NO IORG
Facebook

ئه‌ڤرۆ نیوز:

لگۆری نووترین ئامارێن توشبوویێن كورونایێ ل جیهانێ ژ چار ملیۆن و 800 هزار  229 كه‌سان ده‌رباز بوویه‌.

ژ چار ملیۆن و 800 هزار و 229 كه‌سان 316 هزار و 732 كه‌س مرینه‌ و ملیۆنه‌ك و 860 هزار  و 56 توشبوو ژی ساخ بوینه‌.

پرانیا توشبوویان ل ئه‌مریكا هاتیه‌ توماركرن كۆ ملیۆنه‌ك و 527 هزار و 664 توشبوو هه‌نه‌ و 90 هزار و 978 كه‌س مرینه‌.

47

 

 

 

ئەڤرۆ نیوز:

 

 

ھێزێن عیراقی ئۆپەراسیۆنەک بۆ دەستە سەرکرنا بەرمایکێن داعشێ ل سنورێ پارێزگەھا ئەنبار دەست پێکر.

ئەڤرۆ شانەیا راگەھاندنا شەری یا عیراقێ د ڕاگەھاندنەکێ دا بەلاڤکریە: ل ژێر ناڤێ جەزیرا رەش ھێزێن عیراقی ل بیابانا ئەنبار، ئۆپەراسیۆنەک بۆ دیتنا جهـ و حەشارگەهێن و چەکدارێن داعشێ دەست پێکریە.

 

 

ئه‌ڤرۆ نیۆز، عه‌زیز هه‌ورامی:
ته‌واوی فڕاكسیۆنه‌كانی ئه‌نجوومه‌نی پارێزگای سلێمانی جه‌خت له‌سه‌ر ئه‌وه‌ده‌كه‌نه‌وه‌ ئاگایان له‌ داهاتی ناوخۆی سلێمانی نییه‌، ئه‌ندامێكی لیژنه‌كه‌ش ده‌ڵێ، هه‌ڤاڵ ئه‌بوبه‌كر پێ گوتین ته‌نها وه‌زاره‌تی دارایی ده‌زانێت داهاتی سلێمانی چه‌نده‌.

كاسترۆ مه‌عروف، سه‌رۆكی فڕاكسیۆنی هاوپه‌یمانی له‌ ئه‌نجوومه‌نی پارێزگای سلێمانی، به‌ ئه‌ڤرۆ نیۆزی ڕاگه‌یاند:” داوامانكردووه‌ له‌ پڕۆژه‌ی لامه‌ركه‌زی سلێمانی داهاتی پارێزگای سلێمانی و هه‌ردوو ئیداره‌كانی ڕاپه‌ڕین و گه‌رمیان ،بۆمان ئاشكرابكه‌ن ،به‌ڵام هیچ به‌رچاو ڕونێكمان پێنه‌دراوه‌ پارێزگای سلێمانی پێ گوتین، وه‌زیری دارایی ده‌زانێت داهاتی پارێزگای سلێمانی و ئیداره‌كانی گه‌رمیان و ڕاپه‌ڕین چه‌نده‌.

كاسترۆ مه‌عروف گوتیشی:” ئێمه‌ وه‌ك ئه‌ندامی لیژنه‌ی لامه‌ركه‌زی سلێمانی و ئه‌ندامی ئه‌نجوومه‌نی پارێزگا، هیچ ئاگام له‌ داهاتی پارێزگا و ئیداره‌ سه‌ربه‌خۆكان نییه‌ چه‌نده‌ و چۆنیش سه‌رف ده‌كرێت، ئێمه‌ ناشزانین داهاتی سلێمانی ده‌ڕواته‌وه‌ دارایی گشتی حكوومه‌تی هه‌رێم یان نا، ئه‌وه‌ ده‌بێت وه‌زاره‌تی دارایی به‌یانێك ده‌ربكات و ڕونكردنه‌وه‌ له‌وباره‌وه‌ بدات.

هه‌روه‌ها زیاتر وتی:” عێراق پاره‌نه‌دات حكوومه‌تی هه‌رێم مووچه‌ی پێنادرێت ئه‌ی خێره‌ سلێمانی به‌ته‌نیا بتوانێت خۆی بێژنێت، ئه‌وه‌ی ئێمه‌ له‌ به‌دوواداچونی بۆده‌كه‌ین له‌گه‌ڵ ئه‌وه‌ی له‌ ڕاگه‌یاندنه‌كانه‌وه‌ ده‌وترێت شتێكی جیاییه‌ هێشتاش هیچ بڕیارێك و پڕۆژه‌یه‌ك ئاماده‌نییه‌، ناشبینه‌ به‌شێك له‌ ململانێ سیاسی ئامانجی ئێمه‌ خزمه‌تكردنی سلێمانییه‌ له‌ چوارچێوه‌ی حكوومه‌تی هه‌رێمی كوردستان.

