ئەڤرۆ نیوز:
فایز سیراج سەرۆکێ حوکمەتا ویفاقا نشتیمانی یا لیبیا پشتی کو سەرەدانا وەلاتێ ئیتالیا کری ئەڤرۆ گەهشتە ئستەنبولێ و هاتە راگەهاندن کو دێ ل گەل رەجەب تەیب ئەردۆگانێ سەرۆک کۆمارێ تورکیا کۆمبیت.
ئەو یەک د دەمەکێ دایە کو بەری نها فایز سیراجی چەندین گرێبەست ل گەل تورکیا ئیمزا کرینە و جەنەرال حەفتەر و پرانیا وەلاتێن عەرەبی ژی ل دژی وان گرێبەستانە و دبێژن حوکمەتا فایز سیراجی ئەو مافە نینە ب ناڤێ لیبیا گرێبەستان ل گەل تورکیا ئیمزا بکەت.
ئەڤرۆ نیوز:
پشتی کو کامیل عەبدولقادر ئێک ژ قوربانیێن چەکێ کیمیاوی ل هەلەبجە داخواز ژ سەرۆکێ حوکمەتا هەرێما کوردستانێ کربوو کو هاریکاریا وی بکەت، چونکو ژ خێزانا وی نەه کەس شەهید بووینە و ئەو ژی نەخوەشە.
سەرۆکێ حوکمەتا هەرێما کوردستانێ ژی بەرسڤا داخوازیا ناڤهاتی دا و بریار دا پارێ پێدڤی بۆ چارەسەریێ وی بهێتە دابینکرن.
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ خشته‌یێ پارڤه‌كرنا مووچه‌ی دڤێ هه‌فتیێ دا به‌لاڤكر.
وه‌زاره‌تا دارایی و ئابووری یا حوكمه‌تا هه‌رێما كوردستانێ ب فه‌رمی خشته‌یێ پارڤه‌كرنا مووچه‌ی د ئه‌ڤێ هه‌فتیێ دا كۆ یێ هه‌یڤا 10/2019 یێ فه‌رمانبه‌رێن هه‌رێما كوردستانێ یه بلاڤكریه و بڤی شیوه‌یێ خارێ:
– رۆژا دوشه‌مبێ 13/1/2020 وه‌زاره‌تا پێشمه‌رگه‌ی و دیوان و لیوایێن سه‌ر ب وه‌زاره‌تێ ڤه.
– رۆژا سێ شه‌مبێ 14/1/2020 یه‌كه‌یێن 70 و 80 یێن وه‌زاره‌تا پێشمه‌رگه‌ی.
رۆژا چارشه‌مبی 15/1/2020 وه‌زاره‌تا په‌روه‌ردێ یه.
رۆژا پێنج شه‌مبێ 16/1/2020 وه‌زاره‌تا دارایی و ئابووری یه.
ئه‌حمه‌د عه‌بدلره‌حمان په‌یڤدارێ فه‌رمی یێ وه‌زاره‌تا دارایی و ئابووری راگه‌هاند: سوبه دێ ده‌ست ب پارڤه‌كرنا مووچه‌یێ هێته‌كرن و ئه‌گه‌رێ گیرۆبوونا مووچه‌ی ژی بۆ چه‌ند ئه‌گه‌ره‌كێن هونه‌ری ڤه‌گه‌راند.
ئه‌ڤرۆ نیوز:
میرێ قه‌ته‌رێ ته‌میم بن حه‌مه‌د ئال سانی ب سه‌ره‌دانه‌كا فه‌رمی گه‌هشته وه‌لاتێ ئیرانێ.
میرێ قه‌ته‌رێ پشتی سه‌ره‌دانا عومانێ و پشكداری ل تازیا سولتان قابوسی دا كری سه‌ره‌دانا ئیرانێ كر، ئه‌ڤ سه‌ره‌دانا میرێ قه‌ته‌رێ هه‌ڤ د گه‌ل پێشهاتێن ئه‌مریكا و ئیرانی و ئێخستنا باله‌فرا ئوكرانی ژلایێ پاسدارێن ئیرانێ ڤه.
ئه‌ڤرۆ نیوز،عه‌لی حاجی :
به‌رپرسێ لقا زاخۆ یا سه‌ندیكا كرێكارێن كوردستانێ د داخویانیه‌كێ دا بۆ ئه‌ڤرۆ نیوز دیار كر هه‌تا نوكه 60 هه‌تا 65% كرێكارێن بیانی كۆنترولا بازارێن زاخۆ كری یه و ئه‌ڤ رێژه‌یا هاتیه توماركرن رێژه‌یه‌كا گه‌له‌كه و پێدڤی یه هه‌ڤسه‌نگیه‌ك بهێته دروست كرن .
