ئەڤرۆ نیوز:
وەزیرێ بەرگریا ئەمریكا راگه‌هاند: دۆنالد ترەمپ یێ ئامادەیە بێی مەرجێ پێشوەخت گوتۆبێژان ل گەل ئیرانێ دەست پێ بکەت.
ئەڤرۆ ئێکشەمبێ 12 کانوونا دویێ مایک ئیسپەر، وەزیرێ بەرگریا ئەمریکا د چاڤپێکەفتنەکێ دا ل گەل کەنالێ (CBS)یێ ئەمریکی گۆت، ئیدارا واشنتۆنێ یا ئامادەیە گوتۆبێژان ل گەل ئیرانێ دەست پێ بکەت دەربارەی، گرتنەبەرا رێیا نوو بۆ هندێ ئیران وەکو وەلاتەکێ ئاسایی مامەلێ بکەت.
ئێسپەری گۆت ژی، واشنتۆن پێشبینیا پرۆسا سەربازی ناکەت ژ ئالیێ ئیرانێ ڤە، وەک تۆلڤەکرن ل دژی کوشتنا قاسم سلێمانی.
ئەڤرۆ نیوز:
شاندێ بلند یێ حوکمەتا عیراقێ د کۆمبوونا خوە دا ل گەل سەرۆکێ حوکمەتا ھەرێما كوردستانێ ئاشکرا کریە، نوکە باشترین دەرفەتە بۆ رێککەفتنا ھەولێر و بەغدا، شارەزا ژی دبێژن، پەیوەندیێن نێڤدەولەتی یێن ھەرێما کوردستانێ ئەو دەرفەتە رەخساندیە، کو حوکمەتا عیراقێ هزر ل رێککەفتنا دوماهیێ ل گەل حوکمەتا ھەرێمێ بکەن.
رێبوار بابكه‌یی، سەرۆکێ لیژنا پەیوەندیان ل پەرلەمانێ کوردستانێ دیار کریە: حوکمەتا نوکە یا عیراقێ کاربرێکەرە، ئەو ھێزە نینە بشێت کێشێن هەلاویستی ل گەل حوکمەتا ھەرێمێ چارەسەر بکەت.
ئه‌ڤرۆنیوز، سه‌باح زوهێر:
عەبدولواحد جه‌میل به‌رپرسێ زێره‌ڤانیا ساخله‌میا ئاكرێ بۆ روژناما ئه‌ڤرۆ دده‌ته دیاركرن كو ل قه‌زا ئاكرێ 784 جه هه‌نه كو پێدڤى سه‌ره‌دانێ نه،ل سالا بورى تێمێن مه یێن ساخله‌میێ شیا 7438 سه‌ره‌دانا بۆ ڤان جهێن جودا جودا بكه‌ن ناڤ بازارى دا.
به‌رپرسێ زێره‌ڤانیا ساخله‌میا قه‌زا ئاكرێ گۆت ژى ل سالا بورى مه شیا 141 جهێن جودا بده‌ینه گرتن و 63 جهێن جودا ژى هاتنه غرامه‌كرن، ئه‌ڤه‌ژى ژبه‌ر وێ ئێكێ كو ڤان جهان سه‌رپێچى كربوون و مه‌رج و رێنمایێن ساخله‌میێ بجه نه‌ئینابوون، له‌وا هه‌ر جهێ پێگریێ مه‌رجێن ساخله‌میێ نه‌كه‌ت دهێته سزادان و ئه‌گه‌ر دوباره‌بوو ل سه‌ر سه‌رپێچیكرنێ ئه‌م وان جهان ده‌ینه گرتن.
ئاماژه دا وێ چه‌ندێ ژى كو ل هه‌مان سالدا مه شیا رێژه‌كا مه‌زن یا كه‌ل و په‌لێن خوارنێ یێن ده‌م سه‌رڤه‌چووى ده‌ست ب سه‌ردا بگرین، ئه‌و ژى پترى 15هزار ته‌نێن ماددێن ده‌رم سه‌رڤه‌چووى بوویه كو پتری 10 هزار ته‌ن ماددێ هشك بووینه و پترى 5 هزار لیترێن ماددێ روهن بووینه.
