ئەڤرۆ نیوز:
یانا لیڤه‌رپۆل ٢-٢ ل گه‌ل یانا شریوزبێری وەکهەڤبوو، کو ئەو یانە ل پلا سێی یا ئینگلته‌را یاریێ دکەت.
لیڤەرپۆل ل گەل یانەکا پلە سێ دا وەکهەڤ بوو
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سه‌ره‌كى Facebook
ئەلمانیا جارەکا دی دەست ب راهێنانکرنا هێزێن پێشمەرگەی کرەڤە
ئەڤرۆ نیوز:
پشتی راگرتنێ ژبەر ئالۆزیێن د ناڤبەرا ئەمریکا و ئیرانێ دا، هێزێن ئەلمانیا دوبارە دەست ب راهێنانکرنا هێزێن پێشمەرگەی کرن.
پەیڤدارێ هێزێن ئەلمانیا بۆ ئاژانسا ئەسۆشێتد پرێس یا ئەمریکی راگەهاند، ئەڤرۆ ئێکشەمبیێ ، جارەکا دی هێزێن ئەلمانیا ل هەولێرێ دەست ب راهێنانکرنا هێزێن پێشمەرگەی کر، ئەڤە ژی پشتی ڕاوەستاندنێ بۆ دەمێ سێ حەفتیان، ژبەر ئالۆزیێن ئەمریکا و ئیرانێ و دەڤەری ب گشتی.
هەروەسا گۆتیه ژی، هێزێن ئەلمانیا کارێن خوە ل عێراقێ دەست پێنەکرینەڤە، ژبەرکو پشتی کوشتنا قاسم سلێمانی، هێزێن ئەلمانیا کو هژمارا وان ٣٥ لەشکەر بوون، ل حەفتێ ڤێ هەیڤێ خوەژ دەڤەرێن عێراقێ بەر ب کوەیت و ئوردن ڤەکشیان.
گەندەلترین و شەفافترین وەلات یێن سالا 2019 هاتنە دیار کرن
ئەڤرۆ نیوز:
رێکخراوا شەفافیەتا نێڤدەولەتی راپۆرتا سالا 2019 دەربارەی گەندەلیا وەلاتان بەلاڤە کریە و وەلات ب سەر 180 پلان دا پۆلینکرینە و عیراق ژی شەش پلان ئاستێ وێ بلندتر بوویە ژ ئالیێ روو ب رووبوونا گەندەلیێ، هەر چەندە هێشتا پێنگاڤێن روو ب رووبوونا گەندەلیێ ل سەر ئاستێ جیهانێ د سستن و بەرەف پێشچوونەکا کێم د روو ب رووبوونا گەندەلیێ هەیە.
وێ راپۆرتێ، پێنج شەفافترین وەلات ل سەر ئاستێ جیهانێ بەلاڤ کڕینە، ژ ئێکێ هەتا پێنجێ، ئەو ژی دانیمارک، نیوزلەندا، فینلەندا، سەنگافوور و سویسرا.
هەروەسا گۆتیە، گەندەلترین وەلاتێن جیهانێ ئەو وەلاتن، کو نوکە روو ز روو قەیرانێن مەزن و هندەک ژی تۆشی شەرێ نافخۆیی بووینە، ژ وان ژی سۆمال ل پلا 180 دهێت، گەندەلترین وەلاتە، پاشی سوودانا باشوور دویەم گەندەلترین وەلاتێ جیهانێ یە و ل پلا 179 دهێت، سووریا ل پلا 178، یەمەن ل پلا 177 و ڤەنزوێلا ل پلا 176 وەلاتیدا دهێت، ئیران ژی ل پلا 146 دهێت، عیراق ژی ل پلا 162 دهێت.
راپۆرتێن رێکخراوا شەفافیەتا نێڤدەولەتی باوەریەکا نێفدەولەتی هەیە و زانیاریێن خوە ژ پرانیا سازی و ناڤەندێن گرنگ یێن وەلاتان و جیهانێ ب هەند وەردگریت.
