ئه‌ڤرۆ:
دوهى رۆژا شه‌مبى كۆنگرێ حه‌فتێ یێ ئێكگرتوو ئیسلامى كوردستان ل هه‌ولێر ده‌ست ب كارێن خوه‌ كر و تێدا ئه‌میندارێ وێ حزبێ هاته‌ هه‌لبژارتن.
هه‌ر چه‌نده‌ د گه‌را ئێكێ یا ده‌نگدانێ دا، سه‌لاحه‌دین بهائه‌دین ئه‌میندارێ به‌رى سه‌ركه‌فت، به‌لێ ده‌نگێن پێدڤى نه‌بوون، ژ به‌ر هندێ به‌ر ب گه‌را دویێ یا هه‌لبژارتنان هاته‌ كرن.
د گه‌را دویێ یا هه‌لبژارتنان دا، پشتى محه‌مه‌د ره‌ئوف خوه‌ ڤه‌كێشاى، سه‌لاحه‌دین بهائه‌دین شیا 801 ده‌نگان بینیت و ببیته‌ ئه‌میندارێ گشتى یێ وێ حزبێ به‌رامبه‌ر هه‌ڤركێ وى ئه‌بۆ به‌كر عه‌لى 268 ده‌نگ ئینان.
به‌رچاڤترین گوهۆڕینێن د په‌یره‌وێ ناڤخۆ یێ ئێكگرتوو دا هاتینه‌ كرن، مه‌كته‌با سیاسى و جێگرێن ئه‌میندارێ گشتى نه‌مان.

ئەڤرۆنیۆز، سالار دۆسکی:

کادرەکێ دیارێ ئێکگرتوو ئیسلامی کوردستان ل پارێزگەھا دھۆکێ ئاشکراکر کو پشکداری کونگرەی نەبوویە و ئەڤە دەمەکی دا ئەندابوو ل کونگرێ حەفتێ یێ ئێکگرتوو ئیسلامی کوردستان.
قاسم حسێن کادرێ دیارێ ئێکگرتوو ئیسلامی کوردستان کو دبیاڤێ راگەھاندنێ دا رۆلەکێ بەرچاڤ ھەیە، دپەیچێ خوە یێ تایبەتێ فەسیبوکی دا ئاشکراکریە کو ئەندام بوو ل کونگرێ حەفتێ لێ پشکداری نەکریە وەک ھەلویستەک، ناڤبری ب مەترسی دیتی یە پشتی کونگرەی ئێکگرتوو لاوازتر دەرکەڤیت، دیارکریە کو ھەڤرکی ل سەر پوستان ژ ئەمینداریێ و ھەتا بن دا ژ قالبێ خوە دەرکەفتیە و گەھشتیە حالەتەکێ نەشازو مەترسی و تایبەت ھەلبژارتنا گەلەک بەربژێران، دەرکەفتن و نە دەرکەفتنا ھەر بەربژێرەکی دێ باندوورا خوە ھەبیت ل قوناغێن پشتی کونگرەی.
قاسم حسێن ئەو ژی ئاشکراکر یە کو رێزگرتن بۆ ھەموو خویشک و برایێن بەربژێر ھەنە، بەلێ ھەلسنگاندنا کەسیەتیا ھندەکان چەندیا گونجانا وان بۆ وی ئاستێ حزبێ ھندەک ژ ھەیبەتا سەرکرداتیێ بەرزەدبیت.
ھەڤدەم ھەمان کادر گۆتیە: قالبێ ئورگانێن جزبێدا ل دووڤ پەیروێ پێشنیارکری و ب تایبەتی کو پرانیا ئەندامێن سلێمانیێ دێ تەراکمەکا مەزن یا کادرێ نە احتوائی پەیدا دبیت ئەێ ئاریشێ ژی دێ گەلەک زەررەا خوە ھەبیت، ژئالیێ ئەدائا سیاسی ڤە چاڤەرێ یە ئێکگرتوو وەک باوەری قەبارێ خوە یێ سیاسی بچووک بکەت، ئەڤە مەترسیەکا دی یا خرابە، لاوازکرنا راگەھانناندنێ و زالبوونا ھزر و بۆچونێن (محافزکاران)دیسا ئاماژەکا ب ترسە ل سەر ئاستێ سیاسی ، دبیت ھندەک سەرنجێن دی ژی ھەبن لێ ئەز ڤان بگرنگی زانم