ئەڤرۆ نیوز:
جۆزێف بۆریل بەرپرسێ پەیوەندیێن دەرڤە یێ ئێکەتیا ئورۆپا راگەهاند کو پشتی کوشتنا قاسم سلێمانی رەوشا دەڤەرێ گەلەک ئالۆز بوویە و وان دڤێت رێگریێ ل ئالۆزیێن نوو ل رۆژهەلاتا ناڤین بگرن و گۆت: (ژ بۆ هندێ ژی مە داخواز ژ محەمەد جەواد زەریف وەزیرێ دەرڤە یێ ئیرانێ کریە کو ل دووماهیا ڤێ حەفتیێ دا سەرەدانا برۆکسەل بکەت).
ناڤهاتی راگەهاند ژی کو نابیت چو شەرێن نوو ل رۆژهەلاتا ناڤین دەستپێ بکەن چونکو ئەو یەک دێ مەترسیا خوە بۆ هەموو جیهانێ هەبیت.
ئه‌ڤرۆ نیوز، بارزان مزووری:
مه‌هدی خه‌لیل ئه‌مین رێڤه‌به‌رێ په‌روه‌ردا قه‌زا به‌رده‌ره‌ش بۆ ئه‌ڤرۆ نیوز گۆت: (ژماره‌كا مه‌زن یا قوتابیێن په‌نابه‌رێن رۆژئاڤا گه‌هشتینه كه‌مپا به‌رده‌ره‌ش دا خووندنا وان ب هه‌روه نه‌چیت د نها دا رێكخراوا یونسیف ب هه‌ماهه‌نگی دگه‌ل په‌روه‌ردا به‌رده‌ره‌ش رابووینه ب دروستكرنا قوتابخانه‌كا 12 رێزی كا ر ل سه‌ر دوماهیك هاتیه بتنێ كاره‌ب مایه).
ناڤهاتی خویاكر زێده‌تری 720 قوتابی دناڤ ڤێ قوتابخانێ دا دێ خوینن ده‌واما وان دێ دو ده‌وام بیت، سیسته‌مێ خواندنا وان دێ ب وی سیسته‌می بیت كو هه‌ر وه‌خته‌كێ ڤه‌گه‌رنە ڤە بۆ رۆژئاڤا دا زیان ب وان نه‌كه‌ڤیت وه‌كو هه‌ر سێ قوتابخانێن دی یێن به‌ری نها بۆ په‌نابه‌ران هاتینه ڤه‌كرن ل سنورێ په‌روه‌ردا به‌رده‌ره‌ش بۆ وان په‌نابه‌رێن رۆژئاڤا یێن كه‌ڤن قه‌زایێ بنه‌جه بوین.
ناڤهاتی گۆت ژی دناڤ وان هه‌ر سێ قوتابخانێن كه‌ڤن دا یێن په‌نابه‌را 2266 قوتابی تێدا دخوونن د قوناغێن بنه‌ره‌تی و ئاماده‌ی دا سه‌رجه‌مێ هه‌موو قوتابیا 2986 قوتابیێن په‌نابه‌ر ل قه‌زا به‌رده‌ره‌ش دخوونن.
ژلایه‌كی دی ڤه خه‌لیل مه‌حموود قائیمقامێ قه‌زا به‌رده‌ره‌ش بۆ رۆژناما ئه‌ڤرۆ نیوز دیار کر به‌رده‌ره‌ش ژی ئێك ژ وان قه‌زا بوویه كو ژ په‌نابه‌را بێ به‌هر نه‌بو،یه رێژا هاتنا په‌نابه‌رێن رۆژئاڤایێ كوردستانێ بۆ قه‌زا به‌رده‌ره‌ش گه‌هشتیه 11 هزار په‌نابه‌ران دناڤ كه‌مپا به‌رده‌ره‌ش دا بنه‌جه بووینه رۆژانه ژمارا وان زێده‌تر یا لێ دهێت ژبلی وان په‌نابه‌رێن به‌رێ یێ رۆژئاڤا كوردستانێ هه‌تا نها زێده‌تری 7 هزار په‌نابه‌رێن رۆژئاڤا یێن كه‌ڤن دناڤ كه‌مپا گه‌ویلان دا دژین، سه‌رجه‌مێ وان هه‌تا نها گه‌هشتیه نێزیك 18 هزار په‌نابه‌ران.
