NO IORG
نووترين نووچه
Facebook

 
ئەڤرۆ نیوز:

 

 

د. سەباح نامق رێڤەبەرێ گشتی یێ ساخلەمیا کەرکوکێ راگەهاند، کو ئەڤرۆ پێنجشەمبی حالەتەکێ نوو یێ توشبوون ب کۆرۆنا یێ ل ناحیا لەیلان ل کەرکووکێ هاتە تۆمار کرن، کو زەلامەکێ د ژیێ 74 سالیێ دایە.

 
ئەڤرۆ نیوز:

 

 

رۆژانە هژمارا تووشبوویان ب ڤایرۆسێ کۆرۆنا یێ ل جیهانێ زێدە دبیت.
مالپەرێ‌ (وورلد ئومیتەر) یێ‌ جیهانی بۆ داتایان بەلاڤكریە، کو هژمارا تووشبوویێن‌ كۆرۆنا ل سەرانسەری جیهانێ‌ گەهشتیە 491 هزار و 623 كەسان و ئەڤ هژمارە د رێدەبوونێ دایە.
لدووڤ هەمان ژێدەری، هەر ژ دەستپێكا پەیدابوونا ڤایرۆسی و هەتا نوکە 22 هزار و 169 کەسان ب ڤی ڤایرۆسی گیانێ‌ خوە ژ دەستدایە.

 
ئەڤرۆ نیوز:

 

دۆنالد تره‌مپ سه‌رۆكێ ئه‌مه‌ريكا نامەکا پیرۆرباهیێ ب هەلکەفتا جەژنا نەورۆزێ بۆ نێچیرڤان بارزانی سەرۆکێ هەرێمێ ڤرێ دکەت و ئه‌ڤە‌ ده‌قێ وێ یە:

 

بەرێز جەنابێ
سەرۆک نێچیرڤان بارزانی
هەرێما کوردستانێ
کۆمارا عیراقێ
بەرێز جەنابێ سەرۆکی،
بناڤێ گەلێ ئەمریکا، هیڤیا نەورۆزەکا خۆش بۆ هەوە و گەلێ هەرێما کوردستانا عیراقێ دخوازم.
مە پێکڤە دەستکەفتێن مەزن ل دژی داعشێ ب دەستڤە ئیناینە و ب هیڤی ڤە بەرێ خوە ددەینە دەرفەتێن نوو بۆ ب هێزکرنا پەیوەندیێن ئابووری و ئەمنی یێن مە ل گەل حوکمەتا هەوە دا.
ل گەل رێزێن من،
دۆناڵد ترامپ

ئەڤرۆ نیوز، قائید میرو:

شارەزایەکێ کەرتێ ھاتن وچوونێ ئاشکراکر، بڕیارا قەدەغەیا ھاتن وچوونێ کاریگەری ھەبوویە لسەر کێمبوونا روویدانێن ھاتن وچوونێ و دبێژیت، پێدڤیە شۆفێرێن سەرپێچیێ دکەن ب توندی بھێنە سزادان.

یوسف بازیانی، شارەزایێ کەرتێ ھاتن وچوونێ بۆ ئەڤرۆ نیۆز دیارکر” بڕیارا قەدەغەیا ھاتن وچوونێ کاریگەریەکا زۆر لسەر کێمبوونا روویدانێن ھاتن وچوونێ ھەبوویە و ددەمێ نێزیکی دو حەفتیاندا تنێ دو روویدانێن ھاتن وچوونێ ھاتینە تۆمارکرن، ئەڤەژی ئەڤێ راستیێ بۆمە دیار دکەت بڕیارا قەدەغەیا ھاتن وچوونێ مفایەکی زۆر ھەبوویە لسەر ژینگەھا ھەرێما کوردستانێ و کێمبوونا روویدانێن ھاتن و چوونێ کو سالانە  نێزیکی ھزار وەلاتی دبنە قوربانی.

یوسف بازیانی ئاماژەکر” پێدڤیە شۆفێر بدروستی پێگریێ ب بڕیارا قەدەغەیا ھاتن وچوونێ بکەن و نەبنە ئەگەرێ تێکدانا رەوشا نوکە ئەم تێدا، چونکە مە لھەرێما کوردستانێ یەک ملیۆن و ٨٥٠ ھزار شۆفێر ھەنە و تنێ ئەو دشێن ھاریکاربن دگەل حوکمەتێ، ھەتا ھەرێما کوردستانێ یا پاراستنی ل بەرھنگاریا بەلافبوونا ڤایرۆسێ کۆرۆنایێ.

149

ئەڤرۆ نیوز:

سلێمان سویلو وەزیرێ ناڤخوە یێ تورکیا راگەهاند کو وان دەست ب هندەک پێرابوونێن گرنگ کرینە دا بشێن رێگریێ ل بەلاڤبوونا ڤایرۆسێ کۆرۆنا بگرن، لێ مخابن رێژا کەسێن کو ل تورکیا تووشی کۆرۆنایێ دبن هەر کو دچیت زێدەتر لێ دهێت.