مینا سامیی ئه‌ندامی ئه‌نجوومه‌نی پارێزگای سلێمانی له‌ فڕاكسیۆنی پارتی و ئه‌ندامی لیژنه‌ی لامه‌ركه‌زیی، به‌ ئه‌ڤرۆ نیوزی ڕاگه‌یاند:” نه‌ك داهاتی سلێمانی به‌گشتی ته‌نها داهاتی یه‌ك به‌ڕێوه‌به‌رایه‌تی پارێزگاكه‌ نازانین، له‌ ڕوی كردارییه‌وه‌ وه‌ك ئه‌نجوومه‌نی پارێزگا ده‌سه‌ڵاته‌كانمان مومارسه‌ نه‌كردووه‌.

تاكه‌ ده‌سه‌ڵاتێك ئه‌نجوومه‌نی پارێزگای سلێمانی مومارسه‌ی كردبێت ده‌نگدان بووه‌ به‌ پارێزگار و جێگره‌كانی و سه‌رۆكی ئه‌نجوومه‌ن و جێگره‌كانی و به‌ڕێوه‌به‌ره‌گشتییه‌كان، یاسایی ئه‌نجوومه‌نی پارێزگای سلێمانی وه‌كو خۆی جێبه‌جێ نه‌كراوه‌، به‌ڵام ئه‌گه‌ر یاساكه‌ جێبه‌جێ بكرایه‌ ئه‌وه‌ ته‌واوی زانیارییه‌كانمان لاده‌بوو تایبه‌ت به‌ پارێزگای سلێمانی، مینا سامیی وای گوت.

 

ئەڤرۆ نیوز:

 

 

وەزارەتا ساخلەمیا هەرێما کوردستانێ راگەهاند: نەهـ حالەتێن نوو یێن توشبوون ب کۆرۆنا یێ ل سلێمانیێ هاتینە تۆما کرن.

هەروەسا گۆتیە: د بەردەوامیا پشکنین و لێگەیانێ لدووڤ گومانلێکریان، نەهـ تووشبوویێن دی یێن ڤایرۆسێ کۆڕۆنا یێ ل سلێمانیێ هاتینە دەست نیشان کرن، کو پێنج زەلام و دو ژن و کچ و کورەکێ گەنجن، ئێک ژ وان ژ گەشتەکا دەرڤەی وەلاتی ڤەگەریایە و شەش ژ وان بەرکەفتیێن تووشبوویێ رۆژێن بەرێ نە و دو تووشبووی یێن دیتر نیشانێن وێ نەخۆشیێ هەنە.

 

 

دیسان هەشت تووشبوویی خۆجهێن سلێمانیێ نە و توشبوویەکێ دیتر ژی خۆجهێ ناحیا بازیانە.

79

ئه‌ڤرۆ نیوز:

 

چاڤه‌رێ دهێته‌كرن ل هاڤینا بهێت هژماره‌كا یاریزانێن یانا مانچێسته‌ر سیتى پێكهاتیێ وێ یانێ ب جهـ بهێلن كو چه‌ند ژ ئه‌وان هه‌ڤبه‌ستێن باشتر ل به‌ر ده‌ستێ ئه‌وان هه‌نه‌ و چه‌ند ژ ئه‌وان ژى راهێنه‌رێ یانێ داخوازى ژ به‌رپرسێن یانێ كریه‌ بفروشن و ل جهێ ئه‌وان هه‌ڤبه‌ستێ ل گه‌ل چه‌ند یاریزانێن دى ئیمزا بكه‌ن.