ئالیێن شیعی گەهشتنە رێككەفتنێ
ئەڤرۆ نیوز:
ئالیێن شیعی ل سەر كاندیدكرنا مستەفا كازمی سەرۆكێ بەرێ یێ دەزگەهێ هەوالگریا عێراقێ رێككەفتینە بۆ وەرگرتنا پۆستێ سەرۆك وەزیران.
میدیایێن عێراقی بەلاڤکرینە، ئەڤرۆ ئێكشه‌مبی 26-1-2020 پرانیا ئالیێن شیعی گەهشتینە رێككەفتنێ ل سەر پێدانا پۆستێ سەرۆك وەزیرێن عیراقێ ب مستەفا كازمی و بریارە ب فه‌رمی ناڤێ دی پێشكێشی سه‌رۆك كۆماری بكه‌ن، ب مه‌به‌ستا راسپاردنێ بۆ پێكئینانا كابینا نوو یا حوکمه‌تێ.
هەروەسا ئالیێن شیعان ل بەرە ناڤێ وی كاندیدی پێشكێشی سه‌رۆك كۆمارێ عیراقێ بكه‌ن، بۆ هندێ کو ب فه‌رمی بهێتە راسپاردن بۆ پێكئینانا كابینا نوو یا حوکمه‌تێ.
هژمارەکا مۆشەکان بۆ بالیۆزخانا ئەمریکا هاتنە ئاراستە کرن
ئەڤرۆ نیوز:
بەری دەمەکێ سێ مۆشەک ل دەڤەرا کەسک و نێزیک بالیۆزخانا ئەمریکا ل بەغدا کەفتن، ئەڤ شەڤە پێنج موشەک ئاراستەی بالیۆزخانا ئەمریکا ل بەغدا هاتنە کرن هەموو مۆشەک ل نێزیک بالیۆزخانێ کەفتنە خوارێ، لێ چ زیانێن گیانی و ماددی نەبوون.
ژئەگەرێ هەبوونا سیستەکێ دژە موشەکان د بالیۆزخانا ئەمریکا دا، موشەک بەر بالیۆزخانێ نەکەفتینە.
هاریکاریا خەلکێ لێقەومی یێ باکورێ کوردستانێ کر
ئەڤرۆ نیوز:
سترانبێژێ ناڤدارێ تورکیا تارکان هەڤخەمیا خوە بۆ کوردێن باژێرێ خارپێتێ یێ باکورێ کوردستانێ دیار کر و سەد هزار لیرێن تورکیا ژی وەکو هاریکاری پێشکێشی خەلکێ لێقەومی کر و داخواز ژ هەموو هونەرمەندێن تورکیا ژی کر کو هاریکاریا خەلکێ لێقەومی ل باژێرێ خارپێتێ یێ باکورێ کوردستانێ بکەن کو ژ بەر بیڤەلەرزێ تووشی زیانێن گیانی و مادی بووینە.
چەند پرۆژەک ب کۆمپانیەکا نەفتێ دهێنە دان
ئەڤرۆ نیوز، عەلی حاجی :
دیندار حسێن ژ قایممقامیا زاخۆ د داخویانیەکێ دا بۆ ئەڤرۆ نیوز ئاشکەرا چەند پروژەیەک ب کومپانیا نەرویژی DNO هاتینە دان داکو سالا نوو ب داهاتێ خوە ل زاخۆ جێبەجێ بکەت .
