ئه‌ڤرۆ نیۆز، عه‌زیز هه‌ورامی:
وته‌بێژی پۆلیسی سلێمانی ڕای ده‌گه‌ییه‌نێت پیاوێك خه‌سوی و هاوژینه‌كه‌ی ده‌كوژێت پاشان خۆشی ده‌كوژێت، پۆلیس لێكۆڵینه‌وه‌ی له ڕوداوه‌كه ده‌ست پێكردووه، شایه‌ت حاڵه‌كان باس له‌وه‌ده‌كه‌ن هاوژینی پیاوه‌كه چه‌ند ڕۆژێك بوو تۆرابوو گه‌ڕابویه‌وه ماڵی باوكی.
گوته‌بێژی پۆلیسی پارێزگای سلێمانی، به میدیاكانی ڕاگه‌یاند:” كاتژمێر 2ی پاش نیوه‌ڕۆی ئه‌مڕۆ هاوڵاتێك له گه‌ڕه‌كی كانی كورده پاش ئه‌وه‌ی خه‌سوی هاوژینه‌كه‌ی ده‌كوژێت خۆشی ده‌كوژێته‌وه.
گوته‌بێژی پۆلیسی پارێزگای سلێمانی وتیشی:” له‌گه‌ڵ گێشتنی هه‌واڵ پێمان پۆلیس گێشته شوێنی ڕوداوه‌كه و له‌لایه‌ن پۆلیسی لێكۆڵینه‌وه لێكۆڵینه‌وه له ڕوداوه‌كه ده‌ستی پێكردووه ته‌رمه‌كانیش بۆ نه‌خۆشخانه‌ی دادی سلێمانی گواستراونه‌ته‌وه.
هاوژینی پیاوه‌كه چه‌ند ڕۆژێكه تۆراوه ئه‌مڕۆ پیاوه‌كه هاتووه‌ته ماڵه‌كه و درگای چێشتخانه‌كه‌ی داخستووه سێ گوله‌ی ده‌مانچه‌ی به هاوژینه‌كه‌ییه‌وه ناوه پاشان گوله‌یه‌كی به خه‌سویه‌وه ناوه له كۆتایشدا گوله‌یه‌كی ناوه به سه‌ر خۆیه‌وه هه‌رسێكیان گیانیان له ده‌ست داوه.
پۆلیسی سلێمانی ده‌ڵێ، ته‌مه‌نی پیاوه‌كه و هاوژینه‌كه‌ی 20 ساڵان ده‌بێت و خه‌سوه‌كه‌ش ته‌مه‌نی له سه‌روی 40 ساڵ ده‌بێت و منداڵ له نێوان دووهاوسه‌ره كوژراوه‌كه نییه.
نيشاندان