ئه‌ڤرۆ نیوز، بارزان مزووری:
عسمه‌ت ره‌جه‌ب نڤیسكارێ په‌رتۆكا بناڤێ”سالانێن مووسلێ” دا و به‌رپرسێ لقا چارده یا مووسل یێ به‌رێ بۆ ئه‌ڤرۆ نیوز گۆت: (مه‌ره‌م ژ دروستكرنا په‌رتووكا بناڤێ”سالانێن مووسلێ” ئه‌وه دا خه‌لكێ مه بزانیت زێده‌تر پارتی دیموكراتی كوردستان ل پارێزگه‌ها مووسل چ كارێن گرنگ كریه بۆ د ماوێ هه‌شت سالان دا پارێزگه‌ها مووسل تایبه‌ت ژلایێ وان په‌یوه‌ندیێن دناڤبه‌را پارتی وه‌كۆ كوردان دا دگه‌ل هه‌موو وان پێك هاتێن مووسل دژین عه‌ره‌ب و ئێزدی و مه‌سیحی و شه‌به‌ك و توركمان ل پارێزگه‌ها مووسل ئه‌ڤ په‌یوه‌ندیه سه‌ر هه‌موو ئاستێن كومه‌لایه‌تی و ره‌وشه‌نبیری و كه‌ساتی بویه).
ناڤهاتی خویاكر ئه‌ڤ په‌رتووكه ب زمانێ عه‌ره‌بی بناڤێ” اعوام مووسل” هاتیه دروست كرن زێده‌تر بۆ خه‌لكێ مووسله ژبه‌ركۆ وان كوردێن مووسل ژی شه‌هره‌زای د زمانێ كوردی نینه 950 لاپه‌را پێك دهێت ل سه‌ر دوو به‌شا پێك دهێت.
عسمه‌ت ره‌جه‌ب گۆت: (به‌شێ ئێكێ ناڤه‌رۆكا په‌رتوكێ ژ وان كاروچالاكیێن پارتی هاتینه دیاركرن د په‌رتۆكێ دا هه‌لویستێ پارتی و پێشمه‌رگه‌یێن قه‌هره‌مان هاتیه دیاركرن ل سه‌ر هه‌موو وان بابه‌تێن سیاسی یێن هاتین رۆیدان ل پارێزگه‌ها مووسل هه‌روه‌سا ب پشتگیریا هه‌بونا پێشمه‌رگه‌ی ل ده‌ڤه‌رێن كوردستانی لژێر مادێ 140 ،ژبه‌ركۆ یا دیار بۆ پشتی 2003 بتنێ پێشمه‌رگه بویه هه‌موو فه‌رمانگه‌هێن میری پاراستینه یێن حكومه‌تا عێراقێ و پێشمه‌رگه پالپشت بوینه بۆ ناڤ برنا رێكخراوا تیرۆرستی ل مووسل ،به‌شێ دووێ ژی كریارێن هه‌شت سالا یێن پارتی دیموكراتی كوردستان بۆ پارێزگه‌ها مووسل ئه‌نجام داین دناڤ په‌رتۆكێ دا هاتینه نڤیسین).
ناڤهاتی زێده‌تر گۆت ژی د قوناغا بهێت په‌رتووكه‌كا دی یا ل به‌ر ده‌ستێن من ئه‌و ژی ب زمانێ عه‌ره‌بی ئه‌و زێده‌تر په‌رتووكه‌كا سیاسی یه لژێر ناڤێ”كورد و پارێزگه‌ها مووسل پشتی 1950 هه‌تا نها”.
ئەڤرۆ نیوز:
بەری دەمەکێ پێنج وەزیرێن حوکمەتا هەرێما کوردستانێ گەهشتنە ئاڤاهیێ پەرلەمانێ کوردستانێ دا پشکداریێ د روونشتنا دویێ یا پرۆژێ چاکسازیێ دا بکەن.
