ئەڤرۆ نيوز:
عەلی موتەھەری ئەندامێ پەرلەمانێ ئیرانێ د پرێس کۆنفرانسەکی دا ل تەھرانێ راگەھاند کو مەحمود ئەحمەدی نەژد سەرۆک کۆمارێ بەرێ یێ ئیرانێ بەرھەڤیان دکەت دا کو جارەکا دی دەست خەباتا سیاسی بکەت و بەرھەڤیێن مەزن دکەت دا خوە بۆ ھەلبژارتنێن داھاتی یێن سەرۆک کۆماریێ ل ئیرانێ بەربژار کەت و گۆت: (بەری ھەر تشتەکێ دڤێت ئەحمەدی نەژاد ژ بەر کریارێن خوە یێن د ماوەیێ ھەشت سال سەرۆک کۆماریا خوە دا بھێتە دادگەھی کرن، چونکو ئەحمەدی نەژادی زیانەک گەلەک مەزن گەھاندە ئیرانێ و پێگەھێ ئابووری و سیاسی یێ وەلاتی بەر ب نەمانێ ڤە بر، ھەروەسا ئەحمەدی نەژادی رێ بۆ گەلەک گەندەلیان ڤەکر و دڤێت ژ بەر ڤان خالان ئەو بھێتە دادگەھکرن).
ئەندامێ پەرلەمانێ ئیرانێ ئەو یەک ژی دیار کر کو خەلکێ ئیرانێ باش دزانیت کا ئەحمەدی نەژاد چەند زیان گەھاندیە مە و ژ بەر ھندێ ئەز باوەر ناکەم کو چو کەسەک ھەبیت دەنگێ خوە بدەتە وی، چونکو ھێشتا کاریگەریا زیانێن ل سەردەمێ کابینا وی دیارن و گۆت: (دادگەھکرنا ئەحمەدی نەژادی و سزادانا وی دێ بیتە ئەگەرێ دەستپێ کرنا قۆناغەکا نوو ل ئیرانێ و ئێدی چو کەسەک نەشێت پۆستێ خوە بۆ بەرژەوەندی و حەزێن خوە بکار بینیت و دڤێت رێ نەھێتە دان جارەکا دی کەسێن وەکو وی ببنە سەرۆک کۆمارێ ئیرانێ).
داخوازا دادگەھکرنا ئەحمەدی نەژادی دھێتە کرن
نيشاندان