ئەڤرۆ نیۆز، بارزان مزووری:
بەرپرسێ لقێ 14 ل مووسل و ل میحوەرێ باشیک ،عسمه‌ت رەجەب، بۆ ئەڤرۆ نیۆز دیار کر کۆ چەکدارێن تیرۆرستێن داعش ل ناڤ باژێرێ مووسل دەست ب ڤەشارتنا بارەگایێن خوه دکەن.
ناڤبری دیار کر کۆ چەکدارێن تیرۆرستێن داعش ئەو چەکدارێن وان یێن نوکە دھێنە کوشتن نابەنە نوشداریا داد ل جھەکی ڤەدشێرن گەلەک ژ وان نە خەلکێ عێراقێ نە ناسنامێن وان بیانی نە.
ناڤبری دیار کر کۆ ل شەڤا بوری ل تاخێ مەنسور چەکدارێن تیرۆرستێن داعش چار ئەفسەرێن پولیسێن مووسل دەستەسەرکرینە بو جھەکی نەدیار ڤەگوھاستین حەتا نوکە چارە نڤیسێ وان یێ بەرزەیە.
ناڤبری ئاشکر ا کر کو چەکدارێن تیرۆرستێن داعش د ناڤ باژێرێ باشیک دا بەردەوام کەل و پەلێن وەلاتیان د دزن ل دوشەمبیا بوری ل گوندەکێ سەر ب باشیک ڤە گەنمێ وەلاتیان د ناڤ خانی دا بوو ھەموو بۆ جھەکی دی ڤەگوھاست.
ناڤبری دیار کر کۆ ئەگەر دەلیڤە و رێک بھێتە دان خەلکێ ناڤ باژێرێ مووسل د رەڤن بۆ کوردستانێ دێ ھێن ژ بەر لاوازیا رەوشا وان و تێک دانا مالێن وان ل دەستێن داعش دا رەوشا ئابوری ژی گەلەک یا لاوازە یێ گەھشتیە وی رادەی کو ھەر ملیونەکا ژ موچەیێن فەرمانبەرا 20 ھزاران ژێ وەردگرن، ھەموو بوویە جھێ نەخوشیا خەلکی لەوما پتر نوکە یێن ھەولدەن بگەرێنە کوردستانێ چونکی کوردستان جھێ ئامانەتێ یە.
ئه‌ڤرۆ نيوز:
جێگرا لژنا قانوونى ل په‌رله‌مانێ كوردستانێ رادگه‌هينيت كو ل دووماهيا بهێنڤه‌دانا زڤستانى يا په‌رله‌مانى، دانوستاندن دێ بۆ راستڤه‌كرنا پرۆژێ دستوورێ هه‌رێما كوردستانێ هێنه كرن.
به‌هار مه‌حمود، جێگرا لژنا قانوونى ل په‌رله‌مانێ كوردستانێ ل سه‌ر فراكسيۆنا گۆڕان بۆ باسنيوز گۆت: “هه‌موو فراكسيۆنێن ل په‌رله‌مانێ كوردستانێ رێكه‌فتينه ب رێيا ئاماده‌كرنا پرۆژێ قانوونانێ، دانوستاندن ژى ل سه‌ر چاوانيا راستڤه‌كرنا پرۆژێ دستوورێ هه‌رێما كوردستانێ دێ ده‌ست پێ كه‌ن و خواندنا ئێكێ ژى بۆ هاتيه كرن”.
گۆتژى: “ب گۆره‌يى ناڤه‌رۆكا ڤێ قانوونێ، دڤێت لژنه د ماوێ 120 رۆژان پێداچوونێ بۆ پرۆژێ دستوورى دا بكه‌ت و پاشان ئاماده بكه‌ت بۆ راپرسيێ و وه‌لاتى ب به‌لێ يان نه‌خێر ده‌نگى ب ده‌ستوورێ هه‌رێما كوردستانێ بده‌ن”.
ئه‌نداما په‌رله‌مانێ كوردستانێ ل سه‌ر فراكسيۆنا گۆران ئاماژه ب وێ چه‌ندێ ژى كر كو هه‌كه وه‌لاتى ب پتريا ده‌نگان بێژن “به‌لێ” ئه‌و دستوور دێ ب په‌سه‌ندكرى هێته هژمارتن.
ده‌رباره‌يى ده‌مێ ده‌سپێكرنا دانوستاندنان ژى ل سه‌ر راستڤه‌كرنا پرۆژێ قانوونا دستوورى ل هه‌رێما كوردستانێ گۆت: “ل گه‌ل ب دووماهى هاتنا بهێنڤه‌دانا زڤستانى يا په‌رله‌مانى، دانوستاندن بۆ راستڤه‌كرنا پرۆژێ دستوورێ هه‌رێما كوردستانێ دێ ده‌ست پێ كه‌ن”.
