ئه‌ڤرۆ نیوز، بارزان مزووری:

ئه‌ڤرۆ نیڤرۆ رێكه‌فتی1/3/2020  رێكخراوا CAPNI ب پشته‌ڤانیا كه‌نیسا لوسه‌ری ل ئه‌لمانیا بكۆژمێ‌ ئێك ملیارو سێ‌ سه‌د ملیون دینارا به‌رێ‌ بنیاتی بۆ ژماره‌كا پرۆژێن جوراو جور بۆ نه‌ه گوندێن ده‌ڤه‌را نه‌هلێ‌ دناڤبه‌را سنورێن ناحیا ئاكرێ‌ و چه‌مانكێ‌ دانا.

 مشتاق جه‌میل، رێڤه‌به‌رێ‌ به‌شێ‌ پێشكه‌فتنا كومه‌لگه‌هێ‌ ل رێكخراوا ، CAPNI بۆ ئه‌ڤرۆ نیوز گۆت: (ئه‌ڤ پرۆژه‌ بۆ نه‌ه گوندێن دكه‌ڤنه‌ سنورێ‌ قه‌زا ئاكرێ‌ و ناحیا چه‌مانكێ‌ هه‌شت گوند یێن مه‌سیحیانه‌ ئێك ژوان ژی موسلمانایه‌ ژوان پرۆژێن به‌رێ‌ بنیاتی بۆ هاتیه‌ دانان پرۆژێن چاندنێ‌ و ئاڤاكرنا هوله‌كا بیره‌وه‌ریا و نوێژه‌نكرنا رێكا و سه‌خبێركرنا جوكێن ئاڤدانێ‌ و پرۆژێ‌ ته‌ندروستی و پرۆژێ‌ دروست كرنا سكره‌كێ‌ ئاخێ‌ یێ‌ بچیك دگه‌ل پرۆژه‌كێ‌ خودانكرنا مه‌رومالاتی دگه‌ل دانانا كارگه‌هه‌كا ئه‌لبانی یا دروست كرنا ماستی ماوێ‌ پرۆژه‌ی ساله‌ك و نیڤه‌).

ناڤهاتی خۆیاكر پشتی به‌رێ‌ بنیاتی بۆ وان پرۆژان هاتیه‌ دانان ئێكسه‌ر دێ‌ كار ل سه‌ر هێت كرن كۆ د ده‌مێ‌ هاتیه‌ دیاركرن ئه‌و پرۆژه‌ ب دوماهیك بهێن پشتی دوماهیك هاتنا وان دێ‌ ژلایێ‌ رێكخراوێ‌ ڤه‌ كه‌ته‌ دیاری بۆ خه‌لكێ‌ هه‌شت گوندێن مه‌سیحیا و گونده‌كێ‌ موسلمانا وه‌ك پشته‌ڤانیه‌ك بۆ خه‌لكێ‌ ده‌ڤه‌رێ‌.

ئەڤرۆ نیوز، عەلی حاجی :

د داخویانیەکێ دا نوونەرێ قایممقامێ زاخۆ د لژنا دیفچوونا بازارێ زاخۆ دا بۆ ئەڤرۆ نیوز دیار کر پشتی ئەڤرۆ لژنا مە چاڤدێریا بازاری کری دا کو بازار ژلایێ هندەک کەسان ڤە بۆ مەرەمێن خوە بکار نەئینن و ژ بەر ڤێ چەندێ کوگەهەکا ئاهێن خوارنێ هاتە دائێخستن.

زێدەتر وەلات هەجەر گوت: (پشتی چەندین برێکارێن ئاهێن خوارنێ پەیوەندی ب کوگەهەکا کومپانیەکا ئاهێن خوارنێ کرین و بەرامبەر دا وێ کوگەهێ دخاست رەوشا نوکە بو خوە ب دەلیڤە ببینیت وبەرهەمێن خوە کوگەهـ بکەت و بەرهەمێ خوە نەکەتە دناڤ بازاری دا ژلایێ لژنا مە ڤە هاتە دائێخستن هەتا بریارەکا ئێلاکەر بهێتە دان ژلایێ لژنێ ڤە ژبەر کو خودقنێ وێ وەسا بو مە دیار کر کو وان  جەردا خوە دکر و هەمی کومپانی ژی ل سەر ڤێ چەندێ هاتینە ئاگەهدار کرن و هەر کەسەک بازاری بو خوە ب دەلیڤە ببینیت و بەرهەمێ خوە نەئێخیتە دناڤ بازاری دا دێ ب توندی هێتە سزادان و هەر دیسان مە سوزنامە ب هەمی کومپانیان ژی پرکرینە  داکو بەرهەمێن خوە بێخنە دناڤ بازاری دا).

و گوت ژی وەکو لژنا دیفچوونا بازارێ زاخۆ دێ بەردەوام بین ل سەر ڤێ چەندێ و نابیت چو کەس و لایەنەک بازاری د بەرژوەندیا خوە  دا بکار بینیت و بەرهەمێن خوە کوگەهـ نەکەن دا کو بازاری تێک بدەن و رەوشا نوکە خراب بکەن.