ئەڤرۆ نیوز:
نێچیرڤان بارزانى سەرۆکێ هەێما کوردستانێ جەخت ل دانبەخۆداگرتن و چرکرنا بزاڤان بۆ جێگیرکرنا ئارامى و سەقامگیریێ ل عیراق و ڤێ دەڤەرێ و نەبوونا عیراقێ ب گۆڕەپانا ئێکلاکرنا کێشە و ململانا هێزێن هەرێمى و نێڤدەولەتی کر.
ئێڤاریا ئەڤرۆ پێنجشەمبی 9/1/2020 ل هەولێرێ، نێچیرڤان بارزانى، سەرۆکێ هەرێما کوردستانێ پێشوازى ل دەیڤید شینكەر هاریکارێ وەزیرێ دەرڤە یێ ئەمریكا بۆ كاروبارێن ڕۆژهەلاتا ناڤین و شاندەکێ ل گەل دا کر.
ئەڤرۆ نیوز:
رێڤه‌به‌رێ كارێن گاریس به‌یلی جه‌خت ل هندێ کر، کو د ڤەگوهاستنێن زڤستانێ دا، هەکە ریال مه‌درید بزاڤێ بۆ فرۆشتنا گاریس به‌یلی بکەت سه‌رناگریت، چونكی وی یاریزانی نەڤێت ژ وێ یانێ بچیت.
جۆناسان بارنێت رێڤه‌به‌رێ كارێن ریال مه‌درید ره‌تکریە، کو ئه‌وان هزر ل چوونا به‌یلی د ڤەگوهاستنێن زڤستانێ دا کربیت، هەروەسا بۆ ڤەگوهاستنێن هاڤینا بهێت وا چ پلان نینە بۆ هندێ گو ریال مه‌درید بجهبهێلیت.
گاریس به‌یل د ته‌مه‌نێ 30 سالیێ دایە، ل هاڤینا 2013 ژ یانا تۆتێنهام ب بهایێ 101 ملیۆن یۆرۆیان هاتیە ریال مه‌درید، پشکداری د 245 یاریان دا كریه ل گەل ریالێ، 104 گۆل و 67 ئاسیست تۆمار كرینه و ل هاڤینا 2022 دێ گرێبه‌ستا وی ل گه‌ل یانا شاهانە ب دوماهی هێت.
ئەڤرۆ نیوز ، زنار تۆڤی:
هەڤپه‌یمانیا نێڤده‌ولە‌تی ل دژی داعشێ راگه‌هاند، وان پێدڤی ب روونكرنەکا زێدەتر دەر‌باره‌ی سروشت و ره‌هه‌ندێن قانوونی بۆ بڕیارا په‌رله‌مانێ عیراقێ بۆ ده‌رچوونا هێزێن بیانی ل عیراقێ هەیە.
هەروەسا گوتیە: نوکە ب مه‌به‌ستا چڕكرنا بزاڤێن خوە ژبۆ زێدەتر پارێزگاریكرنێ ژ بنگەهێن خوە یێن سه‌ربازی، مە چالاكیێن خوە یێن سه‌ربازی ل ناڤا ئاخا عیراقێ راوه‌ستاندینه، دیسان ئه‌و چالاكیێن وان راگرتین، مه‌شقا سه‌ربازی ل گه‌ل هەڤبه‌شێن خوە و ئۆپه‌راسیۆنێن سه‌ربازی ل دژی داعشێ ڤەدگریت.
ئەو ژی دیار کریە، مە پێدڤی ب روونكرنا زێدەتره دەر‌باره‌ی سرووشتێ قانوونبوونا بڕیارا پەرلەمانێ عیراقێ بۆ ده‌رچوونا هێزێن بیانی دناڤا ئاخا وی وەلاتی دا هەیە، باوەریا مە وەسایە کو به‌رژه‌وه‌ندیا هەڤبه‌ش یا هه‌موو هەڤبه‌شێن هەڤپه‌یمانان ل عیراقێ د هندێ دایە ، كو د شەرێ دژی داعشێ دا د به‌رده‌وام بین.
ئەڤرۆ نیوز:
ب بۆنه‌یا هاتنا جه‌ژنا قه‌ولتاسێ یا كاكه‌یان، نێچیرڤان بارزانی، سه‌رۆكێ هه‌رێما كوردستانێ په‌یامەکا پیرۆزباهیێ ئاراسته‌ی سه‌رجه‌م كاكه‌یی و یارسانێن هه‌رێما كوردستانێ و عیراقێ و جیهانێ دکەت.