ده‌رباره‌يى درێژكرنا ماوێ سه‌رۆكێ هه‌رێما كوردستانێ ژى گۆت: “دێ بزاڤێ كه‌ين به‌رى دروستبوونا بوشايێ دستوورى په‌سه‌ند بكه‌ين، به‌لێ نه د ئاماده‌ينه ل ژێر چو فشاران كارێن نه‌قانوونى بكه‌ين، مه‌سعود بارزانى ژى ل گه‌ل وێ چه‌ندێ نينه ماوێ وى بهێته درێژ كرن، هه‌كه هه‌تا وى ماوه‌يى دستور ژى په‌سه‌ند نه‌بوو، بزاڤا گۆڕان دێ قانوونا سه‌رۆكاتيا هه‌رێمێ راستڤه‌كه‌ت ب ره‌نگه‌كى سه‌رۆكێ هه‌رێما كوردستانێ ژ لايێ په‌رله‌مانى ڤه بهێته هه‌لبژارتن، ب وى ره‌نگى ژى سه‌رۆكێ هه‌رێمێ دێ شێت خوه هه‌لبژێريت، ب گۆره‌يى وى پرۆژێ قانوونێ بارزانى دشێت خوه ل په‌رله‌مانى هه‌لبژێريت”.
ئەڤرۆ نیۆز، قائید میرۆ:
ژبەر ئالۆزبوونا رەوشێ و قەیرانێن دارایی گازندەیێن وەلاتیانژی لھەمبەر حوکمەتێ پەرلەمانی زێدەبووینە، پەرلەمانتارەکژی دبێژیت: مە چەندین پرسیار ل دۆر گازندەیێن وەلاتیان و ئەڤێ قەیرانێ داینە حوکمەتێ.
فەرھاد سەنگاوی، ئەندامێ پەرلەمانێ کوردستانێ بۆ ئەڤرۆ نیۆز گۆت” دڤێ قۆناغێ دا گازندەیێن وەلاتیان زێدەبووینە و ئەمژی وەکی پەرلەمان ھەتا رادەیەکی شیاینە گورەی گازندەیێن وەلاتیان ھەنە ب ئەرکێ خوە رابین.
سەنگاوی پتر خویاکر” گازندەیێن وەلاتیان پتر ل دۆر ئەڤێ قەیرانێ و بھایێ پانزینێ و گیرۆبوونا موچانە، لەوڕا ددەمێ بۆری دا پەرلەنتارا چەندین پرسیار ئاراستەی حوکمەتێ کرینە و دوڤچوون بۆ گازندێن وەلاتیان ھاتینەکرن”.
ئه‌ڤرۆ نيوز:
د داخۆيانيه‌كێ دا بۆ جه‌زيره نێت، محه‌مه‌د مومنى وه‌زيرێ راگه‌هاندن و ئاخفتنكه‌رێ ب ناڤێ حوكمه‌تا ئوردن راگه‌هاند كو عه‌ممان پشته‌ڤانيا هێرشێن سه‌ر ئه‌ردى دكه‌ت كو دبيت ل ڤان نێزيكان ده‌ست پێ بهێته كرن بۆ سه‌ر داعش.
وه‌زيرێ راگه‌هاندنێ ل ئوردن ته‌كست ژى ل سه‌ر وێ چه‌ندێ كر كو ئه‌و پشكه‌كا كارانه ژ هه‌ڤپه‌يمانيا نێڤده‌وله‌تى دژى داعش.
پشتى سوتنا فرۆكه‌ڤانێ ئوردنى مه‌عاز كه‌ساسبه‌يى، وه‌لاتى وى گه‌له‌ك رژد بوويه ل سه‌ر نه‌هێلانا داعش و نوكه پشته‌ڤانيا هه‌ر بزاڤه‌كێ دكه‌ن ژ بووى ژ ناڤبرنا وێ رێكخستيێ.
ئەڤرۆ نیۆز، قائید میرۆ
گورەی ئاخفتنێن فەرماندەکێ پێشمەرگەی بۆ مالپەڕێ ئەڤرۆ نیۆز، ھێزێن پێشمەرگەی ل شنگالێ پێشڤەچوون نەبوویە و تیرۆرستێن داعشژی تنێ تەقەی ل چەپەرێن پێشمەرگەی دکەن.
