ئەڤرۆ نیوز:
زێدەتر ژ هزار كەسان بەرهەڤی مەراسیمێن ڤەشارتنا تەرمێ ناڤدارترین راهێنەرێ هەسپسواریێ و گەرۆکێ جیهانی (پاتریك بادی) بوون، کو وی 140 نەڤی هەنە و پشکەکا زۆر ژ وان پشکداری پرسا وی بوون.
رێوڕەسمێن ڤەشارتنا وی ل دەڤەرا یۆركشایەر ل ئنگلتەرا برێڤەچوون و خەلکەکێ زۆر بۆ مالئاڤاهی لێكرنێ پشکداری تێدا كربوو.
رۆژناما دەیلی مەیل یا بریتانی بەلاڤەکریە، ئەو زەلام بابێ 12 كوران بوو، د ژیێ 81 سالیێ دا وەغەر کریە و 140 نەڤی و هەڤژینا خوە یا د ژیێ 70 سالیێ دا بجهـ هێلاینە.
ئەڤرۆ نیوز:
وەزارەتا کارەبا حوکمەتا هەرێما کوردستانێ راگەهاند، ئەو وەلاتیێن گەلەک پارێن كارەبێ کەفتینە سەر و نەداین، دشێن ب 12 قستان وی پارەی بدەن.
وەزارەتا کارەبێ دەربارەی هەلمەتا بڕینا زێدەگاڤیان ل سەر کارەبا نیشتمانی گۆتیە، وەلاتیێن باژێرێ هەولێرێ ئاگەهدار دكەین كو پرۆسا بەستنا پیڤەرێن كارەبێ بۆ وان یەکێن ب زێدەگاڤی هاتینە دروستكرن دێ بەردەوام بیت، وەلاتی دشێن سەرەدانا فەرمانگەهێن كارەبێ بكەن بۆ بەستنا پیڤەرێ کارەبێ بێی کو بهێنە غەرامە کرن.
ئەڤرۆ نیوز:
رێڤەبەریا گشتی یا سەقاناسی و ئەردهەژا ل هەرێما کوردستانێ بەلاڤکر، ئەڤرۆ ئێکشەمبی حاجی ئۆمەران ساترین دەڤەرا هەرێمێ بوو.
هەروەسا رێڤەبەریا گشتی یا سەقاناسیێ بەلاڤکریە، ئەڤرۆ ئێکشەمبیێ دەڤەرا حاجی ئۆمەران سارترین دەڤەرا هەرێمێ بوو، دیسا نزمترین پلا گەرمێ ١١ پلە دبن سفرێ دا بوو.
پشتی حاجی ئۆمەران ژی، دەڤەرا کانی ماسێ، پێنجوێن، ئامێدی، ئاکرێ، چۆمان، بازیان، مانگێشکێ، دهۆک، سۆران، سیدەکان، رەواندوز، پیرمام، مێرگەسۆر، بامەرنێ، بارزان، هەلشۆ، سلێمانی، هەلەبجە، چەمچەمال سارترین دەڤەرێن ئەڤرۆ یێن هەرێمێ بوون.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا وەلاتیەکێ گیانێ خوە ژ دەستدا.
ناڤهاتی زێدەتر دا دیار کرن: ئەڤرۆ ئێکشەمبی 2.2.2020 د روودانەکا ترافیکێ دا ل ناڤا سەنتەرێ باژێرێ دھۆکێ دا د ناڤبەرا دو ترومبێلان دا روودایە، کو ترۆمبێلەکا تایبەت مازدا ل گەل ترۆمبێلەکا تایبەت جیب، د ئەنجامدا کەسەکێ گیانێ خوە ژ دەست دا و دو کەسێن دیتر ژی بریندار بوون، هەروەسا زیانێن مادی گەهشتنە هەردو ترۆمبێلان.
ئەڤرۆ نیوز:
هەژارێ شامل رۆژنامەڤان و نڤیسەرێ کورد ل روسیا دیار کر کو د ناڤ چەند مەهێن دووماهیێ دا بەرپرسێن بلند یێن روسیا دو جاران سەرەدانا هەرێما کوردستانێ کرینە، ئەو یەک ژی نیشا ددەت کو هەلویستێ روسیا ب رەنگەکێ باش ل هەمبەر کوردان هاتیە گوهۆرین و نها روسیا گرنگیەکا مەزن ددەتە هەرێما کوردستانێ و رۆژئاڤایێ کوردستانێ ژی.
نڤیسەرێ کورد ئەو یەک ژی دیار کر کو روسیا گرنگیەکا مەزن ددەتە رۆژئاڤایێ کوردستانێ ژی و ژ بۆ هندێ هزر و نێرینا سەرکردایەتیا کورد ل هەرێما کوردستانێ وەردگرن و سەرەدانێن ڤێ دووماهیێ ژی بۆ هندێ د گرنگن و ئەو یەک دێ بیتە ئەگەرێ هندێ کو پێگەهێ هەرێما کوردستانێ بهێز ببیت و کورد ل سووریێ ژی بگەهنە مافێن خوە، چونکو ل سووریێ چ تشتەک بێی رزامەندیا روسیا ناهێتە کرن.
