ئه‌ڤرۆ نیوز:
یانا ئه‌رسینال به‌رى ده‌مه‌كێ كێم د به‌یانامه‌كا فه‌رمى دا راگه‌هاند راهێنه‌رێ وێ میكیل ئارتیتا توشى ڤایروسێ كورونایێ بوویه‌ پشتى بكشنین بوو هاتینه‌كرن.

ئه‌ڤرۆ نیوز:
یانا به‌رشه‌لۆنا گرنگى ب شیانێن هێرشبه‌رێ ئه‌لمانى و یانا لایبزێگ تیمو فیرنر داینه‌ بۆ ده‌ستڤه‌ ئینانا ئه‌وى یاریزانى ل ماوێ بهێت.
رۆژناما موندو دیپورتیڤو یا ئیسپانى دیاركریه‌ یانا به‌رشه‌لۆنا گرنگیه‌كا مه‌زن ب شیانێن فیرنر داینه‌ پشتى وى ئاستێ بلند یێ وى یاریزانى ل وه‌رزێ ئه‌ڤ ساله‌ ل گه‌ل یانا خوه‌ د خۆلا بوندس لیگا ئه‌لمانیا و قاره‌مانیا چامپیونیز لیگا ئورۆپا.
هه‌ردیسان وێ رۆژنامێ دیاركریه‌ ژى به‌رپرسێن به‌رشه‌لۆنا دخوازن تیمو فیرنر بینه‌ دناڤ رێزێن یانا خوه‌ دا وه‌كو پێگوهورێ لویس سوارێز .
ده‌ستڤه‌ ئینانا تیمو فیرنر بۆ یانا به‌رشه‌لۆنا یا ب سانه‌هى نابیت ژبه‌ركو سێ به‌رنیاسترین یانێن ئینگلیزى هه‌ڤركیێ ل سه‌ر ده‌ستڤه‌ ئینانا ئه‌وى یاریزانى كه‌ن ئه‌وژى یانێن مانچێسته‌ر سیتى و مانچێسته‌ر یونایتد و لیڤه‌رپول.

تیمو فیرنر ل وه‌رزێ ئه‌ڤ ساله‌ ل گه‌ل یانا لایبزێگ 36 یارى كرینه‌ و شیایه‌ 27 گولان توماربكه‌ت و ل گه‌ل 12 گول ژى بۆ هه‌ڤالێن خوه‌ به‌رهه‌ڤكرینه‌ (ئه‌سیست).

ئه‌ڤرۆ نیوز:
هه‌ردو یانێن روما ئه‌نتر میلان داخوازیا ئێكه‌تیا ته‌پا پێ یا یویڤا ره‌تكر پشتى وێ ئێكه‌تیا ناڤبرى داخوازى ژ ئه‌وان هه‌ردو یانان كرى خوه‌ ژ قاره‌مانیا ئورۆپى ڤه‌كێشێن ژ به‌ر ڤایروسێ كورونا ب رێژه‌كا مه‌زن گه‌هشتى یه‌ وه‌لاتێ ئیتالیا و به‌لاڤه‌بووى.
پشتى ل ڤێ حه‌فتیا ئێكه‌تیا یویڤا یاریێن هه‌ردو یانێن ئیتالى ئه‌نتر ل گه‌ل خیتافى و روما و سیڤیلیا ژ قاره‌مانیا ئورۆپا پاشئێخستى ژبه‌ر ڤایروسێ كورونا.
رۆژناما ئه‌لمیساجیرو یا ئیتالى ئاشكراكریه‌ ئێكه‌تیا یویڤا داخوازى ژ هه‌ردو یانێن ئه‌نتر و روما كر خوه‌ ژ وێ قاره‌مانیێ ڤه‌كێشن داكو به‌رده‌وامى ب ده‌نه‌ یاریێن قاره‌مانیێ ژبه‌ركو مه‌ترسیا ڤایروسێ كورونا پتر ل وه‌لاتێ ئیتالیا هه‌یه‌ لێ هه‌ردو یانا داخوازیا یویڤا ره‌تكر .
هه‌ردیسان وێ رۆژنامێ دیاركریه‌ ژى ئه‌لكساندر سیفیرین سه‌رۆكێ ئێكه‌تیا ته‌پا پێ یا ئورۆپا دخوازیت هه‌مان داخوازى پێشكێشى ئێكه‌تیا ته‌پا پێ یا ئیتالیا بكه‌ت خوه‌ ژ قاره‌مانیا یورۆیا 2020 ڤه‌كێشن ئه‌وا بریاره‌ ل هاڤینا بهێت هه‌ڤركیێن وێ بهێته‌كرن ژبه‌ركو نوكه‌ توشبونا وێ نه‌خوشیێ ب رێژه‌كا مه‌زن ل ناڤا وه‌لاتێ ئیتالیا هه‌یه‌.

ئه‌ڤرۆ نیوز:

راپورتێن رۆژنامه‌ڤانى ل برێتانیا ئاشكراكرینه‌ سێ یاریزانێن خۆلا پرێمێرلیگا ئنگلته‌را توشى ڤایروسێ كورونا بووینه‌.
رۆژناما میرو یا برێتانى ئاشكراكریه‌ یاریزانه‌كێ ئێك ژ یانێن خۆلا پرێمێرلیگ ل ڤێ حه‌فتیێ توشى ڤایروسێ كورونابوویه‌ پشتى بشكنین بوو هاتینه‌كرن.
زێده‌تر وێ رۆژنامێ نه‌ڤیا ناڤێ وێ یانێ و یاریزانى ئاشكرا بكه‌ت دیاركریه‌ پشتى ئه‌و یاریزان توشى ڤایروسێ كروونابووى و پاش دیڤچوونا هه‌ڤالێن وى ل یانێ ژى هاتینه‌كرن دیاربوو دو یاریزانێن دى ل هه‌مان یانه‌ ژى توشى وى ڤایروسى بووینه‌ و نوكه‌ هه‌رسێ یاریزان ل بن چاڤدێریا نوژدارى نه‌.

ئه‌ڤرۆ نیوز:
یاریزانێ یانا یوڤانتوس و هه‌لبژارتیێ ئیتالیا دانیلى روگانى پشتى توشى ڤایروسێ كورونا بوو دیاركر نوكه‌ ئه‌و ل بن چاڤدێریا نوژداریه‌ بۆ ماوێ 10 هه‌تا 14 دى .
روگانى پوسته‌ك ل ئه‌كه‌وانتێ خوه‌ یێ تایبه‌ت یێ ئینستگرام به‌لاڤه‌كریه‌ و دیاركریه‌ ئه‌وى ئاگادارى ل هه‌موو ده‌نگوباسان هه‌یه‌ ئه‌وێن ل سه‌ر وێ دهێنه‌ به‌لاڤه‌كرن لێ ئه‌و بۆ ئه‌وانان دیاردكه‌ن ئه‌وێ ژ وى نه‌خوشیا وى ترسن ئه‌و دیاردكه‌ت ئه‌و نوكه‌ یێ باشه‌ .
هه‌ردیسان دیاركر ژى ئه‌و سوپاسا هه‌موو نوژدار و كارمه‌ندێن هاریكاریا ئه‌وى كرى و ئه‌و دخوازیت بۆ پاراستنا خوه‌ و هه‌ڤالێن ل گه‌ل وى دا ل ژێر چاڤدێریا ته‌ندروستى بیت هه‌تا ب تمامى ژ ڤێ نه‌خوشیێ قورتال بیت.