ئەڤرۆ نیوز:
دەزگەهێن راگەهاندنێ یێن سەر ب ئێکەتیێ دیارن کرن کو دێ ئەڤرۆکە سەرۆکێ پەرلەمانێ عیراقێ محەمەد حەلبوسی سەرەدانا سلێمانیێ کەت.
هاتە زانین کو ئارمانجا سەرەدانا سەرۆکێ پەرلەمانێ عیراقێ دانوستاندنە ل گەل بەرپرسێن ئێکەتیێ ل دۆر کابینا نوو یا حوکمەتا عیراقێ.
ئەو یەک د دەمەکێ دایە کو بەری نها هەرێما کوردستانێ دیار کریە کو دڤێت نوونەرێن هەرێما کوردستانێ بۆ کابینا نوو یا حوکمەتا عیراقێ ژ ئالیێ سازیێن فەرمی یێن هەرێما کوردستانێ ڤە بهێنە دەستنیشانکرن.
ئەڤرۆ نیوز:
عەمیدی مافپەروەر ئارام بورهان رێڤەبەرێ پاسپۆرتێن پارێزگەها هەولێرێ راگەهاند کو سپێدێ ٢٠٢٠/٢/١٧ دێ نڤیسینگەها پاسپۆرتان ل کۆیە هێتە ڤەکرن و گۆت: (بێگومان ئەو یەک دێ بۆ خەلکێ کۆیە و دەوروبەرێن وێ گەلەک باش بیت و ئەو دشێن مفایەکا باش ژێ وەربگرن و ئێدی پێدڤی ناکەت ئەو بۆ کاروبارێن پاسپۆرتان سەرەدانا هەولێرێ بکەن).
ئەڤرۆ نیوز:
وەزیرێ دەرڤە یێ سعوودیێ راگەهاند کو دەستێوەردانێن تورکیا ل لیبیا ب چو رەنگەکێ ناهێتە قەبوولکرن و نابیت تورکیا دەستێوەردانێ د کاروبارێن وەلاتێن عەرەبی دا بکەت.
فەیسەل بن فەر‌حان وەزیرێ دەرڤە یێ سعوودیێ ئەو یەک ژی دیار کر کو تورکیا بوویە ئەگەرێ هندێ کو رەوشا سووریێ نها گەلەک ئالۆز بوویە و تورکیا ب دەستێوەردانێن خوە دێ رەوشا لیبیا ژی ئالۆز کەت و وەلاتێن عەرەبی ب چو رەنگەکێ دەستێوەردانێن تورکیا قەبوول ناکەن.
ئەڤرۆ نیوز:
بەری دەمەکێ ل باژێرێ میونشن یێ ئەلمانیا مەسرور بارزانی سەرۆکێ حوکمەتا هەرێما کوردستانێ ل گەل مەولود چاڤۆش ئوگلۆ وەزیرێ دەرڤە یێ تورکیا کۆمبوو.
هەژی ئاماژەپێدانێ یە کو سەرۆکێ حوکمەتا هەرێما کوردستانێ ئەڤرۆ چەندین کۆمبوونێن گرنگ ل ئەلمانیا هەبوون و بەری کۆمبوونا ل گەل وەزیرێ دەرڤە یێ تورکیا ژی سەرۆکێ حوکمەتێ ل گەل وەزیرێ دەرڤە یێ ئیرانێ محەمەد جەواد زەریف کۆمبوو.
ئه‌ڤرۆ نیوز، عه‌لی حاجی:
د به‌رده‌وامیا گه‌هاندنا هاریكاریان و ب هاتنا سارمایه‌كا دژوار و وه‌رزێ زڤستانێ ده‌زگایێ خێرخوازیێ بارزانیێ نه‌مر ل زاخۆ گازا سپی و ئازوقه و كه‌ل و په‌لێن پاقركرنێ ل سه‌ر هژماره‌كا هاولاتیان به‌لاڤ كرن.
