ئەڤرۆ نیوز:
رەمەزان شەریف پەیڤدارێ سوپایێ پاسداران یێ ئیرانێ راگەهاند کو ڤایرۆسێ کۆرۆنا د ناڤ هێزێن سەربازی یێن ئیرانێ ب تایبەتی ژی سوپایێ پاسداران بەلاڤ بوویە و هەتا نها ٥ فەرماندارێن ئیرانێ ژ بەر کۆرۆنا جانێ خوە ژ دەست داینە.
ناڤهاتی راگەهاند کو هەتا نها ٦٣ کەس د ناڤ هێزێن پاسداران دا تووشی کۆرۆنا بووینە و چاڤدێریا وان ژی دهێتە کرن.
ئەڤرۆ نیوز:
د. فەرسەت سۆفی پارێزگارێ هەولێرێ ل گەل وەزیرێن ساخلەمیێ و ناڤخوە یێ حوكمەتا هەرێما کوردستانێ د پرێس کۆنفرانسەکێ دا راگەهاند کو داخواز ژ وەلاتیان دکەین کو پێگیریێ ب رێنمایان بکەن و گۆت: (داخواز ژ وەلاتیان دکەم کو ل مالێن خوە دا بن و نەچنە دەرڤە. هەکە وەلاتی پێگیریێ ب رێنمایان بکەن دێ هەتا دو حەفتیێن دی ب سەر نەخوشیا کۆرۆنا سەرکەڤین).
پارێزگارێ هەولێرێ ئەو یەک ژی دیار کر کو بریار هاتیە دان هاتنوچوون د ناڤبەرا پارێزگەهێن هەرێما کوردستانێ دا بهێتە راگرتن و هێڤی خواست کو رەوش نەگەهیتە وێ ئاستێ کو هاتنوچوونا دناڤبەرا باژێران دا ژی بهێتە راگرتن.
ئه‌ڤرۆ نیوز، زنار:
ئێكه‌تیا ته‌پا پێ یا ئسپانى بریار دا سه‌رجه‌م چالاكیێن خوه یێن ته‌پا پێ بۆ ماوه‌كێ نه‌دیار راگریت ژ ئه‌گه‌رێ به‌لاڤبوونا ڤایروسێ كورونا ل وى وه‌لاتى.
ئه‌ڤ بریارا ئێكه‌تیا ته‌پا پێ یا ئسپانیا هاته پێش پشتى یاریزانه‌كێ ریال مه‌درید یێ باسكت بۆلێ تووشى كورونا بووى و دگه‌ل ڤێ چه‌ندێ فه‌رمانا مه‌له‌كى ژى هاته ده‌ركرن و تێدا داخواز كریه چالاكیێن ته‌پا پێ بۆ ماوێ هه‌ر چو نه‌بیت دو حه‌فتیان بهێته راگرتن هه‌تاكو كونترولا ڤایروسێ كورونا دهێته كرن.
دهێته پێشبینى كرن یاریا یانا ریال مه‌درید دگه‌ل مانچسته‌ر ستى ژ قاره‌مانیا ئوروپا قاره‌مانێن خولان ژى بهێته پاشخستن بۆ ده‌مه‌كێ دى.
ئه‌ڤرۆ نیۆز، عه‌زیز هه‌ورامی:
پاش ئه‌وه‌ی به‌ڕێوه‌به‌رایه‌تی گشتی ته‌ندروستی هه‌ڵه‌بجه لیستێكی 31 كه‌سی قوتابی زانكۆكانی ئێران بڵاو كرده‌وه له ده‌روازه‌ی مونزریه‌ی عێراق گه‌رابونه‌وه نه‌ڕشتبونه كه‌ره‌نتینه ئه‌مڕۆ 28 كه‌سیان كه‌ره‌نتینه كران.
به‌ڕێوه‌به‌ری گشتی ته‌ندروستی هه‌ڵه‌بجه دكتۆر ئازاد موسته‌فا، به ئه‌ڤرۆ نیۆزی ڕاگه‌یاند:” دوای ئه‌وه‌ی وه‌زاره‌تی ناوخۆ لیستێكی ئه‌و قوتابیانه‌ی بۆ ناردین له ئێرانه‌وه گه‌ڕاونه‌ته‌وه،ئێمه‌ش له‌گه‌ڵ ئه‌وكه‌سانه‌مان به‌راوردكرد كه له‌كه‌ره‌نتینه‌كان بون بۆمان ده‌ركه‌وت 28 قوتابی نه‌هاتوونه‌ته كه‌ره‌نتینه.