زێدەتر دیندار حسێن گوت: (بۆ ڤێ چەندێ ژی کومبونەک هات بوو ئەنجام دان دناڤبەرا قاییمقامێ زاخۆ و نوونەرێ کومپانیا نەرویژی و رێڤەبەرێن سێ ناحیێن سەر ب زاخۆ ڤە ، کو تێدا گەنگەشەیا وێ چەندێ هاتە کرن کو کومپانیا ناڤبری دشیان دایە چەند پروژەیەکان ل زاخۆ ئەنجام بدەت ل سالا ٢٠٢٠ دا ، ل سالا ٢٠١٩ کومپانیا ناڤهاتی شیا بوو چەندین پروژەیین ئاڤێ نێزیکی شەش گوندێن سەر ب قەزا زاخۆ ڤە جێبەجێ بکەت و هەر دیسان پارەیێ ڤەگوهاستنا وان قوتابیان ب ستویێ خوە ڤە گرت بون یێ قوتابخانە دناڤ گوند و کومەلگەهێن وان دا نەبوین).
و گوت ژی ب رێیا نڤێسارەکێ دێ هندەک پروژە بۆ کومپانیێ هێنە رەوانە کرن دا کو ئەو ژی ژلایێ خوە و ل دووڤ شیانان هندەک پرۆژان ل زاخۆ ئەنجام بدەن و بکەڤنە خزمەتا هاولاتیان دا و هەر دیسان ئەو پروژەیێن دهێنە پيشکێش کرن هەر سێ ناحیێن سەر ب قەزا زاخۆ ڤە ژی ب خوە ڤە دگریت.
خواندنگه‌هه‌كا ئاماده‌ی ل باعه‌درێ دبیته خودان په‌رتوكخانه‌كا گشتی
ئه‌ڤرۆ نیوز، بارزان مزووری:
ئه‌ڤرۆ سپێدێ رێكه‌فتی 26/1/2020 ب به‌شداریا رێڤه‌به‌رێ ناحیا باعه‌درێ و رێڤه‌به‌رێ په‌روه‌ردا قه‌زا شێخان و ره‌وشه‌نبیرۆ و نڤیسه‌رێن ده‌ڤه‌رێ ژلایێ په‌روه‌ردا قه‌زا شێخان په‌رتوكخانه‌ك گشتی دناڤ ئاماده‌یا باعه‌درێ یا تێكه‌ل هات ڤه‌كرن.
ئه‌سعه‌د محی الدین،رێڤه‌به‌رێ په‌روه‌ردا قه‌زا شێخان بۆ ئه‌ڤرۆ نیوز گۆت: (ئێك ژ وان پلانێن وه‌زاره‌تا په‌روه‌ردێ كۆ په‌رتوكخانه ل خوێندنگه‌ها بهێن ڤه‌كرن ئه‌ڤرۆ مه وه‌ك په‌روه‌ردا شێخان ئه‌ڤ پلانه جێ به جێ كر په‌رتوكخانه‌كا گشتی یا مه‌زن دناڤ ئاماده‌یا باعه‌درێ یا تێكه‌ل ڤه‌كر بۆ قوتابیێن خوێندنگه‌هێ بۆ وان كه‌سێن ده‌رڤه‌ی خوێندنگه‌هێ ئه‌وێن حه‌زا خاندنا په‌رتوكێ هه‌ی).
ناڤهاتی خویاكر سالانه ژماره‌كا په‌رتوكا ژلایێ وه‌زاره‌تا په‌روه‌ردێ ڤه دگه‌هنه په‌روه‌ردا گشتی ئه‌وژی لدوڤ رێژا خواندنگه‌ها په‌رتوك دهێن دابه‌شكرن بۆ په‌روه‌ردێن سه‌ر ب په‌روه‌ردا گشتی ڤه ،ئه‌و خوێندنگه‌هێن جهێ ڤالا هه‌بیت وان خوێنگه‌ها په‌رتوكخانێ تێدا دروست كه‌ین كورسی و مێزه و جهێ دانانا په‌رتوكا بو دابین دكه‌ین.
