ئه‌ڤرۆ نيوز، ئه‌ياد به‌روارى:
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
سهرهكى Facebook
ب وێنه: ساخكرنا رۆژا ژ دايكبوونا پێغه‌مبه‌رێ ئيسلامێ “س” ل زاخۆ
سه‌رنجراكێشترين وێنێن 2015ێ
ئه‌ڤرۆ نيوز:
ل سالا 2015ێ ژماره‌كا وێنێن سه‌رنجراكێش ل سه‌ر ئاستێ جيهانێ د شاشه‌يێن تله‌ڤزيۆن و رۆپه‌لێن رۆژنامه و گۆڤار و سه‌ر مالپه‌رێن ئه‌نترنێتێ و تۆڕێن جڤاكى به‌لاڤ بوون كو بوونه جهێ سه‌رسورمان و گرنگى دانه‌كا مه‌زن يا ناڤه‌ندێن مرۆڤاتى يێن نێڤده‌وله‌تى.
ئه‌ڤ ساله ژماره‌كا زۆر ژ روودانێن مه‌زن روودان، ره‌نگه هنده‌ك ژ وان وێنه ب تنێ بشێن ده‌ربڕينێ ژ وێ بيرهاتنێ بكه‌ن ژ به‌ر مه‌زناهيا بابه‌تى.
ئالان كوردى يان ژى ئالان كۆبانى، كاريگه‌رترين ئه‌و وێنێ ل 2015ێ به‌لاڤبووى و ده‌نگه‌كێ مه‌زن ل سه‌ر چێبووى، ئه‌و كوڕێ ل سه‌ر لێڤا ده‌ريا ئيجه ب خه‌ندقى هاتيه ديتن.
دێمه‌نێ رێزه‌كا درێژا كۆچبه‌ران كو به‌ر ب ئورۆپا ڤه دچن ژ ئه‌نجامێ خرابيا ره‌وشا ئه‌منى و ئابوورى يا وه‌لاتێن وان كو زێده‌تر يێن سوريا و عيراقێ نه.
به‌رده‌وامبوونا كێشێن ناڤبه‌را رۆسيا و ئه‌مريكا ل دۆر بابه‌تێن جيهانى و ب تايبه‌ت ژى به‌ره‌يێ رۆسى و ئه‌مريكى ل رۆژهه‌لاتا ناڤين و كارتێكرنا وێ ل سه‌ر عيراق و سوريا.
تۆڕه‌يى يا وه‌لاتيێن يونانى ل هه‌مبه‌ر بانكێن وى وه‌لاتى ژ ئه‌گه‌رێ قه‌يرانێن دارايى يێن دژوار يێن ل وى وه‌لاتى هه‌ين.
شه‌رێ يه‌مه‌ن و تۆندوتيژيێن ل وى وه‌لاتى هه‌ين ب تايبه‌ت يێن ناڤبه‌را شيعا و سونيان و هاتنا به‌رێ عه‌ره‌بى ب سه‌رپه‌رشتيا سعودى و لێدانا وى وه‌لاتى.
سۆريا گۆڕه‌پانا ژێكڤاڤارتنا ململانێيا سياسى د ناڤبه‌را هه‌موو وه‌لاتێن جيهانى دا، هێشتا شه‌ر و كوشتار و تالانكرن ل وێرێ يا به‌رده‌وامه.
هاڤێتنا دۆلاران ب سه‌ر سه‌رێ سه‌رۆكێ فيفايێ ژ ئه‌گه‌رێ ئاشكه‌را بوونا گه‌نده‌ليێن دارايى يێن سه‌رۆكێ فيفايێ، جوزێف پلاته‌ر.
.jpg)
كه‌فتنه خوارا فرۆكا رۆسى ل سينا يا وه‌لاتێ مسرێ.
فۆتۆگرافه‌ره‌كا هنگارى يا ره‌گه‌زپه‌رست پێ خوه خسته به‌ر په‌نابه‌ره‌كێ سورى و كورێ وى دا كو بكه‌ڤيت.
كاره‌ساتا سرۆشتى يا سالا 2015ێ وه‌لاتێ هه‌رێما كشمير ل هندستانێ.
سه‌رۆك و رێبه‌رێن وه‌لاتان ل جيهانێ پشته‌ڤانيا خوه بۆ كۆڤارا شارلى ئيبدۆ ده‌ردبڕن، پشتى كارمه‌ندێن وێ ژ لايێ تيرۆستان ڤه هاتينه كوشتن.