محه‌مه‌د مه‌هدی به‌رپرسێ ئوفیسا زاخۆ یا ده‌زگایێ خێرخوازیێ بارزانیێ نه‌مر بۆ ئه‌ڤرۆ نیوز گوت: (ل دووڤ وی به‌رنامه‌یێ هاتیه دانان ل سه‌رانسه‌ری كوردستانێ ده‌زگایێ خێرخوازیێ نه‌مر هه‌وه‌كا مه‌زن ده‌ست پێكر ب مه‌ره‌ما گه‌هاندنا هاریكاریان، ل روژا ئه‌ینیا بوری ئوفیسا زاخۆ یا ده‌زگایێ بارزانی گازا سپی ل سه‌ر 200 هاولاتیێن ده‌ست كورتان بۆ هه‌ر خێزانه‌كێ 40 لتر لس ه‌ر وان هاتنه به‌لاڤ كرن و هه‌ر دگه‌ل وێ هه‌وێ 200 كارتونێن ئازوقه‌یی و به‌رهه‌مێن پاقژكرنێ ل سه‌ر وان كه‌سان هاتنه به‌لاڤ كرن و ئه‌و كه‌سێن هاریكاری وه‌رگرتن خه‌لكێ خوه جهێ ده‌ڤه‌را زاخۆ بون و ئه‌ڤ هه‌وه دێ ل سه‌رانسه‌ری باژێرێن كوردستانێ یا به‌رده‌وام بیت).
ئه‌ڤرۆ نیوز، عه‌لی حاجی:
ب هه‌لكه‌ڤتا هاتنا 18ی شوباتێ سال روژا دامه‌زراندنا ئێكه‌تیێن قوتابیێن كوردستانێ و لاوێن دیموكراتا كوردستانێ سێ خولێن جودا و هاتنه ڤه‌كرن و غاردانه‌كا درێژ ژی هاته ئه‌نجام دان .
ئه‌حمه‌د سه‌عید به‌رپرسا لقا زاخۆ یا ئێكه‌تیا قوتابیێن كوردستانێ بۆ ئه‌ڤرۆ نیوز گوت: (ب پشكداریا 550 قوتابیێن ل سنورێ په‌روه‌ردا زاخۆ غاردانه‌كا درێژ بۆ قوتابیێن كور وكچ ب درێژاهیا سێ كێلومه‌تران دناڤ سه‌نته‌رێ باژێرێ زاخۆ دا هاته ئه‌نجام دان و دپ لانا مه‌دایه د ماوه‌یێ روژێن بهێت دا چه‌ندین چالاكیێن دیتر ب هه‌لكه‌ڤتا 18ی شوباتێ بهێنه ئه‌نجام دان و هه‌می به‌رهه‌ڤی ژی بۆ وێ چه‌ندێ هاتنه ئه‌نجام دان) .
ژلایێ خوه‌ڤه حكمه‌ت محمه‌د نوری به‌رپرسێ ناڤه‌ندا بالا زاخۆ یا ئێكه‌تیا لاوێن دیموكراتا كوردستانێ بۆ ئه‌ڤرۆ نیوز دیار كر هه‌ر ب هه‌ما هه‌لكه‌ڤت وه‌كو ناڤه‌ندا بالا ل زاخۆ ل ئه‌ڤرۆ روژا ئێك شه‌مبێ سێ خولێن جودا جودا ب پشكداریا هه‌ژماره‌كا گه‌نجێن ده‌ڤه‌را زاخۆ ل سنورێ ناڤه‌ندا مه هاته ڤه كرن و هه‌ر دیسان پلان هاتیه دانان روژانه چه‌ندین چالاكیان د بیاڤێن هونه‌ری و وه‌رزشی و ره‌وشه‌نبیری بهێنه ئه‌نجام دان پێخه‌مه‌تی به‌رز راگرتنا یادا 18ی شوباتێ ل زاخۆ.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ل باژێرێ میونشن د چارچۆڤێ کۆنفرانسێ جیهانی یێ ئاسایشێ دا ل گەل وەزیرێ دەرڤە یێ ئیرانێ محەمەد جەواد زەریف کۆمبوو.
د کۆمبوونێ دا بەحسێ رەوشا عیراقێ و دەڤەرێ ب گشتی هاتە کرن و هەر دو ئالیان دیار کرن کو دڤێت ئاریشێن ل عیراقێ بهێنە چارەسەرکرن و وەزیرێ دەرڤە یێ ئیرانێ راگەهاند کو وان دڤێت پەیوەندیێن خوە ل گەل هەرێما کوردستانێ باشتر بکەن.
ئه‌ڤرۆ نیوز، عه‌لی حاجی :
ل بن چاڤدێریا سه‌وركێ زانكویا زاخۆ و پشكداریا چه‌ندین په‌رتوكخانه و ناڤه‌ندێن چاپێ و راگه‌هاندنێ ئێكه‌مین پێشانگه‌ها په‌رته‌كان یا سالانه ل زانكویا زاخۆ هاته ڤه‌كرن .
