ئەڤرۆ نیوز:
بێنی گانتز سەرۆکێ هەڤپەیمانیا شین و سپی ل ئیسرائیلێ راگەهاند کو ئەو دێ ل گەل بنیامین نەتانیاهۆی حوکمەتەکا بەروەخت ژ بەر بارێ نەئاسایی ل ئیسرائیلێ ئاڤا کەن و ئەو دێ د وێ کابینێ دا بیتە وەزیرێ بەرەڤانیێ.
ناڤهاتی دیار کر کو ئەو دێ بەردەوام هەڤڕکیا نەتانیاهۆی کەت لێ نها رەوشا ئیسرائیلێ ئاسایی نینە و ژ بەر مەترسیا کۆرۆنایێ ئەو نەچارن پێکڤە کار بکەن بۆ پاراستنا بەرژەوەندیێن گشتی یێن ئیسرائیلێ.
ئه‌ڤرۆ نیوز، ره‌مه‌زان هه‌رنی :
ئافره‌ته‌كا باشۆرێ كوردستانێ ل پارێزگه‌ها سلێمانیێ ده‌مێ یازده سالانه نڤیسنگه‌ها فێركرنا شۆفێریێ ڤه‌كریه و هه‌ردو ره‌گه‌زا فێری شۆفێری دكه‌ت تایبه‌ت ترۆمبێلێن بارهه‌لگر.
شلێر لیمۆ خودا نڤیسنگه‌ها هاوژین بۆ فێركرنا شۆفێریێ بۆ ئه‌ڤرۆ گوت: (پشتی سالا 2000 ێ من ده‌ست ب فێركرنا وەلاتیان كریە بۆ فێركرنا شۆفێریێ وه‌ك هزر من گه‌له‌ك مفا ژ ترۆمبێلان دیتیه له‌ورا من هزر ل وێ چه‌ندێ دا كر جهێ ب ته‌كسیێ هاتنوچوونێ بكه‌م ب خوه ترۆمبێلێ بهاژۆم بۆ وێ چه‌ندێ مرۆڤ پتر ئازاد بیت ل هاتنوچوونێ).
گوتژی ژلایێ من ڤه جوداهی نینه دناڤبه‌را زه‌لام و ئافره‌تان دا له‌ورا به‌رده‌وام داخوازا وه‌كهه‌ڤیێ دكه‌م ل سالا 2000 ێ هه‌تا نوكه به‌رده‌وام وەلاتیان ژ هه‌ردو ره‌گه‌زان فێری شۆفێریێ دكه‌م و شیامه پتر ژ 1500 زه‌لاما فێری شۆفێریا بارهه‌لگرا بكه‌م).
ئه‌ڤرۆ نیوز، ره‌مه‌زان هه‌رنی:
دو فۆتۆگرافه‌رێن ده‌ڤه‌را بارزان رێكخراوه‌كا تایبه‌ت ب سروشتی و گول و سروشتی ڤه دامه‌زراندینه ده‌مێ و دوسالایه كار لسه‌ر گولێن سروشتی دكه‌ن لسه‌ر ئاستێ كوردستان و پێزانینا كۆم دكه‌ن بۆ دروستكرنا به‌رهه‌مه‌كێ لسه‌ر ژینگه‌هێ.
تاهر سالح سه‌رۆكێ رێكخراوا گول و سروست ل ده‌ڤه‌را بارزان بۆ ئه‌ڤرۆ نیوز راگه‌هاند ده‌ڤه‌را بارزان ل سه‌ر ئاستێ كوردستانێ و ده‌ڤه‌رێ نمونه‌یا ژینگه‌پارێزیێ یه كو بوویه مه‌لبه‌ندێ پاراستنا ژینگه‌هێ ژ بلی په‌زكیڤیا هه‌موو جوره سروسته‌ك ل ده‌ڤه‌رێ دهێته پاراستن سال بۆ سالێ ژ به‌ر پاراستنێ ئه‌ڤ سروشته به‌ره‌ڤ زێده‌بوونێ ڤه دچیت كو دار و گول و گیایێن بهاری هه‌موو مافێ وان پاراستیه و هه‌ر تاكه‌ك ژلایێ خوه ڤه ژینگه‌هێ ل هه‌موو بواران ڤه دپارێزیت .