 

راپۆرتێن رۆژنامه‌ڤانى ل بریتانیا دیاركرینه‌: كو ب رێژه‌یا هه‌ره‌ مه‌زن پێنچ یاریزان دێ پێكهاتیێ مان سیتى ل دووماهیا ڤى وه‌رزى هێلن، ئه‌و ژى هه‌ردو به‌رگریکارێن یانێ نیكولاس ئوتامیندى و بنجامین میندى كارگێرى و راهێنه‌ر ل سه‌ر چوونا وى رازیبوویه‌، دیسان لیروى سانى ژى راهێنه‌رێ یانێ نابیته‌ رێگر ل سه‌ر چوونا وى لێ به‌رپرسێن یانێ به‌رامبه‌ر چوونا وى كوژمێ 50 ملیون یورۆیا خواستى یه‌ كو بایرن میونیخ به‌ربژارا سه‌ره‌كى یه‌ هه‌ڤبه‌ستێ ل گه‌ل وى یاریزانى ئیمزا بكه‌ت و جواو كانسیلو یێ پورتوگالى ئه‌وێ ل هاڤینا سالا بورى ژ یوڤانتوس هاتیه‌ وێ یانێ هژماره‌كا یانێن مه‌زن ل ئورۆپا وى یاریزانى دخوازن و دبیت ب رێژه‌یا هه‌ره‌ مه‌زن راهێنه‌رێ یانێ رێكێ بده‌ته‌ وى یاریزانى به‌ر ب یانه‌كا دیڤه‌ بچیت و ستێرا ئیسپانى دیڤید سیلڤا ئه‌وێ دێ هه‌ڤبه‌ستا وى ب دووماهیى هێت دبیت ب رێژه‌یا هه‌ره‌ مه‌زن به‌ر ب یانه‌كا دیڤه‌ بچیت و هه‌ڤبه‌ستا خوه‌ درێژ نه‌كه‌ت.

 
ئەڤرۆ نیوز، زنار تۆڤی:

 

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا خانمەکێ گیانێ خوە ژ دەست دا.

ناڤهاتی زێدەت گۆت: ئەڤرۆ مەغرەب ل ناڤا سەنتەرێ باژێرێ دھۆکێ و ل سەر جادا گەشتیار بۆ قازی محەمەد روودانەک ژ جۆرێ لێدان پەیدا بوویە و د وێ روودانێ دا خانمەکێ د ژیێ ١٦ سالیێ دا گیانێ خوە ژ دەست دایە.

 
ئەڤرۆ نیوز:

 
وەزارەتا ساخلەمیا عیراقێ راگەهاند: ١٣٧ حالەتێن نوو یێن توشبوون ب کۆرۆنا یێ و دو حالەتێن گیان ژ دەستدانێ و ٨٨ حالەتێن چێبوونێ هاتینە تۆمار کرن.

وەزارەتا ساخلەمی و ژینگەها عیراقێ ئاشکرا کریە ژی: د دەمێ ٢٤ دەمژمێرێن بوری دا ١٣٧ حالەتێن نوو یێن توشبوون ب کۆرۆنا یێ هاتینە تۆمار کرن، کو ١٠٥ حالەت ل بەغدا، چار ل بەسرا، ١٦ ل کەربەلا، نەهـ ل واست و سێ حالەت ژی ل میسان، هەروەسا دو کەسان ژی گیانێ خوە ژ دەستدایە.

494

 
ئه‌ڤرۆ نیوز:

 

 

یانا به‌رشه‌لۆنا ده‌مه‌كێ درێژه ده‌ست ب لڤینا كریه‌ بوو ده‌ستڤه‌ ئینانا هه‌ردو یاریزانێن یانا یوڤانتوس یێ سربى میرالم بیانیتچ و یێ ئیتالى دی تشیلیو بۆ ڤه‌گوهاستنێن بهێت.
رۆژناما سپورت یا ئیسپانى ئاشكراكریه‌ به‌رپرسێن هه‌ردو یانێن به‌رشه‌لۆنا و یوڤانتوس هه‌تا راده‌یه‌كێ مه‌زن گه‌هشتى نه‌ رێككه‌فتنێ كو یوڤانتوس دێ هه‌ر ئێك ژ یاریزانان میرالم بیانتیتچ و دى تشیلیو ده‌ته‌ به‌رشه‌لۆنا به‌رامبه‌ر ده‌ستڤه‌ ئینانا سیمێدوى هه‌ردیسان ل گه‌ل 25 ملیون یورۆیا ژى پێشكێشى به‌رشه‌لۆنا كه‌ت ژبه‌ركو بهایێ ڤه‌گوهاستنا وى یاریزانێ پورتوگالى ل به‌رشه‌لۆنا گه‌له‌ك یێ بلنده‌.

