ئەڤرۆ نیوز:
پشتی کوشتنا قاسم سلێمانی و ئالۆزبوونا رەوشا عیراقێ وەلاتێن ئەندامێن ناتۆ کو نێزیکی ٧٠٠ شیرەتکار و بسپۆرێن سەربازی یێن وان ل عیراقێ راهێنانان ب هێزێن سەربازی یێن عیراقێ دکەن بریار دان کو مەشقکرن ب هێزێن عیراقێ رابگرن.
بەرپرسەکێ ناتۆ دیار کریە کو جارێ دیار نینە کا دێ هەتا کەنگێ کار ب ڤێ بریارێ هێتە کرن، لێ هەکە رەوشا عیراقێ ئاسایی بیت رەنگە جارەکا دی ئەو دەست ب مەشقکرنا هێزێن عیراقی بکەن.
ئەڤرۆ نیوز، مەحمود نهێلی:
پێلەکا بەفر بارینێ سپێدەهیا ئەڤرۆ ٤/۱/۲۰۲۰ دەڤەرا ئەمێدیێ ڤەدگریت و ل سەنتەرێ قەزایێ دورێن چار سەمتیمێن بەفرێ هاتینە. ئەندازیار هەکا ئامێدی رێڤەبەرێ چاندنا قەزا ئامێدیێ بو ئەڤرۆ نیوز دیار کر، کو ئەڤ پێلا بارینا بەفرێ ئەڤرۆ سپێدێ دەستپێکریە و تا دانێ نیڤرۆ دورێن چار سەمتیمێن بەفرێ بارینە. و گۆت: (ئەڤێ بەفرێ پتریا دەڤەرا ئامێدیێ ڤەگرتیە و ل ناحیا کانی ماسێ و دەرگەهێ سەر زێری پترین رێژە باریە . و ئاشکرا کر تا نوکە ژی بارینا بەفرێ ل دەڤەرێ یا بەردەوامە).
ئه‌ڤرۆ نيوز:
ده‌زگه‌هێن راگه‌هاندنێ ل عيراقێ به‌لاڤكر كو به‌رى ده‌مه‌كێ كێم كاروانه‌كێ ترومبێلێن حه‌شدا شه‌عبى ل قه‌زا تاجى ل باكوورێ به‌غدا هاته بوردومانكرن.
هه‌روه‌سا راگه‌هاند كو كو ئه‌و هێرشه ب رێيا فرۆكه‌كا بێ فرۆكه‌ڤان هاتيه ئه‌نجامدان ودبيت هژماره‌كا به‌رپرسێن حه‌شدا شه‌عبى دناڤ وى كاروانێ ترومبێلان دا بيت، به‌لێ هێشتا يا ديار نينه.
ژێده‌ره‌كێ له‌شكرێ عيراقێ ژى راگه‌هاند كو ژ ئه‌نجامێ وێ هێرشێ ل سه‌ر كاروانێ ترومبێلێن حه‌شدا شه‌عبى ل باكوورێ به‌غدا شه‌ش كه‌س هاتنه كوشتن.
ئه‌ڤرۆ نيوز:
رویدانێن ڤێ دوماهیێ ل كەركووك و قائیم و بەردەرێ بالیۆزخانەیا ئەمەریكا ل بەغدا، ئاماژەن بۆ ئالۆزبوونا زێدەتر یا بارودۆخێ عێراق و كردار و پرچەكرداری چەندبارەی ل دیڤ خو ئینا هەر ژ ڤی سۆنگی ڤان پێنگاڤا ڕه‌تده‌كه‌ينەڤە كو لسەر خاكا عێراق تەسفیەیا حیساباتێن وڵاتان بكەن و سەروەریا عێراقێ پێشێل بكەن كو ل ئاكامدا سەردار قاسم سولەیمانی فەرماندەیێ فەیلەقا قودس و ئەبو مەهدی موهەندیس جێگرێ سەرۆكێ ده‌سته‌یا حەشدا شەعبی و هەڤالێن وان بوونە قوربان كو هەردووکان ڕۆلێ به‌رچاڤ ل شەڕێ دژی تیرۆریستێن داعش ل چەند سالێن بوری هەبوو.
نابیت عێراقێ بکەنە گۆڕەپانا ئێکلاکرنا ململانێ یا وڵاتان. داخاز دكەین كێشەیان ب گفتوگۆ چارەسەر بكەن و ڕێز ل عێراق و سه‌روه‌ريا وێ بگرن. بەردەوامیا ڤان ئاڵۆزیا و كردار و پرچەكردارانە، عێراق و ناوچێ بەرەڤ هەڵدێر و ئاییندەیەكێ نادیار دکەت و دبیتە ئەگەرێ زیندیكردنەڤە و بهێزكرنا هێزێن توندڕەو و تیرۆریستێن وەك داعش.
ئەڤ رەوشا ئاڵۆز و هەستیار و مەترسیداره، داخازێ ژ هەمی لایەكێ دكەین دانبەخۆ بگرن و ڕێکێ ل په‌ره‌سه‌ندنا مەترسیداران بگرن
سەرۆكايه‌تيا هەرێما كوردستانێ
3/1/2020
ئەڤرۆ نیوز، رێوار محەمەد رەشید:
سترانبێژا باکوورێ کوردستانێ رێزان کازۆ کو نوکە ل باژێڕێ ئیستەنبۆلێ یێ وەلاتێ تورکیا دژیت نووترین کلیپا خوە بناڤێ (ئاڤا شین) ئەڤرۆ رۆژا 3/1/2020 بەلاڤکر.
