ئەڤرۆ نیوز، عەلی حاجی :

سەروکێ باژێرڤانیا زاخۆ د داخویانیەکێ دا بۆ ئەڤرۆ نیوز دیار کر ژبەریا پوستێ سەروکاتیا باژێرڤانیا زاخۆ وەربگریت داخوازا سندوقکرنا هشکەرویێن زاخۆ هاتبوونە کرن بەلێ هەتا نوکە نەهاتینە چارەسەر کرن.

زێدەتر بژار مونیب گوت: (وان بەردەوام دەرخستەیێن سندوقکرنا هشکەرویێن دناڤ باژێرێ زاخۆ دا دەرباز بیت بلند کرینە بەلێ هەتا نوکە نەهاتینە چارەسەر کرن و وەکو خوە ماینە و چەندن زێدەگاڤی ژی ل سەر هاتینە کرن کو ب قانونی ژی کرینە ئەو زێدەگاڤی، لەورا ب سندوقکرنا وان هشکەرویێن دناڤ باژێرێ زاخۆ دا دێ ٨٠٪ ئاریشەیا دروستبوونا لەهیێن زاخۆ هێتە چارەسەر کرن و د دەما هاتنا وەزیرێ ناڤخو ژی مە وەزیر ل سەر وێ چەندێ ژی ئاگەهدار کر ژ بەر کو سالانە لەهیێن زاخۆ ژبەر وان هشکەروویان دروست دبیت و وەزیری ژی ژلایێ خوە ڤە داخازا چارەسەر کرنا وێ ئاریشەیێ کری یە و نوکە دا مە دەرخستەیەک دی دروست کری یە و دێ رادەستی جهێن پەیوەیندیدار کەین دا کو بهێتە چارەسەر کرن و چارەسەر کرنا وان هشکەروویان ژی پێدڤی ب نەهـ ملیار دینارایە).

و گوت ژی: ژبەر کو باژێرێ زاخۆ سێ هشکەروویان ب خوە ڤە دگریت و ئەو هشکەروو ژی پێدڤی ب سندوق کرنێ نە و هندەک جهـ پێدڤی ب فرەهیا پێنچ مەتران و بلنداهیا چار مەتران هەیە و هندەک جهێن دیتر فرەهی و بلنداهیا وان کێمتر دبیت ئەڤجا هەکە ئەڤ سالە ئەڤ پروژە بهێتە جێبەجێ کرن د ئەڤ سالە دا دێ لەهیێن ل باژێرێ زاخۆ ٨٠٪ هێنە کێم کرن.

ئەڤرۆ نیوز،عەلی حاجی :

د داخویانیەکێ دا هاریکارەکێ سەرۆکێ زانکۆیا زاخۆ بۆ ئەڤرۆ نیوز دیار کر زانکۆیا وان د بەرهەڤیێن تەمام دا بۆ ئونلاین کرنا وانەیێن زانکۆیێ و هەر دیسان وان داخاز ژی کری یە رەزامەندی ل سەر ئونلاین کرنێ بهێتە دان .

زێدەتر دکتور کاروان فەهمی گۆت : بەریا سێ سالان ب رێیا سیستەمەکێ وان ئیمێل بۆ هەمی قوتابیان دروست کر بوون بۆ رۆژەکێ وەکی ئەڤرۆ کو پێدڤیا وان پێ هەبیت،بەلێ بۆ ماوەیێ سالەکێ ب رێیا سیستەمەکێ باشتر وان هەمی قوتابی و مامۆستایێن خوە ئێخستینە دناڤ وی سیستەمی دا لەورا وەکو جڤاتا زانکۆیێ ژی ئێکەم کۆمبون ب شێوازێ ئونلاین ژی کری یە و ئەم بەرهەڤین ب وی سیستەمێ وانەیێن ئونلاین کارا بکەین کو ب شێوازەکی بیت هەر قوتابیەکێ پرێسگرێن ئەنترنێتێ و کارەبێ و لاپتوپان هەبیت بۆ وان ئاریشە دروست نەبن داکو ئەڤ سیستەمە ب شێوەیەکێ باش ب رێڤە بچیت و مه‌ بەرهەڤیا خوە ژی دیار کری یە بۆ وەزارەتا خواندنا بلند و ڤەکۆلینێن زانستی بۆ جێبەجێ کرنا وی سیستەمی.

گۆت ژی : ئارمانجا سەرەکی ژی ژ ڤێ چەندێ ئەوە ئەم نەهێلين خواندنا ئەڤ سالە یا قوتابیان ب هەروەی بچیت،هەر چەندە ئەم دزانین ژی بۆ وانەیێن پراکتیکی دێ پرێسگرێک هەبن بەلێ مە هزر د وێ چەندێ ژی دا کری یە کو هەر دەما دەوام دەست پێ بکەن کو د وی دەمی دا ئەو وانەیێن پراکتیکی بهێنە ئەنجام دان و د رێیا ئونلاین هەتا ٧٠٪ دێ پروسەیە خواندنێ سەرکەڤتی بیت.