گۆپيتكا كه‌شوهه‌واى ل پاريس پشتى فشاره‌كا مه‌زن يا فه‌رمى و مللى دووماهى ب كاره‌ساتێن پرۆلێ ئينا.
خه‌لكێ باژێرێ پاريس چه‌ندين رۆژێن دژوار ب سه‌ر برن پشتى هێرشێن ستاديۆما سان دۆنى و شانۆيا باتاكلات.
نه‌رازيبوونا ره‌شپيستێن ئه‌مريكا به‌رامبه‌ر بن پێكرنا مافێن وان.
ژێده‌ر: K24
موفتيه‌ك: شیعە کافرن و پێکئینانا ژیانا ھەڤژینیێ ل گەل وان حەرامە
ئەڤرۆ نیوز، ئەیاد بەرواری:
موفتیێ لیبیا ل دووڤ ھندەک بەلگەنامێن فەرمی یێن وەزارەتا کاروبارێن جڤاکی، پێکئینانا ژیانا ھەڤژینیێ ل گەل شیعان ل وەلاتیێن لیبی حەرام دکەت.
ل دووڤ وان بەلگەنامێن لیبی، دیار دبیت کو وەزیرێ داد یێ د حوکمەتا بەروەخت یا لیبی دا ب نڤیسارەکێ داخوازا بوچوونا شەرعی ژ موفتیێ بلند یێ لیبیا ( سادق عەبدولرەحمان ئەلغریانی) دکەت د پرسا پێکئینانا ھەڤژینیێ ل گەل شیعان.
د بەرسڤێ دا، موفتیێ لیبیا، فەتوایێ ددەت و دبێژیت” پێکئینانا ژیانا ھەڤژینیێ ل گەل (قادریان و درۆزا و شیعان) یا حەرامە و وان ب (نە ژ خەلکێ موسلمان) د ھەژمێریت.
موفتیێ لیبیا داخواز ژ وەزارەتا داد کر کو پتر پێرابوونان وەرگریت بۆ نەھێلانا حالەتێن پێکئینانا ھەڤژینیێ ل گەل شیعان ل لیبیا.
دھێتە زانین کو ئەڤە نە جارا ئێکێ فەتوایێن حەرامکرنا پێکئینانا ھەڤژینیێ ل گەل شیعان دھێتە دەرکرن، بەری نوکە ژی زانایێ ئایینیێ سعودی ( ئەلعریفی) کو دھێتە ھژمارتن ئێک ژ مەزنترێن شێخێن وەھابیەتێ، شووکرنا ژنا سونی ب زەلامێ شیعی حەرام کربوو.
سێ ھزار زیندانی ب شاشی ڤە ھاتنە ئازادکرن
ئەڤرۆ نیوز، ئەیاد بەرواری:
شاشیەکا مەزن ل ویلایەتا واشنتۆن یا ئەمریکی ھاتە روودان، دەمێ فەرمانا ئازادکرنا سێ ھزار زیندانیان ھاتیە دەرکرن بەری ب دووماھی ھاتنا دەمێ زیندانکرنا وان، ژ ئەگەرێ شاشیەکێ د ھژمارتنا کێمکرنا دەمێ زیندانکرنێ ژ ئەگەرێ ڕەفتارێن باش.
ئازادکرنا وان زیندانیان ب شاشی ڤە بەری 13 سالان دەستپێکر، ئانکو ل سالا 2002 ێ و ئەڤ شاشیا مەزن نەھاتە ئاشکراکرن ھەتاکو ڤێ سالێ (2015) ێ.
ل دووڤ سایتێ (روسیا الیوم) ئەگەرێ ڤێ شاشیێ دزڤریت بۆ وێ چەندێ کو دادگەھا بلند ل ویلایەتا واشنتۆن بریارا کێمکرنا دەمێ زیندانکرنێ بۆ ھەر زیندانیەکێ ڕەفتارێن وی د زیندانێ دا دباش بن و ڤێ بریارێ دەمێ زیندانکرنا 3% ژ زیندانیێن دادگەھکری کێمکر، ھەتاکو زیندانیەک ھاتە ئازادکرن بەری 600 رۆژان ژ ب دووماھی ھاتنا دەمێ زیندانکرنا وی.