سترانبێژ رێزانێ بۆ ئەڤرۆ نیوز دیار کر کو وێ گەلەک دڤیا سترانا خوە یا نوو یا ب ناڤێ (ئاڤا شین) ل باشوورێ کوردستانێ کلیپ بکەت، چونکو رووبارێ ئاڤا شین یێ ل وێرێ، بەلێ ژ بەر هندەک کاودانان نەشیا بەرهەڤ ببیت ژ بەر ڤێ چەندێ نەچاربوو کلیپا خوە یا نوو ل باژێرێ (دێرسمێ) یێ باکوورێ کوردستانێ کلیپ بکەت و گۆت: “ئەڤ سترانا من کلیپ کری ژ دەرهێنانا (زانیار ئوسکان) بوو و (یاشار باش ئوزدەش) ژی ب کارێ بەلاڤکرنا مۆزیکێ راببوو.
ناڤهاتیێ ئاماژە دا وێ چەندێ کو پەیڤ و ئاوازێن ڤێ سترانێ یێن (هەڤال بێ ناڤ)ن و بەری ئەو ڤێ سترانێ کلیپ بکەت ژ لایێ بابێ وێ دەنگبێژێ بەرنیاسێ باکوورێ کوردستانێ (کازۆ) ڤە هاتبوو گۆتن.
ئه‌ڤرۆ نيوز:
كه‌نالێ سى ئێن ئێن يێ ئه‌مريكى به‌لاڤكر كو پشتى ئۆپه‌راسيۆنا (بريسيا شين) و كوشتنا قاسم سلێمانى، هێزێن ئه‌مريكى و ده‌زگه‌هێن دبلۆماسى يێن ئه‌مريكى ل رۆژهه‌لاتا ناڤه‌راست د حاله‌تا ئهاماده‌باشيێ دانه و به‌حسێ وان جهان ژى كر كو دبيت ئيران ئه‌مريكيان لێ بكه‌ته ئارمانج.
د راپۆرته‌كا وى كه‌نالى دا هاتيه كو پشتى وێ دربا ئه‌مريكى ئه‌وا ل ئيرانێ وه‌شاندى، پێشبينى دهێته كرن ل داهاتيه‌كێ نێزيك دا ئيران بزاڤا تۆلڤه‌كرنێ بكه‌ت و به‌يروت و هه‌ولێر وه‌كو دو ئارمانجێن كۆمارا ئيسلامى يا ئيرانێ دانان، كو دبيت ل وان جهان ئيران تۆلڤه‌كرنێ ژ ئه‌مريكيان بكه‌ت، له‌وما ئه‌مريكا هێز و دبلۆماتكارێن خوه ل وان هه‌ردو باژێران خستينه د حاله‌تا ئاماده‌باشيێ دا.
ئەڤرۆ نیوز:
بەری دەمەکێ سوپایێ پاسدارێن ئیرانێ ب فەرمی کوشتنا قاسم سلێمانی ل عیراقێ پشتراست کر و راگەهاند کو دێ تولا وی راکەین.
ل ئالیێ دی حەسەن رۆحانی سەرۆک کۆمارێ ئیرانێ ژی راگەهاند کو ئەمریکا ب کوشتنا سلێمانی شەر ل دژی ئیرانێ راگەهاندیە و ئەو دێ تولا قاسم سلێمانی راکەن.
دەزگەهێن راگەهاندنا ئیرانێ ژی دیار دکەن کو نها شەرێ ئەمریکا و ئیرانێ ب فەرمی ل عیراقێ دەستپێکریە و ئیران خوە بۆ چالاکیێن مەزن ل دژی ئەمریکا ل رۆژهەلاتا ناڤین بەرهەڤ دکەت.
ئەڤرۆ نیوز ، زنار تۆڤی:
مەلا سەعید عەبدولرەحمان رێڤەبەرێ ئەوقافا زاخۆ بۆ ئەڤرۆ نیوز دیار کر: ئەڤرۆ پێنجشەمبی و 2.1.2020 وەکو بەرنامێ سالانە و ب هاتنا وەرزێ زڤستانێ رێڤەبەریا گشتی یا ئەوقاف و کاروبارێن ئایینی ل پارێزگەها دهوکێ ب هاریکاریا پارێزگەها دهوکێ و ب ھەماھەنگی ل گەل رێڤەبەریا ئەوقافا زاخۆ گازا سپی ل سەر مزگەفت و دێران ل سنورێ ئەوقافا زاخۆ هاتنە بەلاڤکرن و بۆ هەر جهەکێ ( 200 ) لیترێن گازا سپی هاتینە دابەشکرن. ناڤهاتی گۆت ژی: ٢٠٦ مزگەفت و ٣٣ دێر ل سنۆرێ قەزا زاخۆ هەنە، هەر چەندە هندەک گوند ژ ئەگەرێ شەر و ململانا دناڤبەرا پەکەکێ و سۆپایێ تورکیا دا هندەک گوند هاتینە چولکرن و مزگەفتێن وان گوندان ژی هاتینە چولکرن.
نيشاندان