ده‌قێ په‌یاما سەرۆکێ هەرێما کوردستانێ نێچیرڤان بارزانی:
ب بۆنەیا هاتنا جەژنا قەولتاسێ، ب گەرمى پیرۆزباهیێ ل خوشك و برایێن کاکەیى و هەموو یارسانان ل هەرێما کوردستانێ و عیراقێ و جیهانێ دکەم، هیڤیدارم جەژن ل گەل خوە دا سەقامگیریێ و ئاسوودەیێ بینیت و ب بیتە خێر و خۆشی بۆ هەموو لایەكێ.
ژ خودایێ مەزن دخوازم رۆژوو و دوعایێن وە قەبوول بکەت، جەژنا هەوە پیرۆز و هەموو سالەک ب خۆشى.
نێچیرڤان بارزانى
سەرۆکێ هەرێما کوردستانێ
9/1/2020
ئەڤرۆ نیوز:
خانم زێدەتر ب هندێ دهێنە نیاسین، کو پشتی جۆدابوونێ زێدەتر ئازار و خەمان دخۆن، بەلێ زەلام بەرۆڤاژی ڤێ چەندێ نە و کێمتر خەمان دخۆن، د ڤەکۆلینەکێ دا راستیا ئەڤی بابەتی هاتیە دیار کرن، کو ئەرێ زەلام زووتر خۆشتڤیێن خوە ژ بیر دکەن یان خانم.
د ڤەکولینەکێ دا دەرکەفتیە کو جۆداهی هەیە دناڤبەرا خانمان و زەلامان، دەمێ خۆشتڤیێن خوە ژبیر دکەن، ل گەل هندێ زەلام هەستێن خوە ڤەدشێر، بەلێ درەنگتر خۆشتڤیا خوە ژ بیر دکەن.
زەلام دێ چەندین سالان بورینیت، بێی کو بشێت ل سەر خوە دا زال ببیت و خۆشتڤیا خوە ژ بیر بکەت، بەلێ خانم بەرۆڤاژی ڤێ چەندێ.
هەروەسا دەرکەفتیە کو ل دەستپێکێ دا دێ خانم د دۆخەکێ سەختدا تێپەرن پشتی جۆدابوونێ، بەلێ د وی دەمی دا دێ زێدەتر ب هێز بن، دیسان خانم زووتر ژ زەلامان خۆشتڤیێن خوە ژ بیر دکەن.
ڤێ ڤەکولینێ ئەو چەندە دیار کریە، کو ئەو هۆکارێ دبیتە ئەگەر کو خانم زووتر یێ بەرامبەری خوە ژ بیر دکەن ئەوە، کو هەستێن خوە دەردئێخن و ژ ئالیێ کەسێن چاردەورێن خوە ڤە پالپشتی لێ دهێتە کرن، د دەمەکێ دا زەلام ڤەدشێرن و ب کێمی هەستێن خوە دەردئێخن.
ئەڤرۆ نیوز ، زنار تۆڤی:
پشتی پێلەکا بەفرێ ناحیا کانی ماسێ و هەموو گوندێن ڤێ دەڤەرێ ڤەگرتین، هەر چەندە ژ ئالیێ تیمێن رامالینا بەفرێ رێک هاتینە ڤەکرن، لێ د هەمان دەمدا ب شەڤێ سەقایێ وێ دەڤەرێ دبیتە ساهی، بەستی رێکێن بەر نزار دگریت و هاتنوچوون ل وان جهان گەلەک ب زەحمەت دکەڤیت و دڤێت شۆفێر ب هشیاری د وان رێکان را هاتنوچوونێ بکەن، داکو تۆشی چ روودانێن هاتنوچوونێ نەبن.
کامیران محەمەد سەرۆکێ شارەوانیا کانی ماسێ بۆ ئەڤرۆ نیوز دیار کر: پشتی ل ڤان رۆژێن بوری رێژەکا باش یا بەفرێ ل سنۆری ناحیا کانی ماسێ باری و ب شەڤێ ئەسمانێ ڤێ دەڤەرێ دبیتە ساهی، بەستی رێیان دگریت و ب تایبەتی ژی ئەو رێکێن بەرنزار گەلەک بەستی دگریت و هەتا دانێ نیڤرۆ و جاران ژی هەموو رۆژێ شۆفێر نەشێن هاتنوچوونێ لێ بکەن، لەوما وان پێدڤی ب خوێ هەیە داکو ل وان جهان ب رەشینن یێن کو بەستی دگریت، ب تایبەتی ژی ل چەپێن بارۆخێ و چەپێن سەرزێری، چونکی ئەو بەستیە دبیتە ئاستەنگ بۆ هاتنوچوونا شۆفێران ل سەر جادێ، لەوما هەکە خوێ ل وان جهان بهێتە رەشاندن دێ ئەو بەستی حەلیێت و شۆفێر دێ شێن ب ساناهی هاتنوچوونێ کەن و تۆشی چ روودانان ژی نابن.