پارێزگارێ وێ ویلایەتێ (جان ئینسلی) دیارکر کو ئازادکرنا بەروەخت یا زیندانکریێن دادگەھکری، ژ ئەگەرێ شاشیەکێ د سیستەمێ ئەلکترۆنی یێ تایبەت ب زیندانان ڤە روودا و دلتەنگیا خوە بەرچاڤکر ژ بەردەوامیا ڤێ شاشیێ بۆ دەمەکێ درێژ و فەرمانا راوەستانا کاری ب وی سیستەمی ھەتا راستڤەکرنا شاشیێ.
داعشێ سه‌ته‌لايت ژی ل مووسل قەدەغەکرن
ئەڤرۆ نیوز، ئەیاد بەرواری:
ژێدەرەکێ ئاگەھدار ژ نەینەوا، ئاشکراکر کو ھەر ژ دوھی چارشەمبی ڕێکخستیا دەولەتا ئیسلامی (داعش) یا تیرۆرستی فرۆتنا ئامیرێ سەتەلایتێ ل دەڤەرێن دبن کونترۆلا وێ ڤە قەدەغەکر و ھەر کەسێ سەرپێچیا بریارا داعشێ بکەت دێ ھێتە سزادان.
وی ژێدەری ل دووڤ سایتێ( المسلە) گوت ژی” داعشێ دوھی چارشەمبی بەیانەک ل سەر خودانێن جھێن فرۆتنا ئامیرێن کارەبێ ل بازارێن مووسلێ بەلاڤکر و تێدا بریارا قەدەغەکرنا فرۆتنا سەتەلایتا یان بکارئینانا وێ دەرکریە، ئەو بریارە ژی ژ ھەموو وان دەڤەرێن دبن کونترۆلا داعشێ ڤە دگریت”.
دادود ئوغلۆ ڤى مه‌رجى بۆ ڤه‌كێشانا هێزێن خوه ژ عيراقێ ددانيت
ئه‌ڤرۆ نيوز:
سه‌رۆك وه‌زيرێن توركيا راگه‌هاند، د ئاماده نينن هێزێن خوه ژ عيراقێ ڤه‌كێشن هه‌تا ئه‌وى ده‌مێ باژێرێ مووسل دهێته ئازادكرن و چو گه‌ف ل سه‌ر تيرۆرستان ل عيراقێ نه‌مينن.
ئه‌حمه‌د داود ئوغلۆ سه‌رۆك وه‌زيرێن توركيا د چارچۆڤێ كۆمبوونا كۆتلا په‌رله‌مانى يا دادوگه‌شه‌پێدان كو دوهى 23ى كانوونا ئێكێ يا 2015ێ ب رێڤه‌چوو، راگه‌هاند: ئه‌نقه‌ره نه ژ ئه‌ردێ عيراقێ ده‌رناكه‌ڤيت، به‌لكو بزاڤێ دكه‌ت هه‌بوونا خوه يا له‌شكرى موكمتر لێ بكه‌ت و هه‌تا وى ده‌مێ مووسل دهێته رزگاركرن دێ د به‌رده‌وام بن ل مه‌شقكرنێ ب هێزێن پێشمه‌رگه‌ى و هێزێن عيراقى.
سه‌قايێ رۆژا ئه‌ينى
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 24ى كانوونا ئێكێ يا 2015 ئه‌سمانێ دهۆكێ دێ ساهى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ دێ ساهى بيت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 4 بۆ 16 پلان دا بيت.
ل ئامێدیێ بیره‌وه‌ریا ژ دایك بوونا سه‌روه‌رێ پێغه‌مبه‌ران هاته ساخكرن
ئه‌ڤرۆ نیوز : رۆژهات لوقمان
ئه‌ڤرۆ ل ژێر چاڤدێریا فه‌رهاد ئه‌مین پارێزگارێ دهۆكێ و رێڤه‌به‌ریا گشتى یا ئه‌وقاف و كاروبارێن ئانینى ل پارێزگه‌ها دهۆكێ و رێڤه‌به‌ریا ئه‌وقافا قه‌زا ئامێدیێ و بهه‌ڤكاری دگه‌ل لیژێن(ئامێدیێ و سه‌رسنكێ )یێن ئێكه‌تیا زانایێن ئانینێ ئیسلامێ رابون ب گێرانا ئاهه‌نگه‌كێ ب هه‌لكه‌فتا ژدایك بونا سه‌روه‌رێ هه‌می پێغه‌مبه‌ران (محمد)سلاڤێن خودێ ل سه‌ر بن ل مزگه‌فتا مه‌زن ل كومه‌لگه‌ها سیریێ.