زێده‌تر سه‌گڤان عومه‌ر گۆت: ژبه‌ر هاتنا رێژه‌یا زۆرا هاتنا ئاواره‌یان بۆ قه‌زا زاخۆ هه‌تا نوكه ب رێژه‌یا 60 هه‌تا 65% ژ كرێكارێن بیانی دناڤ بازارێن زاخۆ دا كار دكه‌ن و ئه‌ڤ چه‌نده ژی رێژه‌یه‌كا زۆره و پێدڤی كار ب هه‌ڤسه‌نگیه‌ك بهێته دروست كرن دناڤبه‌را كرێكارێن بیانی و خوه جهێن ده‌ڤه‌رێن دا ژبه‌ر كو كرێكارێن ب بهایه‌كێ كێمتر كار دكه‌ن و چ خویكه‌كێ ناده‌ن ژبه‌ر ڤێ چه‌ندێ خودانێن كاری زێده‌تر چاڤ ل كرێكارێن بیانی یه و ئه‌ڤ چه‌نده ژی دبیته ئه‌گه‌ر كرێكارێن بیانی زێده‌تر ده‌لیڤێن كاری بۆ هه‌بن یان ژی گه‌له‌ك كار هه‌نه كرێكارێن خوه جهێن ده‌ڤه‌رێ ناكه‌ن .
زێده‌تر ناڤهاتی گۆت ژی : پێدڤی یه ئه‌و رێژه‌یا بلند یا كار كرنا كرێكارێن بیانی بهێته كێم كرن و لایه‌نێن په‌یوه‌ندیدار خوه ل ڤێ چه‌ندێ بكه‌نه خودان و دێ به‌رده‌وام ژی هه‌ولده‌ین هه‌ر چو نه‌بیت بشێن هه‌ڤسه‌نگیه‌كێ دروست بكه‌ین پێخه‌مه‌تی وێ چه‌ندێ ڤێ كێشه‌یێ كێمتر بكه‌ین ژ وێ رێژه‌یا هاتیه دیار كرن و ئه‌ڤ چه‌نده ژی ئیچك داخازیێن مه‌یێن به‌رده‌وامن وه‌كو لقا زاخۆ یا سه‌ندیكایێ .
ئەڤرۆ نیوز،عەلی حاجی :
رێڤەبەرێ چاندنێ ل زاخۆ د داخویانیەکێ دا بۆ ئەڤرۆ نیوز دیار کر ل دووف بەرنامەیێ هاتیە دانان ل دەست پێکا ئەڤ سالە دا دەست ب بەلاڤکرنا چەند نه‌مامێن دارێن فێقی و توڤێ گەنمی ل سەر جۆتیاران هاتیە کرن.
زێدەتر ئەحمەد سامی گۆت : ل دووف پلانا حوکمەتا هەرێما کوردستانێ هاتیە دانان ب مەرەما پشتەڤانی کرن ل کەرتێ چاندنێ ل دەست پێکا ئەڤ سالە ٨٢ تەنێن توڤێ گەنمێ پەسەند کری ژلایێ حوکمەتا کوردستانێ ڤە ل سەر جۆتیارێن دەڤەرا زاخۆ ب هەر سێ ناحیان ڤە هاتە بەلاڤ کرن کو کێمتری ٦٠٪ ژ بهایێ دناڤ بازاری دا ب جوتیاران هاتە دان و زێدەباری وێ چەندێ هەر ل دوماهیا هەیڤا ١٢ یا سالا بوری دەست ب بەلاڤ کرنا نه‌مامێن دارێن پێنچ جورێن فێقی ل زاخۆ هاتیە کرن بۆ سەر جۆتیاران کو ئەو شتلێ داران پێک دهێن ژ ( حلیک و هنار و مێو و هەژیر و مشمش ) بۆ ڤێ چەندێ ژی ٢٠ هزار نه‌مامێن داران نوکە بەردەستن و بەردەوام ل سەر جۆتیاران بەلاڤ دکەین .
ناڤهاتی گۆت ژی : بەلاڤ کرنا وان نه‌مامێن دارێن فێقی ب رێژا ٨٠٪ ژ بازاری کێمتر ب جۆتیاری دهێنە دان و ئەڤ هەوە دێ بەردەوام بیت هەتا کو ئەو رێژا دەست نیشان کری هەمی دهێتە بەلاڤ کرن و هەکە ژ وێ رێژێ زێدەتر ژی هاتە بەلاڤ کرن ئەم دشێن داخازا رێژەیەکا زێدەتر یا نه‌مامێن وان داران بکەین و ئەم ب هيڤی نە سال بۆ سالێ رێژا بەرهەمێ چاندنێ ل سنورێ دەڤەرا زاخۆ زێدەتر بکەین .