گوتژی ده‌مێ دو سالایه ب سه‌ردانێن مه‌یدانی ژبلی ده‌ڤه‌را بارزان پرانیا ناوچه و ده‌ڤه‌رێن كوردستانێ گه‌ریاینه بۆ كۆمكرنا پێزانینا ل سه‌ر ژینگه‌هێ ب گشتی گولێن سروشتی ب تایبه‌تی هه‌موو گول ب وێنه و پێزانین ڤه مه ئه‌رشیڤ و دیكیۆمێنت كرینه و پاراستینه دگه‌ل فۆتۆ گرافه‌ر مه‌عروف سه‌لیم .
ته‌كه‌زكر هه‌تا نوكه نزیك 200 جورێن گولا مه وێنه بۆ گرتینه و ئه‌رشیڤ كرینه ژبلی دیمه‌نین جوان و سروشتی یێن كوردستانێ گه‌له‌ك گرنگیێ ب پاراستنا ژینگه‌هێ دده‌ین ژ به‌ر كو پاراستنا ژینگه‌هی گرێدایێ ساخله‌میه‌كا باشه دناڤ جڤاكی دا له‌ورا به‌ریا وێنه‌گریێ ژینگه پارێزین.
ئاشكراكر نوكه كار لسه‌ر دیزانكرن و نڤیسینا پێزانیناینه لسه‌ر ژینگه‌ه و گولێن سروشتی هه‌تا نوكه پتر ژ 200 گۆلا مه تۆماركرینه وه‌ك به‌رهه‌مه‌ك كو پشتی دووماهیك هاتنێ كه‌رتێ په‌روه‌ردێ مفای ل ڤی به‌رهه‌می بینیت وه‌ك وانه‌یه‌كا ژینگه‌هی لسه‌ر ئاستێ كوردستانێ بهێته خواندن و ژینگه‌هپارێزی ببیته كلتۆر ل وێ مه‌ترسا لسه‌ر ژینگه‌هێ هه‌ی خلاس ببین ژیێ ژینگه‌هێ درێژ بكه‌ین .
ئەڤرۆ نیوز، له‌زگین جوقی:
به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركر كو ماوێ قه‌ده‌غه‌یا هاتنۆچوونێدل ل پارێزگه‌ها دهۆكێ دو هزار و 579 زارۆك ژدایكبووینه و به‌رده‌وام ده‌زگه‌هێن ساخله‌میێ خزمه‌ت پێشكیشكرینه”.
حه‌مزه ره‌زیكی، به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركركو د ماوێ قه‌ده‌غه‌یا هاتنوچوونێ دا ل پارێزگه‌ها دهۆكێ 246 كه‌س مرینه ل سازیێن ته‌ندروستی هاتینه تۆماركرن و د هه‌مبه‌ر ژی دا دو هزار و 579 زارۆ ژدایك بووینه ل نه‌خۆشخانیێن دهۆكێ و ستافێ ته‌ندروستی به‌رده‌وام خزمه‌تێ دابووینه بۆ پاراستنا و سلامه‌تیا وه‌لاتیان و هه‌تا نوكه ل دهۆكێ شه‌ش هزار و 136 پشكنینن بتنێ بۆ گومانلیكریێن نه‌خۆشیا كۆرۆنایێ هاتینه ئه‌نجامدان ژ بلێ خزمه‌تێن دی یێن هه‌مه‌جۆر ل ده‌زگه‌هێن ته‌ندروستی سنۆری پارێزگه‌ها دهۆكێ و هه‌تا نوكه ژی 826 كه‌س دناڤ جهێن كه‌ره‌نتیكرنێ دا ماینه
ئاشك‌را كركو پتریا كه‌سێن كه‌ره‌نیتكری لسه‌ر ئاستی هه‌رێما كوردستانێ ل سنۆری پارێزگه‌ها دهۆكێ ماینه نوكه دهۆك ڤالایه ژ نه‌خۆشین كۆرۆنایێ ئه‌و 15 حاله‌تیێن هاتینه ده‌ستنێشانكرن هه‌ر 15 حاله‌ت ب ته‌مامێ هاتینه چاره‌سه‌ركرن چووینه مالێن خوه و ساخله‌میا دهۆكێ لسه‌ر ئه‌نجامدانا هه‌موو جۆرێن خزمه‌تان یا به‌رده‌وامه پێخه‌مه‌ت پاراستنا سلامه‌تیا وه‌لاتیان”.
