ئەڤرۆ نیوز، عەلی حاجی :
د داخویانیەکێ دا رێڤەبەرێ ناحیا رزگاری بۆ ئەڤرۆ نیوز دیار کر رێیا سەرەکێ ژ ئیبراهیم خەلیل بۆ دێرەبونێ ماوەیێ شەش سالایە کار د دروست کرنا سایدەکێ ژ وێ جاددەیێ مایە هەلاویستی و روودانێن هاتن و چوونێ ل وێ جاددەیێ بورەڤ زێدەبونێ ڤە دچن.
زێدەتە ئەندازیار سەربەست دێوالی گوت : ئەڤ جاددەیە زور یا گرنگە ژبەر دو دەروازەیێن نێڤ دەولەتی ئیبراهیم خەلیل و سێمالکا ب ئێک ڤە گرێدەت و هەتا نوکە رێێا ئیبراهیم خەلیل بۆ دێرەبونێ سایدەکێ وێ ٨٥٪ کار تێدا ب دوماهی هاتی یە و ٢٥٪ مایە و ئەو پشکا مایی ژی خەلک بەردەوام گازندەیێ دکەن ژبەر کو ژبەر وێ پشکا مایی رێک هاتیە گرتن ژبەر ڤێ چەندێ روودانێن هاتن و چوونێ بەرەڤ زێدەبونێ ڤە چووینە،ئەڤ پشکا مایی ژ سالا ٢٠١٤ هەتا نوکە مایە هەلاویستی ئەڤە پشتی وێ چەندێ هات کو قەیرانا دارایی ب سەر کوردستانێ دا هاتی پشتی حکومەتا عێراقێ پشکا کوردستانێ ژ بودجەیێ بری.
و گوت ژی : وەبەرهێنەرێ پروژەیی بەرهەڤ نینە پشکا مایئ دروست بکەت ژبەر کو ئەڤە ئێک ژ وان پروژەیایە حکومەتێ چو بودجە تەرخان نەکرینە و وەکو ناحیا رزگاری و قایممقامێ زاخۆ بەردەوام ل سەر خەتی نە دگەل رێڤەبەریا گشتی یا رێک و پرا ل پارێزگەها دهوکێ داکو ئەڤ کێشەیە بهێتە چارەسەر کرن،هەر چەندە ل هندەک جهان بتنێ قاتەکێ قیرێ ل جاددێ دایە بەلێ هەردەما جاددە بهێتە ڤەکرن نوکە دا دێ جارەکادی تێک چیتەڤە لەورا یا گرنگە ئەو پشکا مایی ژ جاددێ بهێتە تەمام کرن و دوبارە کار ل سەر دروست کرنا پشکا مایی بهێتە کرن ڤە.
ئه‌ڤرۆ نیوز،بارزان مزووری:
ئه‌ندازیار خالد نه‌رمۆ سه‌رپه‌رشتێ نوژه‌نكرنا په‌رستگه‌ها لالش بۆ ئه‌ڤرۆ نیوز گۆت: زانكۆیا “بنسلڤانیا pensilvanya” كۆ یا ب تایبه‌تمه‌نده دبوارێ نوژه‌نكرنا جهێن شینواری دا 10% كار ل سه‌ر نوژه‌نكرنا په‌رستگه‌ها سه‌ره‌كی كۆ پیرۆزترین جهێ ئاینی یه ل په‌رستگه‌هێ كریه، ژلایێ كه‌سێن شه‌هره‌زانه دبوارێ نوژه‌نكرن و پاراستنا شینواران دا یێن بیانی.
