ئەڤرۆ نیوز:
ل شەڤا بوری ل سەر جادا بەدریک بۆ فەیدیێ د روودانەکا هاتنوچوونێ کەسەکێ ژیانا خۆ ژدەست دایە.
موقەدەمێ مافپەروەر ئازاد تاها بەرپرسێ هۆبا پەیوەندی و راگەهاندنێ ل رێڤەبەریا هاتنوچوونێ ل دهۆکێ بۆ ئەڤرۆ نیوز گۆت: ل دەمژمێر 1:30 ل شەڤا سێشەمبی ٣ ئادارا ٢٠٢٠ ل سەر جادا بەدریک بۆ فەیدیێ، ترۆمبێلەکا بارھەلگر تۆشی روودانەکا وەرگەریانێ دبیت و د ئەنجامێ ڤێ روودانێ دا کەسەکێ ژیانا خوە ژ دەست دا.
ئەڤرۆ نیوز، عەلی حاجی :
سەروکێ لژنا موەلیدان ل زاخۆ بۆ ئەڤرۆ نیوز دیار کر دەمێ کارکرنا موەلیدەیان ل زاخۆ گهورین ب سەر دا هات و پێدڤی یە هەمی خودانێن موەلیدەیان پێگیریێ ب وێ بریارێ بکەن.
زێدەتر ئەندازیار هشیار شاکر گو : (ل دویف وی خشتێ هاتیە دانان بۆ هەیڤا سێ یا ئەڤ سالە پێدڤی یە خودانێن موەلیدەیان ل دەمژمێر حەفتی سپێدێ هەتا نەهی سپێده موەلیدەیێن خوە بدەنە کاری و ژ دەمژمێر نەهـ هەتا ١١ی سپێدێ بهێن ڤەدان بیت و ژ دەمژمێر ١١ دێ موەلیدە هێنە هەلکرن هەتا دەمژمێر دووی شەڤ و ئەڤ بریارە ئەڤرۆ ل روژا سێ شەمبێ رێکەڤتی ٢/٣/٢٠٢٠ کەڤتە بوارێ جێبەجێ کرنێ دا،لێ هەمی خودانێن موەلیدەیان پێگری ب ڤێ بریارێ نەکرن و ل دیف وی خشتەی موەلیدەیێن خوو نەدانە کاری).
و گوت ژی لەورا هەر کەسەکێ ژ سوباهی پێڤە ل دویف وی خشتەیێ نوو کار ناکەت بلا موختارێ وان گەرەکان لژنا موەلیدەیان ل زاخۆ ئاگەهدار بکەن دا کو پێرابونێن یاسایی ل بەرامبەر وان بهێنە وەرگرتن و د وی دەمی دا خودانێن موەلیدەیان دێ بەرپرس بن ژ ڤێ چەندێ و هەر دیسان بۆ هەیڤا دو بهایێ هەر ئەمپێرەکێ ١١٢٥٠ دیناران هاتیە دانان.
ئه‌ڤرۆ نیوز:
رێڤه‌به‌ری گشتی یێ ئاڤ و سولینان ل وه‌زاره‌تا باژێرڤانی و گه‌شتوگۆزارا حكومه‌تا هه‌رێما كوردستانێ راگه‌هاند: ده‌مێ گرێدانا پیڤه‌رێ ئاڤێ ب دوماهی هات و ناهێته درێژكرن.
ئه‌ڤرۆ ل هژمارا فیسبوكی یا وه‌زاره‌تا باژێرڤانی و گه‌شتوگۆزارێ یا حكومه‌تا هه‌رێما كوردستانێ، مه‌سعود كاره‌ش رێڤه‌به‌رێ گشتی یێ ئاڤ و سولینان راگه‌هاند هه‌تا نوكه نێزیكی 70% یا وه‌لاتیان پیڤه‌رێن ئاڤێ گرێداینه و چ بریار ژی بۆ درێژكرنا ده‌مێ گرێدانا پیڤه‌ران نینه.
