێ کێم دکەت.
5- ھەڤبەندیا دلینیێ دناڤبەرا دایکێ و زارۆکی دا پەیدادکەت.
6- دەمی و ئارامیێ بۆ دایکێ پەیدادکەت بۆ چاڤدێریا زاروکێ وێ و خێزانا وێ و شیردان دێ یا مرتاح بیت.
7- رێکێ نادەت دایک زوو دوگیان ببیتەڤە ب تایبەت ل ھەر شەش ھەیڤێن ئێکێ پشتی دوگیانیێ، ئەوژی دەمێ دایک ب تنێ شیرێ خوە ددەتە زارۆکێ خوە، ل وی دەمی عادەیێن ھەیڤانە نابینیت و ئەو رێکەکە بۆ رێکخستنا خێزانێ.
نيشاندان