ناڤهاتی خویاكر پرۆژێ نوژه‌نكرنا په‌رستگه‌ها سه‌ره‌كی یا لالش ژلایێ وه‌زاره‌تا ده‌رڤه یا ئه‌مریكا ب رێكا قونسولێ گشتی ل به‌غدا بودجه‌یه‌ك هاتیه دابین كرن بكۆژمێ 500 هزار دولارا بۆ نوژه‌نكرنا په‌رستگه‌ها سه‌ره‌كی كۆ لدوڤ رێكه‌فتن نامه‌یا دناڤبه‌را جڤاتا روحانیا ئێزدیان و زانكۆیا “بنسلڤانیا pensilvanya” هاتیه ئیمزاكرن لدوڤ ماستر پلانا حوكمه‌تا هه‌رێما كوردستانێ دروست كری ، ماوێ پرۆژه‌ی ئێك ساله لدوڤ رێكه‌فتنا هاتیه ئیمزاكرن د ده‌مێ خۆدا دێ كار دوماهیك هێت.
ناڤهاتی گۆت هه‌رچه‌نده ئه‌ڤه زێده‌تری ساله‌كێ یه پرۆسه‌یا نوژه‌نكرنێ یا به‌رده‌وامه ژلایێ خێرخازان ڤه زێده‌تری 500 ملیۆن دینار لێ هاتینه مه‌زاختن قوناغێن جودا یێن په‌رستگه‌هێ هاتینه نوێژه‌نكرن رێژا 10% ،
ناڤهاتی زێده‌تر گۆت نوێژه‌نكرنا په‌رستگه‌ها سه‌ره‌كی یا لالش ئاسته‌نگ بۆ وه‌لاتیان دروست نه‌كریه خه‌لك به‌رده‌وام سه‌ره‌دانا په‌رستگه‌هێ دكه‌ت بۆ راكرنا ئه‌ركێ خۆ یێ ئاینی .
ئەڤرۆ نیوز،عەلی حاجی :
د کۆنفرانسەکی دا ل باژێرێ زاخۆ ب ئامادەبونا چەند کۆمەلە و سەندیکا و سەنتەران ل زاخۆ دەستەیەکا نوو یا جڤاکا سڤیل ل زاخۆ هاتە دانان.
دلخاز موسا بەرپرسێ دەستەیا جڤاکا سڤیل زاخۆ بۆ ئەڤرۆ نیوز گۆت: ئەڤ دەستەیە ب مەرەما ب وێ چەدنێ هاتیە دامەزراندن دا کو ب رێیا ڤێ دەستەیێ ئەم بشێن پەیاما وه‌لاتیان بگەهیننە دەسەلاتێ و ئەڤ دەستەیە ژ ٢٧ کەسان ژ دەستەکا گشتی و پێنچ کەس ژ دەستەکا کارگێری پێک دهێت و هەیڤانە ژی ئەڤ دەستە دێ کۆم بیت و یان ژی هەر بوه‌یەرەک یان بەیاننامەیەک بهێت دێ ئەڤ دەستەیە کۆمبونان ئەنجام دەن ل دور هەر بوویەرەکێ و ئەو کەسێن بوینە ئەندام هەمی ژ کۆمەلە و سەنتەر و سەندیکایێن نەحکومی پێک دهيت و وەکو دەستە مە چو چالاکی نابن بەلێ بتنێ دێ پەیاما خەلکی گەهینن. و گۆت ژی : ئەم ب هێڤی نە ئەڤ دەستەیە ب رژدی کار بکەت داکو بشێن ب رێیا بەیاننامە و خرڤەبونان بشێن پەیاما خەلکێ بگەهینن جهێ مەبەست و ئەڤ دەستەیە ژی دێ نوونەرایەتیا تەخ و چینێن جودایێن باژێرێ زاخۆ کەت.
