ئه‌ڤرۆ نيوز:
پيرمام دڵۆپ دڵۆپ
بارزان 0.2 ملم
ده‌ربه‌نديخان 0.2 ملم
دوكان 0.4 ملم
سۆران 0.2 ملم
رێژا باران بارينا 12 ده‌مژمێرێن بوورى
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سه‌ره‌كى Facebook
وه‌زاره‌تا دارايى دێ هويرده‌كاريێن رێككه‌فتنا به‌غدا و هه‌رێمێ به‌رچاڤ كه‌ت
پێشانگەهێ حەفتێ یا پرتووکێ دێ ل دهۆکێ هێتە ڤەکرن
ئەڤرۆ نیوز ، زنار تۆڤی:
وەسا بریارە پێشانگەها حەفتێ یا پەرتۆکێ ل پارێزگەها دهۆکێ بهێتە ڤەکرن و بۆ دەمێ شەش رۆژان دێ یا بەردەوام بیت.
د ڤی واری دا بورهان یەحیا پەیڤدارێ رێڤەبەریا راگەهاندن و چاپ و بەلاڤکرنێ ل پارێزگەها دهۆکێ بۆ ئەڤرۆ نیوز گۆت: وەزارەتا رەوشەنبیری و لاوان، رێڤەبەریا گشتی یا راگەهاندن و چاپ و بەلاڤکرنێ، رێڤەبەریا راگەهاندن و چاپ و بەلاڤکرنێ ل دهۆکێ دێ پێشانگەها حەفتێ یا پەرتۆکێ دێ ل دهۆکێ هێتە ڤەکرن ل رۆژا 9/12 هەتا 14/12/2019 دێ یا بەردەوام بیت، هەروەسا دێ پێشانگەهـ ل دەمژمێر 9 سپێدێ هەتە 6 مەغرەب یا بەردەوام بیت و دێ پێشانگەهـ ل سەنتەرێ قوتابیان ل زانکۆیا دهۆکێ هێتە ڤەکرن.
ناڤهاتی گۆت ژی: د ڤێ پێشانگەهێ دا دێ 12 پەرتووکخانێن دهۆکێ، کو پشکەک ژ وان پەرتۆکخانان دێ نوونەراتیا هەولێرێ و سلێمانیێ و دەرڤەی وەلاتی ژی کەن، هەروەسا دێ شەش هزار ناڤ و نیشانێن پەرتۆکان هێنە نیشادان و ئەڤ سالە هندەک پەرتۆکێن نووتر دێ پشکدار بن، دیسان پەرتوکخانێن کەرتێ تایبەت شیاینە چەندین پەرتۆکێن نوو بکەنە دناڤا بازاری دا، هەروەسا داشکاندن دێ ل سەر هەموو پەرتوکان هەبیت و داشکاندن دێ 10% هەتا 30% د هندەک پەرتووکان دا هەبیت، هەروەسا دێ پەرتۆک ب زمانێن کوردی و عەرەبی و ئنگلیزی و هندەک زمانێن دیتر ژی پشکداریێ تێدا کەن.
ب ڤیدیۆ.. کارەساتا شنگالێ د پێشانگەهەکا گرافیکێ دا هاتە نیشاندان
ئەڤرۆ نیوز، نەوزاد هلوری:
هونەرمەندا شێوەکار (روەیدا حسێن) پێشانگەهەکا هونەرێ گرافیکێ ئێڤاریا ئەڤرۆ ل گەلەریا دهۆکێ ب بەرهەڤبوونا هژمارەکا شێوەکار و هونەرمەند و وەڵاتیان ڤەکر، کو ژلایێ هونەرێ گرافیکێ هاتبویە ڤەکرن و تێدا نێزیکێ 40 تابلویان نیشاندان و دەربرین ل کارەساتا شنگال و ئێزدیان دکر.
حوكمه‌تێ پرۆژێ قانوونه‌كا گرنگ هنارته په‌رله‌مانى
ئه‌ڤرۆ نیوز:
ئه‌ندامه‌كێ لژنا وه‌به‌رئێنان و ئاڤه‌داكرنێ ل په‌رله‌مانێ كوردستانێ راگه‌هاند، حوكمه‌تا هه‌رێما كوردستانێ پرۆژێ قانوونا وه‌به‌رئێنانێ بۆ په‌رله‌مانى هنارت.
