ئەڤرۆ نیوز:

پشتی کو هێزێن رژێما سووریێ شیان پرانیا دەڤەرێن رۆژئاڤایێ حەلەبێ کۆنترۆل بکەن نها خوە نێزیکی سنورێ عەفرینێ کرینە.

ل گۆر راپۆرتەکا ئاژانسا سپوتینگ نیوز یا روسی هێزێن رژێما سووریێ ب پشتەڤانیا فرۆکێن شەری یێن روسیا هندەک گوندێن قەزا شەراڤا یا عەفرینێ ژی کۆنترۆل کرینە و بەر ب عەفرینێ ڤە دچن.

هاتە زانین کو نها هێزێن سووریێ دخوازن رێیا عەفرینێ بۆ ئدلبێ ژی کۆنترۆل بکەن دا رێ نەدەن تورکیا هێزێن سەربازی رەوانەی ئدلبێ بکەت.

ئەڤرۆ نیوز:

هێزێن لەشکرێ نەتەوی یێن لیبیا سەر ب جەنەرال خەلیفە حەفتەر دیار کرن کو ئەڤرۆ وان هێرشی گەمیەکا تورکیا کرینە کو گەلەک چەک تێدا بوون و وێ گەمیێ دخواست وان چەکان بگەهینتە هێزێن سەر ب فەیاز سیراجی.

بەری نها ژی جەنەرال خەلیفە حەفتەر دیار کربوو هەتا هەموو گرۆپێن چەکدار ل لیبیا ژناڤ نەچن رەوشا لیبیا ئاسایی نابیت.

ئەڤرۆ نیوز:

بەشار ئەسەد سەرۆکێ رژێما سووریێ راگەهاند کو ل ئدلبێ و حەلەبێ هێزێن وان شیاینە گەلەک دەڤەران ژ دەستێ هێزێن سەر ب تورکیا دەربخینن و ئەو یەک ژی سەرکەفتنەکا مەزنە و گۆت: (شەرێ مە ل دژی تیرۆرستان و هێزێن سەر ب تورکیا دێ بەردەوام بیت، ئەنجامێن نها بدەستڤە هاتی ژی دووماهی شەری نینە و دڤێت هەموو هێزێن سەر ب تورکیا ژ ئاخا سووریێ دەربخینین).

بەشاری ئەو یەک ژی دیار کر کو دەم یێ هاتی هەموو ئاخا سووریێ ژ تیرۆرستان بهێتە پاقژکرن.

ئەڤرۆ نیوز:

فەهیم تاشتەکین بسپۆرێ کاروبارێن سیاسی یێن سووریێ راگەهاند کو هەتا نها گەلەک دەڤەرێن سەر ب ئدلبێ ژ ئالیێ هێزێن سووریێ ڤە هاتینە کۆنترۆلکرن و ئەردۆگانی بەری نها گەلەک جاران گەف ل رژێما بەشاری کرن لێ نەشیایە بەرسڤا هێرشێن سووریێ بدەت.

ناڤهاتی دیار دکەت کو روسیا چەندین جاران هۆشداری دایە ئەردۆگانی و تشتێ نها دیار دبیت تورکیا ژ ترسا روسیا نەوێریت بەرسڤا هێرشێن هێزێن سووریێ ژی بدەت.

ئەڤرۆ نیوز:

بەرپرسەکێ وەزارەتا دەرڤە یا ئەمریکا کو ناڤێ وی نەهاتیە ئاشکرا کرن بۆ فەرماندارێ گشتی یێ یەپەگێ دیار کریە کو د رەوشا نها یا ئالۆز ل سووریێ دا نابیت ب چو رەنگەکێ ئەو هێرشی هێزێن تورکیا بکەن، چونکو هەکە شەرەک د ناڤبەرا وان و تورکیا دا دەرکەڤیت ئەمریکا بەرەڤانیێ ژ یەپەگێ ناکەت.

هەمان بەرپرسێ ئەمریکا دیار کریە کو نابیت یەپەگە ئالۆزیێن د ناڤبەرا تورکیا و روسیا دا وەکو دەلیڤە بۆ خوە ببینیت و هێرشی هێزێن تورکیا بکەت.