ئه‌ڤرۆ نیوز،عه‌لی حاجی :
سه‌رۆكێ سه‌نته‌رێ زاخۆ بۆ ڤه‌كۆلین و ئه‌ده‌بیاتێن كوردی د داخویانیه‌كێ دا بۆ ئه‌ڤرۆ نیوز دیار كر بۆ سالا نوو وه‌كو زانكۆیا زاخۆ 20 په‌رتووكێن جودا ل دۆر كوردان به‌رهه‌ڤكرینه بۆ چاپكرنێ و رێژه‌یه‌كا زێده‌تر یا چاپكرنا په‌رتووكان ل به‌ر ده‌ست بوون به‌لێ بۆ ڤێ گه‌رێ بتنێ 20 په‌رتووك هاتنه هه‌لبژارتن. زێده‌تر پ.ه.د.عه‌بدولسه‌لام نه‌جمه‌ددین گۆت : وه‌كو سه‌نته‌رێ سه‌نته‌رێ زاخۆ ب مه‌ره‌ما پێشڤه‌برنا پلانێن زمانی د پاشه‌رۆژێ دا 20 په‌رتووك نوكه ئاماده‌نه بۆ چاپكرنێ و كار د وان په‌رتووكان دا ب دوماهی هاتینه و هاتینه ره‌وانه كرن بۆ وه‌لاتێ توركیا ب مه‌ره‌ما چاپكرنێ و ئه‌و په‌رتووك ژی ل دور جوگرافیا و مێژوویا كه‌ڤن و نوو و ئه‌ده‌بیات و زمانێ كوردی و ئافره‌تا كورد ب بابه‌تێن ڤه‌كۆلینێن ئه‌كادیمی و زانستی یێ مامۆستا و كه‌سانێن شاره‌زانه و هه‌ر چه‌نده زێده‌تری 20 په‌رتووكان لبه‌ر ده‌ست هه‌بوون بۆ چاپكرنێ به‌لێ بۆ ڤێ گه‌رێ بتنێ 20 په‌رتووك دێ هێنه چاپ كرن ل دور وه‌شاندنا په‌رتوكان و گۆت ژی : بریاره ل هه‌یڤا دو یا ئه‌ڤ ساله ئه‌ڤ په‌رتووكه بهێنه به‌لاڤ كرن و دێ رێ و ره‌سمێن تایبه‌ت ژی ب مه‌ره‌ما ئیمزا كرنا وان په‌رتووكان هێنه گێران داكو نڤیسیه‌ر بشێن كورتیه‌كێ ل سه‌ر وان په‌رتووكان به‌حس بكه‌ن و ئارمانجا مه ژی ژبه‌ر وێ چه‌ندێ بوو ودا كو بیروچوونێن خه‌لكێ و خه‌لكێ ژده‌رڤه‌ی كوردستانێ كو ب چو شێوه‌یه‌كێ هزر بۆ كوردان دكه‌ن و زێده‌باری وێ چه‌ندێ ژی مه پشكه‌كا ڤه‌كولینان هه‌بن ل دور شه‌نگه‌سته‌یا زمانه‌كێ دروست بۆ جڤاكێ مه .
ئه‌ڤرو نیوز، مه‌حمود نهێلى:
ب تمام بوونا كارێ پرۆژێ هایدروپاوه‌رێ دێره‌لۆك دێ شێت 38 میڤاڤولت ئه‌مپێرێن كاره‌بێ به‌هه‌م ئمین و نوكه كاركرن د دڤێ پرۆژه‌ى دا به‌رده‌وامه و رێژا چێكرنا وێ نێزیكى 69% بوویه كو پێدڤیه د هه‌یاما 1600 رۆژان دا ب داوى بهێت.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیار كر، كو ئه‌ڤه ئێكه ژ پرۆژه‌یێن ستراتیژى ل ده‌ڤه‌رێ دهێته چێكرن و گۆت : ئه‌ڤ پرۆژه‌یه ژ دوو قوناغان پێكدهێت كو قوناغا ئێكێ پێك دهات ژ چێكرنا وێستگه‌هێ كاره‌بێ و ل گه‌ل كێشانا هێله‌كا كاره‌بێ یا 133 كه‌یڤى ل سه‌رسنكێ بۆ دێره‌لۆكێ و كوژمێ 22 ملیۆن و 400 هزار دۆلاران بۆ هاتبوونه ته‌رخانكرن و نوكه 100% ب داوى هاتیه.