شوان زرارى، ئه‌ندامێ لژنا وه‌به‌رئێنان و ئاڤه‌دانكرنێ ل په‌رله‌مانێ كوردستانێ گۆت” حوكمه‌تا هه‌رێمێ پرۆژێ قانوونا وه‌به‌رئێنانێ بۆ سه‌رۆكایه‌تیا په‌رله‌مانێ كوردستانێ یێ هنارتى، به‌لێ هه‌تا نوكه نه‌گه‌هشتیه ده‌ستێ ئه‌ندامێن په‌رله‌مانى”.
هه‌رێما كوردستانێ قانوونا وه‌به‌رئێنانێ یا هه‌ى و ژبه‌ر نه‌گونجاندنا وێ ل گه‌ل ره‌وشا نوكه یا هه‌رێما كوردستانێ، حوكمه‌تا هه‌رێمێ ئه‌و قانوونه راستڤه‌كریه.
پێشتر و ل ده‌مێ دانا باوه‌ریێ ب كابینا نه‌هێ یا حوكمه‌تا هه‌رێمێ، مه‌سرور بارزانى سه‌رۆكێ حوكمه‌تا هه‌رێما كوردستانێ ل هێلین گشتى یێن كابینا نه‌هێ دا، راستڤه‌كرنا قانوونا وه‌به‌رئێنانێ ئاماژه پێ هاتبوو دان و گونجاندنا وێ ل گه‌ل ره‌وشا نوكه یا هه‌رێمێ، كو د به‌رژه‌وه‌ندیا وه‌لاتیان دا دێ هێته راستڤه‌كرن.
جڤاتا وه‌زیران بریاره‌كێ ل دۆر كاره‌بێ دده‌ت
ئه‌ڤرۆ نیوز:
جڤاتا وه‌زیرێن هه‌رێما كوردستانێ ئه‌ڤرۆ چارشه‌مبى ب سه‌رپه‌رشتیا مه‌سرور بارزانى سه‌رۆكێ جڤاتا وه‌زیران و ب ئاماده‌بوونا قوباد تاله‌بانى جێگرێ سه‌رۆك وه‌زیران كۆمبوو.
گفتۆگۆ ل دۆر ره‌وشا كاره‌با هه‌رێما كوردستانێ و گرفت و ئاسته‌نگێن د كه‌ڤنه به‌ر، ئێك ژ ته‌وه‌رێن كۆمبوونا ئه‌ڤرۆ یا جڤاتا وه‌زیران بوو.
كه‌مال محه‌مه‌د سالح، وه‌زیرێ كاره‌بێ راپۆرته‌كا به‌رفرهه ب داتا و پێزانینێن پێدڤیى ل دۆر به‌رهه‌مئینان و مه‌زاختیێن كاره‌بێ و كێشه و ئاسته‌نگ و سه‌رپێچیێن د وارێ كاره‌بێ دا به‌رچاڤكرن.
جڤاتا وه‌زیران بریار دا هه‌موو بزاڤان بكه‌ت بۆ باشتركرنا ده‌مژمێرین پێدانا كاره‌بێ، بۆ ڤێ مه‌ره‌مێ ژى پشته‌ڤانیا پرۆژێ پێڤه‌رێ زیره‌ك بۆ كاره‌بێ دكه‌ت ب جۆره‌كى د به‌رژه‌وه‌ندیا وه‌لاتیان دا بیت، پێرابوونێن توند ژى دێ ل به‌رامبه‌ر سه‌رپێچكاران و ئه‌وین زێده‌گاڤیێ ل سه‌ر تۆرا كاره‌بێ دكه‌ن، هێنه وه‌رگرتن.
په‌رله‌مانێ كوردستانێ قانوونا تاپۆكرنا خانیێن زێده‌گاڤى په‌سه‌ندكر
ئه‌ڤرۆ نیوز:
ئه‌ڤرۆ چارشه‌مبى 4/12/2019 په‌رله‌مانێ كوردستانێ ب ده‌نگێن 74 ئه‌ندامان، قانوونا تاپۆكرنا خانیێن زێده‌گاڤى ب تێبینیێن سه‌رۆكایه‌تیا هه‌رێما كوردستانێ په‌سه‌ندكر.
پێشتر وه‌زاه‌رتا باژێرڤانیان و گشتوگوزار ب رێیا سه‌رۆكایه‌تیا هه‌رێما كوردستانێ 9 تێبینى ل سه‌ر قانوونا تاپۆكرنا خانیێن زێده‌گاڤى هه‌بوو، كو حه‌فت ژ وان په‌یوه‌ندى ب شاشیا نڤیسینێ ڤه هه‌بوو، ئێك ژ تێبینیان ژى تاپۆنه‌كرنا وان پارچه ئه‌ردان بوو كو د ناڤبه‌را خانیان دا ماین.
