ئەڤرۆ نیوز:

ئاژانسا سانا راگەهاند کو هێزێن سەر ب خەلیفە حەفتەر فەرماندارێ لەشکرێ نشتیمانی یێ لیبیا ل گەل حوکمەتا سووریێ رێککەفتینە کو پێکڤە ل دژی تورکیا شەری بکەن.

بەرپرسەکێ وەزارەتا دەرڤە یا سووریێ ژی راگەهاند کو تورکیا بوویە ئەگەرێ هندێ کو رەوشا سووریێ و لیبیا ئالۆز ببیت و هەر دو وەلاتان بریار داینە کو ل دژی دەستێوەردانێن تورکیا پێکڤە یا پێدڤی بکەن.

ئەڤرۆ نیوز:

نەتەوێن ئێکگرتی راپۆرتەک ل دۆر رەوشا ئدلبێ بەلاڤکر و د راپۆرتێ دا هاتیە دیار کرن کو فرۆکێن شەری یێن روسیا وەلاتیێن سڤیل ل ئدلبێ بۆمبەباران دکەن و د ئەنجاما هێرشێن فرۆکێن روسیا دا هەتا نها ب سەدان وەلاتی ل ئدلبێ هاتینە کوشتن و ئەو یەک ژی بنپێکرنا قانوونێن نێڤدەولەتی یە.

نوونەرێ روسیا ل نەتەوێن ئێکگرتی ژی بەرسڤا راپۆرتێ دا و دیار کر کو روسیا شەرێ تیرۆرستان دکەت و دڤێت ئدلب ژ تیرۆرستان بهێتە پاقژ کرن.

ئەڤرۆ نیوز:

ڤیلادەمیر پوتین سەرۆکێ روسیا بۆ دەزگەهێن راگەهاندنا وەلاتێ خوە ئاخڤی و دیار کر کو یا نها ل ئدلبێ روو ددەت جودایە، چونکو سووریێ دڤێت ئاخا خوە ژ تیرۆرستان پاقژ بکەت و گۆت: (وەکو روسیا مە نەڤێت شەرێ چو وەلاتەکێ بکەین و ئەم بەرهەڤیان بۆ چو شەران ژی ناکەین).

سەرۆکێ روسیا ئەو یەک ژی دیار کر کو هەتا ئاخا سووریێ ژ تیرۆرستان نەهێتە پاقژکرن رەوشا سووریێ ژی ئارام نابیت.

ئەڤرۆ نیوز:

رۆژناما تایمز یا بریتانی دیار دکەت کو بەشار ئەسەدێ سەرۆکێ رژێما سووریێ ب چو رەنگەکێ دەستان ژ ئدلبێ بەرنادەت و ئۆپەراسیۆنا ئدلبێ کو ب پشتەڤانیا روسیا برێڤە دچیت دێ یا بەردەوام بیت.

رۆژناما بریتانی دیار ژی کریە کو روسیا ب هەموو هێزا خوە پشتەڤانیێ ل بەشاری دکەت و هەتا نها تورکیا نەشیایە چو بکەت و گەلەک دەڤەرێن ستراتیژی ژ دەستێ تورکیا هاتینە دەرخستن و هەتا بەشار ئەسەد ئدلبێ ژ دەستێ تورکیا و گرۆپێن سەر ب وێ ڤە ئازاد نەکەت دێ شەرێ ئدلبێ بەردەوام بیت.

ئەڤرۆ نیوز:

محەمەد میر محەمەدی ئەندامێ جڤاتا دەستنیشانکرنا بەرژەوەندیێن ئیرانێ ئەڤرۆ ژ بەر نەخوەشیا کۆرۆنایێ جانێ خوە ژ دەست دا.

ئاژانسا مێهر یا ئیرانی دیار کر کو محەمەد میر محەمەدی چەند رۆژان د نەخوەشخانێ دا بوو و ئەڤرۆ ژ بەر کۆرۆنایێ جانێ خوە ژ دەست دایە.

بەری نها ژی ئەندامەکێ پەرلەمانێ ئیرانێ ژ بەر کۆرۆنایێ جانێ خوە ژ دەست دابوو.