رێڤه‌به‌رێ ناحیا دێره‌لۆك دیار ژى كر، قوناغا دوویێ ژ چێكرنا سكرى و ل گه‌ل توربینا پێك دهێت و كوژمێ 129 ملیۆن دۆلاران بۆ هاتبوونه ته‌رخانكرن و نوكه نێزیكێ 69% هاتیه چێكرن و گۆت: ماوێ ڤى پرۆژه‌ى 1600 رۆژن و دێ 18 میتران هێته بلندكرن و فره‌هیا بنێ سكرى 17 میترن و جادا سه‌ر سكرى دبیته 5 میتر.
ناڤهاتى ئاشكراكر، كو ل ده‌مێ تمام بوونا ڤى پرۆژه‌ى كو ژ دوو توربینا پێك دهێت ، دێ دورێن (38 میگا ڤولت ئه‌مپیرێن) كاره‌بێ به‌رهه‌م ئینت كو هه‌ر ئێك میگاڤولت دبیته هزار كه‌یڤیێن كاره‌بێ و دێ ل گه‌ل كاره‌با نیشتیمانى ڤه هێته گرێدان.
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ، بریارا گرتن و راوه‌ستاندنا كارۆچالاكیێن 33 كۆمپانیێن ده‌رمان و پیدڤیێن نوژداری دا.
وه‌زاره‌تا ساخله‌میێ د راگه‌هاندنه‌كێ دا دیاركر پشتی چه‌ندین هه‌یڤان بۆ ده‌لیڤه‌دان ژبوی نووكرن و پێگیربوونا كۆمپانیان ب رێنمایێن وه‌زاره‌تا ساخله‌میێ و ئاگه‌هداركرنا وان، وه‌زاره‌تا ساخله‌میێ ل قوناغا چاكسازیێ ل بیاڤێ ده‌رمان و پیدڤیێن نوژداری، ژبه‌ركو پێگیر نه‌بوون ب رێنما و پیڤه‌رێن نووكرنا موله‌تێ و كوگه‌هكرنێ، بریارا گرتنێ و راوه‌ستاندنا كارێ 33 كۆمپانیێن ده‌رمان پێدڤیێن نوژداری ل هه‌رێما كوردستانێ دا.
هه‌ر دوێ راگه‌هاندنا وه‌زاره‌تا ساخله‌میا هه‌رێما كوردستانێ دا هاتیه دپێخه‌مه‌تا به‌رژه‌وه‌ندیێن گشتی، وه‌زاره‌تا ساخله‌میێ، رێڤه‌به‌راتیا كوالیتیا كونترۆلكرنا جوری یا ده‌رمان و پێدڤیێن نوژداری، سه‌ندیكا ده‌رمانسازان و سازیێن ساخله‌میێ ل كه‌رتێ گشتی و كه‌رتێ تایبه‌ت، ئاگه‌هداریا بجهكرنا بریارێ رۆژا ده‌ركه‌فتنا وێ یه، پشت به‌ستن بڤێ بریاری چ كار و چالاكیان ل گه‌ل ئه‌وان كۆمپانیان ئه‌نجام ناده‌ن.
ئه‌ڤرۆ نیوز ، زنار تۆڤی:
ب داخوازنامه‌كا فه‌رمی، نێچیرڤان بارزانی سه‌رۆكێ هه‌رێما كوردستانێ دێ پشكداریێ د كوربه‌ندێ ئابووری یێ داڤۆس دا كه‌ت، كو سالانه ئه‌ڤ كوربه‌نده ل( 21_24) كانوونا دویێ ل باژێرێ داڤۆس ل وه‌لاتێ سویسرا دهێته ئه‌نجامدان، هه‌روه‌سا سه‌رۆكێ هه‌رێمێ دێ ل گه‌ل سه‌رۆكێ ئه‌مریكا و سكرتێرێ گشتی یێ نه‌ته‌وێن ئێكگرتی كۆم بیت.