ئه‌ڤرۆ نیوز، ناجی به‌ده‌ل:
بێوار موسا رێڤه‌به‌رێ راگه‌هاندنا زانكۆیا دهۆك ل سه‌ر پولینكرن و رێزبندیا زانكۆیێن كۆردستانێ و زانكۆیا دهۆك جهگرتنا وێ ل رێزبه‌رندێ دیاركر زانكۆیا دهۆك ژ زانكۆیێن پێشەنگە ل رێزبەندیا نشتیمانی یا زانكۆیێن هەرێمێ ئه‌وا وەزارەتا خواندنا بلند و ڤەكۆلینێن زانستی ل حكومەتا هەرێما كوردستانێ ل رۆژا 9/1/2020 بو سالا چارێ رێزبەندیا نیشتیمانی یا زانكۆیێن هەرێما كوردستانێ هاتیه‌كرن گرۆپێ ئه‌ی چ زانكۆ ل سه‌ر ئاستێ كوردستانێ نه شیان بگه‌هنه ئه‌وێ قوناغیێ، لێ ل گرۆپێ بی زانكۆیا دهۆك جهێ خو تێداكر و ئه‌و ناڤێن ل گرۆپی داهه‌می ئیك ئاست و خودان شیانن رێكخستن و چونا پێش و دوماهی هاتنا ناڤێ زانكۆیێ لگۆری رێزبه‌ندیا پیتان بویه هه‌كه چ جوداهی نینه.
ریڤه‌به‌رێ راگه‌هاندنا زانكۆیا دهۆك ل سه‌ر پیڤه‌ر و بنه‌مایێ رێزبه‌ندیێ دیاركر ل دیف رێزبەندیا وەزارەتێ كو پشت بەستن ل سەر كری ڤەكۆلێن زانستی و ستافێ ئەكادیمی و پەیوەندیێن زانكۆیێ دگەل جڤاكی و چالاكیێن كلتووری و نێڤدەولەتی و گەهشتن ب ژێدەرێن زانستی و پشكا زۆر بەر ب ڤەكۆلینێن زانستی دكەڤیت ب تایبەت ئەوێن ل گوڤارێن كاریگەرێن جیهانی دا دهێنە بەلاڤ كرن.
فه‌رسه‌ت مه‌حمود ره‌زیكی رێڤه‌به‌رێ راگه‌هاندنا زانكۆیا نه‌ورۆز ل سه‌ر بلند بوونا ئاستێ شیانێن زانكۆیا وان بۆ پێشڤه دیاركر گرۆپی بی ژ گرۆپێ ئێكێ دهێته هژمارتن ل هه‌رێما كوردستانێ چونكو گرۆپێ ئه‌ی چ زانكۆ نه‌بووینه بشێن بگه‌هنه ئه‌وی ئاستی و ئه‌و زانكۆیێن ل گرۆپێ بی دا هاتینه دانان بێ جوداهی ل سه‌ر پولینا پیتا ناڤێن وان هاتینه‌دانان هه‌ر شه‌ش زانكۆ وه‌ك ئیكن د ئاستێ شیان و پێشڤه‌چونێ، زانۆكیا نه‌ورۆز دوساله ل دیڤ ئێك ئه‌ڤی ناسناڤی ل بده‌ستڤه دئینیت.
رێڤه‌به‌رێ راگه‌هاندنا زانكۆیا نه‌ورۆز گۆت ئه‌و پیڤه‌ر و بنه‌مایێن هاتینه دانان هه‌موو ئه‌و رێزبه‌ندیا ب خال هاتینه كرن زانكۆیا نه‌ورۆز لگۆری شیانێن خو جهێ خو ل پێشیا زانكۆیان وه‌ربگریت و دێ یا به‌رده‌وام ژی بت ل سه‌ر پێشڤه‌برن و بلندكرنا ئاستێ شیانێن زانستی.
ئه‌ڤرۆ نیوز:
په‌یڤدارا وه‌زاره‌تا دهرڤهیا ئه‌مریكا راگه‌هاند كریارا گرتنا بالیوزێ بریتانیا ل ئیرانێ شه‌رمزار دكه‌ین و پێدڤیه تاران داخازا لێبۆرینێ ژ وی كارێ ئه‌نجامدای بكه‌ت.
مورگان ئورتیگس په‌یڤجارا وه‌زاره‌تا دهرڤهیا ئه‌مریكا راگه‌هاند: حوكمه‌تا ئیرانێ بالیوزێ بریتانیا ل تارانێ ده‌سته‌سه‌ركریه، ئه‌ڤه ژی به‌رۆڤاژیا رێكه‌تنا كۆنگرێ ڤیه‌نایه و ب شێوه‌یه‌كێ فه‌رمی ئیران داخازا لێبۆرینێ ژ بریتانیا بكه‌ت و رێزێ ل مافێن دیپلوماسی ل وه‌لاتێ خۆ بگریت.
نيشاندان