ئەڤرۆنیوز، سالار دۆسکی:

ئەندامەکێ پەرلەمانێ عیراقێ یێ بەرێ کو پێشتر ئەندامێ لیژنا ئەوقافێ بوویە ل پەرلەمانێ ناڤبری، ب رێکا مالپەرێ ئەڤرۆ نیوز پێشنیارکریە بۆ جھێن پەیوەندار کو جھێن تایبەت بۆ تازیان بۆ زەلام و ژنان بھێنە دروستکرن، گەلەک ھول دەف ئێک و پارک بۆ ترۆمبێلان بھێنە دروستکرن ب مەرەما سفکرنا کاودانێن ھاتن و چوونێ و رێ گرتنێ
د.حەمید باڤی ھێشتا ژی گۆت: وەک ئەرکەکێ ئاینی و جڤاکی و رێزلێنان و مرۆڤایەتی بھێتە ئەنجامدان و دناڤا مللەتێ مە دا و تایبەت باژێرَێ دھۆکێ، بۆ دلخۆشکرن و سڤککرنا خەم و کوڤانێن بنەمال و کەس و کار و ھەڤالێن وەغەرکریان، دا ب سەبر و ھەداربن، دوعا بۆ سەرفەرازیا وان بکەن، ل دونیایێ ل ئاخرەتێ ،پێدڤی ب کارەکێ پێشکەفتی ھەیە و ئەڤە ل وەلاتێن پێشکەفتی و موسلمان و تایبەت سعودیێ ھەیە.
ناڤبری ھێشتا گۆت: رۆژانە دناڤا باژێرێ دھۆکێ دا 10 ھەتا 12 جڤاتێن تازیان ھەنە و نەکێمتر ھۆلێن مزگەفتان دھێنەدانان، ھەکە بچیە تازیێ بتنێ تە دەم ھەیە بۆ 3 ھەتا 4 تازیان، ژبەر کورتیا رۆژێ نەخاسمە تازیی بتنێ دانێ ئێڤاریانە، نەبوونا دەمی و قەرەبالفا جادا دووراتیا تازیان ژ ئێک و دو ، دیسان نوکە تازیێن ژنان ژی کەفتینە دھۆلان دا ل مزگەڤتان.
د.عەبدولحەمید گۆتژی: تازیگەھەک بێتە ئاڤاکرن ژلایێ حوکمەتا ھەرێما کوردستانێ ڤە یان کەسانێن خێرخواز، ل جھەکێ گونجای و ب رێک وپێک ، دا ب رەنگەکێ ب ساناھیتر و جوانتر و ب شێوازەکێ ب ساناھیتر وەلاتی بشێن بڤی ئەرکێ ئاینی و جڤاکی راببن و ب جھبینن.
گۆت ژی: ھەکە بھێنە ئاڤاکرن و نێزیک بۆ ژنان ژی بھێنە دروستکرن و دیسا پارکێن ترۆبێلان بھێنە دروستکرن، دیسا پێدڤی ب ئیدارە و باغچە و مزگەڤت و ھەتا جھێن شوشتنا مریان ھەبن، ھەموو ب رەنگەکێ جوان و پێشکەفتی و سەردەمانانە.دووماھیێ ناڤبری ئاماژەکرە وێ چەندێ کو ئەڤ چەندە ل وەلاتێن پێشکەفتی ھەنە.

ئه‌ڤرۆ نيوز:

بريار بوو سوبه‌هى 11\11\2014 كۆمبوونا 10 يا ئێكلاكرنا پۆستێ جڤاتێ و پارێزگه‌ها سلێمانيێ بهێته‌ ئێكلاكرن، به‌لێ بۆ ده‌مه‌كێ نه‌ديار هاته‌ پاشخستن.

رێكه‌وت زه‌كى، ئه‌ندامێ جڤاتا پارێزگه‌ها سلێمانيێ راگه‌هاند كو بڕيار بوو سوبه‌هى كۆمبوونا 10ێ يا جڤاتا پارێزگه‌هێ بۆ ئێكلاكرنا پۆستێ جڤاتێ و پارێزگارێ سلێمانيێ بهێته‌ ئه‌نجامدان، به‌لێ بۆ ژڤانه‌كێ نه‌ديار هاته‌ پاشخستن.

ئه‌ڤى ئه‌ندامێ جڤاتێ بۆ باسنيوز راگه‌هاند ژى كو دو پێشنياز هه‌نه‌ كو يان بۆ 10 رۆژێن دى بهێته‌ پاشخستن يان ژى كۆمبوون ب ڤه‌كرى بمينيت و نه‌هێته‌ ئه‌نجام دان هه‌تا ئێكه‌تى و گۆڕان دگه‌هنه‌ رێكه‌فتنه‌كێ.

هه‌ر چه‌نده‌ ل ناڤه‌راستا حه‌فتيا بۆرى شانده‌كێ بلندێ ئێكه‌تيێ ل گه‌ل شانده‌كێ مه‌زنێ ئێكه‌تيێ ل گه‌ل ئێك كۆم ببوون، به‌لێ دياره‌ د وێ روونشتنا بۆ ئاسايكرنا ره‌وشا هه‌ردو لايان هاتيه‌ كرن ژى نه‌گه‌هشتبنه‌ چو رێكه‌فتنان.