سه‌رۆكێ په‌یمانگه‌ها ڤه‌كولینێن كوردی ئه‌مریكی، كارۆخ خوشناو، دیار كر كو پشكداریا نێچیرڤان بارزانی سه‌رۆكێ هه‌رێما كوردستانێ د كوربه‌ندێ ئابووری یێ داڤۆس دا ل وه‌لاتێ سویسرا گه‌له‌ك گرنگیا خوه یا هه‌ی، هه‌روه‌سا پشكداریا سه‌رۆكێ هه‌رێمێ د وی كوربه‌ندی دا، گرنگیا جیۆپولوتیكی یا هه‌رێما كوردستانێ دیار دكه‌ت، كو هه‌رێما كوردستانێ خودانا پێگه‌هه‌كێ ستراتیژی یێ گرنگ و ب هێزه، چونكی ل سه‌ر ئاستێ جیهانێ ب تنێ تاكه هه‌رێم كو پشكداریێ د ڤی كوربه‌ندی دا دكه‌ت، هه‌رێما كوردستانێ یه، هه‌روه‌سا بریاره نێچیرڤان بارزانی سه‌رۆكێ هه‌رێما كوردستانێ ل گه‌ل هه‌ر ئێك ژ سه‌رۆكێ ئه‌مریكا دۆنالد تره‌مپ و ئه‌نتۆنیۆ گۆتیرێز سكرتێرێ گشتی یێ نه‌ته‌وێن ئێكگرتی كۆم بیت، ئه‌ڤه ژبه‌ر پێگه‌هێ ستراتیژی و جیۆپۆلوتیكی یێ هه‌رێما كوردستانێ یه، چونكی د نوكه دا كوردستان بوویه ده‌ڤه‌ره‌كا ئارام و سه‌قامگیر، كو تێدا هه‌موو پێكهاتێن وێ ب ره‌نگه‌كێ ئازاد و رێزگرتی ڤه دژین، دیسان ل ڤێ ده‌ڤه‌رێ كو جهێن وه‌كو هه‌رێما كوردستانێ د ئارام نینن، ژ بلی وه‌لاتێ ئسرائیلێ، كو ل وی وه‌لاتی ژی هه‌موو پێكهات ب ئازادی دژین، له‌وما هه‌رێما كوردستانێ هژماره‌كا خواندی یا گرنگه ل ده‌ف ئه‌مریكا و جڤاكێ نێڤده‌وله‌تی و نه‌ته‌وێن ئێكگرتی ڤه، حسێب بۆ هه‌رێما كوردستانێ دهێته كرن، هه‌روه‌سا دیدارا سه‌رۆكێ هه‌رێما كوردستانێ د وی چارچۆڤه‌ی دایه، كو هه‌رێما كوردستانێ گه‌له‌ك گرنگیا خوه هه‌یه ژ ئالیێ جڤاكێ نێڤده‌وله‌تی و وه‌لاتێن رۆژئاڤایی و ئه‌مریكا ڤه، هه‌روه‌سا هه‌بوونا وێ ئارامیێ و پێكڤه ژیانا ل كوردستانێ هه‌ی وه‌كریه، كو كوردستان بگه‌هیته ڤێ ئاستێ بلند، دیسان ئه‌و عه‌ره‌ب و مه‌سیحیێن ل عیراقێ هاتینه ده‌ركرن، هاتینه هه‌رێما كوردستانێ و ب ئارامی لێ دژین، ئه‌ڤێ چه‌ندێ گه‌له‌ك سه‌رنجا وه‌لاتێن رۆژئاڤا راكێشایه، ب تایبه‌تی ژی ئه‌مریكا.