به‌رپرسێ ئه‌وقافا قه‌زا ئامێدیێ بۆ ئه‌ڤرۆ نیوزگۆت: وه‌كو هه‌ر ساله‌كێ د سالروژا ساخكرنا بیره‌ره‌ریا ژدایك بونا پێغه‌مبه‌رێ خۆشتڤی(محمد) سلاڤێن خۆدێ ل سه‌ر بن, رێڤه‌به‌ریا ئه‌وقافا قه‌زا ئامێدیێ رادبیت ب گێرانا چه‌ندین ئاهه‌نگان و پیرۆزكرنا ڤێ رۆژێ ل چه‌ندین ده‌ڤه‌رێن جودا جودا یێن سنورێ قه‌زا ئامێدیێ, هه‌كار عه‌بدولسه‌لام به‌رپرسێ ئه‌وقافێ گۆت ژی: د ئاهه‌نگا ساخكرنا ژدایك بونا پێغه‌مبه‌رێ خوشتڤی (محمد) سلاڤێن خودێ ل سه‌ر بن ئه‌ڤ ساله ژی مه ل مزگه‌فتا مه‌زن ل كومه‌لگه‌ها سیریێ ئاهه‌نگ گێرا هه‌كار عه‌بدولسه‌لام به‌رپرسێ ئه‌وقافا قه‌زا ئامێدیێ دیاركر: دگه‌ل پیروز كرنا ڤێ رۆژا پیرۆز ئه‌م هیڤیخوازین ژخودایێ مه‌زن و دلوڤان هه‌مو پێشمه‌رگه‌یان ب پارێزیت ژ هه‌ر نه‌خوشیه‌كێ و هیڤیخوازین ژی ده‌وله‌تبونا كوردی ل ده‌مه‌كێ نێزیك دابیت چونكه ئازادیا نها ئه‌م تێدا ژ ئه‌نجامێ باوه‌ریا مه ب خودایێ مه‌زن و شیانێن پیشمه‌رگه‌یێ قه‌هره‌مانه.
یا جودایه ژسترانێن دى
ئه‌ڤرۆنیۆز، هه‌رهین محه‌مه‌د:
هونه‌رمه‌ند سمیر سه‌دیق د دیداره‌كێ دا بۆ ئه‌ڤرۆ نیوزدیاركر كو نهو ئه‌و مژوولى كلیپه‌كێ یه ب ناڤێ (شه‌هید) كو ژپه‌یڤ و ئاوازێن هوزانڤان شه‌مزین خه‌لیل و دابه‌شكرنا موزیكێ عیماد عه‌لى و ب هاریكاریا نیوار سلێَمان سه‌روكێ پشكا موزیكێ و ژده‌رهێنانا بیوار عه‌لى بداغ ئه‌ڤ سترانه نوكه دقوناغا وێنه‌گرتنێ دایه و ژڤانه ل ده‌مه‌كێ نێزیك بهێته به‌لاڤكرن.
زێده‌ترگۆت: موزیكا ڤێ سترانێ ل باژێرێ سته‌نبولێ هاتیه توماركرن ودیسان جوداهیه‌ك هه‌یه دگه‌ل سترانێن دى و وه‌كو هوزانێ ژى دناڤ دا دهێته خاندن و ناڤه‌روكا ڤێ سترانێ ل سه‌ر خێزان و كچا شه‌هیدى دبێژیت: ماده‌م تو شه‌هید بووى هه‌ره ئه‌م ژى دێ دگه‌ل ته هێن.
ل دووماهیێ سه‌میرى سوپاسیا هشیار سه‌عید رێڤه‌به‌رێ سه‌نته‌رێ ره‌وشه‌نبیرى كر هه‌روه‌سا سوپاسیا مسلح دهوكى سه‌روكێ زانكویا دهوكێ كو سپونسه‌ریا ڤێ سترانێ كریه.
نيشاندان
WP Facebook Auto Publish Powered By : XYZScripts.com