ئه‌ڤرۆ نیوز، له‌زگین جوقی.
به‌رپرسێ هۆپا ئامارێ ل رێڤه‌به‌ریا گشتی ساخله‌میا پارێزگه‌ها دهۆكێ دیاركركو سیسته‌مێ نوو یێ ئامار ل ده‌زگه‌هیێن ساخله‌میێ چوویه واری بجهـ ئینانێ دا نها ژی ده‌ست ب ڤه‌كرنا خۆلان بۆ بهێزكرنا شیانیێن كارمه‌ندان هاتیه كرن.
د. نجیب میرزا، به‌رپرسێ هۆپا ئامارێ ل رێڤه‌به‌ریا گشتی ساخله‌میا پارێزگه‌ها دهۆكێ دیاركركو خوله‌كا ئامارێ لسه‌ر فورمیێن نوو یێن ئامار ئه‌وێن بو هه‌موو هه‌رێما كوردستانێ بووینه ئێك فورم ئه‌ڤرۆ 5/1/2020 مه ده‌ست ب ڤه‌كرنا خوله‌كێ كریه بۆ هه‌موو كارمه‌ندێن وارێ ئامارێ دا ل بنگه‌ه و نه‌خۆشخانا كاردكه‌ن هه‌ر خۆله‌ك بۆ سیێ رۆژان دێ یا به‌رده‌وام بیت و سیێ خۆل دهێنه كرن هه‌ر خۆله‌كی َژی 25 كارمه‌ند دێ به‌شداربن سه‌رانسه‌رێ پارێزگه‌ها دهۆكێ بخۆڤه دگریت به‌رێ چه‌ند هه‌یڤان ل دهۆكێ ده‌ست ب سیسته‌مێ نوو یێ ئامارێ هاتیه كرن دی به‌رده‌وام بن هه‌تا فۆرمه‌كێ نوو یێ ئێكگرتی ئه لكترونیی بۆ هه‌موو هه‌رێما كوردستانێ دهێته دابینكرن .
ئه‌وژی ئاشكه‌را كركو نها تشته‌كێ باش ئه‌وه پارێزگه‌ها دهۆكێ و هه‌ولێر و سلیمانیی هه‌موو وه‌كو ئێك لسه‌ر ئیك سیسته‌مێ فورما ئامارێ كاردكه‌ن وه‌كو ئێك یێن هاتینه رێكخستن بو نها باشه هه‌تا فورمێ ئیكگرتی ئه‌لكترونیی بۆ هه‌موو هه‌رێما كوردستانێ دهێته دروستكرن.
ئەڤرۆ نیەز، عەلی حاجی :
بریارە سوباهی ل روژا دو شەمبێ رێککەڤتی ٦/١/٢٠٢٠ ل گورەی سالناما ئەرمەنان رێ و رەسمێن جەژنا ژ دایکبوونا حەزرەتێ مەسیح گێرن.
داوود ماردیروسیان ئێک ژ ئەرمانێن دەڤەرا زاخۆیە بۆ ئەڤرۆ نیوز گوت: بریارە سوباهی ل روژا دو شەمبێ رێکەڤتی ٦/١/٢٠٢٠ ل پێنچ کەنیسەیێن ئەرمەنان ل کوردستانێ رێ و رەسمێن جەژنا حەزرەتێ عیسا ل دووڤ سالناما ئەرمەنان ل کوردستانێ و پارێزگەها دهوکی بگێرن و هەر ل هەمان روژ و ل دانێ سپێدێ زوو پشتی رێ و رەسمێن ئایینی ل کەنیسێ ئاینی ب دوماهی دهێن خەلکێ دەڤەرێ ب هەمی پێکهاتەیێن دەڤەرێ ڤە و دگەل ئەرمەنان د کەشەکێ ئارام دا جەژنێ پیروز دکەن.