رێڤه‌به‌رێ گشتی یێ ئاڤ و سولینان ئه‌و چه‌نده ژی راگه‌هاند: ده‌مێ دیاریكری بۆ گریدانا پیڤه‌رێ ئاڤێ ب دوماهی هات و هه‌تا نوكه چ بریار نین بۆ درێژكرنا ئه‌وی ده‌می، پێدڤیه ئه‌و وه‌لاتیێن هه‌تا نوكه پیڤه‌رێ ئاڤێ نه‌گرێدای، بلا گرێ بده‌ت، هه‌كه به‌رۆڤاژی دێ هه‌یڤانه سزایێ دارایی ب سه‌ردا هێته سه‌پاندن.
مه‌سعود كاره‌ش ل سه‌ر بهایێ ئاڤێ ژی گۆت: بهایێ بكار ئینانا ئاڤێ ب مه‌تر سێجایه بۆ مالان و بهایه‌كێ ئه‌رزان و گۆنجای هاتیه دیاركرن هه‌كه وه‌لاتی ب شیوه‌یه‌كێ گۆنجای و بێ زێده‌هیی ئاڤێ بكار بینن رێژه‌یا زۆرا هه‌یڤانه دێ گه‌هته 20 هزار دیناران، به‌لێ بۆ جهێن بازرگانی و حوكمی بهایێ وان ژ یێ مالان جودایه.
ئەڤرۆ نیوز،عەلی حاجی:
قائیمقامێ زاخۆ د داخویانیەکێ دا بۆ ئەڤرۆ نیوز دیار کر ژبەر کو هولێن وەرزشی رۆژانە خەلک قەست دکەتێ دێ ساخلەمیا زاخۆ رۆژانە چاڤدێریا وان هۆلان کەت دا کو کۆنترول ل سەر بهێتە کرن.
زێدەتر بوتان محسن گۆت : ل کۆمبوونا بلند یا پارێزگەها دهۆکێ تایبەت ب ڤایرۆسێ کورونایێ پێشنیارا گرتناهۆلێن وەرزشی هات دان، بەلێ پشکەکا ئەندامێن وێ لژنێ دگەل گرتنێ نەبون بەلێ بریار هاتە دان کو زێدەتر چاڤدێریەکا توند ل سەر وان هۆلان بهێتە کرن ژلایێ ساخلەمیا زاخۆ و هەر دیسان خودانێن هەمی هۆلێن وەرزشی هاتینە ئاگەهدار کرن کو پێدڤی یە رۆژانە هەمی ئامیرەیێن دناڤ وان هۆلان دا ب دەرمانان رۆژانە بهێنە پاقژ کرن ژبەر کۆ رۆژانە هەژمارەکا زۆر ژ وه‌لاتیان قەستا وان هۆلان دکەن،دێ ئەڤ بریارە بەردەوام بیت هەکە رەوشا نوکە باشتر بوو دێ مینیتە ڤەکری بەلێ هەکە رەوش خرابتر بوو دبیت ئەو ژی بهێنە گرتن ژبەر کو ئارمانجا سەرەکی ژ ڤان رێکاران ئەوە زێدەتر ئەم وه‌لاتیێن خوە ژ ڤایرۆسی پارێزین.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ بۆ به‌رهنگاربوونا نه‌خوشیا ڤایرۆسێ كورونایی داخازا هه‌ڤكاریا جڤاكا نێڤ ده‌وله‌تی دكه‌ت.
وه‌زاره‌تا ساخله‌میا حكومه‌تا هه‌رێما كوردستانێ راگه‌هاند كۆمبوونه‌كا هه‌ڤبه‌ش دناڤبه‌را وه‌زاره‌تا ساخله‌میا حكومه‌تا هه‌رێمێ و فه‌رمانگه‌ها په‌یوه‌ندیێن ده‌رڤه‌یێن حكومه‌تا هه‌رێما كوردستانی و ته‌ڤایا قونسلخانه و نوونه‌راتیێن وه‌لاتان ل هه‌ولێرێ هاته ئه‌نجام دان.