ھاشم سیتەیی، فەرماندێ پێشمەرگەی ل میحوەرێ شنگالێ بۆ ئەڤرۆ نیۆز دیارکر” شەڕێ پێشمەرگەی دگەل تیرۆرستێن داعش ل قەزا شنگالێ بەردەوامی ھەیە و رۆژانە ٢٤ دەمژمێران چەکدارێن داعش تەقەی ل چەپەرێن پێشمەرگەی دکەن، ئەڤە ددەمەکیدایە نەشێن ئێرشێ بکەن.
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ په‌رله‌مانێ كوردستانێ ل سه‌ر فراكسيۆنا زه‌ر راگه‌هاند كو بزاڤا راستڤه‌كرنا قانوونا ژماره 86 يا سالا 2004 يا هاتنوچوونا عيراقێ كو نوكه ل هه‌رێما كوردستانێ ژى كار پێ دهێته كرن دهێته كرن و ئه‌ندام و ئاماژه ب وێ چه‌ندێ كر كو مه‌ره‌م ژ ڤى كارى ئه‌وه رێكخستنا وارێ هاتنوچوونێ ب ره‌نگه‌كى بهێته كرن كو ل گه‌ل ته‌كنولۆژيا سه‌رده‌م بگونجيت.
نازم كه‌بير هه‌ركى، جێگرێ سه‌رۆكێ لژنا ناڤخۆ و ئاسايش و كاروبارێن جڤاتێن خوجهى ل په‌رله‌مانێ كوردستانێ بۆ ئه‌ڤرۆ نيوز گۆت: “مه وه‌كو لژنه ماوه‌كه پرۆژێ قانوونه‌كێ بۆ راستڤه‌كرنا قانوونا ژماره 86 يا سالا 2004 يا هاتنوچوونێ ل عيراقێ كريه ئه‌وا نوكه ل هه‌رێما كوردستانێ ژى كار پێ دهێته كرن”.
زێده‌تر گۆت: “بۆ ڤێ مه‌ره‌مێ ل گه‌ل گه‌له‌ك كه‌سانێن شاره‌زا د ڤى وارى دا روونشتينه و مه گه‌له‌ك سمينار ژى ل سه‌ر ئاماده‌كرينه، دێ مفا ژ قانوونێ هاتنوچوونێ يێن وه‌لاتێن پێشكه‌فتى هێته ديتن”.
ئه‌ندامێ په‌رله‌مانێ كوردستانێ ل سه‌ر فراكسيۆنا زه‌ر ئاماژه ب وێ چه‌ندێ ژى كر كو ئه‌ڤ قانوونه ب گشتى بۆ رێكخستنا هاتنوچوونێ يه ب ره‌نگه‌كى ل گه‌ل پێشكه‌فتن و ته‌كنولۆژيا سه‌رده‌م بگونجيت و ببيته ئه‌گه‌ره‌ك بۆ كێمبوونا روودانێن هاتنوچوونێ و ئه‌و زيانێن سالانه ب وه‌لاتيێن هه‌رێما كوردستانێ دكه‌ڤن”.
نه‌ڤه‌شارت ژى كو ئه‌و دێ بزاڤێ كه‌ن گوهۆڕينێ د سيسته‌مێ وه‌رگرتنا مۆله‌تا هاژوتنا ترۆمبێلێ دا بكه‌ن و ئينانا ترۆمبێلان ژى سنوردار كه‌ن و گۆت: “دێ بزاڤێ كه‌ين سيسته‌مێ هاتنوچوونێ بكه‌ينه د ناڤ پرۆگرامێن خواندنێ ژى دا”.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ب درێژاهيا ده‌مى ئه‌ور بيت و ئه‌گه‌رێ بارينا بارانه‌كا كێم ب باكوورێ رۆژهه‌لاتێ باژێرى يێ هه‌يى.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ سستيا هه‌ردو فشارێن نزمێن ده‌ريا سۆر و ده‌ريا ناڤه‌راست يێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.11 ئه‌سمانێ دهۆكێ دێ ب درێژاهيا ده‌مى ئه‌ور بيت و ئه‌گه‌رێ بارينا بارانه‌كا كێم ب باكوورێ رۆژهه‌لاتێ باژێرى يێ هه‌يى.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ پيچه‌ك بلند بيت هه‌ڤبه‌ركى ل گه‌ل رۆژێن به‌رى نوكه ب ره‌نگه‌كى د ناڤبه‌را 14 بۆ 8 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باشوورێ رۆژهه‌لات بيت ب ره‌نگه‌كى دێ يێ ل سه‌ر خوه و ناڤه‌ندى بيت د ناڤبه‌را 10 بۆ 20 كلم د ده‌مژمێره‌كێ دا و ماوێ ديتنێ ژى دێ 8 بۆ 10 كلم بيت.
نيشاندان