ئه‌ڤرۆ نیوز، ره‌مه‌زان هه‌رنى:
سالانه دگه‌ل هاتنا وه‌رزێ هاڤینێ و دروونا گه‌نمى چه‌ندین روودانێن ئاگربه‌ربوونێ دروست دبن و هنده‌ك جارا دبیته سه‌ده‌مێ گه‌نمى به‌ری دوورنێ و به‌ره‌ڤانیا باژێرى هه‌رسال لڤى وه‌رزى رێنمایێن چه‌وانیا سه‌ره‌ده‌ریكرنا هه‌لكرنا ئاگرى به‌لاڤدكه‌ت .
موقه‌ده‌م فیراس یاسین ئاكره‌یى، به‌رپرسێ راگه‌هاندنا به‌ره‌ڤانیا باژێرى ل ئاكرێ بۆ ئه‌ڤرۆ نیوز راگه‌هاند سالانه ل وه‌رزێ هاڤینێ پتر روودانێن ئاگر به‌ربوونێ دروست دبن تایبه‌ت سوتنا زه‌ڤیێن گه‌نمى و ئه‌ڤساله ژى تیمێن به‌ره‌ڤانیا باژێرى ل ئاكرێ هه‌وه‌كا به‌رفره‌هـ ده‌ستپێكرینه بۆ هوشیاركرنه‌ڤه‌یا هاوولاتیا بۆ وێ چه‌ندێ خوپارێزن ل روودانێن ئاگرى ژبه‌كۆ رۆژانه پله‌یێن گه‌رمێ بلند دبن و روودان دروست دبن و ده‌مێ دروونا گه‌نمیه .
گوتژى: چه‌ندین رێنمایێ ب شێوازێ نڤیسار هاتینه به‌لاڤكرن وه‌ك ئاگه‌هدارى و دهه‌مانده‌مدا تیمێن مه دگه‌رێن ل ناڤ زه‌ڤیێن گه‌نمى و خودانێن ئه‌ردى ب ڤان رێنمایا ئاگه‌هداردكه‌ن .
- نابیت زارۆك یاریا ب ئاگرى و یاریێن ئاگرى بكه‌ن تایبه‌ت نێزیك ئه‌ردێن چاندنێ .
- نابیت ده‌راسه‌و تراكتور گازوایلێ ل ناڤ ئه‌ردێ چاندنێ تژى بكه‌ن و پێدڤیه ل ده‌رڤه‌ى زه‌ڤیا گه‌نمى بیت .
- پێدڤیه ل ناڤ ئه‌ردێن چاندنێ بتلێن ئاگر ڤه‌مراندنێ هه‌بن بۆ روودانێن نه چاڤه‌رێكرى .
- نابیت خوارن و چا ل ناڤ ئه‌ردێن چاندنێ بهێنه دروستگرن هه‌تا نه‌هێته دروین.
- پێدڤیه هه‌ر ئه‌رده‌كێ چاندنێ چه‌ندین رێیا بۆ ترومبێلێن ئاگر ڤه‌مراندنێ بۆ ده‌مێ پێدڤى دروستكه‌ن.
- نابیت جگاره بهێنه كێشان ل ناڤ زه‌ڤیاندا ل ده‌مێ درونى.
- پێدڤیه خودانێن ئه‌ردێن چاندنێ یێن گه‌نمى به‌رده‌وام زێره‌ڤانیێ ل ئه‌ردێ خوه بكه‌ن هه‌تا دهێنه درون ،
- نابیت شوفێرو رێڤینگ ل ده‌مێ سه‌فه‌ركرنێ لسه‌ر جادا گشتى قوپكا جگارا خۆ بهاڤێژن ژ ده‌رڤه .
- پێدڤیه بله‌ز په‌یوه‌ندى ب ترومبێلێن ئاگر ڤه‌مراندنێ و بهێته كرن ل ده‌مێ دروستبوونا روودانا ئاگرى .
نيشاندان
