ئەڤرۆ نیوز:
هژمارەک پارت و ئالیێن سیاسی ل باکورێ کوردستانێ کو وەکو ئالیێن سیاسی یێن نێزیکی پەکەکێ دهێنە نیاسین و هەدەپە سەرکێشیا وان دکەت ئەڤرۆ ل باژێرێ ئامەدێ کۆمبوون و داخوازا ئێکەتیا هەموو پارت و ئالیێن سیاسی یێن کوردستانی کرن.
د داخۆیانیا وان پارتان دا هاتیە دیار کرن کو رۆژهەلاتا ناڤین بەر ب گوهۆرینێن مەزن ڤە دچیت و پێدڤیە هەموو پارت و رێکخستنێن کوردی خوە بۆ هەر گوهۆرینەکێ بەرهەڤ بکەن و ژ بۆ هندێ ژی نها پتر ژ هەر دەمەکێ دڤێت پارتێن کوردستانێ پێکڤە کار بکەن و ئێکەتیا خوە دروست بکەن.
ئهڤرۆ نیوز:
سهقا ناسیا ههرێمێ راگههاند: باران بارین دێ بهردهوام بیت ل دهڤهرێن چیایی ژی ئهگهرێ بهفر بارینێ ژی ههیه و زۆر ترین رێژا باران بارینێ ل ناحیا بجێل بوویه.
رێڤهبهریا گشتی یا سهقا ناسیێ و بیڤهلهرزان ل ههرێما كوردستانێ پێشبینێن دو رۆژێن بهێت بهلاڤكر، لگۆری پێشبینیان باران بارین دێ بهردهوام بیت و ل دهڤهرێن چیایی بهفر باریت.
رێڤهبهریا گشتی یا سهقا ناسیێ دیاركر ژی ل دهمێ 24 دهمژمێرێن بوری ل دڤهرێن جودا جودایێن ههرێمێ باران باریه و زۆرترین رێژا باران بارینێ ل ناحیا بجێل باریه كۆ 11.3 ملیم بوویه.
ئەڤرۆ نیوز ، زنار تۆڤی:
د دەمێ 24 دەمژمێرێن بوری دا، پێلەکا دیتر یا بەفرێ پرانیا دەڤەرێن چیایی یێن سنۆرێ پارێزگەها دهۆکێ ڤەگرتینە و د ئەنجامدا رێژەکا باش یا بەفرێ ل ناحیا کانی ماسێ و دەروازێ نێڤدەولەتی یێ سەرزێری باریە، هەروەسا رێکێن هاتنووچوونێ ژی هاتینە ڤەکرن.
سەربەست سەبری ئاکرەیی رێڤەبەرێ ناحیا کانی ماسێ، تایبەت بۆ ئەڤرۆ نیوز دیار کر: ل شەڤا بوری رێژەکا باش یا بەفرێ ل سنورێ ناحیا کانی ماسێ باریە و د ئەنجامدا 30 سەنتیمێن بەفرێ ل کۆمەلگەها دەروازێ نێڤدەولەتی یێ سەرزێری بارینە و ل سەنتەرێ ناحیا کانی ماسێ ژی 10 سم بەفرێ بارینە.
ناڤهاتی گۆت ژی: ل سپێدەهیا ئەڤرۆ تیمێن رامالینا بەفرێ شیاینە رێیا سەرزێری ژ بەفرێ رابمالن و نوکە هاتنوچوونا رێڤنگان د ڤی دەرگەهی را یا ئاسایی یە، هەردەم تیمێن رامالینا بەفرێ د بەرهەڤن و ب زووترین دەم رێیا هاتنوچوونێ ژ بەفرێ پاقژ بکەن، هەروەسا هەتا نوکە ل سنۆرێ ناحیا کانی ماسێ 316 ملیمێن بارانێ ل گەل بەفرێ بارینە.
ئهڤرۆ نیوز:
پهرلهمانتارهكێ كورد دیار دكهت كو لایهنێن سیاسی ناگههنه چ رێكهتنان و رهوشا عیراقێ چهند ویڤهتره خراپ تر دبیت .
تهها حهمه ئهمین ئهندامێ جڤاتا نوونهرین عیراقێ راگههاند: عیراق ریب ری ژ دیركهتنا ئیك بووینه ب ئهگهرێ پرسا پیك نه ئینانا حوكمهتهكا نوو، ههڤ دهم پێشنیارهك ههیه بۆ دوباره دانانا عادل عهبدل مههدی ئهڤ چهنده ژی ئالوزیێن نێڤ دولهتی و ناڤخویی دروست كهت.
تهها حهمه ئهو چهنده دیاركر و گۆت: عادل عبدل مههدی د بزاڤا بجهكرنا دهرخستنا هیزێن بیانی یه و بجهكرنا رێكهتنا ئابووری یا ل گهل وهلاتێ چینێ ئیمزاكری ل نێزیكترین دهم دا، ب ئهگهرێ جادیا عیراقی بوویه دو پشك ههتا نوكه ل سهر چ كاندیدی بۆ سهرۆك وهزیرێ عیراقێ نههاتیه دهست نیشانكرن و فراكسیونێن عیراق ی ژی ل سهر كاندیدهكێ ههڤبهش نه رێكهتینه.
ئهڤرۆ نیوز:
فرانس فیلیپ شامپانی وهزیرێ دهرڤهیێ كهنهدا ل گهل محهمه جهواد زهریف وهزیرێ درڤهیێ ئیرانێ ل عومانا پایتهختێ ئوردنێ كۆمبوون.