ئازاد موسته‌فا ده‌ڵێ:” بانگه‌وازێكمان بڵاو كرده‌وه له‌وه‌ی ئه‌و قوتابیانه‌ی گه‌راونه‌ته‌وه له ئێران له ڕێگه‌ی ده‌روازه‌ی مونزریه ئاماده نه‌بون سه‌ردانی كه‌ره‌نتینه بكه‌ن، له ماوه‌ی 24 سه‌عات نه‌یه‌نه كه‌ره‌نتینه ئه‌وه ناوه‌كانیان ده‌ده‌ین به وه‌زاره‌تی خوێندنی باڵا و توێژینه‌وه‌ی زانستی مۆڵه‌تی خوێندنیان هه‌ڵده‌وه‌شێنینه‌وه وه له‌گه‌ڵ دیوانی یاسایی پارێزگای هه‌ڵه‌بجه ڕێكاری یاسای له دادگا ده‌گرینه‌به‌ر دژیان.
مسته‌فا ده‌ڵێ، به‌شێك له‌و قوتابیانه خۆیان هاتن و ڕۆشتنه كه‌ره‌نتینه به‌شێكی تریشیان له ڕێگه‌ی هێزه‌كانی ئاسایش و پۆلیس هێندران بۆ كه‌ره‌نتینه ئێستا 28 كه‌س له كۆی 31 كه‌سیان كه‌ره‌نتینه كراون، ته‌نها سێ كه‌سیان ماوه ژماره‌ی ته‌له‌فۆنیان داخستووه، خۆیان حه‌شارداوه.
ئەڤرۆ نیوز:
وەزارەتا ساخلەمیێ یا ئیرانێ بەری دەمەکێ راگەهاند کو د ماوەیێ ٢٤ دەمژمێرێن بۆری دا ٧٥ کەسێن دی ژ بەر ڤایرۆسێ کۆرۆنا ل ئیرانێ جانێ خوە ژ دەست داینە.
وەزارەتا ساخلەمیێ یا ئیرانێ ئەو یەک ژی دیار کر کو ژ بەر کۆرۆنایێ هەتا نها ل ئیرانێ ٤٢٩ کەسان جانێ خوە ژ دەست داینە و پتر ژ ١٠ هزار کەسێن دی ژی تووشی ڤایرۆسێ کۆرۆنا بووینە.
ئەڤرۆ نیوز، نەوزاد هلۆری:
ب مەرەما پاراستنا ژیانا پێشمەرگە و کارمەندێن بارەگایێن هێزێن پێشمەرگەی، فەرماندەیا سریا کێمیایی یا وەزارەتا پێشمەرگەی هەموو بارەگایێن هێزێن پێشمەرگەی ب دەرمانێ دژە ڤایرۆسا کۆرۆنایێ ڕەشاندن.
ئیسلام چاڵی، فەرماندێ سریا کیمیایی یا وەزارەتا پێشمەرگەی بۆ ئەڤرۆ نیوز گۆت: (ب مەرەما پاراستنا ژیانا پێشمەرگە و وان کەسێن دناڤ بارەگایێن هێزێن پێشمەرگەی کاردکەن، مە وەکۆ سریا کیمیایی یا وەزارەتا پێشمەرگەی دەست ب هەوەکا ڕەشاندنا دەرمانێ دژە ڤایرۆسا کۆرۆنایێ کر).
زێدەتر گۆت: (ل هەر پارێزگەهەکا هەرێما کوردستانێ، تیمەکا تایبەت دروستکریە و ب سەرپەرشتیا دو ئەفسەران دهێتە برێڤەبرن، ل دهۆکێ ئەڤرۆ تیمێ هەموۆ بارەگایێن پێشمەرگەی رەشاندن، ب تایبەتی فەرماندەییا دهۆکێ).