عومه‌ر فه‌خری به‌رپرسێ راگه‌هاندنا په‌روه‌ردا شێخان بۆ ئه‌ڤرۆ نیوز گۆت: (ئه‌ڤ جورێن په‌رتوكا دناڤ وان په‌رتوكخانا گه‌له‌ك د گرنگن بۆ قوتابیا بۆ وه‌رگرتنا زێده‌تر زانیاریێن گشتی بۆ قوتابی ،پێتڤیه قوتابی نه بتنێ سیسته‌مێ خۆ یێ دناڤ په‌رتوكێ دا بخوینیت به‌لكۆ ڤان جورێن په‌رتوكا بخینیت دا زێده‌تر زانابیت ده‌مێ ل خوێندنگه‌هێ ژی دوماهیك دهێت).
کاروانەکێ دی یێ هاریکاریان گەهشتە رۆژئاڤا
ئەڤرۆ نیوز:
هەڤپەیمانیا نێڤدەولەتی یا شەرێ ل دژی داعشێ ئەڤرۆ دیار کر کو وان کاروانەکێ دی یێ هاریکاریێن سەربازی رەوانەی رۆژئاڤایێ کوردستانێ کرینە دا هێزێن سووریا دیموکرات بشێن بەردەوامیێ بدەنە خەباتا خوە یا ل دژی داعشێ ل باکورێ سووریێ و دەڤەرێن دی یێن وی وەلاتی.
هەڤپەیمانیا نێڤدەولەتی دیار دکەت کو هەتا شەرێ وان ل دژی داعشێ بەردەوام بیت ئەو دێ هاریکاریا هێزێن سووریا دیموکرات کەن.
ل دۆر ئاریشا گلێشی پەرلەمانتارێن زاخۆ کۆمبوونەک دگەل کۆمپانیا هیزل ئەنجام دا
ئەڤرۆ نیوز، عەلی حاجی :
هژمارەکا ئەندام پەرلەمانتارێن کوردستانێ ل زاخۆ دگەل قایممقامێ زازۆ و سەروکێ باژێرڤانیا زاخۆ و کومپانیا هیزل کومبونەک ل دور ئاریشەیا گلێشی ئەنجام دان.
حکمەت محەمەد گەودا د داخویانیەکێ دا بۆ ئەڤرۆ نیوز گوت: (ئەڤ کومبونە پشتی وێ یەکێ هات هاولاتیێن زاخۆ بەردەوام گانزدەیا وێ چەندێ دکەن کومپانیا هیزل ب دروستی ب ئەرکی خوە نارابیت و گلێشێ ل بەر مالێن هاولاتیان درەنگ وەخت دهێتە راکرن و هەر دیسان ئەو گلێشێ دهێتە راکرن ژی ل نێزیک باژێری دهێتە ڤالا کرن و پاش دهێتە سوتن، داکو بزانین ئاریشەیا سەرەکی یا ڤان ئاریشەیان ل کێرێ دایە مە ئەڤ کومبونە ئەنجام دایە و هەر دیسان گلێشەکێ زور ل زاخۆ دهێتە کومڤەکرن ژبەرکو رێژەیەکا زور یا ئاواران ژی هاتیە زاخۆ بەلێ ئەڤە نابیتە گروڤە بۆ کومپانیا ناڤبری ژبەر کو وێ تەندەر قەبول کری یە و دڤێت کارێ خوە ئەنجام بدەت و هەر دیسان نابیت ب هیچ رەنگەکێ ئەو جهێ نوکە گلێش لێ دهێتە دانان ئێدی جارەکادی گلێش ل وی جهی بهێتە کومڤە کرن).
و گوت ژی پێدڤیە جهەکێ دیتر بۆ کومڤەکرنا گلێشی بهێتە دانان و پشتی کومبونا مە ب دوماهی هاتی دێ ب رێیا راپورتەکێ دیفچوونا ڤی بابەتی کەین ژبەرکو بتنێ هاولاتی زەرەرمەندێ ئێکێ یێ ڤێ ئاریشەیێ و پێدڤی یە زووترین دەم دا بهێتە چارەسەر کرن .
نيشاندان
WP Facebook Auto Publish Powered By : XYZScripts.com