 

 

ژلایه‌كێ دیڤه‌ راپورتێن رۆژنامه‌ڤانى ل ئیتالیا دیاركرینه‌ یوڤانتوس دخوازیت هه‌ردو یاریزانێن خوه‌ بده‌ته‌ به‌رشه‌لۆنا به‌رامبه‌ر ده‌ستڤه‌ ئینانا سیمیدوى لێ چ كوژمێن پاره‌ى نه‌ده‌ته‌ به‌رشه‌لۆنا ژبه‌ركو ئه‌و دخوازن بتنێ گوهورینا یاریزنان ل گه‌ل ئێك بكه‌ن .

 
ئەڤرۆ نیوز:
سازیا تەقسا عەرەبی دیار کر: کو رۆژا ئێکشەمبیا بهێت، کو دکەڤیتە ٢٤ ڤێ هەیڤێ، دێ رۆژا ئێکێ یا جەژنا رەمەزانێ بیت، لێ لدووڤ کلتورێ ئیسلامی رۆژا ئەینیا بهێت، دێ لژنێن دیتنا هەیڤێ بۆ دیارکرنا رۆژا جەژنێ چاڤدێریێ کەن.

 

لدووڤ ڤەکۆلینا مالپەرێ سازیا تەقسا عەرەبی، رۆژا ئەینیا بهێت، هەیڤ ب چاڤان ناهێتە دیتن و د وی حالەتی ژی دا دێ رۆژا شەمبیێ تمامکەرا رەمەزانێ بیت و رۆژا ئێکشەمبی دێ رۆژا ئێکێ یا جەژنا رەمەزانی بیت.

 

بۆ زانینا رۆژا ئێکێ یا جەژنێ، ل ئەینیا بهێت ل پرانیا وەلاتێن ئیسلامی لژنا دیتنا هەیڤێ دێ چاڤدێریێ کەن و دێ دەست نیشان کەن.

ئەڤرۆ نیوز، عەلی حاجی :

هونەرمەندێ کورێ پارێزگەها دهوکێ مێهڤان بێدوهی بۆ ئەڤرۆ نیوز دیار کر ماوەیەکە مژوولی تومارکرنا سترانەکا خوە یا نوویە ب ناڤێ کچا گوندا و ئەو ستران ژی گەهشتی یە قوناغێن دووماهیێ و دێ بۆ جەژنا رەمەزانا پیروز وەکو دیاری بۆ حەژێکەرێن دەنگێ خوە بەلاڤ کەت.

زێدەتر مێهڤان بێدوهی گۆت: (ئەڤ سترانە ژ پەیڤ و ئاوازێن جیهاد بابیری یە و ل ستودیویا زەمان ل زاخۆ کارێ میوزیکێ و تومارکرنا دەنگی هاتیە کرن، وەکو کلیپ ژی کار بۆ وێ سترانێ هاتیە کرن و کارێ وێنەکرنێ ژی ب دووماهی هاتیە و د ڤێ کلیپا من یا نوو دا حەسەن حاجی وەکو وێنەگر و دەرهێنان کار تێدا کری یە و دیمەنێن کلیپێ ژی ل باژێرێ زاخۆ هاتیە وێنەکرن ل پرا دەلال، ژبەر کو ل هەمی وەلاتان هونەرمەند گرنگێی ب جهێن شوینەواری ددەن من ژی دخواست د ڤێ کلیپێ کارەکێ ب وی رەنگی ئەنجام بدەم لەورا من ژی پرا دەلال دەستنیشان کر  و کلیپا من ل وی جهی هاتیە وێنەکرن و د وی کلیپێ دا کارەکێ فلکوری هاتیە کرن، سپونسەرەکێ ژی خوە ل کلیپا من کریە خودان و ئەو کلیپە بەرەڤ قوناغێن دووماهیێ ڤە چوویە و د پلان دایە د روژانێن جەژنێ دا بهێتە بەلاڤ کرن وەکو دیاری بۆ حەژێکەرێن دەنگێ من.

ناڤبرئ خویاکر ژی ” د پلان دا بوو بەری هاتنا ڤایروسێ کورونایێ کار د تومارکرنا وێ کلیپێ دا هاتبایە کرن بەلێ ڤایروسێ کورونایێ ئەو کارە پاش ئێخست و مە بۆ خوە ب دەلیڤە دیت دگەل ڤەگەریانا ژیانێ بۆ دەمێن ئاسایی دەست ب تومار کرنا کلیپێ بهێتە کرن”.

website security
WP Facebook Auto Publish Powered By : XYZScripts.com