هاتە زانین کو هەر یەک ژ رێبەر ئەحمەد وەزیرێ ناڤخوە، شورەش ئیسماعیل وەزیرێ پێشمەرگە، عەبدوللا حاجی مەحمود وەزیرێ شەهیدان، ئاوات شێخ جەناب وەزیرێ دارایی و ئابووری و ڤالا فەرید وەزیرا هەرێمێ بۆ کاروبارێن پەرلەمانی پشکداریێ د روونشتنا ئەڤرۆ یا پەرلەمانێ کوردستانێ دا دکەن.
ئه‌ڤرۆ نیوز، بارزان مزووری:
د بێوار خه‌نسیراوێژكارێ ئه‌من و ئابووری ل هه‌رێما كوردستانێ و بسپۆر دبواری جیولوجیدا بۆ ئه‌ڤرۆ نیوز گۆت:ئه‌و گه‌فێن د نها دا دهێته كرن ل سه‌ر عێراقێ دێ زیانێن مه‌زن ب وان گێلگه‌هێن پترۆلێ ئه‌وێن عێراقێ هه‌ین تایبه‌ت وان كومپانیێن بیبانی ئه‌وێن دبوارێ به‌رهه‌م ئینانا پترۆلێ كار دكه‌ن ئه‌گه‌ر ئه‌و كومپانیێن بیبانی هاریكاریا حكومه‌تا عێراقێ نه‌كه‌ن بۆ ده‌ست ڤه ئینانا داهاتیێ عێراقێ هه‌رچه‌نده وه‌زاره‌تا نه‌فتتێ راگه‌هاندیه كۆ ده‌رئینانا پترۆلێ و ڤه‌گوهاستنا وێ كێم نه‌بویه پێتڤیه هه‌موو لایه‌نه‌ك هاریكاربیت نه‌هێلیت گه‌فێن ئابوری بكه‌ڤنه سه‌ر عێراقێ ژبه‌ركۆ دڤێ ته‌نگاڤیێ دا هه‌موو داهاتیێ حكومه‌تا عێراقێ ژ وێ پترۆلێ یه،هه‌تا هه‌لسه‌نگاندنا بودجه‌یا عێراقێ ل سه‌ر داهاتیێ وێ پترۆلێ یه له‌وما یا گرنگه ئه‌ڤ ره‌وشه بهێته كونترۆل كرن نه‌هێلیت لاوازتر لێ بهێت دا به‌رژه‌وه‌ندیا گشتی یا ئابوری بهێته پاراستن ئه‌ڤه نیشانا وێ چه‌ندێ ده‌ت ئه‌گه‌ر هه‌موو لایه‌ن پێكڤه كار نه‌كه‌ن دێ ره‌وشا نها ئالوزتر بیت دێ بیته ئه‌گه‌رێ وێ چه‌ندێ دێ ته‌شه‌نه كه‌ڤیته سه‌ر ئابۆرێ پەترۆلێ.
ناڤهاتی خویاكر هه‌رێما كوردستانێ گه‌له‌ك یا ئارامه چ مه‌ترسی ل سه‌ر نینه ئه‌و كومپانیێن بیانی ئه‌وێن دبوارێ به‌رهه‌م ئینان و ده‌رئینان و لێگه‌ریانا پترۆلێ هه‌موو یێ كارێ خۆ دكه‌ن پرۆسه‌یا ده‌رئینانا پترۆلێ د نها دا د ئاسته‌ك باش دایه ،هه‌تا خه‌لكێ عێراقێ ل هه‌موو باژێرێن خۆ یێ قه‌ستا باژێرێن هه‌رێما كوردستانێ دكه‌ن رێژا وی خه‌لكی یا خوجها زێده‌تر لێ هاتی ئه‌ڤه نیشانێن وێ چه‌ندێ نه ئه‌ڤ هه‌رێمه گه‌له‌ك یا ئارامه و یا پاراستی یه دشێت ژیانا خه‌لكی پارێزیت خوشیێ بۆ وان په‌یدا كه‌ت.
