ئەڤرۆ نیوز:
ئەندامێ لژنا دانوستاندنێ ل گەل خوەنیشادانێن سەدری و ئەندامێ جڤاتا نوونەرێن عیراقێ یونادم کنا بۆ ئەڤرۆ دیارکر ھەکە حەیدەر عەبادی دەست ب دانوستاندنێ ل گەل ھەموو لایەنێن سیاسی ل عیراقێ نەکەت، دێ حوکمەتا وی ھێتە ھەلوەشاندن، ڕەوشا عیراقێ ژێ گەلەک نەیا باشە و ژ خرابی یا بەر ب خرابوونێ ڤە دچیت و غەدر ل ھەموو لیستێن سیاسی یا ھاتیە کرن، نوکە خوە لیستا عەبادی ژی داخوازا چاکسازیێ دکەت بۆ نموونە پشکا ھەرێما کوردستانی 17% یە ھەتا نوکە بەغدا 10% نە بۆراندیە وەکو پۆست بۆ ھەرێما کوردستانێ.
یونادم کنا ئەندامێ لژنا دانوستاندنێ ل گەل خوەنیشادانێن سەدری و ئەندامێ جڤاتا نوونەرێن عیراقێ زێدەتر گۆت” پشتی لژنەکا دانوستاندنێ د ناڤبەرا جەماوەرێ سەدری و عەبادی ھاتیە پێکئینان، ئەم گەھشتینە وی ئەنجامی کو پێدڤیە عەبادی گوھۆڕێنێن ڕێشەیی ئەنجام بدەت، چونکی داخوازیێن سەدر دکەت، یێن بووینە داخوازیێن ھەموو لیستێن سیاسی ل عیراقێ وپێشبینیێ دکەین ددەمەکێ نە دوور دا ھەکە عەبادی دەست ب چاکسازیێ نەکەت، حوکمەت دێ ھێتە ھەلوەشاندن، بۆ نموونە 9 ھزار پلەیێن تایبەت ل عیراقێ یێن ھەین وپتریا وان ب پۆستێ رێڤەبەرێن گشتی یێن ھاتنیە دامەزراندن یان خانەنشینکرن و دبنیاتدا چوو بەلگەنامەیێن وان نینن و دھیتە گوتن پتریا گەندەلکاران ژ بەرپرسێن سەدری نە” .
یونادم کنا گۆت ژی” داخوازیێن سەدر دبنە موزادیێن سیاسی دەمێ ئەو ب تنێ خونیشادانێ دکەت دناڤ جەماوەری دا و ڤان داخوازیان دکەت، پێدڤیە سەدر ڤان داخوازیان ب ڕیێن دبلوماسی بکەت و ل گەل ھەموو لایەنێن سیاسی دانوستاندن بھێنە کرن نە ب تنێ لایەنەکێ سیاسی پێ ڕابیت و ئەڤە نەیا ساخلەمە و یا ڕەوا ژی نینە گەندەلی دناڤ بەربرسَین سەدری دا ھەبیت و ئەو ب خوە داخوازا چاکسازیێ بکەت و ب ناڤی ئاینی داخوازا نەھێلانا گەندەلیێ دکەت و ئەو ب خوە ئاین ڕێ نادەت دزی بھێتە کرن، بەلی ھەر ئەو ب خوە مەرجێن ئاینی بجە نائینن”.
ئەندامی لژنا دانوستاندنێ ل گەل خوەنیشادانێن سەدری ئەوژی خویا کر کو نە ڕێککەڤتن دناڤبەرا ھەموو لایەنێن سیاسی ل عیراقێ ڕۆژ بۆ ڕۆژی دێ ڕەوشا عیراقێ خرابتر لێ کەت و پێدڤیە ھەموو لایەنێن سیاسی ل عیراقێ بەھرا خوە یا دروست د پشکداریکرنێ دا د حوکمەتێ دا وەربگرن، ھەکەرئەڤە نەھێتە کرن، ڕەنگە حوکمەتا عەبادی نەمینیت و بھێتە ھەلوەشاندن.
یونادەم کنا ئاشکراکر ژی کو ئەو لژنا بۆ دانوستاندنێ ل گەل سەدریان ھاتیە پیکئینان، چو دەستھەلات نینن ب تنێ لژنە کارێ ھەڤکاریێ و لێک نێزیکبوونێ دناڤبەرا لایەنێن سیاسی دا دکەت و ل دووڤ وان دانوستاندنێ ھاتینە کرن ژلایێ وێ لژنێ ڤە، یا بۆمە دیاربووی کو پێدڤیە عەبادی چاکسازیا ڕێشەیی ئەنجام بدەت و گەندەلیێ نەھێلیت، ھەکە نە بەردەوام بوونا حوکمەتا عیراقێ یا ب زەحمەتە و دی ھێتە ھەلوەشاندن ل دووڤ ھەموو پێشبینیان.