ئه‌ڤرۆ نیوز، مه‌حمود نهێلى:
به‌رپرسێ هوبا چاندنێ ل دێره‌لۆك بۆ ئه‌ڤرۆ نیوز دیار كر، كو ئه‌وان دڤان رۆژان دا ده‌رمانێ چاندنێ و شه‌مایا هنگڤینى ب سه‌ر جوتیارێن سنورێ هوبا وان دا پارڤه‌كرینه.
ئه‌ندازیار عسمه‌ت ئیبراهیم به‌رپرسێ هوبا چاندنێ ل دێره‌لۆك دیار كر، كو ئه‌و ده‌رمانێن ژلایێ هوبا وان ڤه هاتیه پارڤه‌كرن ده‌رمانێن دژى كرم و كێزان بوویه و ب سه‌ر چه‌ندین جوتیارێ ده‌ڤه‌رێ دا دهێته پارڤه‌كرن و گۆت: ( ئه‌ڤ ده‌رمانه هه‌م بو ره‌شاندنا داروبارى و هه‌م ژى بو ره‌شاندنا ده‌رامه‌تێن دى یێن چاندنێ بۆ پاراستنێ ژ پیچبوونێ و نه‌خوه‌شیان دهێته بكار ئینان و ب نرخێ نیڤ بها بو جوتیارێن سنورێ ناحیا دێره‌لۆك و شێلادزێ كو دكه‌ڤنه سه‌ر ب هوبا وان ڤه هاتیه دابینكرن).
و دیاركر، زێده‌بارى ڤان جورێن ده‌رمانى ئه‌و شه‌مایا مێشێن هنگڤینى ب سه‌ر مێشه‌ڤێن ده‌ڤه‌رێ دا دابه‌ش دكه‌ن و تا نوكه چه‌ندین جوتیارێن ده‌ڤه‌رێ مفادار بووینه ژ ڤێ شه‌مایێ.
ناڤهاتى ئاشكراكر، كو د هه‌یاما چوویى دا زێده‌بارى قه‌دغه‌یا هاتن و چوونێ ئه‌و به‌رده‌وام بووینه ل سه‌ر كارێ خوه و هاریكارى بۆ خودانێن پرۆژێن خودانكرنا مریشكان و چیچه‌لوكان ئه‌نجامداینه، و ده‌ستوریا هاتن و چوونێ بو جوتیارێن پێدڤى ب هاتن و چوونێ و هه‌روسا خودانێن پرۆژه‌یان دا دابینكرینه.
ئەڤرۆ نیوز، عەلی حاجی :
رێڤەبەرێ چاندنێ ل زاخۆ د داخویانیەکێ دا بۆ ئەڤرۆ نیوز ئاشکەرا کر ب کوژمێ ٤٠٧ ملیون دیناران دەرمانەکێ تایبەت یێ قرکرنا سنکێ دناڤ بەرهەمێ گەنمێ جۆتیاران ژلایێ حکومەتا هەرێما کوردستانێ ڤە بۆ جوتیارێن کوردستانێ هاتیە دابین کرن.
زێدەتر ئەحمەد سامی گوت: (ئەو دەرمانە بۆ هەمی پارێزگەهـ و قەزایێن کوردستانێ هاتیە دابین کرن و بارا زاخۆ ژی دو تەنێن وی دەرمانی نە، د ئێکەم هەوا مە ژی دا پشتی تیمێن مە بەردەوام لێگەریان کرین دیار بوو ئەو سنکە دناڤ بەرهەمێ جوتیارێن کومەلگەها دێرەبوونێ دا پەیدا بوویە لەورا ئەو دەرمانە دناڤ ٤٠٠ دونەمێن ئەردی دا هاتە رەشاندن بۆ ژناڤبرنا وی جوری سنکی ژبەر کو ئەو جورێ سنکی دبیت ئەگەرێ ژناڤ چوونا بەرهەمێ گەنمی و ئەو دەرمانە ژی ب رێژەیا ٨٠٪ هاریکاری دگەل جوتیاری دا دهێتە کرن ئانکو ب وێ رێژێ پارە ژ جوتیاری ناهێتە وەرگرتن،ئەڤ هەوە دێ بەردەوام بیت هەتا کو بزانین ئەو سنکە ب ئێکجاری هاتیە ژناڤ برن،ئەو جورێ دەرمانی ژ جورێن گەلەک باشە و دناڤ بازاری دا ب دەست جوتیاران ناکەڤیت ژبەر کو ئەو جورە دناڤ بازاری دا نینە).
