ئەڤرۆ نیوز:
نڤێسینگەها رۆژنامەڤانی یا سەرۆک وەزیرێن عیراقێ راگەهاند، ئەڤرۆ پێنجشەمبی رێورەسمێن ئاڵوگۆرکرنێ دناڤبەرا کابینا کازمی و عادل عەبدولمەهدی ل جڤاتا وەزیران برێڤەچوو، کازمی گوتیە: مە سویند خواریە ڤی وەلاتی بپارێزین.
د بەیاننامەکا نڤێسینگەها رۆژنامەڤانی یا مستەفا کازمی، سەرۆک وەزیرێن عیراقێ دا هاتیە : ل ئاڤاهیێ کۆچکا سەرۆکایەتیا حوکمەتێ رێورەسمێن ئاڵوگۆرکرنا بەرپرسیارەتیا پۆستێن وەزاری ب ئامادەبوونا سەرۆک وەزیرێن عیراقێ و سەرۆک وەزیرێن دەست ژ کار کێشایی برێڤەچوو.
ئەڤرۆ نیوز:
ئەڤرۆ پێنجشەمبی جڤاتا وەزیرێن عیراقێ بریار دا، کو وەزارەتا دارایی هەموو جۆرە مەزاختنا پارەی، بۆ مووچەی یان هەر بابەتەکێ دی بیت، دێ راوەستینیت و دێ رادەستی حوکمەتا نوو کەت.
جڤاتا وەزیرێن عیراقێ د فەرمانەکا ویزاری دا دیار کریە: وەزارەتا دارایی ژ بلی پارێ هەڤکاریا هەژاران ژبەر کۆرۆنا یێ، دێ هەموو جۆرێن مەزاختنا پارەی راوەستینیت و دێ وی بابەتی رادەستی جڤاتا نوو یا وەزیران کەن، هەکە بۆ حالەتەکێ گەلەک پێدڤی نەبیت، چ جۆرە پارە ناهێنە مەزاختن.
هەروەسا گۆتیە: کابینا نوو دێ پێداچوونێ د هەموو بابەتان دا کەت و دێ بریارێن نوو دەربارەی خەرجکرنا پارەی چ بۆ مووچەی یان ژی هەر بابەتەکێ دی بیت دەرکەت.
ئەڤرۆ نیوز:
وەزارەتا ئەوقافێ راگەهاند: ل رۆژا ئێکشەمبیا بهێت کو دکەڤیتە 11-5-2020، لدووڤ رێنمایی و ئەگەرێن هەلومەرجێن گونجای یێن ساخلەمیێ، لژنا بلند یا کۆرۆنا یێ دێ بریارێ ل سەر ڤەکرنا دەرگەهێن مزگەفتان دەت.
خەلکێ خۆشتڤیێ کوردستانێ
مامۆستایێن بەرێز یێن ئایینی
سەرەرای سوپاسیێن بێ پایان بۆ مامۆستایێن ئایینی یێن بەرێز، کو د دەمێ بوری دا پێگیری ب رێنمایی و بریارێن لژنا بلند یا بەرهنگاربوونا کۆرۆنا یێ ل ھەرێما کوردستانێ کریە، کو ئەڤە ژی بوویە ئەگەرێ پاراستنا گیانێ وەلاتیان، ھەموو جیھان شاهدە بۆ بریارێن حوکمەتا ھەرێمێ و گوهداریا وەلاتیان د ڤی واری دا.
ل ڤێرێ مە دڤێت بۆ مامۆستایێن ئایینی یێن بەرێز و وەلاتیان رابگەهینین.
ل رۆژا ئێکشەمبیا بهێت کو دکەڤیتە 11-5-2020 لدووڤ رێنمای و ئەگەرێن هەلومەرجێن گونجای یێن ساخلەمیێ یێن لژنا بلند یا کرۆنا یێ دێ بریارێ ل سەر ڤەکرنا دەرگەهێن مزگەفتان دەت.
ئەڤ رێکارێن ژ ئەڤرۆ وێڤە دهێنە پەیرەو کرن، ژ پێخەمەتی هندێ یە، کو ھەموو لایەک ئەرک و بەرپرسیارەتیا ئایینی و نیشتیمانی بگریتە ستوویێ خوە، بۆ پاراستنا ساخلەمیا وەلاتیێن مە یێن عەزیز.
وەزارەتا ئەوقاف وکاروبارێن ئایینی
٧⁄٥⁄٢٠٢
ئەڤرۆ نیوز:
د. دلۆڤان محەمەد رێڤەبەرێ گشتی یێ ساخلەمیا هەولێرێ راگەهاند کو ئەڤرۆ بەری نیڤرۆ شەش تووشبوویێن کۆرۆنایێ ل هەولێرێ باش ببوون، بەری دەمەکێ ژی ٥ تووشبوویێن دی ژی باش بوون و ژ نەخوشخانێ دەرکەفتن و گۆت: (ئەڤرۆ ١١ تووشبوویێن ب کۆرۆنایێ ل هەولێرێ باش بووینە کو ئەو یەک ژی جهێ دلخوەشیێ یە).
ناڤهاتی ئەو یەک ژی دیار کر کو ل سنورێ پارێزگەها هەولێرێ هەتا نها ١٨٩ تووشبوویێن ب ڤایرۆسێ کۆرۆنایێ باش بووینە.
