سەرۆك بارزانی: شاهـ عەبدوللا و گەلێ ئوردنێ ل قۆناغێن جۆرا و جۆر هەڤسۆز و هاریكارێن گەلێ كوردستانێ بوون
سەرۆك مەسعود بارزانی پێشوازی ل شاندەكێ خواندنا بلند و زانكۆیێن ئوردنی كر، كو پێكهاتبوو ژ د. مەئمون ئەلدوبعی، جێگرێ وەزیرێ خواندنا بلند یێ ئوردنی و سەرۆكێن 9 زانكۆیان و فوئاد ئەلمەجالێ، قونسلێ گشتیێ ئوردن ل هەولێرێ.
د دیدارەكێدا، شاندێ مێهڤان رۆلێ سەرۆك بارزانی د پڕۆسەیا سیاسییا هەرێما كوردستانێ و ئیراقێ دا و ب هێزكرنا فەرهەنگا پێكڤەژیانێ و گەشەپێدانا هەرێما كوردستانێ بلند هەلسەنگاند و سەرەرای دووپاتیكرن ل دۆستایەتی و پەیوەندیێن دیرۆكی د ناڤبەرا ئوردنێ و گەلێ كوردستانێ دا، بەرهەڤییا خوە بۆ پێشڤەبرنا پەیوەندیێن ئەكادیمی و هاریكاری و هەماهەنگیێ د ناڤبەرا زانكۆیێن هەردو ئالییاندا دیاركر.
هەر د ئەوێ دیدارێدا سەرۆك بارزانی ئاماژە ب پەیوەندیێن دیرۆكی د ناڤبەرا گەلێ كوردستانێ و وەلاتێ ئوردنێ كر و سوپاسییا شاهـ عەبدوللا و حوكمەت و گەلێ ئوردنی كر كو ل قۆناغێن جۆراوجۆر دا هەڤسۆز و هاریكارێن گەلێ كوردستانێ بوون. دوپاتی ژی ل ب هێزكرنا پەیوەندییان دۆستایەتییا د ناڤبەرا هەردو ئالییاندا د بوارێن جۆرا و جۆر دا كر.