ئەڤرۆ نیوز:
پشکا په‌یوه‌ندى و ڕاگه‌هاندنا كۆمه‌لگه‌ها ده‌روازێ نێڤده‌وله‌تى یێ ئیبراهیم خه‌لیل، ئەڤرۆ پێنجشەمبی راگەهاندنەک سه‌باره‌ت ترۆمبێلیێن مه‌نه‌فێست ده‌ره‌كى بەلاڤکریە و تێدا هاتیە: ئه‌و به‌رێزێن كو ل ده‌روازێ سنوریێ نێڤده‌وله‌تى یێ ئیبراهیم خه‌لیل ترۆمبێلێن تایبه‌ت یێن مه‌نه‌فێستێن وەلاتێن دیتر ب شێوه‌‌كێ ده‌مكى ئیناینه دناڤ هه‌رێما كوردستانێ دا و ده‌مێ ڤه‌مانا وان ترومبێلان دناڤ هه‌رێما كوردستانێ دا ب دووماهی هاتی، هەموویا ئاگه‌هدار دكه‌ین كو ل وێ رێكکه‌فتا كو سنورێ توركیایێ ل سه‌ر وان ترۆمبێلان هاتیه گرتن، هه‌تاكو سنور ڤه‌دبیت و توركیا رێكێ دده‌ت كو ئه‌و ترۆمبێل ده‌ربازى ناڤ وەلاتێ وان دبن، ژلایێ گومركا ئیبراهیم خه‌لیل چ سزادانه‌ك ناكه‌ڤنه سه‌ر گیرو بوونا وان ترۆمبێلان دناڤ هه‌رێما كوردستانێ دا.
ئەڤرۆ نیوز، عەلی حاجی :
نوونەرێ قایمقامێ زاخۆ د داخویانیەکێ دا بۆ ئەڤرۆ نیوز دیار کر پشتی خەلکێ زاخۆ گازندە ل سەر نەپاڤژیا بازارێ گوشت فروشان هەبوویی ب هەڤکاری دگەل ئاسایشا زاخۆ ئەو ئاریشە هاتە چارەسەر کرن.
زێدەتر وەلات هەجەر گوت: (ل دویف فەرمانا قایمقامێ زاخۆ ژ نێزیک ڤە مە سەرەدانا بازارێ گوشت فروشان ل زاخۆ کری ژبەر کو خەلکەکێ زور گازندە ل سەر نەپاڤژیا وی بازاری هەبوون،دیار بوو وی بازاری ژی قەیرانا نەبونا ئاڤێ هەبوو لەورا ب هەڤکاری دگەل رێڤەبەریا ئاڤا زاخۆ قەیرانا نەبونا ئاڤێ هاتە چارەسەر کرن و ئەو تێبینیێن خەلکێ ژی ل سەر وی بازاری هەبون هاتنە چارەسەر کرن و بەرچاڤ رونیەکا باش د گهورینێن وی بازاری دا پەیدا بوینە و مە هەمی دوکاندارێن وی بازاری ژی ئاگەهدار کرینە پێدڤی یە پێگیر بن ب رێک و پێکی و پاقژیا وی بازاری) .
و گوت ژی: هەر دگەل ئاسایشا زاخۆ ئەڤرۆ ل دەمژمێر ٦ی سپێدێ هەتا نوکە ل سەر هەمی نانپێژ و خارنگەهـ و سەرتراشان چاڤدێری هاتە کرن کو هەمی جهـ پێگیر بون ب رێنماییێن مە و چو تێبینیەک ژی ل سەر وان جهان نەبوون و مە دڤێت سوپاسیا خەلکێ ژی بکەین کو هەتا نوکە پێگیرن ب رێنمایێن خوە پاراستنێ ژ ڤایروسێ کورونایێ سەرەرای کو دەواما فەرمی نینە بەلێ روژانە دێ چاڤدێریا هەمی جهان کەین دا کو هەمی رێنما بهێنە جێبەجێ کرن.
ئەڤرۆ نیوز:
وەزارەتا بەرەڤانیێ یا ئەمریکا راگەهاند کو هێزێن وان یێن ئەسمانی بەری دەمەکێ ل سنورێ سووریێ و عیراقێ هێرشی چەندین بگەهێن سەربازی یێن حەشدا شەعبی کرینە و ٢٦ چەکدار هاتینە کوشتن و گەلەک ژ وان ژی بریندار بووینە.
وەزارەتا بەرەڤانیێ یا ئەمریکا دیار ژی کریە کو هەر هێرشەک ل عیراقێ بهێتە سەر هێزێن وان ئەو دێ ب توندی بەرسڤا هەر هێرشەکێ دەن.
نيشاندان