دكتور هوگر تاهر راگرێ ڤه‌كولتیا زانستێن مروڤایه‌تی ل زانكویا زاخۆ بۆ ئه‌ڤرۆ نیوز گوت: (ب ڤه‌كرنا ڤێ پێشانگه‌هێ مه ئه‌ند ئارمانجه‌ك هه‌بوون و ژ گرنگترین ئارمانجێن مه ئه‌و بوو كو په‌یوه‌ندیا زانكویا زاخۆ دگه‌ل جڤاك و خه‌لكێ ژدره‌ڤه‌ی زانكویێ باشتر لێ بكه‌ین و بۆ وێ چه‌ندێ ژی دو ترومبێلێن تایبه‌ت هات بونه ده‌ست نیشان كرن خه‌لكێ دناڤ سه‌نته‌رێ باژێری دا بێ به‌رامبه‌ر ڤه‌گوهێزنه دناڤ زانكویێ دا ب مه‌ره‌ما پشكداریكرنا وان كه‌سان دناڤ پێشانگه‌ها سالانه دا و هه‌ر دیسان مه پلان دانایه بۆ سالا بهێت هه‌ژماره‌كا زێده‌تر یا په‌رتوكخانه و ناڤه‌ندێن چاپێ و راگه‌هاندنێ ل پارێزگه‌هێن هه‌ولێرێ و سلێمانیێ پشكداری پێشانگه‌هێ بكه‌ین) .
زێده‌تر ناڤهاتی گوت ژی د پێشانگه‌ها ئه‌ڤساله دا زێده‌تر هه‌شت په‌رتووكخانه و چه‌ندین ده‌زگه‌هێن چاپێ و راگه‌هاندنێ یێ سه‌ر ب وه‌زاره‌تا ره‌وشه‌نبیری و هونه‌ری ڤه یا حكومه‌تا هه‌رێما كوردستانێ و چه‌ندین ده‌زگه‌هێن دیتر ب زێده‌تری 15 هزار په‌رتوكان پشكداری ڤێ پێشانگه‌هێ بوون و هه‌ر دیسان قوتابیان ژی ب رێژه‌یه‌كا باش پێشوازی لێكر و بریاره بۆ ماوه‌یێ سێ حه‌فتیان ئه‌و پێشانگه‌ه یا به‌رده‌وام بیت .
ئه‌ڤرۆ نیوز، زنار:
بریاره ئه‌ڤ شه‌ڤه یانا ریال مه‌درید ل یاریگه‌ها خوه سانتیاگو بێرنابیو مێڤانداریا یانا سێلتافیگو بكه‌ت ژ یاریێن گه‌را 24 ژ خولا ئسپانى یا ته‌پا پێ.
بۆ یاریا ئه‌ڤ شه‌ڤه ئه‌وا دێ ل ده‌مژمێر 11 شه‌ڤ هێته كرن پێكهاتیێ یانا ریال مه‌درید ب ڤى شێوه‌ى یه:
گۆلپارێز: تیبو كورتوا
به‌رگرى: كارفاخال، رافائێل ڤاران، سێرجیو راموس، مێندى
هێلا ناڤین: تونى كروس، كاسیمێرو، لوكا مودرێچ، ڤالڤێردى
هێرشبه‌ر: كه‌ریم بنزیما، ڤینیسیوس جونیور
ئه‌ڤرۆ نیوز:
ئه‌ڤرۆ حكومه‌تا چینێ ئاماره‌كا نوو یا نه‌خوشێن كورونایێ راگه‌هاند.
لگۆری ئه‌وێ ئامارێ هژمارا ئه‌و كه‌سین مرین ب ئه‌گه‌رێ ڤایرۆسێ كورونا بلند بوویه بۆ هه‌زار و 669 كه‌سان، كه‌سێن تووشبویی ب ڤایرۆسێ كورونا بۆ 79 هه‌زار و 268 كه‌سان بلند بوویه.
دهی زیده‌تری 140 كه‌سان گیانێ خو ژ ده‌ست دایه و زێده‌تری 2 هزار كه‌سین دی تووشی ئه‌ڤێ ڤایرۆسی بوون.
هه‌روه‌سا دهی كه‌سی ئیكێ یێ توشبوی ب نه‌خوشیا ڤایرۆشێ كورونا ل فه‌ره‌نسا گیانێ خو ژ ده‌ستدا.
حكومه‌تا مسرێ ژی راگه‌هاند ئێكه‌م كه‌س ل مسرێ كۆ كه‌سه‌كێ بیانی بۆ تووشی ڤایرۆسێ كورونا بوویه.
نيشاندان