ئه‌ڤرۆ نیوز:
سه‌رۆكێ فراكسیونا پارتی ل جڤاتا نوونه‌رێن عیراقێ راگه‌هاند فراكسیونێن كوردستانی پشكداریێ ل روونشتنا ئه‌ڤرۆ یا جڤاتا نوونه‌رێن عیراقێ دا ناكه‌ت، كۆ ب كۆشتنا ئه‌بو مه‌هدی ئه‌لموهندس جێگرێ سه‌رۆكێ ده‌سته‌یا حه‌شدا شه‌عبی دجڤیت.
ڤیان سه‌بری سه‌رۆكا فراكسیونا پارتی ل جڤاتا نوونه‌رێن عیراقێ راگه‌هاند فراكسیونێن كوردستانی پشكداریێ د روونشتنا ئه‌ڤرۆ یا جڤاتا نوونه‌رێن عیراقێ ناكه‌ت ئه‌وێ چه‌ندێ ژی دزانن پشكه‌ك ژ سونه‌یان ژی پشكدار نابن.
بریاره ئه‌ڤرۆ جڤاتا نوونه‌رێن عیراقێ ب شێوه‌یه‌كێ نا ئاسایی كۆم دبیت بۆ شرۆڤه‌كرنا بنپێكاریێن سه‌روه‌ریا عیراقێ ژ وێ هێرشا كۆ ئه‌مریكا رۆژا هه‌ینی یا چووی كری و بۆ ئه‌گه‌رێ كوشتنا قاسم سلێمانی فه‌رمانده‌یێ فه‌یلقا قودس یا سوپایێ پاسدارێن ئیرانێ و ئه‌بو مه‌هدی ئه‌لموهه‌ندس جێگرێ سه‌رۆكێ ده‌سته‌یا حه‌شدا شه‌عبی و چه‌ند فه‌رمانده‌یه‌كێن دی یێن ئیرانێ.
فه‌رمانگه‌ها راگه‌هاندنا جڤاتا نوونه‌رێن عیراقێ د راگه‌هاندنه‌كێ دا راگه‌هاند جڤاتا نوونه‌رێن عیراقێ رۆژا ئێك شه‌مبی ده‌مژمێر ئیكێ نیڤرۆ دیاركریه بۆ شرۆڤه‌كرنا بنپێكاریێن سه‌روه‌ریا عیراقێ دجڤیت.
د ده‌مه‌كی دایه ئه‌ڤ كۆمبوونا جڤاتا نوونه‌رێن عیراقێ كۆ چه‌ند فراكسیونێن شیعه ل جڤاتا نوونه‌ران، ره‌شنڤیسا پرۆژه‌یێ یاسایا ده‌رخستنا هیزێن بیانی ژ عیراقێ به‌رهه‌ڤكریه و پێشبینی دئێته‌كرن ل جڤینا ئه‌ڤرۆ یا جڤاتا نوونه‌ران بزاڤا ده‌ستپێكرنا رێ و ئاوایێن په‌سندكرنێ دده‌ن.
ئەڤرۆ نیوز،عەلی حاجی :
د داخویانیەکێ دا هاریكارێ خوە پاراستنێ ل رێڤەبەریا ساخلەمیا زاخۆ بۆ ئەڤرۆ نیوز دیار كر پێشتر رێنما بۆ وان دوكاندار و کۆمپانیان هات بوونە دەرکرن یێ كۆ کەل و پەلێن ڤەخوارنێ داننە بەر هەتاڤێ بەلێ نوکە ل دووڤ وان رێنمایان سزایێ وان زێدەتر لێهاتیە .