شانده‌كێ سیاسی یێ هه‌رێما كوردستانێ دێ چیته به‌غدا
ئه‌ڤرۆ نیوز:
بریاره‌ده‌ری لژنا دارایى ل په‌رله‌مانێ عیراقێ راگه‌هاند، رێككه‌فتن ل دۆر بودجه‌ى د ناڤبه‌را هه‌ردو حوكمه‌تێن هه‌رێما كوردستانێ و به‌غدا هاتیه كرن، به‌لێ مه پێدڤى ب وێ چه‌ندێ هه‌یه لیستێن سیاسى یێن عیراقى رازى بكه‌ین ل په‌رله‌مانى ده‌نگى بۆ وێ رێككه‌فتنێ بده‌ن، له‌وما بۆ رازیكرنا لیستێن سیاسى بریاره شانده‌كێ هه‌رێما كوردستانێ سه‌ره‌دانا به‌غدا بكه‌ت.
ئه‌حمه‌د سه‌فار، بریارده‌رێ لژنا دارایى ل په‌رله‌مانێ عیراقێ بۆ مالپه‌رێ فه‌رمیێ پارتى دیموكراتى كوردستان گۆت” رێككه‌فتن د ناڤبه‌را هه‌ردو حوكمه‌تێن هه‌رێما كوردستانێ و به‌غدا ل دۆر بودجه‌ى هاتیه كرن وبریاره سوباهى، یان ل ده‌ستپێكا حه‌فتیا داهاتى بهێته هنارتن بۆ په‌رله‌مانى، به‌لێ یا گرنگ ئه‌وه ل په‌رله‌مانى وه‌كو خوه بهێته په‌سه‌ندكرن، له‌وما دێ هه‌موو بزاڤان كه‌ین كو وه‌كو خوه بهێته په‌سه‌ندكرن”.
ئه‌حمه‌د سه‌فار گۆت ژى” پێدڤیه رێككه‌فتنه‌كا سیاسى بهێته كرن و لیست و ئه‌ندامێن لژنا دارایى رازى بكه‌ین ده‌نگى بۆ وێ رێككه‌فتنێ بده‌ن، له‌وما بریاره شانده‌كێ سیاسى یێ هه‌رێما كوردستانێ سه‌ره‌دانا به‌غدا بكه‌ت بۆ رازیكرنا لیستان، بۆ وێ چه‌ندێ رێككه‌فتن وه‌كو خوه بهێته بجهئینان، چونكى ئه‌وا دێ هێته بۆ هه‌رێمێ مافێ هه‌رێمێ یێ دستوورى یه و چ تشتێ زێده ناهیته دان”.
مه‌سرور بارزانى پێشوازیێ ل بالیۆزێ ئه‌مریكا ل عیراقێ دكه‌ت
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ مه‌سرور بارزانى ئه‌ڤرۆ چارشه‌مبى 4/12/2019 پێشوازى ل ماتیۆ توله‌ر بالیۆزێ ئه‌مریكا ل عیراقێ كر.
د دیداره‌كێ دا كو ستیڤ فه‌یگن كونسۆلێ گشتیێ ئه‌مریكا ل هه‌ولێرێ به‌رهه‌ڤ بووى، دانوستاندن ل دۆر دووماهى گوهۆرینێن ل عیراقێ و ده‌ڤه‌رێ هاته كرن و دووپاتى ل گرنگیا سه‌قامگیربوونا ره‌وشا عیراقێ هاته كرن.
سه‌رۆكێ حوكمه‌تا هه‌رێما كوردستانێ ئاماژه كر كو هه‌رێما كوردستانێ دێ رۆله‌كێ ئه‌رێنى ژبۆ جێگیربوونا ره‌وشا عیراقێ گێریت.
بالیۆزێ ئه‌مریكا ژى پشته‌ڤاانیا خوه بۆ وێ لێكتێگه‌هشتن و پێشڤه‌چوونێ دیاركر ئه‌وا د ناڤبه‌را هه‌رێما كوردستانێ و حوكمه‌تا فیدرالى دا ب تایبه‌ت ل دۆر بودجا 2020 هاتیه كرن و پێگیریا وه‌لاتێ خوه ژى ب پشته‌ڤانیكرنێ ل هه‌رێما كوردستانێ دووپاتكر.
ئه‌نجوومه‌نێ ناڤه‌ندى هه‌لویستێ خوه ل دۆر كۆنگره‌ى دیاركر
نيشاندان
WP Facebook Auto Publish Powered By : XYZScripts.com