د وێ كۆمبوونا دناڤبهرا وهزیرێ دهرڤهیێن ههردو وهلاتان ل سهر ئێخستنا بالهفرا ئوكرانی ل تارانێ بوو كۆ ب بو ئهگهرێ كوشتنا 57 كهسێن كهنهدی.
وهزیرێ دهرڤهیێ كهنهدا ل گهل وهزیرێن دهرڤهیێن پێنج وهلاتێن پهیوهندیدار ل ب ئێخستنا بالهفرا ئوكرانی كۆمبوو و ههر پێنج وهلات ئهو ژی كهنهدا و ئوكرانیا و سوێد و بریتانیا و ئهفغانستان و داخاز ژ ئیرانێ كر قهرهبوویا بنهمالێن قوربانیێن وێ كارهساتێ بكهن.
سهرۆك وهزیرێ كهنهدا دیار كربوو كو ئهو دێ ههر بنهمالهكا قوربانیێن وێ كارهساتێ 25 ههزار دۆلارێن كهنهدی دهینێ.
ئهڤرۆ نیوز:
وهزیرێ پێشمهرگهی یێ ههرێما كوردستانێ داخازێ ژ جڤاتا وهزیران دكهت دهرمالهیا باوهرنامهیێ بۆ هێزێن پێشمهرگهی بهێنه مهزاختن.
شورهش ئیسماعیل وهزیرێ پێشمهرگهیێ ههرێما كوردستانێ د نفیسارهكێ دا كۆ ئاراستهیی جڤاتا وهزیران كریه و تێدا داخازا دهرمالیا باوهرنامهیێ بۆ ههموو ئهفسهر و پلهدارێن پێشمهرگهی یێن وهزارهتا پێشمهرگهی بهێنه مهزاختن.
وهزیرێ پێشمهرگهی داخازێ ژ جڤاتا وهزیران كریه و رهزامهندیێ ل سهر مهزاختنا ئهڤێ دهرمالهیێ لگۆری رونكرنا رێنمایی یێن ژ ماره 21 یا سالا 2008 كۆ ئاماژه پێ هاتیهكرن.
ئهڤرۆ نیوز:
محهمد عهلی حهكیم وهزیرێ دهرڤهیێ عیراقێ ل گهل ینس ستولتنبێرگ ئهمیندارێ گشتی یێ ههڤپهیمانیا باكورێ ئهتلهسی ناتۆ د پهیوهندیهكا تهلهفونێ ئهنجامدا و تهئكید ل سهر پاراستنا سهروهری و بهرهڤانیكرن ژ ئاخا عیراقێ كرن.
وهزارهتا دهرڤهیا عیراقێ د بهیاننامهیهكێ دا بهلاڤكر محهمهد عهلی وهزیرێ دهرڤهیێ عیراقێ پهیوهندیهكا تهلهفونی ل گهل ینس ستولتنبێرگ ئهمیندارێ گشتی یێ ههڤپهیمانیا باكورێ ئهتلهسی ناتۆ هاتیه ئهنجامدان و دوماهیگوهورینێن رهوشا عیراقێ دانوستاندن كرن.
ئهرۆ نیوز:
سالح محهمهد كهساتیهكێ نیزیكێ موقتهدا سهدر راگههاند: خونیشاندانێن ههینیا بهێت دی یا ملیۆنی بیت، لێ نابیت وهك خو نیشاندانێن رابوری بیت، بهلكۆ ئهفجاره پێدڤیه بهرفهرهتر و خهلك زێدهتر پشكداریێ تێدا بكهن.
ناڤبری ئهو چهنده ژی راگههاند خونیشاندانێن بهێت چارهنفیسا نیشتمانی و و سهروهری و سهربهخویا ئازادیێ ئیكلایی دكهت، سوپاسیا ئهوان كهسانه ژی دكهت ییێن پشتهڤانی و ههڤكار بوین.
ئەڤرۆ نیوز:
ڤەکولینەکا نوو یا زانستى ئاشكرا کریە، کو مرۆڤ د ژیێ 47 سالیێ دا ههست ب خهمۆكیێ دكهن، سهرهرای ههموو وان دهستكهفتێن ب دهستڤە ئیناین د ژیانا خوە دا و د نیڤا ژیێ خوە دا رەنگە تە تۆشی كێشان بكەت.
کومەکا ڤەکولەران ئەڤ ڤەکولینە ل زانكۆیا دارتموسا بریتانى ئەنجامدایە و دبێژن: مرۆڤ د ژیێ بیست سالیێ و حهفتێ سالیێ ههست ب دلخۆشیێ دکەت، ب شێوهکێ کو ههستێ ههردو دلخۆشیان وەکو ئێکن.
وێ ڤەکولینێ خرابترین ماوێ تهمهنى ئاشكرا كریه ل وەلاتێن پێشكهفتی یێن وهك بریتانیا و ئهمریكا كو ژیێ 47 سالیە و ل هندەک وەلاتان ژی ژیێ 48 سالیە.
هەوەسا گۆتیە: خۆشی د ژیانا مرۆڤیدا وهك پیتا U یا زمانێ ئینگلیزیه، کو لدووڤ تهمهنی دهێتە گوهۆرین و دەمێن وی د دیار كرینە.
وێ ڤەکولینێ پشت بهستیە ب داتا و ئامارێن 132 وەلاتان د جیهانێ دا، دناڤبەرا سالێن 1979 ههتا سالا 2018.
نيشاندان