ئەڤرۆ نیۆز، ھەژار مەعروف:
بریارە رۆژا ھەینا بھێت قارەمانا کوما ئێکێ ژ خولا فوتسالا کوردستانێ ل سەر ئاستێ کچان دیاربیت دەمێ ھەردو یانێن زێرەڤانی و ئافرەتێن ھەولێرێ ل ھولا گرتیا زەر ل باژێرێ ھەولێرێ ھەمبەری ئێک دبن کو سەرکەفتیێ ڤێ یاریێ دێ وەکو قارەمانا کومێ دەربازی چارگوشا زێرین بیت .
بریارە ل ڤێ یاریێ چەندین شارازیێن وەرزشی د بوارێ یاریا فوتسالێ دا ل سەر ئاستێ عیراقێ ئامادەبیت بۆ ئامادەبوونا ڤێ یاریێ و گرنگیا ڤێ یاریێ کو چاڤدێرێن وەرزشی وەسا دیارکەن ئێک ژ ئەڤان ھەردو یانا دێ بیتە قارەمانا وەرزێ سێ یێ خولا  فوتسالا كوردستانێ يا كچان.

ئەڤرۆ نیۆز، ھەژار مەعروف:
چاڤەرێ دھێتەکرن ل نیڤا ھەیڤا بھێت ھەر سێ یانێن نەفت وەست وەکو قارەمانا خولا عیراقێ و جەویە خودانا رێزا دوێ ل وەرزێ بوری و تیما زەورا لسەر داخوازیا لژنەیا قارەمانیێ پشکداریێ د قارەمانیەکا ھەڤالینی دا ل وەلاتێ سودان بکەن ب پشکداریا دەهـ یانە ل سەر ئاستێ وەلاتێن عەرەبی.
ھەژی گوتنێ یە مەزاختیێن ڤێ قارەمانیێ ھەردو یانێن مەریخ و ھیلال یا سودانی پێ رابووی نە کو ھەشت یانە دێ ژ دەرڤەی سودانی پشکداریێ کەن ئەوژی ژ وەلاتێن عیراقێ و مسر و تونس و جەزائیر و سوریا و ئوردون بن.

ئەڤرۆ نیۆز، ھەژار مەعروف:
ئێکەتیا تەپا پیێ یا عیراقێ ژڤانێ یاریێن قوناغا ٣٢ ژ کاسا عیراقێ دەست نیشانکر کو بریارە ھەڤرکیێن قوناغا ٣٢ و ١٦ ل ھەیڤا بھێت بھێنەکرن پشتی یاریێن قوناغا ئێکێ ژ خولا پلا نایاب یا عیراقێ ب دووماھی بھێن ژبەر پشکداریا ھەلبژارتیێ عیراقێ د ڤاڤارتنێن ئاسیا دا بۆ دەربازبوونێ بۆ موندیالا جیھانی .
یەحیا زغیر ئەندامێ ئێکەتیا تەپا پیێ یا عیراقێ د داخویانیەکا تایبەت دا بۆ ئەڤرۆ نیۆز دیارکر بریارە رۆژا شەمبیا بھێت پشکێشانا قوناغا ٣٢ یا کاسا عیراقێ ل بارەگایێ ئێکەتیا تەپا پیێ یا عیراقێ بھێتە کێشان و یاریێن ڤێ قوناغێ ل ١١- ١٢-١١-٢٠١٥ ھێنەکرن و پاش ب دەە رۆژا ئانکو ٢١- ٢٢-١١-٢٠١٥ یاریێن قوناغا ١٦ ژ ھێنە کرن .
ھەژی گوتنێ یە قوناغا ٣٢ ژ کاسا عیراقێ ٢٠ یانێن خولا پلا نایاب زێدەباری ١٢ یانێن پلا ئێک یا عیراقێ کو دناڤا ئەوان دا چار یانێن کوردستانێ پشکدارن ئەوژی سێ ژ پارێزگەھا دھۆکێ نە ئەوژی دھۆک و زاخۆ و گارە ھەردیسان زێدەباری یانا ھەولێر.