ئەڤرۆ نیوز ، زنار تۆڤی:
پشتی پێلەکا بەفرێ ناحیا کانی ماسێ و هەموو گوندێن ڤێ دەڤەرێ ڤەگرتین، هەر چەندە ژ ئالیێ تیمێن رامالینا بەفرێ رێک هاتینە ڤەکرن، لێ د هەمان دەمدا ب شەڤێ سەقایێ وێ دەڤەرێ دبیتە ساهی، بەستی رێکێن بەر نزار دگریت و هاتنوچوون ل وان جهان گەلەک ب زەحمەت دکەڤیت و دڤێت شۆفێر ب هشیاری د وان رێکان را هاتنوچوونێ بکەن، داکو تۆشی چ روودانێن هاتنوچوونێ نەبن.
کامیران محەمەد سەرۆکێ شارەوانیا کانی ماسێ بۆ ئەڤرۆ نیوز دیار کر: پشتی ل ڤان رۆژێن بوری رێژەکا باش یا بەفرێ ل سنۆری ناحیا کانی ماسێ باری و ب شەڤێ ئەسمانێ ڤێ دەڤەرێ دبیتە ساهی، بەستی رێیان دگریت و ب تایبەتی ژی ئەو رێکێن بەرنزار گەلەک بەستی دگریت و هەتا دانێ نیڤرۆ و جاران ژی هەموو رۆژێ شۆفێر نەشێن هاتنوچوونێ لێ بکەن، لەوما وان پێدڤی ب خوێ هەیە داکو ل وان جهان ب رەشینن یێن کو بەستی دگریت، ب تایبەتی ژی ل چەپێن بارۆخێ و چەپێن سەرزێری، چونکی ئەو بەستیە دبیتە ئاستەنگ بۆ هاتنوچوونا شۆفێران ل سەر جادێ، لەوما هەکە خوێ ل وان جهان بهێتە رەشاندن دێ ئەو بەستی حەلیێت و شۆفێر دێ شێن ب ساناهی هاتنوچوونێ کەن و تۆشی چ روودانان ژی نابن.
ئه‌ڤرۆ نیوز:
هیڤیدار ئه‌حمه‌د جێگرێ سه‌رۆكێ لژنا دارایی ل په‌رله‌مانێ كوردستانێ دیاركر هه‌ر دو لژنه‌یێن دارایی و یاسایی ییێن په‌رله‌مانێ كوردستانێ ل سه‌ر پرۆژه‌ێ یاسایا چاكسازیێ كۆمبوون راپۆرتا دوماهیێ یا پرۆژه‌ی دێ ده‌نه سه‌رۆكا په‌رله‌مانێ ژبوی په‌سندكرنێ.
جێگرێ سه‌رۆكێ لژنا دارایی ل په‌رله‌مانێ كوردستانێ دیاركر ژی لگۆری پرۆژه‌یێ یاسایێ كۆ كێمترین مووچه 300 هزار دینارن و هه‌ر فه‌رمانبه‌ره‌كێ 15 سال خزمه‌ت هه‌ی و ته‌مه‌نێ وی بگه‌هته 45 سالیێ دشێت خو خانه‌نشین بكه‌ت و هه‌كه نه دێ ل ته‌مه‌نێ 64 سالیێ دا حوكمه‌ت دێ خانه‌نشین كه‌ت.
په‌رله‌مانێ كوردستانێ د نفیساره‌كێ دا راگه‌هاندیه بۆ كۆمبوونا رۆژا شه‌مبیا بهێت بانگهێشتا په‌رله‌مانی دكه‌ت، كو تێدا هاتیه پشت به‌ستن ب حوكمێ برگه‌یا سێ ژ ماده‌یا 18 یا په‌یره‌وێ ناڤخۆ یێ په‌رله‌مانێ كوردستانێ، بریار دایه كۆ بانگهێشتا ته‌ڤایا ئه‌ندامێن په‌رله‌مانی دكه‌ین كۆ بۆ رینشتنا ژماره 13 یا ئاسایی یا سالا ئێكێ ل خۆلا هه‌لبژارتنا پێنجێ یا په‌رله‌مانێ كوردستانێ ل ده‌مژمێر 11:00 رۆژا ئێك شه‌مبی 12/1/2020 هیڤی خازین ل ده‌مێ دیاریكری به‌رهه‌ڤ بن.
نيشاندان