ئەڤرۆ نیوز:
خوارنێن تەر و دلڤەکەر یێن نوو د زڤستانێ دا تامەکا دی هەیە و زێدەتر دلێ مرۆڤی دچیتێ، لێ لایەکێ دی یێ نەرێنی ئەوە پشکەکا زۆر یا وان د وەرزێن سار دا گەشەناکەن و ل جهێن دوور دهێن، خاسیەتا نووبوونێ ژ دەست ددەن.
مالپەرێ برایت ساید لیستا چەند خوارنان بەلاڤکریە، کو باشترە د وەرزێ زڤستانێ دا نەهێنە خوارن، ئەو ژی ژ ئەڤێن ل خوارێ پێک دهێن:
. فراولە
. گەنمەشامی
. بەرهەمێن شیری
. شەکر
. گۆشتێ سۆر
ئەڤرۆ نیوز:
هەکە ب تنێ ژ بۆ کو لاواز دەربکەڤی رەنگێ رەش لبەر دکەی، لێ بزانە کو مفایەکێ دیتر ژی هەیە، ئامارەکا نوو کۆمەکا زانیاریێن نوو دەربارەی رەنگێ جلکان ئاشکرا دکەت.
فرۆشگەهەکا ئۆنڵاین یا بریتانی بناڤێ Buytishirtsonline راپرسیەک دەربارەی باندۆرا رەنگێ جلکان ل سەر هزر کرنا خەلکێ کریە کو زێدەتر ژ هزار کەسان تێدا پشکدار بوون، د ئەنجامدا بۆ وان دەرکەفتیە کو ب نێرینا پرانیا خەلکی رەنگێ رەش نیشانا باوەری ب خوە بوون و بالکێشی و وێرەکیێ یە.
ئەڤرۆ نیوز:
مالپەرێ حورییەت یێ تورکی نووچەک بەلاڤکریە و تێدا ئاهەنگا هەڤژینیێ بۆ هەردو خۆشکێن ب ناڤێ سومەیە و قەدریە هاتیە گێران، کو ئاکنجیێن باژێرۆکێ یورەیرن، ژیێ وان ٤٢ و ٤٧ سالن، ل زارۆکینیێ وەرە هەردو یان ئاریشا دەروونی هەیە.
هەروەسا دیارکریە، ئاهەنگ ژ پێخەمەت بجهئینانا خەونا ژ مێژ یا هەردو خۆشکان ژ ئالیێ ئەحمەد ئاکتاش موختارێ تاخێ وان هاتبوو ڕێکخستن و زاڤا تێدا نەبوویە، ژبەر کۆ تنێ وان ڤیایە دلێ وان هەردو خۆشکان خۆش بکەن و جلێن بووکێنیێ لبەر بکەن.
د ئاهەنگێ دا سەرۆکێ باژێرڤانیا ئادانا و موختارێ چەند تاخێن دەڤەرێ پشکداربوون و هەتە درەنگی شەڤ پشکداران و هەردو بووکان ل هەمبەر موزیک و سترانان سەما کریە.
ئەڤرۆ نیوز، زنار تۆڤی:
ئەڤرۆ ئێکشەمبی ئاگر بوو خوارنگەهەکێ ل تاخێ زەری لاند ل دهۆکێ و ب تەمامی هاتە سۆتن.
بێوار عەبدولعەزیز، بەرپرسێ ڕاگەهاندنا بەڕەڤانیا باژێری ل دهۆکێ، بۆ ئەڤرۆ نیوز راگەهاند: ل دەمژمێر ٢:١٥ پشتی نیڤرۆ یا ئەڤرۆ ١٦ شواتا ٢٠٢٠، ئاگر بەربوو خوارنگەهەکێ ل تاخێ زەری لاند و ب تەمامی هاتە سۆتن.
ناڤهاتی گۆت ژی: چو زیانێن گیانی د وێ روودانا ئاگر بەربوونێ دا نەبووینە، لێ گەلەک زیانێن مادی بەر ب وێ خوارنگەهێ کەفتینە، هەتا نوکە ئەگەرێ وێ بوویەرێ نەهاتیە زانین، لێ پەررێن ڤەکۆلینێ ل سەر چێبوونا وێ روودانێ هاتینە ڤەکرن و دێ ئەنجامێن ڤەکۆلینێ هێنە ئاشکرا کرن.
ئەڤرۆ نیوز:
ئەڤە دەمەکە چەکدارێن داعش ل نافچەیێن جۆدا یێن خانەقین و قەرەتەپە و دۆزخورماتوو و ناڤچەیێن داودە دەست ب رەڤاندنا وەلاتیان کریە و ئەو وەلاتیێن دهێنە رەڤاندن ژی بەرامبەر پارەی ئازاد دکەن.
پشتی 16 رۆژان ژ رەڤاندنا وان، دو برا ل ناڤچەیا داودە یا سه‌ر ب ده‌ڤه‌را گەرمیان ڤە ل ژێر دەستێ داعشێ هاتنە رزگار كرن و گەهشتنە ناڤ کەسۆکارێن خوە.
هەردو برا ب ناڤێن قانع و ھێمن ژ لایێ چەكدارێن داعشێ ڤە هاتبوونە رەڤاندن و ل بەرامبەر 70 ھزار دۆلاران داعشێ ئەو ئازاد كرن.