وەزیرێ ناڤخوە یێ تورکیا راگەهاند ژی هەکە رەوش وەسا بەردەوام بیت دێ مەترسیا کۆرۆنایێ ل تورکیا زێدەتر لێ هێت و وی دەمی ئەو دێ نەچار بن وەکو گەلەک وەلاتێن دی یێن جیهانێ قەدەغەیا هاتنوچوونێ راگەهینن کو ئەو یەک ژی دێ کارتێکرنەکا گەلەک خراب ل بارێ ئابووری یێ تورکیا کەت.

ئەڤرۆ نیوز:

عابد سالح رێڤەبەرێ لقێ بەنکا ناڤەندا یا عیراقێ ل هەولێرێ راگەهاند کو پارێ مووچێ فەرمانبەرێن هەرێما کوردستانێ ژ بەغدا گەهشتە هەولێرێ.

ناڤهاتی راگەهاند کو دهێتە چاڤەرێکرن د چەند رۆژێن داهاتی دا ب ئالیەتەکا گونجای پارە ل سەر فەرمانبەران بهێتە دابەشکرن.

116

ئەڤرۆ نیوز:

بایرام یوکسەل چاڤدێرێ سیاسی یێ باکورێ کوردستانێ راگەهاند کو دەمەکە ل تورکیا بەحسێ قانوونەکێ بۆ لێبۆرینا گشتی دهێتە کرن و نها کارێ ئامادەکرنا وێ قانوونێ بەر ب دووماهیێ ڤە دچیت لێ مخابن ئەز دشێم بێژم کو د وێ قانوونێ دا چو بۆ کوردان نینە.

ناڤهاتی راگەهاند کو پرانیا گرتیێن کورد یێن ل تورکیا ژ بەر کارێن سیاسی هاتینە گرتن و د قانوونێ دا هاتیە دیار کرن کو کەسێن دژبەریا دەولەتا تورکیا کرینە و وەکو تیرۆرست هاتینە گرتن ب چو رەنگەکێ ژ قانوونا نوو یا لێبۆرینا گشتی نەشێن مفادار بن، ئەو یەک ژی نیشا ددەت کو د قانوونا نوو دا چو بۆ کوردان نینە.

 

1818

ئەڤرۆ نیوز:

هونەرمەندەکا باکورێ کوردستانێ راگەهاند کو وێ نها ل باژێرێ ئستەنبولێ خوە ل مال کەرەنتین کریە و داخواز ژ هەموو وەلاتیێن کورد ل هەر چار پارچێن کوردستانێ ژی کر کو بۆ پاراستنا خوە و کەسوکارێن خوە پێگیریێ ب رێنمایێن ساخلەمیێ بکەن.

مەلەک رۆژهات راگەهاند کو دڤێت هەموو کوردەک ل هەر جهەکێ پێگیریێ ب رێنمایێن ساخلەمیێ بکەت دا بشێن ڤێ رەوشا ئالۆز دەرباز بکەن و هێڤی خواست هەموو کوردەک یێ پاراستی بیت ژ ڤایرۆسێ کۆرۆنایێ.

38

ئەڤرۆ نیوز:

بەرپرسەکێ رێڤەبەریا خوەسەر یا رۆژئاڤایێ کوردستانێ بۆ دەزگەهێن راگەهاندنێ دیار کر کو وان دەست ب پێرابوونێن پێدڤی بۆ پاراستنا وەلاتیان کرینە و بریارا قەدەغەیا هاتنوچوونێ ژی ل رۆژئاڤایێ کوردستانێ بۆ هندێ بوویە.

هەمان بەرپرسی ئەو یەک ژی دیار کر کو هەتا نها چو حالەتێن کۆرۆنایێ ل رۆژئاڤایێ کوردستانێ نەهاتینە تۆمار کرن لێ ئەو وەک رێڤەبەریا خوەسەر خوە بۆ هەر رەوشەکێ ئامادە دکەن.

ئەڤرۆ نیوز:

رێبەر ئەحمەد وەزیرێ ناڤخوە یێ حوکمەتا هەرێما کوردستانێ دیار کر کو بریارا قەدەغەیا هاتنوچوونێ یا کو هەتا ئێکێ نیسانێ ل هەرێما کوردستانێ هاتیە دان بۆ سلامەتیا هەموو وەلاتیانە و گۆت: (بریارا قەدەغەیا هاتنوچوونێ ل گەل وەزارەتا ساخلەمیێ هاتیە دان و هەکە پێدڤی بیت پشتی ئێکێ نیسانێ دێ دیسان قەدەغەیا هاتنوچوونێ درێژ کەین).

ناڤهاتێ ئەو یەک ژی دیار کر کو هەتا نها وەکو وەزارەتا ناڤخوە وان یا پێدڤی بۆ پارێزگەها سلێمانیێ کرینە و گۆت: (ژ بۆ پاراستنا وەلاتیان دێ یا پێدڤی کەین و درێژکرنا قەدەغەیا هاتنوچوونێ ژی بێگومان بۆ پاراستنا جانێ وەلاتیێن هەرێما کوردستانێ یە).

website security
WP Facebook Auto Publish Powered By : XYZScripts.com