ناڤهاتی دیار ژی کر تیمێن مە دێ روژانە سەرەدانا هەمی گوند و گومەلگەهـ و ناحیێن سەر ب قەزا زاخۆ ڤە بکەن هەر بەرهەمەکێ گەنمی بزانین توشی وی جوری سنکی بویە دێ رابین ب رەشاندنا دەرمانی دا کو بهێتە ژناڤبرن.
ئەڤرۆ نیوز، عەلی حاجی :
سەرۆکێ باژێرڤانیا زاخۆ د داخویانیەکێ دا بۆ ئەڤرۆ نیوز دیار کر دەما دو روژایە تیمێن وان دەست ب هەوەکا سەخبێریکرنا جاددەیێن نافخویی و پارکێن دناڤ باژێرێ زاخۆ دا کرین پشتی ژ ئەگەرێ بارانان زیان بەر ب وان جهان کەڤتین.
زێدەتر بژار مونیب گوت: (ل سەر پێشینەیا باژێرڤانیا زاخۆ تیمێن وان دەست ب سەخبێریکرنا جاددە و پارکێن باژێرێ زاخۆ کرین و ئەڤ هەوە دێ د بەردەوام بن ل گورەی شیانان،ئەو جهێن پێدڤی ب سەخبێریێ هەین پرانیا وان ژئەگەرێ لەهیێ بوون و پشکەکا دیتر ژی خەلکەکێ خوە ژناڤ برینە و د ڤێ حەفتیێ دا دو جاران کارگەها قیرێ دەینە کاری دا کو ئەو بشێن جاددەیان سەخبێر بکەین و ئەڤ هەوە ژی پشتی وێ یەکێ هاتی یە کو نوکە دا باران راوەستیاینە و هەر دیسان ل سەر جاددەیان ژی سستیەک پەیدا بویە ژ ئەگەرێ قەدەغەیا هاتن و چوونا دناڤ باژێری دا لەورا مە ئەڤ چەندە ژی بو خوە ب دەلیڤە دیت).
ئەو چەندە ژی خویاکر ” نێزیکی ٤٤٢ کێلومەترێن جاددەیان ل زاخۆ نەهاتینە قیرکرن و ئەگەرێن نەقیرکرنا وان جاددەیان ژی ژ ئەگەرێ نەبونا بودجەیەکا تایبەتە بۆ پروژەیان ل زاخۆ “
ناڤهاتی گوت ژی مە چەندین جاران ب رێیا نڤێساران جهێن پەیوەندیدار ئاگەهدار کرینە بەلێ هەتا نوکە ئەو تاخێن نەهاتینە قیر کرن وەکو خوە ماینە و خەلکەک ژی گازندەیان ژ نەقیرکرنا جاددەیێن خوە دکەن.
ئه‌ڤرۆ نیوز:
وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند: وه‌زاره‌تا چاندنێ و ژێده‌رێن ئاڤێ خودانا 17 جورێن نمونه‌یێن گه‌نمی یه كۆ هاتینه توماركرن، ب ئاوایه‌كی 12 جور بۆ نانی و 6 ژی بۆ ساڤارینه.
بێگه‌رد تاله‌بانی وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند بووینه خودانێ 17 جورێن نمونه یێن گه‌نمی یێن توماركری كۆ جهێ دلخوشیا جۆتیارانه، ئه‌ڤه ژی كارێ رێڤه‌به‌راتیێن ڤه‌كۆلین و رێنمایێن چاندنێ بوویه، ده‌ست خوشیێ ل رێڤه‌به‌راتیێن ڤه‌كۆلینێن چاندنێ دكه‌ین كۆ به‌رده‌وامن ژ چاڤدێری و وه‌رگرتنا داتا ژ زه‌ڤیێن تاقیكرنێ.
وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ ئه‌و چه‌نده ژی راگه‌هاند: به‌رهه‌م ئینانا 17 جورێن نمونه‌یێ گه‌نمی زێده‌تره ژ گه‌نمێ هاوه‌رده‌كری و زێده‌تر شیان و خۆگۆنجاندنا هه‌ی ل گه‌ل سه‌قایێ كوردستانێ.