ئەڤرۆ نیوز:
سەرۆکاتیا باژێرڤانیا هەولێرێ راگەهاند کو وان ١٥ ترۆمبێلێن کارەبێ یێن ئەمریکی بۆ ڤەگۆهاستنا وەلاتیان د ناڤ بازارێ هەولێرێ دا تەرخان کرینە کو بێ بەرامبەر وەلاتیان ڤەدگوهێزن.
ل ئالیێ دی نەبەز عەبدولحەمید سەرۆکێ باژێرڤانیا هەولێرێ ژی راگەهاند کو گەلەک کەس هەنە دانعەمرن یان ژی نەشێن ب ساناهی هاتنوچوونێ بکەن، ئەڤ ترۆمبێلە بۆ هندێ نە و بێ بەرامبەر دێ خزمەتا وەلاتیان کەن و گۆت: (دەمژمێر ١١ نیڤرۆ هەتا ٥ ئێڤارێ دێ ترۆمبێلێن کارەبێ ل هەولێرێ د خزمەتا وەلاتیان دا بن).
ئه‌ڤرۆ نیۆز، عه‌زیز هه‌ورامی:
بڕیاره‌كانی حكوومه‌ت بۆ كه‌مكردنه‌وه‌ی موچه‌ی پله‌باڵاكان جێبه‌جێ كردنی پڕۆژه‌ی چاكسازی و كه‌م كردنه‌وه‌ی خه‌رجییه‌كانی وه‌زاره‌ته‌كان و نه‌وت و غاز و كاركردن به‌سیسته‌می بایۆمه‌تری، بناغه‌یه‌كی به‌هێز بۆ ئابوری كوردستان داده‌نێت و ئاینده‌ی كوردستان زۆرباشه.
ئاكۆ محه‌ممه‌د سه‌رۆكی به‌شی بازرگانی نێوده‌وڵه‌تی زانكۆی هه‌ڵه‌بجه، به ئه‌ڤرۆ نیۆزی ڕاگه‌یاند، بڕیاره‌كانی حكوومه‌تی هه‌رێمی كوردستان به سه‌رۆكایه‌تی مه‌سروور بارزانی بۆ ڕوبه‌ڕوبونه‌وه‌ی قه‌یرانی دارایی، بڕیاری زۆر باشن و به ڕۆشتنه بواریی جێبه‌جێ كردن داهاتێكی باش بۆ حكوومه‌ت ده‌گه‌ڕێته‌وه، یه‌كێك له بڕیاره باشه‌كان مووچه‌دان به‌و كه‌سانه‌ی ناویان له‌سیسته‌می بایۆمه‌تریداهه‌یه، ئه‌وه‌ش واده‌كات فه‌رمان به‌ران دڵخۆشبن به‌دڵسۆزی كاره‌كانیانبكه‌ن.
هه‌روه‌ها وتی، كه‌مكردنه‌وه‌ی مووچه‌ی پله‌باڵاكان وه ئه‌وكه‌سانه‌ش به‌و پلانه خانه‌نشین كراون، هه‌نگاوێكی ئه‌رێنییه قه‌یرانی دارایی ،هه‌مووجیهانی گرتووه‌ته‌وه نرخی نه‌وت دابه‌زیوه ئه‌و وڵاتانه‌ی پشت به‌نه‌ت ده‌به‌ستن بۆ بوودجه نازاندرێت چاره‌نوسیان چی لێدێت، كاتێك مووچه‌ی پله‌باڵاكان كه‌م ده‌كرێته‌وه پاشان ئه‌گه‌ر حكوومه‌ت ناچاربوو هه‌ربڕیارێكی ترده‌ربكات ئه‌وكات ده‌ڵێ، له خۆمه‌وه ده‌ست پێكردووه، مووچه‌ی بنه ڕه‌تی به پله باڵاكان ده‌ده‌م ئه‌وكاتیش فه‌رمان به‌رانی تر ڕه‌زامه‌ند ده‌بن به ئیجرائاته‌كان.
ئاماژه‌ی به‌وه‌شدا، پێویسته وه‌زاره‌ته‌كان به‌داتا ئیش بكه‌ن بڕیاری كه‌م كردنه‌وه‌ی خه‌رجی و نه‌سریه‌ی وه‌زاره‌ته‌كان به‌و شێوه‌بێت له ئێسته‌دا وه‌زاره‌ته‌كانی ته‌ندروستی و كشتوكاڵ و خوێندنی باڵا و په‌روه‌رده پێویستییان به پاره‌هه‌یه به‌ڵام ئه‌و وه‌زاره‌تانه‌ی تر پێویستیان به‌پاره‌ی نییه هه‌نگاوی باشه كه‌م كردنه‌وه‌ی خه‌رجییه‌كانیان، وه ڕونكرده‌وه كه‌م كردنه‌وه‌ی مه‌سروفاتی نه‌وت و غاز هه‌نگاوێكی زۆر گرنگه وا ده‌كات داهاتێكی باش بۆ حكوومه‌ت بگه‌ڕێنێته‌وه، پێمان وایه به‌م هه‌نگاوانه پاره به‌هه‌دردراوه‌كان ڕابگیردرێت، ئاینده‌ی كوردستان ئاینده‌یه‌كی زۆرباشه.
نيشاندان