زێدەتر خالد سەبری گۆت: ب تایبەتی ل وه‌رزێ هاڤینێ دا ژبەر بلند بوونا پلەیێن گەرمێ گەلەک ژ دوكانداران کەرەستەیێن ڤەخوارنێ و هنده‌ك ژ پسکێتێن كرێم كری داننە بەر هەتاڤێ و ئەڤ چەندە ژی نە ل دووڤ رێنمایێن ساخلەمیێ یە و ژبەر وێ پلەیا بلندا گەرمێ ئەو کەرەستە تێک دچیت و کارتێکرنەکا خراب دکەت یان ژی کەرەستەیێن ڤەخوارنێ نەب رێیا بەرادان ژ كۆمپانیان بۆ دوكانداران دهێنە ڤەگوهاستن،رێنما بۆ ڤێ چەندێ پێشتر هاتینە ده‌ركرن بەلێ نوکە سزایێن وان زێدەتر لێهاتینە و بۆ سالا 2020 دێ ب شێوەیەکێ رژد كار ل سەر وێ چەندێ كه‌ین کۆمپانی و مارکێت وان رێنمایان بجهـ بکەن .
ناڤهاتی زێدەتر گۆت: پێدڤی یە كۆمپانی ب رێیا بەرادان وان کەرەستەیان بۆ مارکێتان ڤەگوهێزن و هەر دیسان پێدڤی یە ل سەر هەر خودان مارکێتەکی بەرادا دانە مارکێتێن خوەڤە ژبەر كو نابیت ئێدی ئەو کەرەستە ل بەر هەتاڤێ و جهێن پلەیا گەرمێ ژ ١٥ زێدەتە بهێنە دانان و هەر مارکێتەک و کۆمپانیەک پێگیر نەبیت ب ڤێ چەندێ دێ هێتە سزادان ل گورەی سزایێن هاتینە دەست نیشان کرن.
ئه‌ڤرۆنیۆز، سالار دۆسكی:
د.محه‌مه‌د ئیحسان، وه‌زیرێ مافێ مرۆڤی یێ به‌رێ ل حوكمه‌تا هه‌رێما كوردستانێ بۆ مالپه‌رێ ئه‌ڤرۆ نیۆز ئاشكراكر كو كورد ئه‌ڤرۆ پشكداریێ ل كۆمبوونا په‌رله‌مانێ عیراقێ دا ناكه‌ن یا كو گرێدایی ب نه‌هێلانا هێزێن ئه‌مریكی ڤه‌یه ل عیراقێ، خۆیاكر ژی كو نه بتنێ كورد دژی ڤێ قانوونێ نه به‌لكو عه‌ره‌بێن سونه و پشكه‌كا شیعان ژی دژی ڤه‌كێشانا هێزێن ئه‌مریكی یه ل عیراقێ.
زێده‌تر ئیحسانی گۆت: ئه‌ف قانوونه بهێته ده‌ركرن یان نه‌هێته دره‌كرن ئه‌مریكا هێزێن خوه ژ عیراقێ ڤه ناڤه‌كێشیت، قانوونێن په‌رله‌مانی ل ڤی ده‌می ل گه‌ل حوكمه‌ته‌كا به‌روه‌خت نه‌شێت رێكه‌فتنه‌كا ستراتیجی ب گوهوریت، هه‌كه عه‌قلیه‌ت بهێته بكارئینان خه‌لكێ عیراقێ دشێت مفایی ژ ئه‌ڤێ رێكه‌فتنا ستراتیجی وه‌ربگریت، هه‌كه ئه‌مریكا خوه ڤه‌كێشیت، عیراق نامینت وه‌لات و دێ پتریا وه‌لاتان نوونه‌راتیێن خوه ڤه‌كێشن ژ عیراق.
ئەڤرۆ نیوز، مەحمود نهێلی:
رێڤەبەرێ چاندنا ڤەزا ئامێدیێ بؤ ئەڤرۆ نیوز دیار کر، کو پترین رێژا باران بارینێ ل ناحیا چەمانکی باریە کو د ئەڤ سالە دا گەهشتیە ۳۰۷ ملیمێن بارانێ دگەل ٤ سەنتیمێن بەفرێ.