وه‌زیرا چاندنێ و ژێده‌رێن ئاڤێ ئه‌و چه‌نده ژی دازانین ئیسال نێزیكی پێنج هزار ته‌نێن توڤی هاتینه پارڤه‌كرن، داخا پاره‌یه‌كێ ته‌رخانكری دكه‌ین بۆ ئه‌وێ چه‌ندێ ب شیێن ل سالا بهێت توڤێ پێدڤی ب سه‌ر جۆتیاران پارڤه بكه‌ین.
ئه‌ڤرۆ نیوز:
ئه‌مریكا پێنج ملیۆن دۆلاران ده‌ته هه‌ر كه‌سه‌كی كۆ زانیاریان ل سه‌ر جهێ محه‌مه‌د سه‌عید عه‌بدلره‌حمان ب حاجی عه‌بدلا خه‌لیفه‌یێ داعشێ بده‌ت.
بالیوزخانه‌یا ئه‌مریكا ل به‌غدا د به‌یاننامه‌یه‌كێ دا به‌لاڤكر پێنج ملیۆن دۆلاران ده‌ته هه‌ر كه‌سه‌كی كۆ زانیاریان ل سه‌ر جهێ محه‌مه‌د سه‌عید عه‌بدلره‌حمان كو ناڤداره حاجی عه‌بدلا خه‌لیفه‌یێ داعشێ بده‌ت.
د به‌یاننامه‌یا بالیوزخانه‌یا ئه‌مریكا ل به‌غدا دا هاتیه ئه‌و تیرۆریست ژ دایك بوویێ 1976 پشتی كوشتنا ئه‌بوبه‌كر به‌غدادی د ئوپراسیونه‌كا هێزێن ئه‌مریكا ل سالا 2019 بوویه خه‌لیفه‌یێ گرۆپا تیرۆریستی یا داعشێ.
به‌یاننامه‌یا بالیوزخانه‌یا ئه‌مریكا ئه‌و چه‌نده‌ژی دیاركریه، كۆ حاجی عه‌بدلا به‌رپرسه ژ كوشتن و ره‌ڤاندنا وه‌لاتیان و بیانیان.
ئه‌ڤرۆ نیوز:
وه‌زیرێ دارایێ عیراقێ راگه‌هاند: فه‌رمانگه‌هێن تایبه‌ت سه‌ر ب وه‌زاره‌تێ راسپاردینه كۆ كار بكه‌ن بۆ ئه‌وێ چه‌ندێ داهاته‌كێ دی بۆ موچه‌ی دابین بكه‌ن ئه‌ڤه ژی ب ئه‌گه‌رێ داكه‌تنا بهایێ پترۆلێ ل بازارێن جیهانێ.
د راگه‌هاندنه‌كێ دا وه‌زاره‌تا دارایی یا عیراقێ فه‌رمانگه‌هـ راسپاردینه ژ ئه‌ڤرۆ بزاڤێن خو بێخنه كاری بۆ ئه‌وێ چه‌ندێ داهاته‌كی بۆ موچه‌ی دابین بكه‌ن ل سه‌ر بنه‌مایێ رێنمایێن تایبه‌ت ب موچه‌ی.
ئه‌و چه‌نده ژی د راگه‌هاندنێ دا هاتیه روونكرن، ئه‌و رێكار ژ ئه‌نجامێ ئه‌وێ ره‌وشا دارایی یا گران كۆ عیراق ب ئه‌گه‌ری داكه‌تنا بهایێ پترۆلێ تووشی بوویه.
ئه‌ڤ چه‌نده د ده‌مه‌كی دایه كۆ بهایێ پترۆلێ ل بازارێن جیهانێ به‌رده‌وام روو ل داكه‌تنێ یه و نوكه به‌رمیلا پترۆلێ یا برێنت 16 دۆلارانه، ئه‌ڤێ چه‌ندێ زیان گه‌هاندیه ئه‌وان وه‌لاتێن پشت به‌ستنێ ل سه‌ر داهاتێ پترۆلێ بۆ موچه و رێڤه‌به‌رنا وه‌لاتی دكه‌ن.
نيشاندان