كارۆخ خۆشناو، سه‌رۆكێ په‌یمانگه‌ها ڤه‌كولینێن كوردی ئه‌مریكی، هێشتا دبێژیت: هه‌رێما كوردستانێ كاریگه‌ریا راسته‌وخوه هه‌بوو ل سه‌ر تێكشكاندنا تیرۆرستێن داعش، چونكی هه‌رێما كوردستانێ ئێك بوو، ژ فاكته‌رێن هه‌ره ب هێز یێن ژناڤبرنا داعشێ، له‌وما دێ سه‌رۆكێ ئه‌مریكا ل گه‌ل سه‌رۆكێ هه‌رێما كوردستانێ ل داڤۆس كۆم بیت، هه‌روه‌سا بۆ ئێكلاكرنا وێ ململانێیا د ناڤبه‌را ئه‌مریكا و ئیرانێ ژی دا هه‌ی، حسێب بۆ هه‌رێما كوردستانێ دهێته كرن، دیسان ئه‌مریكا گه‌له‌ك پرس و راوێژێن خوه ل سه‌ر پێگه‌هێ هه‌رێما كوردستانێ دكه‌ت و پشت به‌ستنێ ل سه‌ر دكه‌ت، هه‌رێمێ ژی به‌لانسه‌كا باش راگرتیه د ناڤبه‌را ئه‌مریكا و ئیرانێ دا، هه‌روه‌سا هه‌رێما كوردستانێ دشێت هه‌ڤشێوێ قه‌ته‌ر و عومان و سویسرا رۆلێ نێڤه‌ندگیریێ بگێریت، هه‌روه‌سا هاتنا وه‌زیرێ ده‌رڤه یێ قه‌ته‌ر بۆ هه‌ولێرێ، وێ چه‌ندێ د گه‌هینیت كو رۆلێ هه‌رێما كوردستانێ ل ڤێ ده‌ڤه‌رێ یێ گرنگه، دیسان هه‌رێم دشێت رۆلێ نێڤه‌ندگیریێ بگێریت د ناڤبه‌را پێكهاتێن عیراقێ دا و ژبۆ چاره‌سه‌ركرنا كێشێن عیراقێ ژی، هه‌روه‌سا هه‌رێما كوردستانێ دشێت ببیته هێڤێنێ چاره‌سه‌كرنا كێشێن عیراقێ و دشێت رۆلێ ئه‌رێنی ژی دڤی واری دا بگێریت، له‌وما ب هه‌موو پیڤه‌ران و ل دووڤ ستانداردێن نێڤده‌وله‌تی، هه‌ر چه‌نده هه‌رێم نه ده‌وله‌ته، به‌لێ حسێبه‌كا باش بۆ دهێته كرن، د هنده‌ك ره‌وشان دا ئه‌و حسێبا بۆ هه‌رێما كوردستانێ دهێته كرن، بۆ هنده‌ك وه‌لات و ده‌وله‌تان ناهێته كرن، ڤێ وه‌كریه كو كوردستان د ناڤا عیراقێ دا رۆله‌كێ باش ب بینیت بۆ چاره‌سه‌ركرنا كێشێن عیراقێ، ل ده‌رڤه ژی شیایه رۆله‌كێ گه‌له‌ك باش و ئه‌رێنی بگێریت و رۆلێ نێڤه‌ندگیریێ گێرایه، له‌وما كۆمبوونا سه‌رۆكێ ئه‌مریكا ل گه‌ل سه‌رۆكێ هه‌رێما كوردستانێ مه‌زنترین گرۆڤه ل سه‌ر ڤی بابه‌تی.