ئەندازیار هەکار ئامێدیێ رێڤەبەرێ چاندنێ ل قەزا ئامێدیێ دیار ژی کر، هەر چەندە رێژا باران بارینێن ئەڤ سالە نەگەهشتیە سالا چویی ڤی دەمی لێ رێژەکا باش یا بارانێ دئە سالە دا ژی باریە و گۆت ل ئامێدیێ ۲۸۹ملیم باران و ۱۸ سەنتیمێن بەفرێ و ل دێرەلۆکێ ۳۰۲ ملیم باران بارینه و ل ناحیا سەرسنکێ ۲۹٥ ملیم و ٤ سەنتیمێن بەفرێ باریه و بامەرنێ ژی ۲٦٤ ملیم باران و ۱۰ سەنتیمێن بەفرێ بارینە کو کێمترین رێژەیە ل سنورێ قەزا ئامێدیێ.
ناڤهاتی خویاکر ژی ل ناحیا کانی ماسێ بلندترین رێژا بەفر بارینێ تومارکریە و د ئەڤ سالەدا نێزیکی ۷۰ سەنتیمێن بەفرێ بارینە دگەل ۲٦۸ ملیمێن بارانێ .
ئه‌ڤرۆ نیوز،عه‌لی حاجی:
نوونه‌رێ قاییمقامیا زاخۆ د لژنا سامانێن سروشتی دا د داخویانیه‌كێ دا بۆ ئه‌ڤرۆ نیوز ئاشكرا كر دگه‌ل ده‌ست پێكرنا ده‌واما فه‌رمی نوكه گازا سپی یا وان مالان دهێته دابه‌شكرن یێ كو مالێن وان دووری وان تاخێن پلێت د گه‌را ئێكێ دا هاتینه به‌لاڤ كرن .
زێده‌تر نیشان بوغوس گۆت : ژ وان چار هزار پلێتێن د گه‌را ئێكێ دا هاتینه به‌لاڤ كرن بتنێ 100 كه‌سان به‌هرا خوه یا گازا سپی وه‌رنه‌گرتینه له‌روا نوكه ل نێزیك یاریگه‌ها زاخۆ یا نێڤ ده‌وله‌تی ترۆمبێلێن مه دئاماده‌نه و گازا سپی دێ ل سه‌ر وان مالان هێته دابه‌ش كرن یێن كو مالێن وان دوری وان تاخایه یێ كو د گه‌را ئێكێ دا پلێت ل سه‌ر وان هاتینه دابه‌ش كرن و ئه‌م دخازین د كێمترین ماوه دا به‌هرا وان یا گازا سپی به‌لاڤ بكه‌ین و هه‌ر دیسان من داخاز ژ قایمقامێ زاخۆیه كو داخازا چار هزار پلێتێن دیتر ژی بكه‌ت د ڤێ حه‌فتیێ دا داكو ئه‌م بشێن گه‌را دووێ یا گازا سپی به‌لاڤ بكه‌ین .
ئه‌و چه‌نده ژی ناڤبری گۆت : بریاره دڤێ حه‌فتیێ دا قایمقامێ زاخۆ چار هزار پلێتان ژ پارێزگه‌ها دهۆكێ بكه‌ت و وان پلێتان ل سه‌ر وه‌كیلێن ئازوقه‌یی ل تاخێن فرقێ و نێزیك نه‌خوشخانا سه‌عید پیران و هه‌تا تاخێ عه‌باسیێ ژی به‌لاڤ بكه‌ین و ئه‌م دێ هه‌می هه‌ولان ده‌ین ب شێوه‌یه‌كێ بله‌ز وێ هه‌وێ ب رێڤه ببه‌ین به‌ری وه‌رزێ زڤستانێ ب دوماهی بهێت .
نيشاندان