رەڤاندنا قانع و ھێمن کارڤەدانەکا مەزن لدووڤ خوە ئینابوو، چونکی ژ خێزانەکا ئەنفالکری بوون و دایکا وان ھەردو کورێن خوە ب دەردە سەریێ خودان کرینە، ئازاد بوونا وان کەس و کار و ھەموو خەلکێ گەرمیان دلخۆش کریە.
بەرهەڤکرن، زنار تۆڤی:
ئەڤرۆ نیوز، عەلی حاجی:
بەرپرسێ پشکا سەخبێریکرنێ ل رێڤەبەریا بەلاڤکرنا کارەبێ ل زاخۆ د داخویانیەکێ دا بۆ ئەڤرۆ نیوز دیار کر ژ ئەگەرێ وێ گڤاشتنا ل سەر پێگوهۆرێن کارەبێ هەی د سێ هەیڤێن بوری دا رێژەیەکا زێدە یا وان پێگوهۆران ل زاخۆ پەقینە.
زێدەتر هشیار شاکر گوت: (د ماوەیێ سێ هەیڤێن بوری دا هەر ژ دەستپێکا هەیڤا ١٢ یا سالا بوری هەتا ناڤەراستا ڤێ هەیڤێ ٩٠ پێگوهۆرێن کارەبێ ل تاخێن جودا یێن زاخۆ پەقینە ژ ئەگەرێ وێ گڤاشتنا زێدە یا ل سەر پێگوهۆرێن کارەبێ هەی و هەتا نوکە کارمەندێن رێڤەبەریا مە شیاینە ٩٠ پێگوهۆران جهێ وان دانن یێ کو پەقینە و هەر دیسان جودا ژ وان ٩٠ پێگوهۆر هاتینە دانان دا کو بار سڤکی ل سەر پێگوهۆران دروست ببیت ٣٢ پێگوهۆرێن دیتر هاتینە دانان و ل ١٤ پێگوهۆرێن دیتر بارێ وان هاتینە سڤک کرن کو کارەبا هندەک مالان بۆ پێگوهۆر دیتر هاتیە زێدەکرن و ٤٤ پێگوهۆر وەکو خوە ماینە و بارێ وان نەهاتیە سڤک کر و ئەم دخوازین د دەمەکێ نێزیک داچارەسەریەک بۆ وان پێگوهۆران ژی بهێتە دیتن ئەوێن هەتا نوکە بارێ وان نەهاتیە سڤککرن بەری کو تووشی هندەک زیانان ببن).
ئەڤرۆ نیوز، عەلی حاجی:
پشتی د گەرا بوری دا دو هزار پلێتێن گازا سپی ل سەر چار برێکاران بەلاڤ کرین، د گەرەکا دیتر دا دو هزار پلێتێن دیتر ل سەر هاولاتیێن زاخۆ دێ هێنە بەلاڤ کرن.
نیشان بوغوس نوونەرێ قایممقامیا زاخۆ د لیژنا سامانێن سروشتی دا بۆ ئەڤرۆ نیوز گوت: (پشتی گەرا بوری دا دو هزار پلێت ل سەر چار برێکارێن ئازوقەی هاتنە بەلاڤ کرن ئەڤرۆ ل روژا ئێک شەمبێ رێکەڤتی ١٦/٢/٢٠٢٠ گەروکادی دا دو هزار پلێتێن دیتر یێ گازا سپی گەهشتنە دەستێ مە ل قایمقامیا زاخۆ و ئەم دخوازین د زووترین دەم دا هاولاتی ل دەف برێکارێن خوە یێن ئاهێن خوارنێ پلێتێن خوە وەربگرن دا کو د زووترین دەم دا بشێن گازا سپی ل سەر وان بەلاڤ بکەین بەهرا خوە یا گازا سپی د ئەڤسالە دا وەربگرن).
ئەڤرۆ نیوز:
میخائیل بۆگدانۆڤ جێگرێ وەزیرێ دەرڤە یێ روسیا راگەهاند کو خالێن چاڤدێریێ یێن تورکیا ل ئدلبێ جهێ گۆمانێ نە، چونکو دیار نینە کا ئارمانجا تورکیا ژ دانانا وان خالێن چاڤدێریێ چیە، ژ بەر هندێ ژی مە بەری نها داخواز ژ تورکیا کربوو کو هەموو هێزێن خوە ژ ئدلبێ ڤەکێشیت دا تیرۆرست و هێزێن دی ژێک بهێنە جوداکرن، لێ تورکیا ئاریشان بۆ مە دروست دکەت و هەتا نها ژی هێزێن تورکیا ل ئدلبێ ماینە.
ناڤهاتی دیار کر کو حوکمەتا سووریێ دڤێت ئدلبێ ژ تیرۆرستان پاقژ بکەت و ئەو یەک مافێ سروشتی یێ حوکمەتا سووریێ یە.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ راگەهاند کو وان کۆمبوونێن گەلەک گرنگ ل میونشن ئەنجام داینە و وەلاتێن جیهانێ پتر ژ هەر دەمەکێ گرنگیێ ددەنە هەرێما کوردستانێ.
سەرۆکێ حوکمەتێ هەروەسا راگەهاند ژی کو ئەمریکا دڤێت د کەرتێ وزێ دا هاریکاریا هەرێما کوردستانێ بکەت و گۆت: (ئەمریکا دڤێت د ئاڤاکرنا کابینا نوو یا حوکمەتا عیراقێ دا تایبەتمەندیا هەرێما کوردستانێ ژی ل بەر چاڤ بهێتە وەرگرتن).
نيشاندان