ناڤهاتی ئه‌و چه‌ند ژی ئاشكرا كر: پشكداریا سه‌رۆكێ هه‌رێما كوردستانێ ل كوربه‌ندێ ئابووری یێ داڤۆس دا، ده‌لیڤه‌كا زێرینه بۆ هندێ كو وه‌به‌رئێنه‌رێن ئورۆپی و رۆژئاڤایی بانگهێشت بكه‌ته كوردستانێ، داكو وه‌به‌رئێنانێ ل كوردستانێ دا بكه‌ن، چونكی سه‌قامگیرترین ده‌ڤه‌ر ل عیراقێ هه‌رێما كوردستانێ یه، له‌وما ژ ئه‌گه‌رێ هه‌بوونا وێ ئارامی و سه‌قامگیریا كوردستانێ، چاڤێ هه‌موو جیهانێ ل سه‌ر هه‌رێما كوردستانێ یه، دیسان ئه‌ڤ كوربه‌نده ده‌لیڤه‌كا گرنگه بۆ وه‌به‌رئێنه‌ران كو بهێنه كوردستانێ و پرۆسا وه‌به‌رئێنانێ ئه‌نجام بده‌ن كو ئه‌ڤ چه‌نده دێ ئابوورێ كوردستانێ پێش ئێخیت و دێ ژێرخانا ئابووری ژی ل هه‌رێمێ ب هێز كه‌ڤیت و ده‌لیڤێن كاری ژی دێ بۆ گه‌نجێن مه پتر هێنه په‌یدا كرن، دیسان ئه‌ڤه دێ وه‌كه‌ت كو به‌رێ گه‌نجێن مه ب تنێ ل سێكته‌رێ حكومی نه‌بیت، له‌وما پشكداریا سه‌رۆكێ هه‌رێمێ د وی كوربه‌ندێ ئابووری دا گه‌له‌ك گرنگیا خوه یا هه‌ی، ژبۆ راكێشانا وه‌به‌رئێنه‌رێن بیانی بۆ كوردستانێ، هه‌روه‌سا بێ ترس ئه‌و دێ شێن كارێ خوه ئه‌نجام ده‌ن، چونكی ئێمناهی ل كوردستانێ ب شێوه‌كێ گه‌له‌ك باش یا به‌رقه‌راره و ئه‌ڤه بۆ ژێرخانا ئابووری یا هه‌رێما كوردستانێ ژی یا گرنگه.
ئه‌ڤرۆ، رێوار محه‌مه‌د ره‌شید:
رێڤه‌به‌رێ هونه‌رێ سینه‌مایێ ل پارێزگه‌ها دهۆكێ بۆ رۆژناما ئه‌ڤرۆ دیار كر كو رێڤه‌به‌ریا هونه‌رێ سینه‌مایێ ل پارێزگه‌ها دهۆكێ یا سه‌ر ب رێڤه‌به‌ریا گشتی یا ره‌وشه‌نبیری و هونه‌ری ل پارێزگه‌ها دهۆكێ ڤه دێ پشته‌ڤانیا گه‌نجێن فلمسازێن پارێزگه‌ها دهۆكێ كه‌ت و گۆت: “هه‌موو گه‌نجێن فلمسازێن پارێزگه‌ها دهۆكێ دشێن سیناریوویێن فلمێن خوه پێشكێشی مه بكه‌ن”.
سه‌میر ئه‌حمه‌د، رێڤه‌به‌رێ هونه‌رێ سینه‌مایێ ل پارێزگه‌ها دهۆكێ ئاشكرا كر كو ئه‌و ئاگه‌هداریا هه‌می گه‌نجێن فلمسازێن پارێزگه‌ها دهۆكێ دكه‌ن ب هه‌می قه‌زایێن وێ ڤه ئه‌وێن ژیێ وان دناڤبه‌را 18 هه‌تا 30 سالیێ دا كو خودان پرۆژێن كورت بن دێ پشته‌ڤانیا وان ژ لایێ رێڤه‌به‌ریا هونه‌رێ سینه‌مایێ ل پارێزگه‌ها دهۆكێ ڤه هێته‌كرن ب كوژمێ دو ملیۆن دینارێن عیراقی ب مه‌ره‌ما به‌رهه‌مئینانا كورته فلمان و گۆت: “ئه‌ڤ فلمه دێ بنه مولكێ رێڤه‌به‌ریا هونه‌رێ سینه‌مایێ ل پارێزگه‌ها دهۆكێ و دێ ل فلمه فیسته‌ڤالا دهۆك یا نێڤده‌وله‌تی هێنه نیشادان”.