د ئه‌وێ كۆمبوونێ دا وه‌زاره‌تا ساخله‌میا هه‌رێمێ زێده‌باری ئێخستنه ریا ره‌وشا هه‌رێمێ بۆ ئه‌ڤێ نه‌خوشیێ و داخاز ژ جڤاكا نیڤ ده‌وله‌تی و رێكخراوێن سه‌ر ب نه‌ته‌وه‌یێن ئێكگرتی كر، بۆ هه‌ڤكاریكرنا هه‌رێما كوردستانێ بۆ رێگرتن و به‌رهنگاربوونا به‌ربه‌لاڤبوونا ڤایرۆسێ كوورنایێ و دابینكرنا پێدڤیێن نوژاری بۆ هه‌رێمێ داكۆ به‌رهنگاریا ڤایرۆسی بكه‌ت.
ئەڤرۆ نیوز، نەوزاد هلۆری:
د.نزار عسمەت، رێڤەبەرێ گشتیێ ساخلەمیا پارێزگەها دهۆکێ، د کۆنگرەیەکێ رۆژنامەڤانی دا دیارکر کۆ هەتا نوکە چ حالەتێن ڤایرۆسێ کۆرۆنایێ ل پارێزگەها دهۆکێ نەهاتینە تومارکرن و گۆت: ساخلەمیا دهۆکێ هەموو پێرابوونێن پێدڤی بۆ رووب روو بوونا ڤایروسێ کۆرۆنایێ و هشیارکرنا وەلاتیان گرتینە بەر، نەخۆشخانەکا تایبەت ژی بەرهەڤکریە، داخوازێ ل هەرکەسی دکەین کو ل گەل مە د هاریکاربن داکو ب شێوەیەکێ ساخلەم سەرەدەری ل گەل رەوشا نوکە دروست بوی بکەین.
ئه‌ڤرۆ نیوز:
یانا پاریس سانجێرمان ده‌ست ب لڤینا كریه بۆ ده‌ستڤه ئینانا ستێرا گه‌نچ یا هه‌لبژارتیێ ئنگلته‌را و یانا بوروسیا دورتموند یا ئه‌لمانى جادون سانچو بۆ ڤه‌گوهاستنێن هاڤینا بهێت وه‌كو پێگوهورێ نیمارى.
رۆژناما میرو یا برێتانى دیاركریه سانچو ئێك ژ به‌ربژارێن هه‌ره ب هێزه وه‌كو پێگهورێ نیمارى ل یانا پاریس سانجێرمان و به‌رپرسێن وێ یانا فره‌نسى ژى ب هێز هاتینه دناڤ هه‌ڤركیا ب ده‌ستڤه ئینانا ئه‌وى یاریزانى دا هه‌ر چه‌نده هه‌ر سێ یانێن مه‌زن ل ئنگلته‌را مانشێسته‌ر یونایتد و لیڤه‌رپول و چێلسى هه‌ڤركیێ ل سه‌ر ده‌ستڤه ئینانا ئه‌وى یاریزانى كه‌ن لێ پاریس كوژمه‌كێ باشتر ژ ئه‌وان یانان به‌رهه‌ڤكریه بۆ ڤه‌گوهاستنا ئه‌وى یاریزانى.
ئه‌وێ رۆژنامێ ئاماژه ب وێ چه‌ندێ ژى كر به‌رپرسێن پاریس هزر ل فروتنا نیمارى كریه ل هاڤینا بهێت و ل جهێ وى هه‌ڤبه‌ستێ ل گه‌ل سانچو ئیمزا بكه‌ن .
نيشاندان