ئەڤرۆ نیوز، هۆشەنگ تاجر:
ئەحمەد مورادی چالاکڤانێ مافێ مرۆڤان ل رۆژهەلاتێ کوردستانێ بۆ ئەڤرۆ نیوز دیار کر کو پشتی دەستپێکرنا خوەنیشادانێن جەماوەری ل باژێرێن مەزن یێن ئیرانێ، ئەڤرۆ ب فەرمانا وەزیرێ ناڤخوە یێ ئیرانێ هێزەکا مەزن یا سەربازی گەهشتە باژێرێ کرمانشانێ یێ رۆژهەلاتێ کوردستانێ دا رێگریێ ل خوەنیشادانێن وەلاتیێن کورد بکەن.
ناڤهاتی راگەهاند کو بەری نها ژی گەلەک وەلاتی د خوەنیشادانێن ڤێ دووماهیێ دا ل کرمانشانێ هاتنە کوشتن.
ئه‌ڤرۆ نیوز ، بارزان مزووری:
ئه‌ندازیار ئیبراهیم رێڤه‌به‌رێ هۆبا ئاڤدانێ ل قه‌زا شێخان بو ئه‌ڤرۆ نیوز گۆت:ساله‌ك ل سه‌ر بورینا په‌قینا سكرێ”شیف بالوك” ل نێزیك سه‌نته‌رێ باژێرێ شێخان ده‌ربازدبیت هه‌تا نها نه‌هاتیه نوێژه‌نكرن مه گه‌له‌ك ڤه‌دیتن بۆ نوێژه‌نكرنا وی سكری یێن دروست كرین ئێك ژوان ڤه‌دیتنا بۆ قائیمقامێ قه‌زا شێخان هاتیه ره‌وانه‌كرن كۆ ب رێكا كومپانیێن پترۆلێ ئه‌وێن ده‌ڤه‌رێ كار دكه‌ن بهێته نوێژه‌نكرن،ئێك ژوان ڤه‌دیتنا ژی ب نڤیسارێن فه‌رمی ره‌وانه‌ی رێڤه‌به‌ریا ئاڤدانێ كریه ل پارێزگه‌ها دهوك لدوڤ گوتنێن رێڤه‌به‌رێ ئاڤدانا دهوك ،
ناڤهاتی خویاكر لدوڤ وێ ڤه‌دیتنا بۆ نوێژه‌نكرنا وی پرۆژه‌ی پێتڤی ب بكۆژمێ 140 ملیون دینارا ژبه‌ركۆ 40% سكر ژناڤ چویه ئه‌گه‌ر نه‌هێت نوێژه‌نكرن ئه‌و رێژا مای ئه‌وژی دێ ناڤ چیت،
ناڤهاتی گوت زێده‌تری 80 دونه‌مێن عه‌ردێ چاندنێ به‌ر ڤی سكری نه زێده‌تری 40 جوتیارا مفا ژ ئاڤا وی سكری وه‌ردگرت ئه‌ڤه دوو ساله ئه‌و دونه‌مێن عه‌ردی چاڤه‌رێ چاندنێ نه ژبه‌رنه‌بونا ئاڤێ ئه‌و عه‌رد مایه به‌یار،
بۆ زانین ئه‌ڤ سكره ل رێكکه‌فتی 8 كانونا ئێكێ 2018 مه‌زنترین سكرێ ئاڤێ ل نێزیك سه‌نته‌رێ باژێرێ شێخان ژبه‌ر رێژا مه‌زن یا بارانێ بو ناڤ سكرێ د په‌قیت زیان مه‌زن ب سكری دكه‌ڤن ل سالا 2014 هات بو دروست كرن بكوژمێ 440 ملیون دینارا ژلایێ حكومه‌تا هه‌رێما كوردستانێ ب درێژاهیا 100 م بلنداهیا 19 مه‌ترا.
نيشاندان