ئه‌ڤرۆ نیوز، بارزان مزووری:
شێردل سمۆ رێڤه‌به‌رێ ناحیا ئه‌ترۆش بۆ ئه‌ڤرۆ نیوز گۆت: (د سالا 2019 دا ل سنورێ ناحیا ئه‌ترۆش بكۆژمێ 3 ملیار دینارا پرۆژه دبوارێن رێگاوبان و كاره‌با و ساخله‌می و چاندن و ئاڤ و هولێن بیره‌وه‌ریا یێن دروست كرین ژلایێ حكومه‌تا هه‌رێما كوردستانێ و وه‌زاره‌تا سامانێن سرۆشتی ب هه‌ماهه‌نگی دگه‌ل كومپانیێن د بوارێ ده‌رئینانا پترۆلێ كار دكه‌ن ل سنورێ بلۆكێ كومپانیێ).
ناڤهاتی خویاكر د نها دا كار دێ ل سه‌ر سێ پرۆژا هێت كرن دبوارێ رێگاو بان و هولێن خوێندنێ و ئاڤێ بكۆژمێ 276 ملیون دینارا ژلایێ به‌نكا نیڤده‌وله‌تی ڤه و گۆت: (بۆ ئه‌ڤ ساله ژماره‌كا مه‌زن د پلانێن مه‌دایه ژلایێ حكومه‌تا هه‌رێما كوردستانێ و وه‌زاره‌تا سامانێن سرۆشتی ب هاریكاریا وان كومپانیێن پترۆلێ یێن ده‌ڤه‌رێ كارێ ده‌رئینانا پترۆلێ دكه‌ن).
ئەڤرۆ نیوز:
فرۆکێن شەری یێن روسیا هێرشی بنگەهێن هێزێن چەکدارێن سەر ب تورکیا ل ئدلبێ و حەلەبێ کرن و د ئەنجام دا ب دەهان چەکدار هاتنە کوشتن، وەزارەتا دەرڤە یا تورکیا ژی نەرازیبوونا خوە دیار کر و راگەهاند کو دژواربوونا شەری ل ئدلبێ و حەلەبێ دێ رەوشێ ئالۆزتر لێ کەت و دێ بیتە ئەگەرێ هندێ کو ب هزاران وەلاتیێن سڤیل جارەکا دی بەرێ خوە بدەنە تورکیا و دلگرانیا خوە ل هەمبەر هێرشا فرۆکێن روسیا دیار کر.
ئه‌ڤرۆ نیوز، بارزان مزووری:
د بێوار خه‌نسی،راوێژكارێ ئه‌من و ئابوری ل هه‌رێما كوردستانێ و بسپور دبواری جیولوجیدا ئه‌ڤرۆ نیوز گۆت: (كابینه‌یا نوی یا حكومه‌تا هه‌رێما كوردستانێ ئه‌و پرۆژێن دروست كرنا به‌نداڤا یێن به‌ری نها كار ل سه‌ر هاتیه راوه‌ستاندن ل هه‌رسێ پارێزگه‌هێن سلێمانی و هه‌ڤلێر و دهوك بریار دایه بكۆژمێ 33 ملیار دینارا بۆ دوباره تمام كرنا پرۆژێ 12 به‌نداڤا سێ ژوان پرۆژا دكه‌ڤنه سنورێ پارێزگه‌ها دهوك ئێك ژوان پرۆژێ به‌نداڤا گه‌لیێ خه‌نس هه‌رسێ ژوان به‌نداڤێن پارێزگه‌ها دهوك 11 ملیار بۆ هاتینه دابین كرن).
به‌نداڤا خه‌نس ئێك ژوان پرۆژێن ستراتیجی یێن كومكرنا ئاڤێ یه كو ژلایێ حكومه‌تا هه‌رێما كوردستانێ ڤه 70% كار ل سه‌ر هاتیه كرن ل سالێن 2012 پرۆژه پێك دهێت ب بلندیا 30 م 5 ملیون مه‌تر چارگوشه یێن ئاڤێ تێدا كوم بكه‌ت ئه‌ڤ پرۆژه 10 م هاتینه دروست كرن پرۆژه هاتیه راوه‌ستاندن ئه‌ڤه‌ی 2014 هات بۆ راوه‌ستاندن ئه‌ڤه‌ی هاتیه راوه‌ستاندن مه‌ترسی بۆ زێده‌تری 15 گوندێن لبن به‌نداڤێ دا ل وه‌رزێ زڤستانێ دروست كربۆ ژبه‌ركۆ رێژه‌كا مه‌زن یا ئاڤا بارانێ تێدا كۆم دبۆ مه‌ترسیا په‌قینێ ل سه‌ر هه‌بوو.
ئەڤرۆ نیوز:
جۆتیار عادل پەیڤدارێ حوکمەتا هەرێما کوردستانێ راگەهاند کو دێ حوکمەت ل سەر پرۆژێ خوە یێ چاکسازیێ بەردەوام بیت، مخابن هندەک کەس و هێز ئاریشە دروست کرینە و ناهێلن غاز بگەهیتە وەلاتیان ل هەولێرێ و دهۆکێ.
فراکسیۆنا پارتی ل پەرلەمانێ کوردستانێ ژی ئەڤرۆ راگەهاند کو هندەک کەسێن مافیا ناهێلن غاز بگەهیتە وەلاتیان و ئاریشان بۆ خەلکی ل هەولێرێ و دهۆکێ دروست دکەن و ئەو یەک ژی ب چو رەنگەکێ ناهێتە قەبوولکرن و دڤێت یا پێدڤی ل دژی وان کەسان بهێتە کرن.
نيشاندان