ناڤهاتی ئاماژه دا وێ چه‌ندێ كو وان چه‌ندین مه‌رج بۆ وان گه‌نجێن فلمساز داناینه یێن كو سیناریوویێن خوه پێشكێش دكه‌ن ژ وان ژی پێدڤیه ئه‌و گه‌نجێ فلمساز یێ كو سیناریۆیا خوه پێشكێش دكه‌ت خودان ئه‌زموون بیت و پشكداری د كاره‌كێ هونه‌رێ سینه‌مایێ دا كربیت، هه‌روه‌سا پێدڤیه سیناریۆ ب شێوه‌یێ PDF و چاپكری ژی بهێته پێشكێشكرن و گۆت: “گه‌نجێن فلمساز ل پارێزگه‌ها دهۆكێ و قه‌زایێن ب سه‌ر وێ ڤه دشێن ل سه‌ر ڤی ئیمێلی (cinemadhk@gmail.com) سیناریوویێن خوه پێشكێش بكه‌ن و پشتی سیناریوو دهێنه پێشكێشكرن دێ یێن باش د ناڤ وان دا هێنه هه‌لبژارتن و دێ پشته‌ڤانیا وان هێته‌كرن و دووماهی ژڤان ژی بۆ وه‌رگرتنا سیناریوویان دێ ل رۆژا 10/2/2020 ێ بیت”.
ئه‌ڤرۆ نیوز:
ئه‌ڤرۆ 21/1/2020 كۆبه‌ندێ سالانه‌یێ ئابووری یێ جیهانی ل باژێرێ داڤوس ل رۆژهه‌لاتێ سویسرا ده‌ست پێكر،دڤی كوربه‌ندی دا چه‌ندین سه‌ركرده و بازرگان و چالاكڤانێن مه‌زن و 175 پانێل و دانوستاندنێن تایبه‌ت ل سه‌ر هه‌فت بیاڤێن سه‌ره‌كی برێڤه دچیت.
كوربه‌ندێ ئابووری یێ جیهانی، نێچیرڤان بارزانی سه‌رۆكێ هه‌رێما كوردستانێ ل گه‌ل دونال تره‌مپ سه‌رۆكێ ئه‌مریكا و ئه‌نتونیو گوتێرێز سكرتێرێ گشتی یێ ریكخراوا نه‌ته‌وه‌یێن ئێكگرتی ژماره‌یه‌كا سه‌ركرده‌یێن دی و وه‌زیرێن وه‌لاتان.
فه‌لاح مسته‌فا راوێژكارێ سه‌رۆكێ هه‌رێما كوردستانێ راگه‌هاند: سه‌ره‌دانا نێچیرڤان بارزانی گرنگیه‌كا زۆر تایبه‌ت هه‌یه‌و په‌یوه‌ندێن هه‌رێما كوردستانێ ل گه‌ل جڤاكی نێڤ ده‌وله‌تی به‌رفه‌رهتر كه‌ت.
ل كوربه‌ندێ داڤوس یێ 2020 كۆ 677 سه‌ركرده و به‌رپرسێن بلندێن جیهانێ پشكدارن كۆ 175 پانێل و دانوستاندنێن تایبه‌ت ل سه‌ر حه‌فت بیاڤێن سه‌ره‌كی برێڤه دچن.
50 سال ده‌ر بازبوون ل سه‌ر بریڤه‌بوونا كوربه‌ندێ ئابووریێ جیهانی ل داڤوس، كوربه‌ندی ئابووری یێ جیهانی ل ده‌ستپێكێ ل بن ناڤی كوربه‌ندێ برێڤه‌برنا ئه‌ورۆپا ل سالا 1971 هاته دامه‌زراندن، پاشان ل سالا 1987 ناڤێ وێ هاته گوهورین بۆ كوربه‌ندێ ئابووری یێ جیهانی، كوربه‌ندێ ئابووری داڤوس ژیێ 50 سالیێ دایه.
نيشاندان