ئه‌ڤرۆ نيوز، نيوار محه‌مه‌د سه‌ليم:

وه‌زاره‌تا ناڤخۆ يا حوكمه‌تا هه‌رێما كوردستانێ د نڤيساره‌كێ دا ئاماژه‌ ب وێ چه‌ندێ دكه‌ت كو ل سالا 2020ێ ب تنێ ترۆمبێلێن لێنه‌دايى دێ هێنه‌ ناڤ هه‌رێما كوردستانێ.

وه‌زاره‌تا ناڤخۆ يا حوكمه‌تا هه‌رێما كوردستانێ د نڤيساره‌كێ دا كو ئه‌ڤرۆ نيوز وێنه‌ك ب ده‌ست خوه‌ ئێخستيه‌، تێدا هاتيه‌: “ژ 1ى كانوونا دويێ 2020ێ چو ترۆمبێلێن لێداى و راستڤه‌كرى و بن ئاڤ كه‌فتى ناهێنه‌ ناڤ هه‌رێما كوردستانێ”.

به‌حس ل وێ چه‌ندێ ژى كريه‌ كو ب تنێ رێ دێ ب ترۆمبێلێن (Clean Title) هێته‌ دان بهێنه‌ ناڤ هه‌رێما كوردستانێ، ب مه‌رجه‌كى چو جهێن لێدانێ پێڤه‌ د ديار نه‌بن.

هه‌ر د نڤيسارێ دا ئاماژه‌ ب وێ چه‌ندێ ژى كريه‌ كو ترۆمبێلێن سفر كيلۆمه‌تر ب گۆره‌يى مۆدێلێن رێ پێدايى و ب گۆره‌ى راپۆرتا (CarFax) و باوه‌رناما (COC) دێ هێنه‌ ناڤ هه‌رێما كوردستانێ.

ئه‌ڤرۆ نیوز،عه‌لی حاجی:

ماموستایه‌كێ‌ ئاماده‌یا پێشه‌سازی ل زاخۆ بۆ ئه‌ڤرۆ نیوز دیار كر ژئه‌گه‌رێ‌ وێ‌ بورجێ‌ كومپانیا په‌یوه‌ندیان ل سه‌ر قوتابخانه‌یا مه‌ هه‌شت ماموستا توشی ئێشا گران بوینه‌ و مه‌ترسی ل سه‌ر زاروویان و قوتابیان ژی دروست كریه‌.

وی ماموستایی زێده‌تر گوت: ل گوه‌ری نڤێسار ئه‌نجومه‌نێ‌ وه‌زیران نابیت چو بورجه‌ك ل سه‌ر بانێ‌ قوتابخانه‌یان بهێته‌ دانان و هه‌تا مه‌ نڤێساره‌ك ژ رێڤه‌به‌ریا ساخله‌میا زاخۆ ژی ئینایه‌ كو نابیت كێمتری 100 مه‌ران بورج ل نێزیك قوتابخانه‌یان بهێته‌ دانان و وێ‌ كومپانیێ‌ گه‌له‌ك ژڤان دانه‌ مه‌ كو وی بورجی راكه‌ن به‌لێ‌ هه‌تا نوكه‌ نه‌راكرینه‌ و دوماهی ژڤان ژی ل رێكه‌ڤتی 17ى كانوونا ئێكێ 2019 بۆ به‌لێ‌ ل دووڤ وی ژڤانی ژی نه‌هاتینه‌،ل ئاماده‌یا پێشه‌سازی ل زاخۆ شه‌ش ماموستا توشی نه‌خوه‌شیا گرانبوینه‌ و قوتابخانه‌یا ب ره‌خ قوتابخانا مه‌ڤه‌ ژی ناڤێ‌ وێ‌ هه‌لویه‌ دو ماموستا توشی ئێشا گران بوینه‌ وئه‌و بورجه‌ بویه‌ مه‌ترسی ل سه‌ر ژیانا هزران قوتابیان و زاروویان دناڤ وان قوتابخانه‌یان.

گوتژی: مه‌ گازنده‌یا خوه‌ گه‌هاندی یه‌ هه‌می جهان به‌لێ‌ چو جهه‌ك هه‌وارا مه‌ نه‌هاتیه‌ و زێده‌تری 10 سالایه‌ ئه‌و بورجه‌ ل سه‌ر بانێ‌ قوتابخانه‌یا مه‌ هاتیه‌ دانان و ئه‌و بورجه‌ بتنێ‌ 50 مه‌تران ژمه‌ دووره‌ له‌ورا ئه‌م داخاز دكه‌ین د زووترین ده‌م دا جهێنشوله‌ژێ‌ بهێنه‌ سه‌ر خه‌تی و وی بورجی ژ سه‌ربانێ‌ قوتابخانه‌یا مه‌ ڤه‌گوهێزن .